五要素食堂 (已結業)

今晚同friend去左the one 行街，打算係度搵食，由於我地都唔係好餓，盡量搵啲輕食。發現呢間餐廳，佢主打日式既飯、手工意粉，見環境都算唔錯。我哋要咗和牛丼飯配溫泉玉子，和牛都有4片，燒得好香，加埋流心既溫泉蛋簡直一流，個飯沾滿蛋汁，加埋蒜片，十分惹味。另外要左推介既蟹肉手工意粉，份量岩哂輕食，意粉更是手工制，都好煙韌彈牙，蟹肉份量都好多，整體味道不錯，難怪係主打。我地再要了個小食，真心推薦要食佢既雞翼，好有驚喜。我地要左芝麻雞翼，佢新炸起，熱辣辣，咬上去好脆口，但入面肉質仲保持細嫩，夠juicy! 估唔到小食會咁有驚喜。價錢都較親民，300左右，幾抵食！

Happy Lunch Time🥢 Wagyu Beef Don❤️..The ONE 內有一間日式餐廳，設計型格半開放式空間感覺舒服，平時經過都想試，今次捉埋朋友來吃個Lunch🍴，午市主打丼飯 & Fusion 菜式，仲有甜品啊啊啊，追加價錢不貴，好豐富呢。ll $134飲品(熱摩卡咖啡）追加甜品(肉桂富士蘋果日式鍋夫）ll $144飲品(熱培茶泡沫鮮奶）追加甜品(靜岡煎茶香蕉焦糖批）2個套餐，附送薯蓉沙律 & 香濃黑椒洋蔥湯🍲。日式和牛丼飯🍚，薄片燒牛加上沙律，連同醬汁拌勻吃很滋味；Hawaii Pizza🍕材料豐富，餅底煙韌，感覺滿足。甜品方面：Waffle 較吸引我，肉桂蘋果帶酸甜果香，加上鮮忌廉，賣相外型討好呢。最後飯後來一杯Latte☕️，心情變好。..×××××ש尖沙咀彌敦道100號The ONE3樓L308號舖,.

今日試吓公司附近嘅呢一間日式西餐，新開嘅餐廳，裝修比較簡約，坐得好舒服，無論係午餐定係晚餐想同朋友好好地傾吓計都非常之適合嘅環境。午市套餐係包左沙律，同埋餐湯。燒熟成厚切牛舌丼嗰日嘅沙律係薯仔沙律，而餐湯係洋蔥湯，呢個洋蔥湯完全係日本嘅味道，而且都幾重黑椒味，飲落去有少少辣。成個午餐嘅賣相非常之好。佢驚有時係真係厚切，好多粒，咬落去係帶爽口，有牛舌嘅煙韌得來，但係又唔會太韌，燒得剛剛好！特別好想讚嘅係佢嘅汁，個汁係甜得來，完全唔會太濃，唔會蓋過咗牛舌嘅味道，做得好好。燒美國黑毛舌牛丼（+日式溫泉蛋)溫泉蛋做得好好，真係做到流心嘅效果蛋汁配埋燒汁一齊送飯，絕配！燒和牛嘅份量都好多，男士們都會夠飽。好濃嘅牛味，啲燒牛連埋炸蒜片一齊食，好香口！最後一定要讚嘅係店員嘅服務態度

The ONE內的餐廳好像除了間泰國野同越南野之外，其他都轉左。今日唔係好想食西餐，跟住見到呢一間買日式食品嘅，價錢亦都唔貴，而且又唔使等位，食!餐牌主要係賣牛肉為主，都有一款雞肉同埋一款豬肉。本身唔太好牛肉，而且我見到佢個豬肉係寫住「豚腩」- 旨辛味噌伊比利亞豚腩丼溫泉肉子 (個名洗唔洗咁長XD), 咁即係比較肥嘅位置，就決定咗揀佢！跟住加$18可以有一個洋蔥湯同埋一個沙律，就加埋佢啦！由我落單到嘢食送上嚟，都用咗啲時間，都差唔多15分鐘左右。現場等食物的人數不數, 咁可能應該是即叫即整吧, 咁樣都幾好呀!嘢食送咗上嚟，個樣都幾靚，幾開胃。試咗個洋蔥湯先，個洋蔥湯就比較嗆口，味道幾刺激。沙律方面，非常之酸，我本人十分喜愛吃酸的，都覺得超酸，但我還是覺得OK嘅。但是我朋友就吃不下去，因為覺得太酸了。第一下就梗係搞爛咗個雞蛋先啦，等啲蛋黃汁流晒落啲飯到。跟住我就試吓個豚肉，肥，成舊肉都唔靭，容易咬，肥肉半肥瘦，正，好啱我食。跟住佢亦都有一啲乾蒜伴係度，食咗兩粒，唔脆口，所以我就冇食到。啲白飯口感好好，好滑好軟身，煲得好好，我都特登食多咗幾啖白飯。而且當啲蛋黃汁流落去啲白飯度，更加滑，更加

呢間餐廳午餐算抵食有日式及西式料理，我哋叫咗兩個午餐再加購飲品及甜品。▶️夏威夷薄餅 9”套餐Pizza都都夠大個，有六件！新鮮整起，幾香脆，餡料有菠蘿、蕃茄、火腿？芝士等等。▶️燒美國黑毛和牛丼套餐有6塊和牛，醬汁甜甜地有啲忌廉味道、仲有好多沙律菜，飯嘅份量好多，一定飽飽，。飲品:加$18/杯，有熱飲，揀咗熱Mocha及熱焙茶泡沫鮮奶。焙茶有拉花，熱mocha 面較多泡沫。另外再加$38/客加購甜品：肉桂富士蘋果日式窩夫，肉桂味香蘋果爽口。而靜岡煎茶香蕉焦糖批，批身林身，香蕉突出。

星期日行完The one 想早少少食個dinner 避開人潮，就見到呢個好似牛丼飯😋美國黑毛和牛丼 -賣相好吸引，完全無照騙。美國黑毛和牛嫩滑，不會韌又不會乾身，食落好幸福感覺。可加多18蚊 配有埋薯蓉和洋蔥湯。個薯蓉好正食，個洋蔥湯個人就覺得黑椒味過重。-蟹肉靜岡大葉手打闊意粉蟹肉部份都算多，但係意粉量就比較少而且比較嚼韌。-靜岡柚子胡椒雞翼煎得外脆內嫩，食落都有啖啖柚子味，食多幾隻都不會內疚。-靜岡抹茶拿鐵 & 靜岡草莓拿鐵雖然價錢有少少🤏🏿貴，但係好好飲，不會太甜，滿足感爆登。整體來講，呢間值得再收藏，好私心個牛丼飯好高質素😍，而且見隔離枱食pizza 都好吸引，個日好可惜個肚仔唔夠空間再叫黎食。

今日約左一個好耐冇見既朋友去尖咀食飯，就邊行街邊搵餐廳食，行開the one 見到有間日本餐廳睇落唔錯就試吓，疫情咁耐又去唔到日本旅行，唯有食日本野一解對日本既思念餐廳門口，而家做緊推廣，外賣八折餐廳待應都是外國人，幾niceMenu, 手打意粉好似幾出名就試下酒menu仲有甜品揀不過驚食唔落就冇叫Couple 可以叫套餐點左《美國黑牛和牛丼青森溫泉玉子》和牛味道唔錯，玉子好滑溜, 撈飯食好香口試吓個蟹肉手打意粉看起來較普通，不過味道特別，跟西餐廳有點唔同，手打意粉較有口感叫左個小食，我最愛既雞翼，有好多味道選擇，最後揀左人氣推介《鰹魚芝麻雞翼》，有驚喜，外皮脆，味道好入味，要趁熱食，下次黎會encore總括黎講，食物尚算不錯，環境簡約舒適，適合與朋友聊天

黎到尖沙咀食嘢，真係超級多選擇，想揀咩菜式都有，而今晚就想食特別啲日本菜式，睇睇OpenRice有咩recommendation，咁就揀咗呢間嘢啦！呢度嘅裝修都幾簡單，餐枱一間距都有適當距離，枱面仲有搓手液，真係幾貼心！仲有成支水比你自己refill，唔錯！見Menu選擇咪算好多，但應該行貴精不貴多路線，Fusion餐廳點樣唔同嘅菜式俾你選擇！首先揀咗溫泉玉子燒雞扒沙律，食之前要成個溫泉打俾你撈，而雞扒份量真係唔少，仲多過啲沙律真係第一次見！好抵食！鰹魚芝麻雞翼好香脆好味，一份有五隻，調味剛剛好，肉質唔算好乾！幾好食渦幾surprise！最後煙豬面肉風乾蕃茄手打意粉，蕃茄意粉食得多，手打意粉就好少食！仲要配合埋豬面肉更加少之有少！呢個對我來講重味要少少，要飲返多啲水！

Today, I go out for lunch and search the restaurants nearby. There is a beef lunch set in Fifth Element Shokudo and looks good. Let's go and try. I need to place an order with a QR code. I ordered US Wagyu Beef Curry Rice with Onsen Tamago, and upgrade to set meal with Hibachi onion soup, thick & creamy potato salad. Onion soup with black pepper flavor, strong and delicious. Potato salad is yum, contains some potato cubes inside. My beef comes! US Wagyu Beef is a thin cut, mixed with hot curry s

平日好少嚟呢個商場食嘢，通常都係喺尖沙咀食完野之後同朋友冇嘢做先會行商場再去睇戲，今日想食少少野先去睇，見到呢一間新開嘅牛肉店，試下啦。唔係特別想食飯好呢，所以就揀咗個沙律，美國黑毛和牛沙律($128)，感覺真係好奢侈。平日5:00左右嚟到，唔算太多人，感覺舒服，而且個人好鍾意呢一種工業風嘅裝修風格，落單係自己scan QR code嘅，等咗10分鐘左右就食到啦。上菜嘅時候已經聞到好香嘅炭香味，烤過牛肉再切片，鋪上調咗味嘅沙律上面，黃牛嘅份量都算好多，有八片，唔會吝嗇，而且沙律份量足夠一個人食。雖然店舖應該主打日本和牛，但係烹調手法純熟，所以呢一隻美國已經好好味，肉質鮮嫩，唔會過多筋。沙律本身亦都係調咗未嘅，酸酸甜甜，亦大少少醋嘅香味，真係好開胃。如果想有一個健康嘅選擇，沙律都唔錯，可以當晚餐㗎啦。下次試下日本和牛先，應該會仲正🥳

去開The One 想揀一間平平地 望落性價比高既餐廳今次就試下 Fifth Element Shokudo呢間餐廳主打日式西餐對於平時食開日式/ 西式既我叫做有D新奇-今次就叫左3樣唔同既野食試一試熟成厚切牛舌丼 ($88)再加薯仔沙律同日式洋蔥湯 ($18)薯仔沙律左左生洋蔥，唔會好漏又開胃日式洋蔥湯偏辣 好飲!平時呢個價去其他地方都未必食到厚切牛舌丼 仲要係有好多牛舌!!牛舌有咬口 又有牛香 推介仲要份量多!-另外叫左個和風煙肉Pizza ($108)呢到既Pizza皮係用酥皮，食落去有咬口但可能都係因為用酥皮既關係 會有少少油但味道都係唔錯的-再加上個鯉魚芝麻雞翼 ($60)雞翼好熱 食得出係岩岩炸完即上夠哂新鮮同香口都唔錯

平日去the one都係行街睇戲多，好少留意有咩食，今日行行吓發現咗間走工業風嘅日本菜，晚市唔使排隊，於是同友人決定試試佢。同好多餐廳一樣，採用QR code自助落單，好方便。大部份店員都係外籍人士，要用英文溝通。Menu偏向日式洋食，除咗有丼飯，仲有Pizza、沙律、手打雞翼同埋甜品。我哋2個人叫咗溫泉玉子燒雞腿沙律、五芝士要素薄餅、日本和牛薯餅。等咗差唔多15分鐘先上沙律，相信係即叫即整。沙律雞肉多過菜，如果個人食哂應該會飽，雞肉調味好正，而且烤得好均勻，沙律菜沾蛋醬食好好味😋和牛薯餅有4大嚿，好鬆脆，佢配咗個藍芝士醬，但感覺唔太夾，就咁食已經好味。最後就係招牌pizza，未上枱已經聞到超香芝士味，食落口啖啖芝士，略嫌咸咗小小，要不停飲水，送酒一流。最後太飽，食淨2嚿打包走。埋單人均約$150，幾抵食，剩低兩塊Pizza變咗我第二日嘅lunch😂😂😂

今日又同朋友去尖沙咀行街，咁啱行到The One附近有啲肚餓，所以就諗住喺呢一度食埋晚餐。呢間餐廳好耐之前已經留意到，但係就冇機會食，所以呢一次即興決定底下就嚟咗。餐廳職員大多數都係外籍人士，所以點都要用少少英文溝通。我哋坐低咗之後，職員俾咗一張有QR code嘅紙我哋落單，我同朋友各自叫咗一份定食同一杯嘢飲，跟住再叫多一份小食share食。我哋叫咗燒美國黑毛和牛丼同埋蟹肉靜岡大葉手打闊意粉，和牛丼嘅牛係薄切嘅，容易入口得來味道都唔錯。而蟹肉意粉就相對普通一啲，味道正正常常，開頭以為手打意粉會煙韌一啲，但係唔係好食得出，所以有少少失望，不過整體來講都唔算好差，如果鍾意食淋意粉嘅人都可以試吓。另外，要特別一提嘅就係兩杯飲品，呢兩杯飲品無論係個樣定係味道都十分出眾，超級推介👍🏻👍🏻

每次喺The One行過呢間日本fusion餐廳，都會好想入去試吓，裝修又幾靚，啲菜式又好似幾特別！今次終於抽到時間黎試吓！可能我哋太早去食，所以都唔算太多人，但食到一半之後已經全場滿座，好彩早啲黎食啫！首先我哋叫咗鰹魚芝麻雞翼，雞翼上邊有啲飯素鋪喺面，肉質都幾滑身，唔會煎得好乾！五件$60都算合理嘅！另外仲叫咗個溫泉玉子燒雞扒沙律，味道都幾唔錯，最鍾意食溫泉蛋嘅我，食沙律前梗係將個溫泉蛋整爛再攪拌！好正！啲菜又新鮮，雞扒嘅份量都幾多，都幾抵食㗎！最後仲叫咗個意粉，煙豬面肉風乾蕃茄手打意粉！都幾特別，唔係有好多地方，可以食到手打意粉！個依份就比較啱重口味嘅人！蕃茄味好香濃！而比例上豬面肉嘅份量都唔算少！幾唔錯都推介，下次會再試其他食品！

呢間餐廳位於The One 3樓，枱與枱之間距離都算寬，幾好坐，店裡大部分職員都是外國人，而且都好有禮貌。點餐可以自己掃QR Code,都幾方便，可以自己慢慢諗要點咩食😛😛。餐廳提供pizza,pasta,扒類，甜品等等。我地點左3樣野食😋和風煙肉pizza🍕$108叫咗個九吋嘅Pizza，第一次食日式style pizza, 食材用左香菇、薄荷葉、煙肉，入口有好香濃嘅煙肉配芝士味道🤣🤣，薄荷葉令到個Pizza食起嚟冇咁油膩，幾清新，好有驚喜😳煙豬面肉風乾蕃茄手打意粉🍝 $108材料有豬肉、蕃茄仔🤪🤪，意粉好特別，第一次見形狀咁得意嘅意粉，蕃茄仔因為風乾嘅原因，所以茄味非常濃郁，值得推介。五要素意大利芝士蛋糕🍰 $58Tiramisu都唔錯😝😝，唔會太甜幾啱我口味，有好香嘅朱古力同芝士味🥰，做飯後甜品一流。🥰推介指數：8/10🌟🌟🌟🌟