五要素食堂 (已結業)

最近尖沙咀The One有店舖售賣最hit日本人氣動漫嘅商品，一定要去湊熱鬧，順便到3/F Fifth Element Shokudo歎個晚餐。餐廳地方唔算大，裝修簡約，落單要用QR code，菜單款式唔算太多，尚算容易。點咗厚切牛舌丼加青森温泉玉子，賣相幾好，多火箭菜及沙律菜，清新爽口，牛舌大大粒，煎得香口，但味道稍淡，要大力咬開，如果煮稔少少，效果會好啲。但配合嫩滑温泉蛋及粒粒柔軟珍珠米，混合一齊食落肚，又OK喎！另外，一定要叫我最愛嘅Pizza！叫咗瑪格麗塔薄餅，餅皮屬於薄身，焗得非常香脆，唔會硬及乾，咬落清脆俐落，配合芝士香濃，簡單成就原味經典嘅風味，好味！

依間好似新新地嘅餐廳，佢個手打意粉好似幾特別，所以就心思思入去試吓。叫咗一個午餐係蟹肉靚岡大葉意大利粉，佢嘅意粉係手打嘅，所以都好吸引我，而且手打意粉喺出面食都好貴，但係佢午餐套餐嘅價錢來講有可以接受。一個餐都係$108再加一，套餐附送湯同埋薯仔沙律，薯仔沙律就正正常常，係嗰啲好Creamy 嘅沙律，而唔係有好多沙律菜嘅。個湯就係黑椒雜菇味增湯。飲落有少少辣味，但都幾好飲。至於我最期待嘅蟹肉意大利粉嘅蟹味都好鮮，佢嘅意粉咬落去都有質感同埋好滑。出面有啲手打意粉係就係有咬口，但係佢通常都會好鞋口。好彩佢嘅手打意粉係滑，配埋佢嘅汁就好正啦。因為食到好飽，所以我又就冇叫甜品了。但如果有朋友一齊食嘅話，可以加$38食個甜品都好呀！

Unprofessional and extremely rude staff, inpatient and yelled at customers. We made the booking via a booking app with record, the male staff at this restaurant refused to admit he missed the booking (even we showed the record). The female staff next to him tried to understand the situation but she was too junior and the male didn’t let her speak. At the end, he yelled at us and kicked us out of the restaurant. We are so shocked that this kind of service happens in a Japanese restaurant group. I

平日經過呢間餐廳幾次，見到呢度嘅晚餐價格相宜，賣相幾吸引，今日終於有機會試吓啦。餐牌都幾多選擇，我哋兩個人點咗美國黑毛和牛丼加青森溫泉玉子跟餐，同埋熟成厚切牛舌丼。-好快跟餐嘅日式洋蔥湯同男爵薯仔沙律就同兩個丼飯一齊上枱喇。日式洋蔥湯味道有啲似某知味炸雞店嘅蘑菇飯嗰個汁，熱辣辣咁飲，幾開胃。薯仔沙律味道都幾好，不過份量就略少。-美國黑毛和牛丼和牛油脂豐富，肉味香濃，而且生熟度掌握得恰到好處。加埋溫泉蛋，好match，配埋跟餐嘅薯仔沙律同埋日式洋蔥湯，份量就啱啱好，感覺都幾豐富。-熟成厚切牛舌丼牛舌味道濃厚，同剛才講嘅牛肉肉味截然不同，頗有驚喜。不過稍嫌角切嘅牛舌每件size比較厚，需要時間咀嚼。配上醒胃嘅醬汁，整體上都幾好食。

平日都會經過尖沙咀The One, 但唔知點解，都未試過到裡面嘅餐廳食飯。今次真係可謂第一次幫襯。呢間餐廳名字非常特別“Fifth Element Shokudo” ,沒有中文名稱嫁。而且服務員都喺講英文嘅，所以，難免都要講少少英文。好彩係掃QR code，自己直接下單，所以下單都非常順利，快捷又方便。我就叫左個美國黑毛和牛丼，同埋海苔水牛城雞翼。雞翼炸得相當好，外面香脆，裡面嫩滑，保持到裡面肉汁。而且又有些少沙律蔬菜同藍芝士伴碟。咁就無咁油膩啦！和牛飯～和牛係薄切嘅。但煮得相當嫩滑。炸香嘅蒜片鋪在和牛上。飯上已淋了醬汁，味道相當特別。有點甜甜地，又有點似西餐醬汁。Fusion感甚濃。吃過後，又係時候，繼續工作。

垃圾餐廳 勁中伏衛生欠佳，水杯污糟服務差，d侍應唔識拎杯碟比客人有個差妹waitress勁無禮貌。食物質素麻麻地, CP值唔值甜品等咗好耐，無人serve我地，最後cancel埋單食完，我同我老婆都胃唔舒服。唔知激氣到胃痛，定食到胃痛😡

係尖沙咀The ONE 行完街，shopping完就想搵間餐廳食個飯，見到呢間餐廳係一間西式日式fusion菜，而且全部侍應都係外國人，就揀左呢間試下。嗌左個北海道帶子荒磯海苔意粉 ($138)，total有5粒帶子，而且size都幾大粒，煎左半熟狀態，唔會煎得太熟而覺得鞋口太硬😗😗 唔會成粒擦子膠咁！而且意粉的確係手打質素， 因為食落去好彈牙，而且每條意粉都係大小不一，所以絕對係真材實料。每條意粉都掛住海苔既香味，令我不禁想愈食愈多添呀！但另外仲加左少少蒜頭粒落去煮，味道未必個個都適合，我覺得唔落蒜頭會比較好。😌另外仲嗌左個味噌燉牛舌配意大利麵包($78)。麵包非常鬆軟，上面加左少少蒜蓉，牛油同芝士粉，再配埋厚切既牛舌一齊食，令層次感大增。但牛舌會有少少辣，食唔到辣既朋友要稍為注意一下啦！So far， 呢間野的確幾特別，因為可以將日式既食材融入去西餐到，呢家好多餐廳都做fusion菜，中意食呢類餐廳既朋友記得揀呢間試下啦！

今日同朋友係尖沙咀睇完日落，之後係the one行下鋪頭，肚餓就係到搵野食，見e間好似唔錯就試下我地兩個人叫左一個pizza一個意粉同一個甜品，都好飽靜岡柚子大蝦手打闊意粉意粉質地比較硬同厚身，望落份量唔算多，但可能因為厚身所以兩個人食都會覺得飽意粉帶有少少辣，雖然唔係好勁，但唔食得辣嘅人要注意喇！蝦好似有4~5隻，都幾大隻，啖啖肉，仲要冇殼嘅，好滿足意粉整體唔會好油，食完都唔會覺得膩辣肉醬至尊薄餅佢係薄底pizza，岩晒我地ed想食pizza又想食其他野嘅人，因為厚底pizza食完都飽左pizza嘅size....兩個人食，每人都可以分到4塊嫁！不過雖然係薄底，但其實淨食個pizza都有少少飽....五要素tiramisutiramisu入面有nuts做底，提升左成個口感面頭嘅cream好soft，唔會好甜咖啡味都好出

$168A4和牛丼菜洗得唔夠乾淨 唔新鮮苦苦地 求其 明hea你 咁都夠膽收我168$228意粉意粉得4粒扇貝完全唔係手打意粉 無蛋黃味 意粉太淋 食落冇口感個汁太咸 一d都唔值呢個價雞翼還可以 抺茶latte求其沖 抺茶粉好多都仲係一舊舊 入口只得奶味泡沫咖啡太苦 唔香 成班趕收工Service好差成餐飯食左差唔多$600唔值呢個價好似求其煮熟一兜比你食食材衰過茶記Bad experience 唯一ok是waffle 有cinnamon香味

今晚放工後去the one行下街，想食埋晚餐，見到呢間餐廳食日式西餐，好似幾吸引我揀咗個美國黑毛和牛丼，上菜速度算幾快，牛肉份量都唔少，如果牛肉味再濃會比較好，牛肉食落有質感，配上幾片蒜片味道比較突出，有少少沙律菜可以平衡肉類嘅油膩感朋友叫咗蟹肉手打闊條麵，要讚一讚呢個闊條麵，因為味道好突出，蟹肉同蘑菇嘅配搭好合適，仲有紅椒做配襯，令賣相更靚醬汁調味得剛剛好，闊條麵吸收晒醬汁，食落比較爽口，同一般意粉質感唔同，特別得來味道又好，值得一試

聽朋友話the one有間食日本嘢幾好食，就趁放假嚟試下，又真係冇介紹錯~呢到係自助掃code落單嘅，非常方便~等緊個陣可以斟杯水飲下先~好快嘢食就送上嚟，嗌咗熟成厚切牛舌丼~每個餐都附送薯仔沙律，軟綿綿，唔濃味，幾唔錯~佢嘅味道淡淡的，似係加咗香草~同樣跟餐的洋蔥湯，唔油膩，加咗足料黑椒喺裏面，所以飲起嚟鹹之餘，都幾辛辣，非常刺激味蕾，令人胃口大增~牛舌好厚好有嚼勁，份量仲好多，滿足我食肉嘅慾望~不過飯量唔算太多，夠哂輕盈，又多菜，岩哂減緊肥嘅女士享用呀！最後加埋杯祖藉日本嘅青森蘋果汁，仲唔夠健康？雖然係蘋果汁，但隻色濃到似橙汁xd飲落好純，有少少蘋果嘅果酸味，好清新！！唔會苦澀，都唔會太甜，更加冇藥水味，總之係好天然嘅感覺，推薦！

係尖沙咀行街行到好攰，想搵間餐廳食下，就揀左呢間日式fusion試吓。嗌左個美國黑毛和牛丼($88)，另外再加$18要左薯仔沙律+日式洋蔥湯。薯仔沙律新鮮，應該係即剁即磨，唔係雪藏薯仔黎，而且洋蔥湯都好多洋蔥，鹹度適中，正正常常啦。重點係黑毛和牛！total有5塊牛，而且都好大塊，每塊都係7-8成熟左右，所以稍為少少韌，但牛味非常濃郁，再配墊佢個燒汁一齊食，牛肉鮮味更為突出！覺得食得太漏嘅話，火箭菜可以幫手中和一下飽膩感，而且份量多得黎，都新鮮！而餐廳亦都採用日本米黎煮，所以每粒米都係少少漲bok bok，粒粒分明！另外嗌左個小食：味噌燉牛舌配意大利麵包($78)。麵包質感非常鬆軟，上面仲茶左少少牛油+蒜頭+芝士粉，牛舌又嫩又淋，但稍為少少辣，想試嘅朋友要小心一下。但我非常欣賞呢碟菜式，因為將牛舌放上焗好左嘅軟包，食落去層次感非常豐富，估唔到連牛舌一齊食，都可以咁有新鮮感，所以唔一定要咁傳統，淨係食蒜蓉牛油麵包咁簡單架～

係尖沙咀行咗全日街，最後一站黎到The One，順便周圍行搵餐廳醫肚仔🤪最後揀咗呢間位於3樓嘅Fifth Elements日式西餐，裝修偏時尚風格（你見牆身係全水泥牆就知道啦～）未到7點，見無乜人～有位即刻入得Menu選擇並唔多，好快就揀岩晚餐～提提大家係掃QR Code落單架！📝美國黑和牛溫泉玉子丼 $98男友點嘅高蛋白丼飯🤣偷偷試左一塊牛，軟稔入味；伴上蛋汁嘅飯更加係一流😋愛知大葉燒雞肉丼 $78香煎過嘅雞肉較為乾身，成個飯配上沙律菜食更有口感，而最特別係拌飯嘅醬汁惹味得黎帶小小柚子香，幾refreshing🌟靜岡和風雞翼 $60 / 5件 每隻雞翼平均10零蚊，價錢中上，而食落味道算中規中矩（圖得4隻係因為我肚餓得濟，食咗隻🤣）→ 左：🍵靜岡草莓綠茶飲落幾特別，原本以為係比較甜嘅飲品，點知飲落好清新，仲有淡淡綠茶香🌱→ 右：🍓靜岡草莓拿鐵奶泡拌勻後，入口綿密，仲食到一粒粒果肉，而且甜度適中♥️

今日行開尖沙咀shopping，之後同朋友商量決定食呢間日式西餐，佢主打丼飯，大大碗價錢唔貴，性價比幾高。由於我地好早食晚餐，人流唔算好多，好快就安排我地入座，職員安排我地坐角落四人位，私隱度夠高。餐廳裝修以木色作檯凳，夠曬簡約乾淨，坐落好舒服，而且闊落。我地每人點左一個丼飯，加了5隻雞翼，兩杯野飲，真係食到好滿足。美國黑和牛溫泉玉子丼 $98 🌟🌟🌟🌟食肉獸的我，一定選擇高蛋白質食物，呢個飯就啱曬我。牛肉一啲都唔韌，成熟度剛剛好，食落好juicy。溫泉玉子撈埋啲飯一齊食，特別滋味，完全俾我清曬。靜岡和風雞翼 $60 （5件）🌟🌟🌟🌟🌟由多種調味料，油炸而成，香脆可口，令人一試難忘。最後，當然點上兩杯飲品，呢間飯先叫滿足。凍靜岡草莓拿鐵 $42 🌟🌟🌟🌟靜岡草莓綠茶 $32總結，呢間餐廳性價比幾高，單以丼飯價錢來講，唔算貴，值得下次再光顧。

If you want a quick dinner in tst but do not want to go to chain store, then fifth element maybe a good option for you.Very simple menu, just like the fast food chain store.Rice, pizza etc$18 for an upgrade with salad and soupBoth were great foe their value The wings took some time to serve as they were cook when you orderedThe beef tongue donburi is great for beef loversVery reasonable price and great portionVery heavy in beef flavour and great texture toothe pizza didn’t slightly disappointAlt