五穀豐收 (已結業)

2月13日同朋友去左仕敦食完飯後,朋友話想食糖水,見到松記超多人排隊,跟住附近有一間食日式甜品的,但朋友話想食薑汁撞奶,發現呢間有,就入左嚟,只有一張枱有人,餐牌係食飯的,不過仕應問我地係咪食糖水,就拎左另一張餐牌俾我地.我們分別叫左腐竹蓮子糖水,芝麻糊加湯丸,椰子雪耳海底椰,薑汁撞奶,我的最快到,腐竹蓮子係好清的,唔甜的,朋友話一點也不甜,幾好味呀,好香腐竹的味道,蓮子都好鬆化,仲有薏米架,海底椰好多料,成碗都係,好重椰汁味,勁多雪耳,海底椰,百合,其實都幾好味,不過我唔太鍾意椰子的味道. 薑汁接奶都好香薑味,幾奶呀.最後先嚟的芝麻糊,朋友話好香好滑好味,不過湯丸就個皮硬左少少,仕應話係自己搓的.整體感覺良好.

Visited the Good Harvest restaurant two times this weekend, first for dinner on Saturday, then once again at tea time on Sunday afternoon. Visit #1 - Ordered "Beef and Enoki" roll with "five grains" rice. The beef and enoki rolls were a a bit harder to chew than these kinds of rolls usually are, and the sauce was rather bland. The five grain rice on the other hand was really tasty, not too wet and not too dry, and it was apparent while eating it, that it consisted of different types of rice (som

佐敦搵食唔知食咩好，原本想去"老趙"食越南0野，卻被五穀豐收大大個招牌吸引住，行左過去，才12時許，店外已有6成客，心想應該靠得住，所以就試下。 個餐牌咁熟口面，咁似杏花樓！？Anyway，點野食，原來12時半前入座會送熱奶茶/ 豆漿。"青檸豬扒"四隻大字吸引住我，就叫這個。5分鐘就有野食，咦？！原來仲有份蒸豆腐，好滑咁bor! 好驚喜，豆腐我最like!! 而且係自家製的，看+吃都係咁滑，豆味很重。主菜豬扒都炸得很透，很好味，加些青檸汁使豬扒沒這麼肥膩！最鐘意係個五穀飯，好大碗，好味又健康！最驚喜的是，以為收$42，埋單只是$36，真係早吃的鳥兒有著數！

行街路過見到五穀豐收的餐廳名，感覺好健康。門面都有一些介紹餐廳的海報，餐廳內的佈置都很簡單，而桌子都只有約十張，眼見服務生都只有2位，落單、收錢都是她們。服務生對我沒有什麼笑容不過都是和藹可親的。因為見她們都同客人有講有笑，我估餐廳都是倏熟客生意。餐牌上的食物種類唔算多，都是以飯和麵為主。套餐有甜品選擇。我去的時候是下午茶時段，餐廳有88折。我點了肥牛金姑卷&蒸豆腐、菜飯及芒果布丁。服務生把餸送到我面前都是熱的，感覺新鮮，但我覺得菜飯的油有點多左，味道方面也沒有驚喜。肥牛金姑卷賣相幾好，而且醬油都幾多，味道唔錯但肥牛肉質有點 “鞋”，而金姑一般。兩餸套餐的另一個餸是豆腐，豆腐本身好滑，而味道全是因為豉油影響。凍的芒果布丁是口感沒有驚喜，而味道有點甜，這可能是因為奶太多，而芒果粒方面不多，但有點芒果香。本身覺份量方面唔多，不過都是眼闊肚窄，視覺上的影響。對我來說是份量是適中的，而味道方面真的比較清淡一點，感覺健康。而言價格方面，雖然下午茶是有88折，但結帳都要$38.7，我心信對於大部份小市民黎講都是比較貴。但對一些沒有住家飯的朋友來說，它是不錯的家常便飯。

之前聽同事介紹過，見五穀飯幾健康一於試下$40 兩餸（肉澡/豆腐）跟菜飯 再配腐竹意米糖水細細碗對一個女仔係夠食，但男人就應該吾夠肉澡同菜飯普普通通，但個豆腐幾香幾滑但碗腐竹意米似乎吾太得意米痴埋一舊舊咁不過$40一餐晚餐食到咁多野，算係抵食！但成日店得一個姐做晒 清潔，上菜， 落單，收錢又係佢

星期日要到佐敦上課, 放飯時間出去逛逛, 一個人開餐隨隨便便就好了 經過五穀豐收看看餐牌, 有點是似曾相識的樣子, 原來是杏花樓的倒模無論套餐內容和食物等也一式一樣。 飯市容人亦不太多, 我一人亦獨享了四人卡位 來個輕食套餐 XO醬炒腸粉 加 熱咖啡 熱咖啡是即磨的出品, 夠熱味道較苦澀, 相比下還是茶餐廳的出品較合意。 XO醬炒腸粉: 小不了油淋淋, 腸粉口感好粉配合唔夠香而只有辣味既 XO 醬, 真係好鬼麻麻地。好快完事, 閃得 ~

食過咁多間甜品…呢間真係勁呀！話說個日同男朋友行行下又想食甜品~可能唔係甜品時間啦~唔係排晒長龍就未開…咁岩經過呢間…其實見無人都有諗過入唔入…不過我地又唔想去義順撘台~就一於試下啦！入到去…算乾淨…得一兩個人食緊麵…見佢D甜品都多款…心諗應該唔會好差掛…經過一輪考慮…我揀左芝麻豆腐花賣相唔見得吸引…一不落去好似好滑咁…一食落口…勁呀！D豆花同芝麻糊配合得天衣無縫！！互相不搶對方味度！因為係無味架！！豆花有好濃石膏味！不過無豆味！芝麻糊無芝麻味！成碗野其實係可以改名做石膏芝麻糊！！講真…我樓下街市賣既$5豆花真係超水準！$9仲有兩碗！抵到爛！好食到喊！之後泥埋個鴛鴦珍珠丸我男人一飲啖湯…即刻咳！辣到搶喉！無乜甜味…但姜味超勁！岩晒坐月中既媽媽…至於個幾粒野…有花生同芝麻餡…唔係一般湯丸皮…係好似水晶包個D皮咁…不過又硬D…口感相當奇怪…食到呢度…我地都想返去買樓下豆花、多多即沖芝麻糊同利川湯圓…

沒有計劃下步行來佐敦，只想到處一逛，在長樂街那邊走了一圈，還是老樣子走到白加士街，麥文記?澳牛?景霖?最後在五穀豐收的門前停下來，見這裡有飯有米線也有薯粉，印象中評分也不錯，就傻呼呼的進內就坐。見鄰桌的小菜飯份量很少很少，就決定叫湯粉，大比要的是泰式燒肉清湯米線，而小比就要木耳番茄湯薯粉，笑言點了全店成本最平的東西? 木耳番茄湯薯粉先到，幸好份量不少，番茄湯雖然很「師傅」但拌起無味的薯粉就成了很好的平台。用的是闊版薯粉，煙韌彈牙，原來自已也有好一段時間沒吃薯粉了，木耳較硬但爽身的口感還是心水，雖然配料稍遜，但整體起碼見得人。相反大比的燒肉米線來到，忍不住笑了他一句「很頹啊~!」湯過多，除了幾件燒肉，就是米線，肉的份量又少得可憐，兩碗賣相對比很大，雖然從他口中聽到不差的評價，但賣相永遠給食客第一個印象，分已扣。有三類不同價錢的飲品/甜品可供加餐，小比簡單要了熱檸水，另要一個豆腐花，自家撞的豆腐花也算幼滑，但豆味近乎零，最後吃了兩三啖變了「為糖而吃豆花」似的。這裡的椅子都是超迷你版，唯一好處是人不多，慢慢坐。但周末人也不多，是否好事?

想來個清淡晚餐，於是試試這間好評不錯的「五穀豐收」我們都選了飯套餐，我要了粟米石班飯，男朋友要了鎮江排骨飯男朋友的先來，看上去樣子一般，我沒有試，男朋友說味道沒有什麼特別我的粟米石班看上去樣子不錯，但一放進口我就皺眉，好重的胡椒味！好鹹好鹹，要不斷喝水才行！其實魚本身的味道是不錯的，雪藏腥味也不重，為何要多此一舉破壞食物的味道呢？粟米的味道不錯，撈飯吃一流，如果再多點汁會更好。另外還附有一大碟豆腐，雖然個人不好豆腐，但也覺入口滑溜，很香豆味，最後也給男朋友全清掉了套餐可以選飲品或甜品，我要了椰汁西米露，很冰涼清甜呢，特別是吃完那個重口味的粟米石班飯後更覺這個甜品是甘露！男朋友要了鴛鴦湯丸，有芝麻味和花生味，外皮是帶點透明的，個人麻麻這種質感因為我較喜歡顏色實淨的那種，而且這個皮有點兒厚。兩款湯丸的餡料都不多，不太滿足，花生是較好吃的，很香，芝麻沒有預期中的流沙效果，很普通。隨湯丸的薑水很辣呢，雖然明知有益驅寒，但真的完成不了．．．路過的可以一試，但沒有必要專誠來試了

今晚跟朋友們在附近食完晚飯想食糖水，因為其中一友人想飲「桑寄生蓮子茶」，而她印象又只有呢間有，就決定來這裡。朋友 1 點：熱桑寄生蓮子茶 $18朋友 2 點：凍海底椰雪耳露 $23本人點：熱椰汁黑燸米 $19朋友 1 和 2 的糖水好快就到，本人的也隨後即上，但本人的一放上桌，我已感到不對勁，點解黑燸米可以白雪雪既，用隻匙羹攪下發覺佢真係俾錯左西米露給我，同佢講啦，佢都肯換返俾我，仲問我碗西米露有無食過，我諗佢應該係倒回去未買o個 d 度。 好啦，之後好快就上返我要既熱椰汁黑燸米給我，佢一上桌我已經覺得佢碗野唔係熱既，摸下隻豌係凍既，同佢講我：我要熱架喎阿姐：咪熱架 lor我：但隻碗係凍架喎阿姐：你食下先啦… 同埋我地呢度熱既都係用凍既叮熱，唔夠熱都係幫你再叮... 我同朋友即時 o 咀... 但我試左一嗒，真係一 dd 都唔熱，我只好同佢講，唔好意思，真係一 d 都唔熱，因為驚會攪肚，麻煩幫我叮返熱。(我真係好驚佢加料)最後佢都幫我叮熱，但都唔算叫就好熱~真係無下次!!!

今日未夠12點就肚餓，早d出去食lunch，記得呢間鋪12:30前落order有優惠，等我行快兩步，12:25到達，由於未到正常rush hour，當然唔需要等位，但其實店內已經八成滿！可能因為店的面積小。order番茄湯米粉+魚片頭+時菜(白菜仔)$29，姐姐話12:30前落order有自製豆漿或奶茶送，可選熱或凍。我選熱豆漿不用10分鐘，即到，湯底有2舊新鮮蕃茄，仲有一pat蕃茄蓉(疑似用攪拌機處理過)，番茄濃亦唔太咸，魚片頭(有3粒)都okay。size跟內容均是輕盈健康，大胃朋友選飯餐可能比較合適。自製豆漿真的不錯，屬低糖類，最好是姐姐上米粉後不久即上熱豆漿，令到杯勁熱豆漿到食完個米粉後可以涼小小，如果唔係可以要飲好耐。經濟實惠，輕盈健康，而且食物有一定水準，附近工作的人可常來

今日來呢間食左番茄湯米線，番茄湯濃，不太咸，飲晒都不口渴，餸就有好多選擇，除左車仔面的料，豬扖同白切雞都有，今次試的牛肉片就夠彈牙，只係羅白唔多夠甜... 米線又滑...最重要係價錢唔貴, 飲品的選擇特別... 一般的有... 凍飲係就係加兩蚊, 但係可以轉埋特飲... 今次試涼粉豆漿... 豆漿淡左D... 但係... 以呢個價錢可以食到呢個質素真係相當滿意~ 見坐得舒服又大雨...坐左好耐都冇趕人走... 下次要試其他野先得~~

這兒除了有主打的五穀飯類, 更有湯麵類, 小食類都可以選擇是否跟餐食. 跟餐有分 A B C 類的甜品, 這三類甜品的價錢相差兩元至四元, 不跟餐亦可慳番幾元.今次選食 西檸雞翼 菜飯 跟 B 類甜品 桑寄生蓮子茶 是$37雞翼的肉質甜美, 有蜜糖味, 沒有西檸味, 有一片檸檬給客人作調味用. 套餐包括3只雞翼, 有一大片豉油豆腐, 如不選配豆腐,可轉要幾條白菜仔代替. 豆腐不錯, 但不是最滑, 無豆味,很多客人都會問待應這是豆腐, 還是蒸水蛋.如不用白飯, 可要菜飯 或 五穀飯, 飯是軟棉棉的, 夠熱,每碗飯的重量有280克, 有需要可加大.那碗桑寄生蓮子茶的甜度適中, 且蓮子很鬆化, 有很多粒的.這間店雖然面積很細, 地方很窄, 所以常常要等位和搭位.不過, 食物都有水準, 經濟實惠幾抵食, 服務良好. 並有八達嘟付款服務, 方便客人.

今日同朋友食左個黑椒蜜糖雞翼菜飯, 我朋友食左個阿婆肉飯, 食物唔錯, 幾夠熱, 而每碟都跟滑滑豆腐花, 全餐廳嘅食物都好似好健康, 感覺有點像杏花樓, 同好座小小, 但中途見有兩個女仔入黎想座卡位, 但當時仍未有位, 所以佢兩個座了在於門口張枱, 很快有兩個卡位客人走, 兩個女仔想入去之際, 剛啱又有兩個人入左去座, 但果兩個女仔仍然好有禮貌咁話再等, 人哋講左三次, 果位戴眼鏡女侍應好似扮聽唔到咁, 但個女仔仍然好有禮貌咁話等多陣, 戴眼鏡女侍應竟然話有排都未有呀, 我哋好忙, 幫唔你留位, 個兩個女仔最終都走左無食到, 雖然唔關我事, 但人哋都係想座卡位啫, 有人走你咪幫佢留留位囉, 果位阿姐啲態度真係好差, 全程口黑面黑, 佢老闆好似請佢返黎倒米咁, 因為呢啲好可能發生於你同我, 所以亦希望呢間店可以改善吓啲服務啦

1. 金陸牛腩薯粉鮮茄湯$28 ~ 牛腩很腍,不過真係夠膽死得一件,不過有兩條幾長的牛根搭夠. 薯粉OK無特別, 而湯底有新鮮蕃茄兩件加一PAT蕃茄蓉,鮮茄湯都幾味精.配芝麻糊 ~ 無想像中的差,因為起碼無粒粒糊狀物,不過始終芝麻不夠香.2. 青檸豬扒五穀飯$39 ~ 五穀飯很香穀麥味,估計豬扒有1.5塊,都OK好味,不會太乾. 雖然豆腐好滑,不過一點豆味都無,而且豉油又無味. 配蓮子貝母杏仁霜 ~ 好味, 甜度剛好,入口有輕沙的口感,不知是否貝母煲溶了.