五穀豐收 (已結業)

佐敦搵食唔知食咩好，原本想去"老趙"食越南0野，卻被五穀豐收大大個招牌吸引住，行左過去，才12時許，店外已有6成客，心想應該靠得住，所以就試下。 個餐牌咁熟口面，咁似杏花樓！？Anyway，點野食，原來12時半前入座會送熱奶茶/ 豆漿。"青檸豬扒"四隻大字吸引住我，就叫這個。5分鐘就有野食，咦？！原來仲有份蒸豆腐，好滑咁bor! 好驚喜，豆腐我最like!! 而且係自家製的，看+吃都係咁滑，豆味很重。主菜豬扒都炸得很透，很好味，加些青檸汁使豬扒沒這麼肥膩！最鐘意係個五穀飯，好大碗，好味又健康！最驚喜的是，以為收$42，埋單只是$36，真係早吃的鳥兒有著數！