五月花港台日料理 (已結業)

4月26日和朋友2個人在旺角唔知食咩好, 打算去17樓那日本店食自助餐的, 聽說有很多人在等位, 剛巧有人按15樓, 見沒什麼人在等就試下啦, 貴就貴過17樓20元/位, 不過算啦不用等位, 入座起計2小時都OK, 一座底就有人問要唔要邊爐, 我問要不要另外付費, 他說不用, 就要了, $169/位+10% 有汽水任飲(杯裝上是汽水機的) 都OK, 直得一提上菜快, 食物都新鮮, 但田螺& 唔知咩魚就認真唔得, 有2款唔記得咩牛柳, 完全是牛肉片, 我覺得麻麻地, 火鍋配料和其他都好好, 都多種類選擇(比起17樓), 火鍋的, 熟食的, 日本食品等等.........我和朋友也說這兒好食過17樓那間, 以後也不去17樓了.

同朋友一早訂左檯,因為有朋友遲放工,所以訂晚上9:30.但準時去到要等位,等到10點先入到去,都算啦,明白佢無人走,真係俾唔到位我地,但係張紙寫明去到11:30,但10:48就last order,就似乎過份D,最尾仲要11:15已經走埋黎叫走(熄左一半燈),我地都肯走,不過見到仲有兩三檯客賴死未走住.我覺得原來你咁早last order就唔該出聲,而且該經理好勁,經理忽然好好笑容同我地傾兩句既時候,在我們無為意之時,拿走了order紙,跟住我朋友俾完幾張去諗住叫我俾張汽水紙佢,原來全幢野已經俾人妙手空空走左.講返野食,其實都ok,火禍個爐真係唔錯,又的式,又夠力,料都ok啦.牛肉幾好食.刺身我地得三款食,其他賣哂,但都算不過不失.不過上菜好古怪,一時多一時少,寫明一客2件有時出2件,有時出1件,問個經理佢都解釋唔到,有D大整古feel.不過以呢個價錢好合理,不過原來930後入座平得個少少,早知早D入去好講喇.起碼多三款刺身(假設佢係賣哂,而唔係全日都無供應!)但服務真係如之前的板友所言,有改進空間啊.

五月十六日光顧,地方較迫,服務態度一般,叫了他們,會行過來,沒有回答你的要求就走開.但有幫你跟進,面不露笑容........黑面.但刺身新鮮,唯份量太細....要密落order.

朋友試過話好食, 女朋友生日關係, 特地訂了檯, 因在附近買東西比訂座時間遲了一點, 但各位留意上到去還有至少六分鐘才到下個timeslot, 接待的經理非常冷漠地說過左鐘要加錢, 仲作勢叫我入去看它們的時鐘, 說到所有都是你的錯, 食就入黎唔食就走咁款囉! 又話入去先至"吞"個位俾我地, 講真, 你有幾好食幾多客但係咁o既態度都係假囉, 好似同你乞先有得食咁, 你扭快個鐘幾多話幾點就幾點囉, 加得果10元好明顯我都唔係無錢俾, 玩晒對晒錶咁搞到人地好似好cheap 其實最cheap 係貴店囉, 講得黎都真係過晒鐘啦呀經理, 我嚴正咁唔該你檢討下你d 所謂招待or 服務態度啦!!重申番我係無食到野所以無評分, 只屬留言, 去到門口已經一肚氣, 如果食左背脊骨落你會唔會食?

總體黎講以任食2個鐘黎d野食吾錯不過個田螺同有個豆fu+皮蛋呢2個就吾太掂!田螺吃落怪怪地好似吃皮蛋甘,而豆fu+皮蛋d豆fu無味又有d硬!吾吸引佢d壽司都算過得去如果真係去吃建議吃d小菜會好d !抵食d而且味道都吾錯! d串燒雞串同雞腎)都好味! 天婦羅就好多油吃落口啖啖油!個度d服務都幾好,因為夜晚較多人有時會比較忙不過都顧到每個客人! 會主動執碟不過就吾太會主動加茶*0*

食九點幾嗰轉, 上到去勁多人等, 見間餐廳唔大, 心諗都唔方坐得舒服...六人坐兩張四方枱, 有啲逼。不過啲人都幾快手, 所以唔會出現唔夠擺嘅情況。好多選擇, 不過好難預份量, 刺身嗰啲要order好密先夠食, 相對啲飽肚嗰啲份量又好大。都係覺得荃灣嗰間好啲, 嗰邊嘅一口炸豆腐, 牛柳, 滑蛋吉列豬扒都好食過呢度。不過呢間嘅炸軟殼蟹幾ok, 夠脆又唔會乾; 刺身就細件咗啲, order極都唔夠喉整體上ok, 係啲侍仔唔知係咪攰得滯定part-time仔, 有一個好悔氣, anyway, 佢哋咁忙, 服務態度算唔錯

前幾晚因為同朋友慶祝生日, 所以黎左呢間食.. 第1次黎呢到食.. 黃金時段$149每位入到去, 地方細細, 但都坐得舒服有好多唔同款既野食.. 仲送個火鍋.. 結果食到好飽!! 最好吃有以下..雞軟骨, 三文魚, 田螺, 蟹子壽司.. etc有時候, 覺得D野太大份.. 我同我D朋友食得好飽但OVERALL都叫做好食的! 抵得再去食!!

為左慶祝考完mock 我同幾個friends係雜誌不斷搵放題食搵左好耐睇左好多食評都睇唔岩最後決定揀左五月花係冇睇食評之下冒險去食不過真係幾好喎入到去d人好nice 好快手落單都好快冇乜漏單情況值得介紹既係:1.雞串燒得好好味好聞之餘又好食2.一口牛柳同上再加上牛柳好嫩好香3.八爪魚上碟時呆左好大件呢!!好抵!!好味!!4.牛肉打邊爐既牛肉都唔輸洩5.三文魚腩真係好多肉果d 唔係得骨食果d6. 日式雪糕大大個好得意好咬口其他既野食都不過不失壽司味道不錯款式都不少刺身都好新鮮不過三文魚可能細舊得濟大件d會比較好炸軟殼蟹d粉多得濟可以改善下埋位每位一百三十幾整體黎講以咁既價錢食到質素唔差既放題已經好好的了值得讚既係服務態度好好人唔怕麻煩好nice 值得推介的!!

昨晚又一次的和朋友去了吃自助餐。原本打算去「青葉」的, 但望望下, 發現它樓下新開了一間「五月花」, 而且等得也沒那麼久, (青葉要等一個鐘, 五月花要等十幾二十分鐘~), 加上和我一起去的她是不耐等的人, 更不用選了。(再選她又黑面的了~)那一間「五月花」說是吃中港台的菜式, 心想, 貪多必雜, 故也不抱厚望。果然, 不出所料…=.=魚生不錯, 幾肥幾新鮮, 不過稍嫌細塊了一些。改正, 不是稍嫌細塊, 係真係好細塊才對…甜蝦卻失了甜味…壽司的飯極大舊兼鬆散, 上面的魚生卻不見新鮮, 不值得吃。稍好一點的是牛柳粒, 不過太大碟了…二人份量卻拿了一碟大如晚飯小菜咁大碟的過來…=.=再加雞軟骨同天婦羅同沙律…同牛柳粒一樣…好大碟好滯…要了杞子桂花糕…好甜…太多杞子了…OrZ唯一比較值得一讚的是醉雞翼同炸豆腐, 好好食~ ^^侍應接單都幾快下, 而且無漏單, 值得一讚, 唯一不習慣是沒人加茶…同埋座位真的太逼了~以它的價錢, 我覺得不值得law…差不多的價錢, 我下次還是會選擇青葉。

復活節紅日去, 6:30pm 前入座$128位加一服務費.原本諗住去青葉, 但睇到呢度想試下呢間. 又OK wor!整體黎講多野食, 幾款好食又會填飽你個肚既都可以non-stop咁食足2個鐘!好滿足~hahaha~上野幾快冇漏單~唔錯! 環境OK~我鐘意佢D燈^_^三文魚刺生: 細細"粒", 但味度OK, 又夠凍! 但衰在細細舊, 口感差D, 又要落單落多D.甜蝦: 好味!鐘意熟食6熟佢又得!桂花糕: 好好味!! 好多桂花杞子, 甜度清清地略甜但我好鐘意~ 凍冰冰又滑嘟嘟~ 好清香! 叫左好多^_^日式雪糕: 原來係雪糕糯米池, 真係拍得上雀巢個隻~ 好好味呀~~~~ 衰左只得vanilla 味. 但都好滿意!豉椒炒蜆: 估唔到有wor, 冇沙! 味美~ 推介!清酒煮蜆: 有沙!!!!!!!!!味一般.田螺: 千其唔好叫~ 但叫左你都可以唔食~ 好嘔心...真係好嘔心!!! 超Dirty ~~~ 又細又冇肉~~~ 叫左真係一粒都唔想食!!一口牛柳: 好林~~幾好味!!其實都食左好多野tim, 但值得講都呢幾樣啦!下次都可能會再去~ 但D 刺生又好似青葉(KT)正D~~埋埋單一位都係$

今次已經係我哋成班同事第二次去五月花gathering喇,上返嚟睇發覺呢間好評多咗好多,我想講,呢間真係實至名歸.我哋13個人訂咗間房唔使等,侍應依然勤快,而且d侍應仲會同你講吓笑添!食物方面,經過上次經驗,我哋少叫熟食,主攻刺身,赤貝,甜蝦,三文魚,唔知食咗幾多,好新鮮.除咗刺身,仲有打邊爐,秀珍菇,冬菇,豆腐,小白菜,蝦,肥牛....熟食有一口牛肉,雞肉串,燒秋刀魚,炒豆角(略太油),紅油抄手...全部都ok! 甜品仲有雪米滋同桂花糕!下次我諗我都會繼續去!

尋日同男朋友去左呢間野食晚餐，訂左位，7點3準時去到。等左2分鐘就安排左個位，仲係卡位tim~！不過o係間舖最角落o個度，但係唔緊啦，兩個人坐四人位都幾舒服~　　要讚的，間野都幾多野食，上菜好快，成晚仲冇漏單tim！而d野都夠熱，good~!　　不過要改善的就係，兩個鐘好似少左d咁，同埋間野好嘈下，服務就普普通通啦，d侍應做野都幾快，不過好似唔識笑咁囉…成個機械人咁…個部長就成晚都好似好忙好忙咁。逐樣講下d野食先，雖然兩個人，但係都叫左好多野（我男朋友食得多…哇哈哈哈）１.刺身：三文魚、甜蝦、八爪魚、赤貝上菜速度快得驚人，但係舊三文魚的size細得仲驚人，仲細過隻手指尾～！雖然係任叫叫幾多都得，不過叫得多都煩啦，點解唔切大舊d比人呢？味道就好一般，其實呢度的刺身真係不吃也罷２.天婦羅：蝦、軟殼蟹d粉厚左d，同埋冇咩味３.火鍋：只係食左拼盤牛牛好味道，其他好一般４.壽司：三文魚、鰻魚、花之戀d壽司好大件，舊三文魚壽司件三文魚可以用來整四件刺身，魚生的味道反而比刺身好鰻魚太乾，花之戀不吃也罷５.一口牛柳、澳洲和牛（係唔係真係和牛呀？=.=）：唔錯，好軟，易入口，味道都好味６.炒蜆：似炒沙多

今晚第一次黎五月花食,因為之前都係去開青葉1行3個人,其中2個可算係食得之人...入到去就問要唔要火鍋,要左...但就比少左個火鍋拼盤唔緊要啦,反正都唔想食d丸,火鍋配料就叫左肥牛,羊肉,蠔,青口,呢幾樣都幾好,唔錯之後就主攻刺身,多數都係甜蝦,赤貝,三文魚,八爪魚同墨魚,但除左甜蝦同赤貝,其他都麻麻...至於其他有一口和牛同另一款牛肉,呢2樣真係好好食,我地叫左2次,仲差d想問佢有冇白飯~另外仲有台北田螺,蠔仔粥(d蠔都幾多沙...),炸豆腐,軟殼蟹天婦羅,海老天婦羅,雞軟骨呢d都幾好味(如果d天婦羅同雞軟骨有d汁同醬點下就仲好喇~)反而刺身,壽司同飲品就冇咩選擇,仲有個蟹子沙律真係唔得...甜品就淨係食左糯米,都唔錯,個fd喪食左5粒2個食得之人都飽左成晚,另外果個就唔駛講...飽死左總括黎講真係唔錯,但平日去會著數d~如果主要食刺身都係去返青葉好d同埋有2-3漏單...

上星期三(27/Feb)同男友去五月花慶祝生日，今次係我第三次去五月花，明顯多客左，d卡位全部都寫晒留座，我訂左位都係坐二人檯一開始要火鍋，不過我叫侍應唔駛送埋火鍋料，咁就可以唔駛食果d乜丸物丸。叫左肥牛、蜆、生蠔，不過蜆同生蠔好多沙，都係主力食期他野剌身同之前一樣咁少，象拔蚌、赤貝、八爪魚都無乜味，章紅魚同另一款魚好腥，所以叫完一輪全部刺身，之後就淨叫甜蝦同三文魚，幸好三文魚好肥美、甜蝦又好甜，very good！(但次次食親都係咁…@@"")其他食物水準一如以往，無大分別，必食一口牛、牙籤牛柳、軟殼蟹天婦羅。不過海老天婦羅稍嫌多粉過頭，口感不太好甜品食左三個雪米"慈"，好滿足五月花裝橫幾好，睇得見o既地方同食具都算乾淨。差就差在店員無乜禮貌可言。好多時將檯放滿食物無位，佢地送食物時會唔出聲夾硬將食物放低，或者要個客幫佢搬開d野，感覺唔係幾好。但我覺得呢間幾抵食(6:30前$129再加一)，下次會再幫襯

我前幾日生會係道搞當晚我約埋D舊朋友同我慶祝日生開頭諗住去BBQ,又好似好熱氣,SO去左食自助餐\,旦又要唔好搵D咁貴=-=咁貴冇人肯黎陪食,SO又要平又要多野食五月花算OK,我睇個你地之前D POST我先去,第一,上菜真係好快,KICK完D紙仔,2MIN內有刺身上,(快過大X保九倍)成晚刺身係唔好可忽視的一樣野,三文魚太細舊,旦味道OK,係D八爪魚變變地(唔好叫)..其它好正常,放心(75分)第二,火鍋,我勸大家唔好要會好D,因為火鍋D宋料麻麻.D丸都麻麻,食左火鍋會快D飽,令你食唔到其它野!(70分)第三,壽司,任食都有咁既水準,真係唔錯,SO一定要叫,雖然外觀叉少少,旦係你好食,拍得住D(元乜元物)(80分)第四,小食都OK旦唔好其待咁高,真係可以接受既楷段,不過不失(65分)第五,間野真係好迫...唔係太細間鋪.....旦坐得唔係幾舒服鋪(65分)第六,我本新訂左位,SO去到唔洗等,如果你未到佢\地仲會打比你地會唔會到,因為果日我去門口問個晝飛小姐時,佢\就係剛剛打緊比我,真搞笑,服務OK既(80分)整體上黎講,直得一去,又平,八個人去都係hk$1,006埋單(九點半後)星期一