五月星牛肉麵

营业中

休息中

好少嚟駱駝柒，今日因事路經嚟個快食，OR搵到五月星，出時先比鏗烏冬條隊吸引左，入去門口位有位阿叔店員，我只係講左7個字：有無menu睇下呀？佢一直望緊枱面個mon，望都無望過我，就立馬好兇震聲呼喝叫我唔好問佢問其他人，全場客人都嚇親望住我，我諗佢哋以為我同佢講打劫，咁我費事比錢佢賺要再煩佢，就行多幾步去返一心想食嘅五月星啦！入到門口，店員姨姨好有禮貌咁招呼我坐低，完全無因為我一個人嚟張單細唔理我或者唔禮貌，無比較無傷害，我即時覺得好委屈同好感動🥺，多謝姨姨。。。要快食，叫左碗招牌紅燒牛肉麵，牛肉大約四塊，蘿蔔大約两舊，唔算多唔算大，湯底造色深，顏色比味道濃，麵身幾滑，整體幾台灣味，下次有時間會再嚟慢嘆埋鴨血同其他小食。

尋找觀塘的台式料理😋 今日黃雨唔想行得太遠近近地搵番之前食過既五月星牛肉麵食下👍不過今次再食，覺得同之前有啲分別，中午時段，店面都唔太多人🧐明明之前坐滿哂，仲要排哂隊😮‍💨今次同樣叫左 🔆試管鹽酥雞 滷肉飯 🔆紅燒牛肉麵🔆青蘋果益力多🔆蒜泥白肉先講試管鹽酥雞 滷肉飯 ，滷肉飯keep到都係正常既，但用來配鹽酥雞既試管配料，有一半都倒唔出，無哂亦無refill番 呢點真係有點失望講番鹽酥雞，今次無之前咁好食，可能個炸粉厚左？食落入面啲肉少左啲😅紅燒牛肉麵 賣相好好，但有啲啲偏咸總括，如果再有機會來觀塘未必係首選，因為同等價錢，可以有其他選擇

打風吾成，同阿仔到APM B+Cimema 看完名偵探柯南萬聖節的新娘，看完後七點幾，想一想之前好姊妹介紹駱駝漆大廈三座一間台灣店，想試吓好過在APM吃很悶，叫了一碗招牌牛肉麵、一碗清燉牛肉麵、一份試管鹽酥雞，一杯蜂蜜紅茶、一杯百里香紅茶。牛肉麵用上牛展位置有一定厚度，吃下軟硬適中，很有口感；湯頭也不口渴👍🏻👍🏻鹽酥雞做成一個個波波，與平常吃的口感更好👍🏻👍🏻👍🏻而且不鹹又夠味啖啖肉；飲品也不太甜，幸福的一餐😍😍🥰🥰

又返到嚟觀塘，好耐無去過工廈搵野食，今次小編行到嚟開源道來到駱駝漆，聽聞有間好好食既台式店！餐廳個環境都唔錯架！坐得都舒服嘅！今次小編叫咗個五月星拌麵！用自己個招牌作為餐牌名，質素都唔差得去邊！今次真係無令小編失望，雖然就係比較素食feel d，但都有肉！而且呢個食法都頗為健康嘅！麵條既質地都唔錯既，而且都幾彈牙！配上椒麻汁，咁就辣辣地！撈勻左，就有少少上色，都幾開胃下。由於係午餐，可以加少少錢有份小食！今次小編係叫咗個黃金皮蛋，個黃金皮蛋有少少辣，其中兩件有少少流心！可以滿足兩個願望！well done

駱駝漆三座11樓相對食肆較為集中，印象中同層有大部分已幫襯過，呢間台灣嘢就比較陌生。張枱細唔緊要，但除咗擺放一排試管調味粉外仲要放個大大盒瞓低嘅筷子盒，搞到張枱再減三分一空間就真係令人好壓迫。就算匿喺工商廈開舖嘅食肆亦唔會收得價錢平，呢間唔例外。最抵食係個蒜泥白肉，收十六蚊份量算係唔少，本身冇加辣，片得夠薄味道適中。嗌咗個「古早味五月星拌麵」，太勁酸醋味同啲菇菌唔多襯。清燉牛肉麵都係嗰種鹵水牛𦟌，唔會留下深刻印象。貪口痕嗌咗「芝士鹽酥雞」，天氣的錯，呢啲天氣食呢味嘢特別顯得膩，食咗幾舊已發覺係夾硬食番剩咗嗰啲。百香果氣泡水係百香果糖膠再配屈臣氏梳打水自己加落去，為解暑渴冇要求。樽仔原味奶茶茶濃、小甜，好飲。朋友內急走咗去舖頭內廁所，返嚟話慘不忍睹、異常污糟，米田共除咗廁板外，分佈喺馬桶其他部分，加上廁格窄，好驚揩污糟到自身云云……差啲連食咗一半嘅牛肉麵都唔想繼續食……

食都唔駛食，人地大把生意一啲都唔會在乎你存在有冇做到你生意！都唔使講好唔好食啊！觀塘大把選擇使鬼搵你！一去到等位已不禮貌，就算忙都可以有禮貌啲同人講聲拎飛，問聲重有幾多個，10張呀！全觀塘得你一間咩

星期日去開觀塘，決定搵啲小店食好味道嘅嘢，去左駱駝漆果邊搵小店食午餐。一去就去左三期十一樓，果到有幾間小店，總有一間岩食。搭貨𨋢上去，𨋢門一開就見到五月星，發現自己又真係好耐冇食台灣嘢，諗都唔諗就行咗入去。一個人食飯，叫唔到好多嘢，於是就叫咗一個台式牛肉麵，再加珍珠奶茶。由於有啲趕時間，於是就請店員幫我將珍珠奶茶轉做外賣杯，等我等陣可以拎走飲，佢都有幫我轉杯無加錢。個面好食，牛又夠淋，湯底又夠清，蘿蔔又淋無渣。珍珠奶茶我無叫小甜都吾太甜，不錯。

觀塘嘅工業區真係好多好嘢食！而呢一間嘅台式小店個人真係好鍾意❤️最推介係佢哋呢度嘅刈包！個包真係好鬆軟 仲甜甜地～中間嘅配料超多：有厚切五花腩、酸菜、青瓜同埋花生🥜五花腩真係好甘香 肥瘦適中 夾埋一齊食 完全唔會好油膩！

唔覺得好食 同行兩個人 兩個都因為d食物太難入口而食剩兩三啖 1.牛肉麵唔夠味七十幾一碗，又宣傳熬製20小時，本身expect佢好好味。但現實係d牛肉軟瀨瀨，又無乜牛味。湯汁又少，對我呢d撈湯汁食面geh人來講極度唔友好。最難接受geh係湯汁真係好淡味，唔可以話唔好食，但唔講佢係牛肉麵個湯，我會真係食唔出。2.滷肉飯太油 中間有d小意外，同行友人一開始覺得滷肉飯無咩汁，問廚房加些少汁，廚房直接大方地另上了一兜滷肉，讚。但最後友人因為太過油膩，食唔落口了。3.豬軟骨拌麵加上甜酸豬軟骨啲醋令到本身唔夠味嘅拌面又甜又辣 4.重點！試管鹽酥雞最優點係佢係脆的，炸衣都唔算厚，食起身無負擔。但丶佢丶完丶全丶冇丶鹹丶味 啲肉又唔知點解都係甜嘅，即使加左調味粉（即係d試管）都唔出味，調味粉都淡淡地味！

這裡裝修實而不華，大木枱、矮背椅、牆壁貼上風景畫，沒有奢華佈置，與台灣的簡樸不謀而合。 午餐幾抵食，70幾蚊，有主食、小食&飲品。點了招牌紅燒牛肉麵🥣$78，配黃金皮蛋、泡沫紅茶。友人點了其他餐，小食併埋一齊食，開心share，包括:蒜泥白肉、麻辣豬耳及手拍青瓜。 紅燒牛肉麵麵條係幾爽口嘅，牛肉用左牛𦟌，有咬口、肉味濃，整體料係唔錯嘅，但美中不足係個湯，食過台灣出名嘅紅燒牛肉麵，湯底係靈魂，呢度個湯，味唔夠濃郁，肉味偏淡，醬油味反而過濃。 黃金皮蛋🥚呢個小食唔錯喎，賣相好靚，蛋黃有小小流心，灑上芝麻增添了香味。 蒜泥白肉🧄-蒜味唔夠麻辣豬耳🌶-豬耳爽脆，麻味幾出，不過如果想食辣而選這個，或許會有點失望，我唔太食辣就覺得啱啱好。 手拍青瓜🥒-青瓜腍左小小，我鍾意食爽口d嘅青瓜，所以呢個唔太ok。 總結，味道唔算十分勁好味，不過都算ok，無伏味。

-試管鹽酥雞炸皮好乾爽，唔會痴曬油好淋，咬入去舊雞有d汁，雞嘅底味都足夠，有好多唔同味粉揀七彩顏色好colourful，個人首推辣粉，大家可以試下幾溝尼食-黑糖撞奶黑糖味好足，而且面頭嘅奶霜加重咗成杯嘅奶味，奶香濃又滑，珍珠彈牙有咬口又大大粒，每次食都必叫黎飲！-蔬果清燉牛肉麵之前試過紅燒牛肉麵好驚艷，今次試蔬果牛肉麵個味就清d，大家可以按個人口味揀，不過蔬果牛肉面依然足料，有幾大舊牛展咁嘅肉，面質結實有咬口，湯清甜食完都唔覺滯-五月星椒麻拌麵五月星椒麻拌麵應該係本人食過數一數二好食，有微微醋酸，椒麻香味濃嘅汁，好惹味。而麵非常順滑有咬口，撈落啲醋汁黎食會食到停唔到口。配料方面好足料，有滷肉 菇 黃椒 青瓜，都索晒啲汁好入味。個人覺得有4.5/5，值得一試。

觀塘駱駝漆大廈不嬲都係唔少人搵食之地，今次就發掘到呢間五月星牛肉麵，街坊格局，環境都有少少台灣懷舊feel。呢度出名食牛肉麵，不過今次同朋友都叫咗滷肉飯🤣🤣仲叫咗個蛋餅share，呢度嘅嘢食份量普遍都幾多，性價比唔錯👍🏻寶島口水雞滷肉飯口水雞有成個例牌咁多，肉質幾嫩，帶點麻香，不過可以再辣啲。滷肉飯面頭鋪滿肥瘦相間嘅滷肉，調味鹹甜適中，飯粒軟熟而且好多都沾到肉汁，味道唔錯😛😛試管鹽酥雞滷肉飯鹽酥雞炸得酥脆，可以任你灑上枱面上唔同顏色嘅試管，入面係唔同風味嘅調味粉，可以自由配搭。刈包+滷肉飯大食之人🤰🏻食呢個套餐都好夠😛刈包用蒸籠奉上，入面夾住花生碎、醃菜同五花肉等，一啖咬落去食到甜甜地幾軟熟嘅包同軟腍嘅五花肉，仲有啲辛辣感，整體又唔會覺得好肥膩😋肉鬆起司蛋餅好厚好大份嘅蛋餅，食到好多拉絲芝士🧀整體味道都幾好。抹香綠茶飲品又係勁大杯，好有舊時台式連鎖餐廳嗰啲感覺，綠茶好refreshing。人均消費：$100推介指數（10分為滿分）：7.5分

喺觀塘嘅工廠大廈入面 真係超多好嘢食！最近又俾我搵到一間好出色嘅台灣菜嗰次就去試咗佢哋個起司火腿蛋餅🥞外皮嘅手抓餅超級鬆脆 內餡加咗好多芝士 上枱熱辣辣嘅時候仲會拉絲 再配埋火腿同埋雞蛋 簡單又好味😋

喺觀塘嘅工廠區不嬲都好多美食 今次就比我搵到一間超級抵食嘅台灣菜😝最推介一定係佢哋個刈包 係用蒸籠裝住好得意😎個荷葉包超香甜鬆軟 入面仲有厚切五花肉 好肥美甘香🐷夾埋入面嘅配菜一齊食 完全唔溜 新鮮熱辣食就最正🥰

話說晚晚係屋企食真係有d悶🙊 亦都因為實在好掛住出面既野食, 有團購就不停幫襯 今次既係 @wuyuexing_beefnoodles 🍜 駱駝漆高手雲集, 呢個牛肉麵係滄海遺珠⚪️ 蔬果清燉湯真係超impressive🍎 比平時既紅燒湯多左份清甜, 更能帶出肉鮮味🥩 成碗湯飲哂！個蔥油雞都係一絕🐥 嫩滑得不得了, 欣賞蔥油係用大量乾蔥爆🧅超香甜小食仲好抵食添! 加$8就有皮蛋/青瓜/茄子, 嗌到成枱都係野試管鹽酥雞送到黎都唔會出哂油, 當然如果自己再氣炸下會更好食搞到好想去堂食佢個蛋餅🍳 不過係屋企食又真係坐得舒服既-宜蘭蔥油雞滷肉飯🍚($70)蔬果清燉三寶牛肉麵🥩 ($85)酸菜魚米線🐟($83)試管鹽酥雞🐥($48)涼拌茄子🍆(+$8)手拍青瓜🥒(+$8)黃金皮蛋🥚(+$8)-五月星牛肉麵觀塘開源道60號駱駝漆大廈3樓11樓F室1200-2200