五月星牛肉麵

营业中

休息中

好少嚟駱駝柒，今日因事路經嚟個快食，OR搵到五月星，出時先比鏗烏冬條隊吸引左，入去門口位有位阿叔店員，我只係講左7個字：有無menu睇下呀？佢一直望緊枱面個mon，望都無望過我，就立馬好兇震聲呼喝叫我唔好問佢問其他人，全場客人都嚇親望住我，我諗佢哋以為我同佢講打劫，咁我費事比錢佢賺要再煩佢，就行多幾步去返一心想食嘅五月星啦！入到門口，店員姨姨好有禮貌咁招呼我坐低，完全無因為我一個人嚟張單細唔理我或者唔禮貌，無比較無傷害，我即時覺得好委屈同好感動🥺，多謝姨姨。。。要快食，叫左碗招牌紅燒牛肉麵，牛肉大約四塊，蘿蔔大約两舊，唔算多唔算大，湯底造色深，顏色比味道濃，麵身幾滑，整體幾台灣味，下次有時間會再嚟慢嘆埋鴨血同其他小食。