五代同糖 (已結業)

逛街逛到腿部發軟，仍堅持多走兩步，只為到五代同堂吃甜品。幸好沒人等位，三個人很快便坐下，並點了三款甜品。最快送來的是幻彩千虹。賣相尚可，但味道一般，那些珠珠有點硬，士多啤梨很酸。楊枝金露雪花冰可謂差，雪花冰非常淡，西柚很苦，芒果很酸。唯一值得讚的是心太軟。一切開馬上有濃郁的朱古力湧出來，味道極佳。吃過三款甜品後繼續說說笑笑，口也乾了，問侍應要了三杯水。侍應態度良好，沒有用任何形式叫我們再點食物或快點結帳。眼看有人在等位，我們亦不宜白坐，所以又點了第二回合。我點了一杯芒果沙冰，唉，實在連許ｘ山也比不上，味道極淡，更有一種油膩感。總結而言，是夜五代同糖令我甚為失望。

久聞此店大名，今天終於有機會一試。六個人，叫了幾款甜品分享。雞蛋布甸 ($63)：布甸香滑，雲呢拿籽增添了香味。好味。心太軟配雪糕($48) x2：　看見朱古力漿有流心的效果，似乎不錯。朋友說很好味。燕窩椰皇燉蛋白($78)：味道清淡，燕窩不多，沒什麼特別。價錢略貴。甜品味道不俗，但未至於十分驚喜。

其實間野人手超級嚴重不足講真丫，人手唔夠丫，就唔好開禁多分店，習中人手咪仲好銅鑼灣個間成兩邊鋪位，先得四個WAITER，一淋就知管理有D問題個男仔仲要幫我落錯單！！！！等位D人出面又無位坐下禁，等得耐丫，係人都走啦。今次叫左原個椰皇燉3．6牛乳第一唔夠甜（淡左D）第二椰皇太細個（唔低）第三得牛奶味，完全無椰子味（除左椰肉）第四得熱的 西瓜西米露西瓜份量充足雞蛋布丁味道不太差

尋晚同朋友係九龍城吃晚飯, 吃完晚飯朋友話想去銅鑼灣吃甜品, 見佢讚到識飛咁, 即管叫老公車我地去試下啦!真係山長水遠咁黎架!!去到攞位, 見門口有5.6個人等緊, 唔知係等位定係等外賣, 咁我咪行入去收銀處問下"唔該, 4位丫" (收銀處位於餐廳中間位置)點知, 果位長頭髮, 帶黑色膠框眼鏡既女仔 描左我一眼之後, 又行返出去門口玻璃門既位置, 原來攞位要派既"紙仔"掛左係門口!!(當時, 仲有2,3個人, 跟我尾入去攞位...)最搞笑係, 佢由尾派返轉頭!! 即係話, 我由龍頭變左去龍尾!!已經嬲嬲地啦, 終於等到有位, 哥哥仔問我地介唔介意搭台, 我地都話ok, 點知我地要搭台既位置, 岩岩係二張圓台中間...唔好話二個男仔坐唔入, 連我地二個女仔都坐唔到...四張椅..仲有其中二張俾其他吃客攞左黎擺袋..根本坐唔落!! 講真, 我地山長水遠專登走過黎吃, 都係想坐低慢慢啖下姐...於是決定同哥哥仔講"我地唔介意等四人台啦, 再等下都ok架, 陣間你俾張4人台我地啦"...點知哥哥仔反問我地: 點解你地唔肯搭台先?我地答: 咁果個位迫丫嘛...哥哥仔再問: 係咪唔迫就肯搭台先?

第一次去食呢間野.入到去唔駛等位......即刻坐低..order左幾樣野..其中一個原味梳乎厘...餐牌上面.寫住要等大約二十分鐘...~我見我唔趕時間...決定order呢個.~其間..我問一個職員..."請問有冇紙巾?"個職員答都唔答我.....一D禮貌都冇..仲要木口木面....是是但但咁拎左盒紙巾俾我..(P.S :當時一D都唔多客人..一D都唔忙....如果你話..客人多..忙碌既話.我都可以理解...D職員係得閒到可以傾計.@@)梳乎厘..要等二十分鐘.~ok 冇問題...我一路等..我等左半個鐘之後....我都唔係太想追問佢..仲要等幾耐...因為我見佢餐牌寫得話要等二十分鐘既話..我就唔差再等多一陣...~追問佢地好似唔係咁好...加上我唔趕時間..~後來...我男朋友..就同我講.....可能佢地漏左單....跟住我都唔太相信....我男朋友..忍唔住問佢地個職員: 請問個梳乎厘係唔係黎緊,可唔可以幫我跟一跟?"跟住呢個職員..去左廚房睇左一睇.....跟住完全冇reply過我....!!我心諗..:你起碼都同我講聲 ....:係呀,黎緊嫁啦...唔好意思~最基本都

同朋友飯後吃甜品~選了這間，網上好評幾多。甜品做得很精致，味道也不錯~就是晚上人太多了，坐得不舒服~等位時間亦很長。價格相對來說亦不便宜~個人喜歡焦糖燉蛋~真係好好味!吃完好飽...焦糖很厚好味!雞蛋布甸(六隻盒裝$58)，幾好味，但真係太少..幾個人分一人一個一口就無了，唔低食!~整體來說甜品是不錯，就是價格偏貴了。

揀選左五代同糖精選，有齊我地三個鍾意食既甜品．Apple Crumble : 蘋果蓉配士多啤梨醬，酸得黎好開胃，又唔係太甜，perfect match．心太軟配綠茶雪糕：濃濃既朱古力，甜而不膩，咬感也不錯．Creme Brulee : 好滑，入口即溶，蛋加奶既味好配合．

上次食過, 覺得味道唔錯, 但服務係零!!! 今次其實服務都係零, 因為佢繼續唔鍾意抹枱 太離譜啦~~ 上手用餐完畢之後d 污漬仲o向到 佢繼續係咁的話係自己趕走d客人law, 而且d staff serve人係黑口黑面o既, 點解呢? 因為太辛苦定係..........??? 留待其他網友評價啦~五代同糖精選 $98 (貴左d, 不過都係想試下) 有三款甜品: 蘋果酥、心太軟、焦糖雞蛋布甸，再配自選3選1雪糕, 我地要左綠茶!!!嘩~~~ 我地先食左啖冰涼o既雪糕清醒一下個味覺先, 之後就當然食左心太軟先啦~~~ 唔可以俾d朱古力硬化ma!!! 心太軟俾我想像中流得慢, haha~~~ 我地都係食左啖雪糕o者, 咁快變實??? 不過佢o既味道的確唔錯, 一啖暖笠笠o既心太軟再配埋一啖凍冰冰o既雪糕!!! 極品蘋果酥一向都係我杯茶, 因為我鍾意d脆脆啊~~~一入口有軟有脆, 滿足哂兩個口感, 而且佢都好足料wor, 大大份咁, 不過我就覺得偏甜左少少, haha!!! 但甜品ma, 當然係比較甜啦~~ 突然記起佢有d蘋果係連皮o既~~~ 正宗ma??? 雞蛋布甸 lee個更喜出望外

Dinner後逛了一會,再次和朋友去吃甜品,這次不用等位了,可能因為多了打通了旁邊的店子,可能是因為太晚(11點左右)!一行三人,店員安排我們坐一張中間位置的6人檯,當時正有三位女士坐著,手袋都放在椅子上,見到店員安排我們"搭檯",直到我站在她們放手袋的椅子旁,她們都無動於衷,店員客氣地請她們讓出位子,她們卻不滿地慢動作拿回手袋,還要一邊不滿地說店員趕她們走!(當時店裡沒有其他空置的座位!)過了一會,該店員告訴我們另一張4人檯剛好空出來,說收拾好了我們便可轉檯不得不在這裡表揚一下,這個店員實在太細心,太有熱誠了!!!!終於不用重覆聽著那三位同檯的女士咒怨般說店員剛才是趕她們走!這次點了::::::::::忘了品名是什麼,"黑糖寒天""芒果""3.6北海道牛奶"之類的名字!椰子雪花冰還有一個紅包冰,賣相沒什麼特別,所以沒有拍照,不過朋友說很好喝,不像茶餐廳的紅豆冰般只喝到椰汁味或紅豆很硬!最後提一提,沒有店員趕我們走!我們邊吃邊聊天,吃完還坐了好一會才走

經朋友介紹來試試，本身沒什麼期望，但估不到有如此好的質數。老婆叫了雞蛋布丁，超好味，最後要買外買返家再慢慢品嚐我叫了朱古力布丁，朱古力味好濃，但好像欠缺了什麼，說不出。另外老婆叫了這個蘋果脆脆，老婆說不錯，但我覺得味道一般

新年假期想搵個甜品食都好難, 因為好多店都休息唔做生意...就係我同屋企人無所事事既時候, 竟然見到五代同糖有開門, 就走入去幫襯lu~今次係我第二次幫襯呢間, 上次係尖沙咀食過五代同糖精選, 今次就試下其他~我地叫左幾個甜品, 有士多啤梨 & 朱古力疏乎厘, 火焰雪山, 焦糖布丁, 心太軟配雪糕~兩款疏乎厘都好綿好滑, 略嫌味道唔夠, 士多啤梨味唔夠香, 朱古力略甜, 但都算唔錯~~ 火焰雪山, 外貌好吸引, 真係好似雪山咁~ 外面個層我唔知係咩, 食落去好似泡泡咁, 可能係D發左既蛋白? 山入面有D雪糕同蛋糕, 蛋糕好綿好軟, 三樣配合埋一齊食, 好特別~~焦糖布丁味道一般, 表面既焦糖好脆, 不過無太太驚喜~心太軟配雪糕, 雪糕要了綠茶味的~ 我覺得佢地既心太軟真係做得唔錯, 當拮穿蛋糕面, 入面既朱古力漿就會即刻流出黎, 好香好滑, 當蛋糕沾滿朱古力漿食真係絕配一流呀!!! 超鍾意!! 雖然呢個下午茶價錢有D貴, 加埋食左差唔多HK$220, 不過真係食得出呢間甜品店既心思~~

行完花市突然想食糖水, 時常經過lee間鋪頭已經想試好耐, 今次終於一嘗心願~~不過總結係, 被服務質素拖垮的糖水鋪!!!鋪頭細細不過迫滿人, 我地去到出面已經好多人等緊, 我原先已經想準備走, 不過男友就打算問一問2人枱, 因為出面多數都係35知已咁!!!果然, 2人枱即刻就有, 不過唔好開心住~~~一去到, 4人枱, 每邊坐2個人, 冇咩特別, 都好正常, 但基本上係上一手食客食完, 佢地只係清左d"大件"碗碟, 枱上仲有好多"細件"餐具同用過o既紙~~~ 噁心跟住我地未睇menu已經叫staff o黎抹枱, lee個order都好正常o者....過左一陣, 仲未有人...我地繼續等, 一邊等一邊諗食乜~~~ 但可惜o既係之前"應"我地o黎抹枱o既男職員ignore左成件事...我地於是o向落order o既時候就想順便叫埋個女職員抹枱@!@但佢係唔回應你收唔收到lee個訊息, 而且仲係黑口黑面咁好似唔想做, 好啦~ 佢去拎布o黎抹枱, 佢真係只係抹枱!!! 我地要提佢佢先拎走埋d餐具 >< 成個過程完全係唔情願, 我覺得好趕客feel~~~ 唉~~~ 大好一個mo

一直都食開另一間既棉花冰....但行到腳累...有地方就入去坐底食我地share左個棉花冰....溝左朱古力味.....味道一般!!!!!又唔係話差既....但都唔係話好wo!!!無平時食開個隻咁好*下次試另一款佢出名會好一點環境幾好...暗暗地好靚食得好開心*而且服務好好...好好笑容價錢不值一提...係度貴小小係正常既share番都係人人20幾蚊...算ok la!!~~

甜品永遠都係飯後既最佳配搭，無論中式、西式我都咁鍾意，熱同凍都有佢地個別既風味，五代同糖又是另一間以星級廚師做招徠既甜品店，不過今次呢間真係比其他做得更出色。呢到最出名既都是雞蛋布甸，基本上每枱上都會見到佢地既蹤影，有人叫一隻，有人叫一盒，雖然一盒是供外賣用，不過店方也不介意堂食，搵埋三五知己，碰一碰蛋殼，別有一番意思。單叫一隻的是用一個玻璃蛋器皿配上焦糖底，外賣一盒那款的是用新鮮蛋殼盛載的，一盒六隻。質感軟滑，雲尼拿味道極香，亦極富蛋香，細嚐之下，發現布滿雲尼拿籽，正是香味所在。蘋果酥係我最鍾意食既甜品，不過呢到既蘋果酥唔係唔好食，不過無左應有個份酸味，係過甜，佢個蘋果底用左D士多啤梨果醬整，好甜，雖然上面既牛油酥整得好好食，夠鬆脆，牛油味重，但係就係俾個餡拖累。叫了兩個奶凍，一個係北海道牛奶，另一個係朱古力奶凍，兩個味道唔錯，朱古力係勁重朱古力味個隻，好似飲緊朱古力奶咁，直情係個隻味，兩者密度都好高，而北海道牛奶則十分著重奶味，兩者好幼滑，用黎震震下咁玩都幾好玩。除左呢D出名既甜品之外，我好欣賞呢個西米焗布甸，唔太甜，蛋味夠，而且個面焗得唔太濃，好鍾意。榴槤班戟其實都係同出面差唔多

服務態度差, 甜品質數實被吹噓得謗張!火焰雪山水準一般, 8人搭檯迫在6人檯, D 服務及口臉差到呢...仲有最後不停抺檯, 專登將張單放響你面前...又再抺檯... 再將張單放響你對家既面前... 使唔使咁呀!