二鍋頭 (福苑)

营业中

休息中

未試過打邊爐 仲會有雞煲同鴨煲附送質素仲要唔差 食材好多都好新鮮 勁抵食！！！最緊要係有任飲啤酒！！！服務員態度超班 同超細心 連湯底都幫我諗埋點擺 真係好體貼！！好少有火鍋店既服務員咁有禮貌

話咁快就嚟到11月📅初秋又點可以少得打邊爐食雞煲呢🍂今次就去左一間係旺角任食火煱嘅專門店🍲.🦆惹味雞煲/鴨煲平時食開雞煲多 今次就嗌左個鴨煲黎試試🦆鴨肉入味得來份量又啱啱好🙋🏻‍♀️咁就唔會食得太飽 可以留返個肚打邊爐👯‍♂️🥣湯底選擇多不得不讚嘅就係湯底另上🤲🏻唔會好似普通店舖直接將湯加入原本個煲度直接打邊爐💦甘樣就吾會好油膩而且湯底多到有八種吾同嘅選擇👀小編三人叫左正宗豬骨湯 好足料🐷啲牛骨髓可以食返 啖啖肉🥩🍗🍖佢仲要每次加湯比我地都仲係濃湯😋吾會食食下淡哂😝.🌊新鮮海鮮食材有鮮蝦🦐吊桶🦑等等 種類好多算好抵食！.🤚🏻良好服務態度店員會隨時隨地執拾枱面🖖🏻一見到冇乜湯就會主動幫你添加湯底🥣仲會同我地換碟！🍽係依家打邊爐咁氾濫嘅營運下🗣保持到咁好嘅服務態度 難得難得👏🏿

呢個時勢開餐廳唔易，更加要支持下啲小店，行到旺角見到旺中南記上面開左間火鍋店，樓下派傳單見到個價錢又幾抵，就同朋友一於試下啦~我覺得性格比都算高，9點前埋單$188+10%，而且仲係雞煲+邊爐任食+任飲飲品。而且我見到飲品都有好多款，仲有好多健康飲品比你揀首先雞煲，有辣度可以揀，我地揀左小辣，呢個辣度對於我唔係幾食得辣既係可以接受，而且啲伙記會係你面前幫你炒炒佢，超香同埋好夠味，雞件都好滑，等我地食完雞件就會收走打邊爐邊爐湯底揀左豬骨湯，好濃郁! 入面係有2舊超大舊既豬骨同啲蔬菜，愈煲愈有味。野食可以自己tick紙或者係自助區到拎，有我中意既餃類同年糕呀，丸類款式都多，而且仲有海鮮食，食材都幾新鮮，牛肉同豚肉係可以同出面連鎖有得比!環境黎講都好舒服唔迫，而且員工啲服務好細心，態度非常好，食完之後都會黎幫襯呀~

難得同我家的太子爺出街食飯， 當然要食佢嘅至愛火鍋啦，行經旺角見到一間好似係新開嘅火鍋店，見到價錢不貴所以上去一試店舖係二樓，我哋源樓梯行上去，後來先知原來有，食客不太多可能新開嘅關係啦，又可能係平日，店員安排我們坐了一張卡位 ，座位闊落舒適店員細心介紹店內食物及環境，我們先食雞煲，再接受店員推介的豬骨煲好快雞煲已經上枱，我們點了小辣，未食已經香氛撲鼻，入口麻而不辣，好味，還可以再添加吃完雞煲後豬骨煲上枱，嘩！好耐都未見過咁大嚿豬骨喇，係想當年豬骨㷛嗰啲豬骨，用飲管吸骨髓，而且仲有兩大件，湯底香甜味濃食物方面，除了落單紙之外，仲可以自己出去選擇食物，而且相比出面其他火鍋，呢間食物品種好多好特別

秋風起最岩打邊爐啦~188+1 既任飲任食火鍋 仲有任食既炒雞煲，抵呀！坐低之後店員幫我學落左個雞煲先，等我地可以食住慢慢揀火煱既料同湯底。炒雞煲好惹味仲可以再加因為雞煲都係任食架！食完雞煲，係會換另一個煲打邊爐既，火煱既料隨左可以係紙上點，仲可以去隔離鋪位既火鍋配料區自取，真係好多款！有唔同款既丸、韓式餃子、肥牛，仲有海鮮架，魚、蝦、 帆立貝、青口、魷魚，帆立貝好大粒好正，點左幾次至於飲品方面，餐廳都落足本，唔係平時啲任食個款水吧，而係一枝枝涼茶，罐裝啤酒任飲。兩個半鐘任飲任食，有咁多款食物同飲品，抵食又好味

天氣一涼，就有好強打邊爐嘅慾望，熱辣辣嘅邊爐，肉呀菜呀翻滾住，溫暖住我空虛﹑寂寞﹑凍嘅心。既然咁有慾望，就唔好猶豫，搵老友去打邊爐。而家好多散嗌打邊爐都好貴，逐碟計，食得飽隨時五六百元一個人。所以要抵食，食得飽，都係食任食化算啲。今次來到新開的「二鍋頭」，地點超方便，就喺旺中對面。喺旺角呢啲旺區，200元倒，都可以食足2.5小時，可以慢慢食，同老友吹下水，唔洗倒滾水落口，實在難得！我六點鬆啲來到，都未有咩客人，香港人遲食飯嘛。環境都算舒服，冷氣夠哂凍，兩個人坐卡位，望到街外風景一坐低就裝定醬料先，呢啲唔洗額外收費飲品係任飲，食熱野飲凍飲好爽～如果啤酒有更多選擇會更開心～雞煲或鴨煲都係任食，鴨煲真係第一次食，就試下啦。食完鴨煲再點邊爐料。個鴨煲真係香噴噴！鴨同雞真係好多分別，鴨有肉味好多，仲有結實的肉，好入味的鴨肉拉出來一絲絲。正～食完鴨煲就揀左滋補藥饍鍋湯底。值得一讚係，唔會就咁倒啲湯落個油淋淋嘅鴨煲入面，係換個新煲～菜﹑丸﹑麵自己拎，肉類海鮮就寫紙落單。蔬菜同肉類都乾淨企理新鮮～好豐富呀，不過記住食得哂先好嗌，唔好浪費！我中意食西洋菜！用來煲湯咁好好味～總括而言，200元倒，任飲任食

秋風起就係瘋狂打邊爐嘅時候，約返班朋友最方便就係旺角，於是就試下新鋪頭。二鍋頭係旺角中心對面，交通同位置對於路痴嘅我都係零難度。價錢方面係旺角區係抵食，每人連加一都係200蚊左右，性價比絕對比其他任飲任食嘅火鍋店超值。一入場鼓油配料都齊備，飲品櫃亦多選擇，而部份食材就放置係食材區，基本上試左大部份食物都係新鮮。食材最緊要係放係有門嘅雪櫃，感覺上好衛生。唯一可惜係炸魚皮和響鈴卷放係食材區已經淋左。打邊爐前可以食左個雞煲或者鴨煲，我地都決定試下鴨煲，估唔到又幾特別，D鴨肉吸晒D汁，味道好正。戲肉當然係打邊爐啦，我地揀左滋補藥膳鍋，幾入味。需要落單嘅食物都黎齊，當中海鮮類係最值得推薦，種類和味道都超水準。食足2個半鐘真係飽住咁走，之後天氣再凍D嘅時候值得encore。

同朋友約左係旺角食雞煲，「二鍋頭」係新之城對面，十分方便，旺中帶靜，可以坐得舒舒服服咁食雞煲～～先order一個小辣既雞煲，其實呢度仲有鴨煲揀，同樣都係任食！店員係我地面前幫我地撈勻啲雞，再炒熱，超香噴噴，熱辣辣，小辣岩岩好，好惹味，雞肉嫩滑，唔會鞋～～除左好味雞煲，我地之後order左個懷舊沙爹鍋，湯底濃郁，又香，但之後加左幾次湯，就無咁濃味～有好多火鍋配料可以揀，魷魚份量多，大大粒帆立貝，墨魚滑同蝦滑都好正，爽彈～～呢度仲有個火鍋自助區，有多款丸類同蔬菜，任君選擇！仲有響鈴、炸魚皮同山根，基本既火鍋料應有盡有～仲有大大個飲品櫃，唔只汽水，仲有好多樽裝飲品，都係任飲～～

依家好多餐廳都有任食火鍋，見呢間試業中，即管試下。21:30前入座$188，21:30後$168。客人可先選食雞/鴨煲，之後再換一個湯底打邊爐，出面好多餐廳都係直接加湯落雞煲繼續打。我覺得雞煲味道唔錯，份量適中，唔會食完食唔到其他野，但個人認為略咸左少少。我揀左豬骨湯底，見到兩大骨豬骨係湯入面，真材實料。任食既食物選擇都好多，仲有海鮮類，蝦同蜆都好新鮮，有啲係自己出去自己拎，有部分就要落單。另加$68/位有海鮮拼盤，但入面有兩款食物都係任食張紙上有的，除非好喜歡食龍蝦同鮑魚（都係好新鮮），如果唔係就可不用加。飲品基本既汽水都有，仲有烏龍茶同龍井，啤酒都係任飲。侍應定時定候會加湯換碟，服務都不錯👍🏼。