二鍋頭 (福苑)

营业中

休息中

其實我真係好鍾意打邊爐㗎！所以一發現有新嘅餐廳，或者未試過嘅餐廳都會好想試下😆今次吸引到我嘅係呢的射燈幾有心思，所以上左去試下原來二鍋頭係任食火鍋黎仲包所有汽水同啤酒調味架都幾齊全㗎有啲驚紅椒絲好辣，所以落少少首先食左雞煲先，兩個人黎講，呢個份量岩岩好講返啲雞先，好入味！肉質岀奇地鮮嫩！通常入味啲雞就會好鞋，二鍋頭係控制火候上做得幾好食完雞煲之後就可以揀湯底了，今次揀左沙嗲湯底。除左點心紙上嘅肉類同海鮮之外，岀面都有好多野食拎㗎！我個人最鍾意流心芝士丸當然唔少得各式各樣嘅菜啦點心紙上嘅海鮮都好吸引㗎，青口encore左兩次仲有汽水啤酒任飲今次食得好飽！又抵食，真係好滿足🤤

今晚同個朋友都想食雞煲，所以就搵到二鍋頭，環境空間都幾闊落，我地坐卡位好舒適。一坐低店員就好有禮貌咁介紹，見到有個鴨煲，都係第一次聽。不過我地食左個雞煲先。店員會即埸幫我地炒，好香，兩個人食份量岩岩好，雞件都幾大件，好入味。食完個雞煲我地試埋個火焰鴛鴦鴨煲。店員真係會係鴨煲內點火，好香既酒味，除左鴨件之外，重有鴨掌，鍾意食鴨掌既朋友一定會鍾意。然後就開始火鍋時間，出面會有個火鍋配料區，有唔同種類丸同菜。另外重有其他火鍋料可以自己填紙落單，款式都幾多。海鮮都有唔少，我叫左海蝦，蜆，帆立貝，同埋我鍾意既白鱔片。鮮鵝腸好爽口，口感脆！食到最後食埋雪條，好滿足！

今日去左旺角二鍋頭食鴨煲同火鍋 一入到去環境都好適合三五知己一同聚餐 一入到去店員服務有禮態度有善,而且仲詳細介紹有咩嘢食,我同朋友就揀咗依個火焰鴛鴦鴨煲,一開始佢就攞咗啲酒去炒好惹味好香! 食落啲鴨肉質都好好味 唔會話好粗糙，不過最緊要都係枝竹好入味！又重酒味！對於一個愛酒之人真係10分讚😍😍食左一陣之後 休息下 就𨍭打邊爐！今次揀咗沙嗲湯底,特別推介嗰個油鴨脾！好重味好正！而且啲牛肉羊肉同埋黑豚肉嘅水準都好唔錯 尤其係羊肉，真係我嘅最愛。絕對可以一試！海鮮嘅質素唔錯 鯇魚片好滑 而且d海蜆嘅味道好有鮮味！ 餐廳仲有自助區，有好多蔬菜，丸，仲有我最鍾意嘅響鈴卷，同埋凍豆腐。個人推介唐山菜，真係超新鮮，焯一焯就可以食，完全食得出菜嘅鮮甜味。響鈴卷都好鬆脆，配買沙嗲湯底真係一流。飲品嘅選擇都好多,有汽水，鴻福堂飲品，仲有甜品食,係雀巢雪糕，真心推介！

咁凍嘅天氣果然打極邊爐都唔會厭！呢日同朋友去旺角行街，見就係旺中對面新開左呢間邊爐店，所以就諗住去試下新野。呢間邊爐店係任飲任食嘅形式，肉類都係自己畫紙仔落單，菜類就出去大雪櫃自己揀，我地首先點左個蕃茄薯仔濃湯鍋，酸酸甜甜勁開胃。我地叫左羊肉片、豬肉片同豬頸肉，每碟嘅份量好少，啱晒樣樣都想試啲嘅人，肉類嘅質素都唔錯，我地呢幾碟都叫左兩round。另外海鮮都當然唔少得，我地叫左海蝦同墨魚滑，海蝦隻隻手掌咁長，墨魚滑夠彈口。蔬菜同丸類放晒係呢個落地大雪櫃，勝在種類夠多，淨係菜類都至少有五六款，仲有十幾款丸、腸仔等等，加埋鮮支竹、炸腐竹、茹菌類、豆腐豆卜之類，數得出嘅打邊爐配料都有，加上雪櫃有趟門，食物更加衞生。另外亦有我最愛嘅炸魚皮同響鈴，麵仲要係出前一丁！打邊爐食到咁熱，最需要就係飲品任飲，呢度仲要過份到有雪糕雪條任食，打完邊爐食絕對係最佳享受！

聽朋友講呢度開咗一間任飲任食嘅雞煲價錢仲要唔係好貴所以就嚟咗同朋友食一開始會有唔同嘅調味料一個架咁樣俾你感覺好貼心特別推介沙嗲醬再加蒜蓉之後我哋會食任食雞煲可以添我哋添左一次兩個人啱啱好啲雞皮唔會好肥雞翼亦都非常之入味🐥🐥食完雞煲之後就轉打邊爐 🍲 我哋叫咗一個清清地嘅豬骨湯底入面有好多蔬菜用料好足呢度食物嘅肉質唔錯好新鮮特別推介唔同種類嘅牛肉同豬肉其他火鍋配料方面佢都有唔同種類嘅院童腸最鍾意食佢個芝士波波腸唔好雪得太硬仲有入面啲芝士好滋味🤪🤪飲品都係有平時嘅汽水同埋鴻福堂嘅細細支飲品 另外仲有雪糕食添真係一個好美滿嘅晚上🥰🥰

餐廳衛生令你安心 今次武漢肺炎來勢洶洶，全城都缺口罩，清潔用品,甚至大家都怕，唔敢出街食飯，我覺得連出街飯都驚，就太誇張了！ 我地無咁驚，出左去旺角打邊爐。二鍋頭正正響旺角中心對面，十分方便。    去到見到餐廳啲店員們都有帶口罩四周圍都乾淨, 唔會咁驚。  原來打邊爐之前有個好足料嘅雞煲, 有好多件雞都係厚肉, 充滿乾蒽, 洋蔥等味道. 湯底有8款, 我地點左藥膳, 裹面有紅棗, 黨參, 北芪, 聞到都覺得補! 之後就響格仔紙剔所需要嘅嘢食或者響一個拎食物的專區你想要嘅食物, 都幾多選擇. 無論係腸, 丸類, 菜, 餃子, 炸物等, 樣樣不同嘅食材都有多款, 新年後, 啲菜好貴, 食菜又健康, 所以食多少少. 另一推介係鱔片, 肉質爽脆, 好香鮮魚味; 水餃脹卜卜, 餡料十足, 無論湯底定係配料, 都唔會太咸.嘢食吸引之餘, 飲品同雪條都好啱飲啱食, 飲品有我必須嘅Zero, 仲有楊協成，　鴻福堂及大量啤酒等等。　雪條係馬來西亞出產奶味香濃嘅芝麻，紅豆黑糯米同香芋味. 香芋味好正, 食到粒粒芋頭,椰汁味濃, 一口氣食左3枝. 真係飽到上頂~!

我地今日去左一間新開嘅火鍋店，名叫「二鍋頭」，點解老闆改呢個名呢？相信因為餐廳會提供兩個火鍋俾客人，第一個鍋有得揀惹味雞煲或者火焰鴛鴦鴨煲。第二個就係火鍋，有唔同湯底揀，而且款式仲好特別，有滋補藥膳、冬陰公，甚至香茜皮蛋鍋都有👍🏼👍🏼我就揀左雞煲同豬骨鍋啦。先講雞煲，餐廳雞煲肉質非常新鮮嫩滑😍😍 而且雞肉非常入味，辣辣地但又唔會頂唔順，連我咁怕辣都食得好滋味🤤🤤第二個鍋就係豬骨火鍋啦。湯底非常靚，有濃濃嘅豬骨味。餐廳提供好多火鍋料我地。當中最抵讚就一定係海鮮啦！海蝦非常新鮮生猛，肉質厚實爽口👍🏼👍🏼 花枝片新鮮、極度爽口彈牙，所以我不斷叫，實在太正🤤🤤 墨魚滑都係無得頂，所以我好推薦朋友黎食海鮮！除左外鮮外，火鍋店提供唔同類型嘅材料，有頂級肥牛、黑豚肉、羊肉片、沙爆豬皮、胞鯇魚腩、魚片、花技片、白鱔片等等。仲提供鴻福堂清熱降火飲品，適合邊打邊爐，邊解熱氣，唔洗驚第二日上火爆暗瘡😂👍🏼

旺角行完街，經過見到招牌二鍋頭，寫住2個半小時任食任飲雞煲及鴨煲，心諗咁抵？但朋友唔想食雞煲，我地上去睇睇係咩東東。見到都幾乾淨，時間尚早人流唔多，我同朋友都餓了，就叫左任食火鍋大吃特吃！258有2個鍋真係太多（同時真係好平！），我同朋友直接要了火鍋，選了蕃茄薯仔湯底。但鍋好傳統 － 又大又深，方便一次過淥多d野食，湯底都算濃，用上好多蕃茄。外面有個凍櫃放了丸類蔬菜等食物，有玻璃門打開，乾淨衛生。食物都新鮮，蔬菜條條都好靚，想攞幾多都得！另外仲有一張落單紙叫肉和海鮮類，這樣的安排好好，因為呢d食物易變壞，唔方便放在凍櫃自由地攞。肉類新鮮，唔會雪到變色，蝦都好大隻生猛！野飲雪榚都係任攞，唔單止有啤酒汽水，仲有支裝養生飲品，用黎降火好！用料新鮮，上菜落單快，食物配料都多，見到人地個雞煲都好正咁，258包哂所有野，性價比真係幾高！

今日天氣凍 突然好想打邊爐 又想食雞煲 我上網爬文 發現旺角西洋菜街間二鍋頭 地點就腳 又可以一次過滿足我兩個願望呀有2款可選擇 雞or鴨 重要係任食呀最後我地簡左二鍋頭惹味雞煲 小辣好正呀 好多 雞件數量都好多淡淡肉 侍應哥哥仲好好人 幫我地炒雞 小辣味道剛好 十分惹味 食完雞煲就打邊爐啦 有好多款湯低選擇 我地簡左川椒麻辣鍋 結合辣椒與花椒 麻而不辣 正Order紙上有收費小食 海鮮類配料及免費自選類仲可以去自選區夾其他野食 種類有好多 西洋菜 菜心苗 白菜 通菜 油麥菜 稻庭烏冬 萵筍腐皮 山根 金菇南瓜豆腐 各種各樣丸類 有成30款選擇 鍾意食蔬菜嘅我真係好開心響鈴同魚皮 出前一丁飲品種類好多 我自己比較鍾意飲鴻福堂嘅凍檸蜜仲有甜品安排 但係真係飽到已經食唔落餐廳都有好多卡位 坐位較闊落 適合大班朋友一齊食飯

朋友推介走左去食 難得見朋友 個陣又未宜家咁 雞煲係真心正 不二之選🤤當時去食係試業期間 價錢唔貴 晚市都係一位$15x味道都唔差 雖然自己唔係好食得辣 但都好食同入味 有人行過見無都會主動refill! 淨係依樣都做得好好基本上打邊爐有既野都有 野飲都足 環境又啱坐不過收費個陣先見到淨收現金 唔知之後有無增加付款方式 當然宜家有payme成班食飯夾錢都方便既 唔係太大問題 有機會一定可以再去 仲要係約埋一大班人食飯就最好😃😃

旺角地點方便，搵到間任食打邊爐。記得之前都好鍾意食呢間餐廳前身嘅中菜，估唔到咁快就結業。餐廳環境坐得舒服，我哋咁岩坐到卡位。$188就可以任食2.5小時，抵！先來一個雞煲叫咗小辣，雞炒得好香，夠滑。雞煲都可以任食，不過食咗一次我哋就覺得夠啦，因為想留返個肚打邊爐。火鍋配料尚算多選擇，基本上豬牛雞丸類、餃類、海鮮等都有。另外出邊有個位有更多不同嘅配料：有菜、炸魚皮、麵類、雪糕、飲品等等。呢個價錢真係抵食！

🥢旺角$168 起 ,一次過食曬火焰鴨煲惹味雞煲豬骨煲🥢雞煲就成日食，今次搵到一間可以放題食雞煲鴨煲，食完之後仲可以揀火鍋湯底打邊爐，仲有大大張卡位坐得好舒服，聽到都真心覺得好抵食🥢$188 位 / 2.5 小時任食雞煲鴨煲自選火鍋（需加一，埋單$414/2 位）🥢惹味鴨煲，可選大中小辣，點了中辣唔算辣，店員拿鴨煲上檯，然後會贊酒落去點火，酒的香氣直迫整個鴨煲，而且份量都幾多啖啖肉，鴨肉鴨掌很入味有咬口🥢惹味雞煲，大大一煲，都是點了中辣，感覺不算辣，雞煲很多汁真係夠曬濃夠惹味，肉質鮮嫩入味🥢自選火鍋，共有8款湯底可選，+$20 可雙拼，今次選了豬骨煲，來到時發覺真心足料，豬骨煲有一大舊豬骨雞腳，煲滾後試一啖充滿骨膠原🥢火鍋配料除了紙仔上的，出面配料區，可以拿蔬菜丸類，夠曬新鮮🥢海鮮，蜆肉鮮味肥美，白鱔片油脂豐富夠實肉，海蝦很爽鮮甜，很少放題火鍋店用海蝦任食，真係開心🥢飲品有啤酒汽水支裝涼茶，最後食埋個出前一丁真係飽到上心口，但都一定要食埋雪條先走，因為有我鐘意的馬來西亞雪條，唔係到到有得食🥢呢間店坐得舒服，樓底高所以通風幾好，雞煲鴨煲豬骨煲任食真係食到

fattybrownbrown 夜晚想食雞煲加打邊爐，朋友就推薦呢間係旺角中心對面，又質素的「二鍋頭」～🍲餐廳十分乾淨，裝潢不錯，沒有一般打邊爐的餐廳或酒樓咁好污糟/或地方凌亂。餐廳是2.5小時任食的，首先可以選吃雞煲/鴨煲(或者食晒兩個，任食可吃完再叫)，然後再打邊爐，2-5人可以選一款湯底，6位以上就可以選兩款湯底～ 有好多食物選擇，除左下面可以自己手寫落單外，還有一個自助區，食物種類十分豐富～brown brown 覺得最特別的是唔係間間餐廳有既韓式粉絲餃同韓式泡菜餃首先黎左個雞煲，好香，啲雞啖啖肉，辣得黎好上癮的，應該係brownbrown 食過的雞煲中，頭三位最好食 惟一覺得可惜的係，佢個份量真係太多 兩個人食完個雞煲，差點食唔到其他野～食完個雞煲就叫左個滋補藥膳鍋，就開始打邊爐食物相當新鮮，肥牛，黑豚肉同羊肉片相當高質，唔會好快令到個湯底好油～ 仲有好多飲品、雪糕同雪條提供總括黎講，性高比高，優質食物，地方乾淨，brownbrown一定會再黎

同好姊妹在旺角地鐵站D2出口附近旺角中心shopping 完係時候要醫吓個肚，行過對面食肆林立，見有二鍋頭火鍋，原來是有雞和鴨煲加火鍋任吃任飲2.5小時。餐廳是在2/F裝潢放在天花的幾盞別緻燈飾，因開張不久所以週邊感覺環境舒適。鎮店名煲二鍋頭惹味雞煲，一打開蓋香氣四溢，肉質鮮嫩，確實名付其實很惹味，值得推薦👍。跟著上火焰鴛鴦鴨煲，侍應將火捧點在鴨煲上，噸然烈火熊熊,微微焦香的火焰鴨肉，入口肉質緊緻😋。源源不絕的有多種火鍋配料，海鮮類蝦和脆肉鯇魚也是我至愛。最後還有韓國雪條、雪糕和飲料為這豐足火鍋畫上完美句號！

呢間餐廳都係同事介紹真係超高cp值 又有得食雞煲又有得火鍋火鍋食物可以喺紙上面選擇或者出面有個食物櫃 而且飲品同雪糕都任食真係超級超值而且佢個雞煲嘅質素都非常唔錯 有唔同辣度可以揀 雞夠嫩我哋加咗一次雞煲之後就開始食火鍋 火鍋有好多個湯底可以揀 雞煲都幾飽我哋就主要叫啲海鮮同埋少少肉類海鮮都好多選擇 魷魚 鯇魚 蝦 帆立貝 青口吊桶仔 樣樣都幾唔錯 我地今日3個人咩都叫試下 夠晒滿足另外肉類我哋就叫咗 豬肉 牛肉 唔會太肥 都有肉味 佢都仲有幾多其他選擇例如鴨腳雞子鵝腸重點係職員服務態度好好 位置闊落有卡位坐 地方夠光猛