影片
更多
2020-03-03
8 浏览
咁凍嘅天氣果然打極邊爐都唔會厭！呢日同朋友去旺角行街，見就係旺中對面新開左呢間邊爐店，所以就諗住去試下新野。呢間邊爐店係任飲任食嘅形式，肉類都係自己畫紙仔落單，菜類就出去大雪櫃自己揀，我地首先點左個蕃茄薯仔濃湯鍋，酸酸甜甜勁開胃。我地叫左羊肉片、豬肉片同豬頸肉，每碟嘅份量好少，啱晒樣樣都想試啲嘅人，肉類嘅質素都唔錯，我地呢幾碟都叫左兩round。另外海鮮都當然唔少得，我地叫左海蝦同墨魚滑，海蝦隻隻手掌咁長，墨魚滑夠彈口。蔬菜同丸類放晒係呢個落地大雪櫃，勝在種類夠多，淨係菜類都至少有五六款，仲有十幾款丸、腸仔等等，加埋鮮支竹、炸腐竹、茹菌類、豆腐豆卜之類，數得出嘅打邊爐配料都有，加上雪櫃有趟門，食物更加衞生。另外亦有我最愛嘅炸魚皮同響鈴，麵仲要係出前一丁！打邊爐食到咁熱，最需要就係飲品任飲，呢度仲要過份到有雪糕雪條任食，打完邊爐食絕對係最佳享受！
我地叫左羊肉片、豬肉片同豬頸肉，每碟嘅份量好少，啱晒樣樣都想試啲嘅人，肉類嘅質素都唔錯，我地呢幾碟都叫左兩round。
另外海鮮都當然唔少得，我地叫左海蝦同墨魚滑，海蝦隻隻手掌咁長，墨魚滑夠彈口。
蔬菜同丸類放晒係呢個落地大雪櫃，勝在種類夠多，淨係菜類都至少有五六款，仲有十幾款丸、腸仔等等，加埋鮮支竹、炸腐竹、茹菌類、豆腐豆卜之類，數得出嘅打邊爐配料都有，加上雪櫃有趟門，食物更加衞生。
另外亦有我最愛嘅炸魚皮同響鈴，麵仲要係出前一丁！
打邊爐食到咁熱，最需要就係飲品任飲，呢度仲要過份到有雪糕雪條任食，打完邊爐食絕對係最佳享受！
张贴
