二鍋頭 (福苑)

营业中

休息中

今日我同三個好朋友一齊嚟到呢間位於旺中對面叫二鍋頭嘅雞煲邊爐店，地理位置相當方便。雞煲可以選擇辣到，我哋揀咗少少辣，雞煲配搭芫荽先係完整嘅雞煲，芫荽份量都可以。食完之後侍應仲好有線咁我哋需唔需要再加雞因為我哋有三個都係大胃王於是就再加左一輪嘅雞，然後再打邊壚。打邊爐湯底我哋叫咗番茄薯仔湯底，味道都唔算特別濃，食物種類選擇都可以，我哋叫咗打邊爐必叫嘅肥牛，仲有豬頸肉、墨魚滑、蟹柳、生菜、豆腐、蝦、蜆等等。我哋仲叫咗牛柏葉同魷魚，呢兩樣嘅份量真係相當大份，完全係一座小山。所有食物來講我特別推介牛柏葉，比較新鮮同好食，墨魚滑都唔錯。嘢飲方便有汽水、涼茶、啤酒等，當中涼茶係細支裝， 幾得意。成間店舖裏面令我最最最最驚喜嘅就係佢嘅雪條，雪糕只係普通雀巢杯裝雪糕，但雪條係我喺出面從未見過嘅牌子同口味，有榴槤、椰子黑糯米、紅豆三個口味。我揀咗椰子黑糯米，食落去好似係出面糖水舖食嘅黑糯米西米露嘅味道，唔太甜，但好香，如果唔係食到太飽諗我會食多一條，所以大家一定要留個肚去試佢呢個係出面好少見嘅雪條。仲有係肺炎期間大家記得打邊爐都要用公筷，千期唔好掉以輕心啊！

朋友介紹去咗旺角中心對面，食雞煲放題 。餐廳位於豪苑2樓交通方便，樓上舖地方寬敞，有大量卡位和窗口座，可飽覽窗外旺角繁華景色。有雞煲和鴨煲選擇，幾有特色! 可惜朋友唔食鴨！雞煲惹味香濃，辣度夠，啖啖肉大快朵頤！仲可以無限添食！食到辣辣地，可以出去攞嘢飲，自助汽水啤酒任飲，仲有雪糕和雪條！跟住到食火鍋，火鍋配料有多款選擇，任點任食，有幾多海鮮。海蝦新鮮爽口彈牙。脆肉鯇片，爽脆肉質結實打邊爐啱曬。白鱔片嫩滑軟熟。吊桶新鮮煙韌有嚼口！蔬菜丸類，可以出去自助區攞， 有成兩個大雪櫃咁多，透明設計一目了然！

今日約咗朋友去旺角食飯，口淡淡想食d惹味野，嚟咗呢間 二鍋頭，除咗任食雞煲，仲有特色鴨煲，加哩火鍋放題都係每位$188加一，真係經濟實惠!二鍋頭顧名思義有兩個鍋食，首先食雞煲，亦可選擇特色鴨煲，揀咗雞煲中辣 。店員會幫即席炒雞，好貼心！雞煲有辣勁咸道適中，十分惹味，肥美肉厚，覺得唔夠仲可以加雞任食！跟住食火鍋放題，揀咗蕃茄薯仔湯底。 外面通常都係用返雞煲個鍋，我就鍾意 換過湯底試其他口味！火鍋配料款式都幾多，鮮肉類有美國肥牛、新鮮雞件、海蝦、元貝、大蜆、吊筒、脆肉鯇等，要剔紙點選，海鮮都幾新鮮唔錯！ 蔬菜和丸類係自助形式！甜品有雪糕杯和雪條，幾多口味選擇! 試咗雪條紅豆味和芝麻味，冰凍好食幾特別！

又想食雞煲又想打邊爐，黎呢到岩曬。呢到一開始可以簡雞煲或者鴨煲。我同朋友就叫左雞煲，食落好惹味，入面仲有d京惹，洋蔥，芫茜等等。雞件好入味，而且唔會過咸。食完第一轉，店員都主動問下我地洗唔洗再續。 食多轉之後，就可以簡湯底轉打邊爐再食過。湯底選擇都幾多，我地就叫左蕃茄薯仔湯底。打邊爐既料都多選擇，基本既肥牛、海鮮類都有，仲有水餃同雲吞。另外設有食品區，係自助形式既，自己去拎菜類、丸類等等。 一開始諗住係任食邊爐，以為食物比既份量會偏細，但係原來都大大碟！每一碟都裝到好滿！店員會主動過黎加湯，值得一讚！呢到既飲品種類好多，個人推介個百香果蜜。食完邊爐後，仲有雪條/雪糕食，完美咁結束！

最近好似又凍返，約咗班朋友去咗旺角打邊爐，成班男仔就梗係揀啲任飲任食嘅！嚟到就可以揀食雞煲定係鴨煲，為穩陣起見梗係叫雞煲而且聞到隔離枱嘅雞煲都非常吸引，而且喺度食雞煲唔使就住就住食完就叫佢再加食到你飽！雞件啖啖肉，而且味道非常惹味，香噴噴食完雞之後就加湯打邊爐，喺度有幾款湯底可以俾你加，我哋就揀咗個冬陰功湯底，自選醬汁就必然㗎啦！成班男仔就走出去夾自己鍾意食嘅火鍋材料，火鍋材料選項都比較多，眼花撩亂，另外牛肉豬肉等等都需要另外叫，百幾蚊來講牛肉質素算係咁飲品櫃入邊都有不同嘅涼茶可以自己拎

今日嚟到位於旺角中心嘅二鍋頭打邊爐，呢間鋪最特別嘅地方就係做鴨煲可以食，所以小編就專登嚟一個二重奏，先食一個鴨煲，再嚟一個火鍋。一上枱見到隻鴨掌已經流晒口水，見到入面仲有啲腐皮洋蔥等等，炒得非常之香。重點係食完唔夠喉仲可以再繼續添，實在太好味小編都忍唔住添左一次。跟住嚟到藥膳火鍋，凍櫃入面有各種蔬菜同丸可以揀，而且另外仲有海鮮同基本肉類。小編唔太貪，就每樣都嗌少少嚟食下。海鮮都叫新鮮，唔會話有腥味，而肥牛就正常，不過不失。整體來講以呢個價錢食到鴨煲加火鍋，非常抵食。

本來想隨便吃點東西，但這間放題好像幾平，一於試試原來可以先吃雞再吃火鍋，而且是任食配料！最好吃的是肥牛，超香濃的雪花肥牛味，不會雪味黑豚肉質素也高，跟牛肉相近鴨肉非常多，味濃而且煙韌，高手向的火鍋配料。豬膶切得夠厚，快熟撈起，非常juicy ！這裡的餃子質素不錯，鳳城水餃跟鮮蝦雲吞也是香濃味美。醬料非常齊全，不另收費，沙茶，豉油，鮮辣椒，蒜頭這些必備配料都有。飲品全部都細細支，方便多試幾款！咸柑吉好正！很快便飽了，滿足地離去～

旺角二鍋頭推出2個半小時任食任飲雞煲同鴨煲 雞煲食得多 鴨煲真係第一次食😍😍店員即席表演加酒落鴨煲 🤪爆香鴨肉 鴨肉香嫩 比起雞煲味道特別吸引 淡淡南乳香味🤓每人平均$200內就食到雞煲放題餐廳有一張點餐紙order 😋海鮮 肉類 內臟 都有提供我地encore好多次海鮮 白鱔肉油脂感重 肉質嫩滑另一邊廂有自助區 😚可以自己攞丸類 粉面 -𝚈𝚞𝚖：👅👅👅/𝟻𝚁𝚎𝚟𝚒𝚜𝚒𝚝:💃🏼💃🏼💃🏼/𝟻𝙿𝚛𝚒𝚌𝚎: $200/𝚑𝚎𝚊𝚍.————————————————.二鍋頭旺角———————————————— ..

今次試食呢間舖頭，位於旺角中心對面。地點非常容易搵。一入去，地方比較寬闊，分左兩邊，可容納嘅人數都比較多。另外，位置有卡位。我地兩個人可坐卡位，依家，環境都唔錯，唔會好逼。一坐低，就有人俾火鍋醬汁我地自己調配，服務態度也很好。我地先點了雞煲，上菜都比較快，等了一會兒就食得了。味道也不錯，雞肉也嫩滑。食完雞煲，我地就再點了莞茜皮蛋湯底。服務員會幫我地另外上湯底，不似平時出面食的係原鍋雞煲上加湯。所以值得一讚👍 當然，打邊爐一定少不了配菜喇。配菜款式都比較多選擇，質素也不錯。另外，店鋪還有蔬菜丸子嘅自助區，自己可以去選擇喜歡嘅配菜。飲料也有兩個雪櫃自行選擇。總括來講，店鋪坐得舒服，食物質素也不錯，呢個幾錢食到呢個質素已經很好。店員服務態度也很好，最重要係依家流感咁嘅狀況，呢間舖都唔洗同人逼👍👍 坐得舒服。

約了幾位朋友聚會，之前旺角吃過這家，所以推介他們一起來吃，畢竟環境地方闊落，不會與隔離枱太接近，與朋友暢談挺合適的。抽風系統也算好，入去不會聞到濃烈不散的油煙味，尤其是最怕整個人及衣服都沾滿那些味道。雞煲整鍋雞肉已經預先醃好及炒熟，侍應端上鍋，就開始炒熱，便能享用了。配料還有大洋蔥圈及大蔥頭，整體很香口惹味。火鍋吃完雞煲，就到火鍋了。湯底有多款選擇，鴛鴦鍋。湯底分別爲蕃茄薯仔湯和麻辣鍋。蕃茄鍋味鮮，香濃蕃茄味。對不嚐辣的人來說，是其中一個選擇，而且健康的湯底。另一邊的麻辣鍋則較香濃，四川麻辣的香氣較突出，反而湯底不太辣。火鍋配料多選擇，任點任食，食材挺新鮮的，放在冷凍櫃裡以及在紙上寫上數量。炸魚皮沒有很重的油益味；即食麵一包包自己拿的。吃完還要留肚吃甜品，雪條高質，最喜歡這椰汁西米露口味，連吃了兩條。

之前同朋友忽然興起想食雞煲，又想食邊爐。係旺角行街嘅好處係邊度都有驚喜。旺中對面就有呢間二鍋頭可以一次過滿足我地咁多個願望。一個價錢任食，食到幾多就食幾多，完全唔使諗太多。入到舖頭，伙記離讓見到我地入門口，就已經迎來招呼，幾好笑容，態度又好。一坐低就已經介紹呢度嘅食法同架步，放好調味架，好高效率，即刻加左唔少數。呢度嘅任食火鍋同煲，係真係係限次任食。煲可以揀雞煲或鴨煲，有辣度可以揀，最少可以叫到小小辣。火鍋有成十種湯底，咩味道都有，火鍋料配十種，其他配料可以自己去旁邊夾。你可以食煲》火鍋〉再食煲，可以無限輪迴。當然仲有飲品同甜品都可以自己拎。當晚我地食鴨煲，上菜嘅時候，飄出好香辣嘅味道。放完菜，伙記跟手兜兜d料，未開始食已經流晒口水隻鴨嘅肉質好滑，唔會un到扯唔開。加埋佢成盤都係鴨肉，唔會食黎食去都係骨嘅大隻鴨。所有嘅配料有呢隻辣係全部都好送得飯。食完咁熱氣嘅鴨煲，朋友想試埋個養生藥膳湯底火鍋，加上可以配嘅十款餸，有海鮮、有肉，加埋手痕夾嘅菜同丸，真係好滿足。最後要提埋佢嘅甜品選擇，佢地嘅紫米雪條，好好味！試晒佢地提供嘅口味，係呢隻最好味！（可惜無影底）全晚都一邊吹水，一邊食，完全無負

突然想食d香口野，就搵下邊度有雞煲食。見到旺角呢間二鍋頭除左雞煲仲要鴨煲就去試啦！一開始當然要試下火焰鴛鴦鴨煲。上菜時望落同平時嘅雞煲差唔多，而店員淋完酒之後令香味爆發！佢用左臘鴨同鴨，所以有兩種口味，兩款鴨肉都好爽口，而臘鴨唔會好咸。成煲最好食嘅就係d支竹，吸收濃濃嘅酒味，可惜太少支竹啦，即使再加支竹落去都無開頭濃濃酒香，下次一定要落多d先加酒！食完煲就食火鍋，想叫清d中和下香濃鴨煲嘅味道，藥膳湯就啱曬啦！火鍋料有好多選擇，我最欣賞就係白鱔片同鯇魚片。白鱔爽口又有鮮味，鯇魚片非常嫩滑。飲品同甜品都好豐富，仲有泰式雪條例如紅豆、榴蓮同紫米口味。好奇嘅我就食左榴蓮同紫米味，唔算好甜，好好完結呢一餐。

抗疫時間大家都留係屋企唔出街，不過偶然都要抖下氣架。今日一於出黎聚下食下野。喔個時勢食飯真係要簡啲大件夾抵食既，朋友提議黎二鍋頭，可以$188食雞煲+火鍋任飲任食。一黎到既刻叫左個雞煲先，雞煲上枱熱辣辣份量都唔細，醬汁味濃勁惹味，正！之後食火鍋。出面餐廳一般都係直接加湯，但係呢度係可以另外簡湯底既。湯底有8款比我地簡都唔錯，今次我地就試下藥膳鍋先~我地3個人可以每次叫10樣肉加海鮮，叫幾多次都得，之後出面有自助區拎野食。自助區選擇都幾多，菜都有成五六款。我哋食咗勁多西洋菜，好新鮮。除左菜仲有炸魚皮、響鈴同各款丸類配菜。蝦、花枝、魚片、墨魚滑都幾新鮮，爽口彈牙。份量啱啱好唔會太多牛肉唔錯，嫩嫩的。朋友有食鵝腸，洗得好乾淨值得一提既係飲品佢選擇好多，連啤酒都有呀！食埋個雪條完結呢一餐。

因為疫情嘅關係抑制左自己好耐冇打邊爐食雞煲， 今日見人少少，就同一個朋友去食番餐！呢間喺旺角區，價錢算平，所以試下一嚟到侍應就叫我地揀鴨煲或雞煲，本來想試鴨煲，但係我朋友麻麻哋，所以都係揀左雞。原來呢度係食完雞煲之後，再另外上湯可以打邊爐，咁又幾好！因為平時雞煲湯底都幾heavy雞煲一上，店員就幫我地炒下佢，即刻聞到香氣十足。雞肉好夠味，濃濃的麻辣醬味，肉質幾滑，份量都幾多下。洋蔥同埋蔥頭入味，無生澀味得黎又唔太淋。食完雞煲之後，就揀咗個冬陰功湯底打邊爐。冬陰功湯底真係有冬陰功味，但唔會太重，酸酸地幾開胃。一開始我以為食物得一張紙，望望下都覺得幾夠食，而且海鮮為主，幾吸引。但原來呢度有自助區！咁都真係好多野食喎我都係鍾情於魚同蝦，海蝦同脆鯇片海蝦好有蝦味，幾新鮮，口感爽彈。脆鯇片切得唔夠薄，不過肉質幾好。不斷追加即係白鱔片同花枝片，白鱔片唔係間間火鍋任食店都有，所以幾驚喜， 口感滑而帶點脆，食落有白鱔的油脂香味！ 花枝片就爽口，唔韌，幾岩打邊爐肥牛都唔錯，好有牛味，幾嫩口食完仲有雪糕雪條任食，加分！

雞煲同邊爐真系缺一不可呢間二鍋頭真系滿足哂2個願望二百零蚊一個人就已經任飲任食確系唔錯既選擇雖然依排比較少人打邊爐但餐廳座位好闊絡所以更加食得安心雞煲嗌左小小辣雞件舊舊都幾嫩滑唔會太鞋邊爐湯底今次就試左懷舊沙嗲湯一黎到已經聞到勁香濃既沙嗲味沙嗲好百搭同所有火鍋料都好夾好惹味餐廳分左點菜紙同自助吧兩個部分黑豚肉新鮮，肉質比牛肉更好味花枝片好爽口又彈牙帆立貝大大粒幾有鮮味墨魚滑咬落啖啖墨魚肉鮮鵝腸超級爽口勁好味而自助吧可以揀唔同種類既食物有丸有菜有菇，仲有炸魚皮響鈴烏冬等等真系好多唔同既種類另外值得一提佢既啤酒系任飲，好正仲有雪糕同雪條無限供應芋頭味雪條食落好有芋頭味值得一試整體CP值真系好高如果想簡單打個邊爐同雞煲依度真系不二之選