二鍋頭 (福苑)

营业中

休息中

是日晚餐:-惹味雞煲-自助任食火鍋原本沖住"自助任食邊爐"先入去餐廳, 點知一坐低先知原來係"先雞/鴨煲, 再打邊爐"!-惹味雞煲除左雞煲/鴨煲, 可以揀辣度, 最起碼係小小辣~雞滑, 應該有半隻雞; 雞油不斷滲出, 變相keep住爆炒洋蔥, 所以成個煲都好香-自助任食火鍋湯底是另外選, 有8種湯底, 今次試豬骨湯, 有兩好大嚿豬骨同粟米,紅蘿蔔; 肉類及海鮮係畫紙仔點, 另有蔬菜櫃, 飲品櫃, 雪糕櫃淨係肉+海鮮都有33樣, 而且有好多都比較冷門, 例如吊桶仔, 鮮鵝腸蔬菜櫃係兩個大雪櫃, 種類同其他火鍋舖差唔多, 都係豆腐, 生菜, 蘿蔔, 豆卜等等...飲品櫃有涼茶, 啤酒, 汽水總結: 好抵食! 但係比較難搵~

經朋友介紹去二鍋頭食火鍋。$188可以任飲、任食雞煲+火鍋，咁抵食一於去試試。二鍋頭在旺角，地鐵站一出，步行唔使5分鐘就到，位於2樓的二鍋頭都好容易搵到。首先可以選擇雞煲或者壓寶欽點一款，我和朋友二人決定揀個雞煲嚟試吓，揀咗少少辣。香噴噴嘅雞煲上枱，味道非常香口，雞肉亦好滑溜，正！跟住到火鍋，揀咗皮蛋芫荽湯底，見到煲底好多皮蛋，飲咗幾口炎，湯味非常濃郁，好下火呀！火鍋主食，揀了海蝦，帆立貝，肥牛，羊肉。其他配料：叫咗鱔片，牛柏葉，魷魚⋯⋯自己再出雪櫃攞：墨丸，芝士丸，蘿蔔，生根，南瓜，魚皮⋯⋯嘩！唔係寫食评記錄番，真係唔知自己原來食咗好多，好多食物新鮮，自取食物的位置也很乾淨衛生，完全放心呢！臨尾，就梗係攞返杯雪糕，雪條嚟食，哈哈這才可劃上完美的句號。$414埋單，抵食！勁推介

究竟揀雞煲定係鴨都好呢？今日嚟到旺角朋友介紹之下試咗呢間鴨煲雞煲放題，無論雞煲定係鴨煲食完之後可以再無限咁叫，只要食力夠一定回到本。雞煲同出邊嘅雞煲冇乜分別雖然係放題但係保持水準雞肉都好嫩滑同埋都有好多雞髀位唔係雞胸另外比較特別嘅係佢哋有鳳爪喺入邊鳳爪好入味 食完之後成碟都係骨好有滿足感食完雞煲之後可以揀唔同湯底有蕃茄湯麻辣湯藥材湯等等肥牛嘅質素都唔差 食落都有牛味唔會太肥另外仲有好多其他選擇例如脆肉鯇，豬潤等等款式都幾多另外外面有自助吧可以拎蔬菜同埋唔同丸總括嚟講$168 +1都好抵食如果同男仔一齊嚟食回本冇問題

雖然近排肺炎都唔敢出去食飯，難得一個星期出街一次，梗係要食多啲，去咗旺角嘅二鍋頭，食任食雞煲加打邊爐，買單都係唔使$200都好抵食。一開始你可以選擇雞煲或者鴨煲，平時都比較少食鴨煲，本身都想試吓可惜朋友唔識鴨，雞煲叫咗中辣，辣度啱啱好，都幾惹未下，最鍾意食佢哋嘅洋蔥，同雞煲炒完之後超香仲要甜甜地，食咗成個雞煲之後都飽飽地。不過當然唔可以停，叫咗個麻辣湯底，火鍋方面都有好多款唔同嘅嘢食有肥牛啦新鮮牛肉，今次叫咗牛柏葉同埋水魷魚唔會太飽之外，係麻辣湯底都好好食。

路過旺角抬頭看看樓上啲食肆，驟然見到呢間二鍋頭的火鍋店，本着上去看看環境再作決定。時間差不多七點，人客亦不太多，環境也很企理。就入去幫襯下。原來不單止食火鍋，火鍋前仲可以任叫雞煲！😱😱咁就先叫個雞煲，叫個二人份量。上枱時雞煲份量真的不太多，要了少辣，味道剛好。因為主要是想食火鍋，所以沒有再叫。但聽見隔離枱叫完一個之後又再叫多一煲，真係好食得。湯底叫咗芫荽皮蛋，待其他嘢食未上台之前，我哋飲咗個湯，也非常好味😋任飲、任食之下，叫咗，豬，牛，海蝦，蟹籽丸，墨丸，蘿蔔⋯⋯食物擺放企理乾淨又新鮮汽水好多款式任揀，飲完又可以再攞，真好，可以嘗試不同的味道。😏甜品更豐富有雪糕、雪條、甜筒，每樣食一枝都不得了😂😂

外出吃飯食物品質固然重要，裝修和服務一樣重要。今次「二鍋頭」就有齊以上優點，整體感覺非常好！環境方面，重點要讚一讚其卡位設計，椅背加高後完全看不到隔籬台，私隱度高至啱閨蜜敍舊！另外，一坐下店員立即提供紙袋給食客放口罩，非常貼心！打邊爐，炮製獨門自家醬料非常重要！ 「二鍋頭」選用甜豉油，不會令食物只得鹹味。除了基本的蔥蒜辣椒，還有其他餐廳少見的炸洋蔥，啱哂蔥蒜愛好者！我們先嘆雞煲，雞肉任食；另外，「二鍋頭」不像其他雞煲店那樣，吃完雞直接加湯再打邊爐，而是可以另揀湯底，完全是一餐飯兩個體驗！嘆完雞煲，我們點了川椒麻辣湯底打邊爐。雖說麻辣，但比預期的不算太辣，所以愛辣的我們再叫店員加辣，又辣椒乾又麻辣醬，鍾意加多少就多少，正！火鍋配料非常豐富，全部整齊地放在雪櫃裡，衛生安全！飲品方面，汽水固然無限量供應，驚喜的是還有多款鴻福堂涼茶，幫你降熱氣！最後，當然要嘆埋甜品才埋單！多款雀巢雪糕杯任食，我們三人總共嘆了六杯呢！

今次約朋友去左二鍋頭食雞煲打邊爐，位置好易搵，非常顯眼，坐低左，人流尚好，店鋪乾淨企利，職員都立即比菜單同醬料我地，唔洗自己行出去，服務都幾唔錯。我地首先嗌左個小辣雞煲，一上雞煲就聞到香味，職員幫我地攪左一攪之後就食得，雞肉都幾嫩，味道幾好，我哋揀咗個全紅嘅小辣麻辣湯底，鍾意食辣嘅人可以嗌中辣。之後就當然打邊爐，系我地另外嗌過個湯底，而唔係直接加湯，我地嗌左個芫荽皮蛋湯底，食完啲雞飽飽地，就揀咗啲菜同丸食，清清地幾好，野飲亦都好多選擇，會繼續黎食～

二鍋頭是一間任食雞煲/鴨煲/火鍋嘅餐廳，位於旺角西洋菜南街、位置十分方便。雖然是樓上鋪，但樓下地面有一個旋轉招牌，令客人好容易就可以揾到。一上樓梯就可以看到二鍋頭嘅大招牌。店內環境衛生整潔，由於疫情關係，限制了座位的距離，所以客人坐得比較疏落，所有店員都很有禮貌、細心，非常照顧到客人的需要。湯底提供8款可供選擇。朋友選了川椒麻辣鍋，我選了香茜皮蛋鍋，可以下火。食物方面提供了數拾款肉類、海鮮類。。。。等等。另設有食物自助區，提供多款菜類、丸類、粉麵給客人選擇。食材新鮮，每次上菜的份量剛剛好，不會浪費食物。飲品亦有多款選擇，有涼茶類、果汁、啤酒。。。。等等。還有甜品雪糕和雪條，食到個肚腩變左個大西瓜。

今日出左旺角中心附近，行到攰，去附近搵食先。見到對面有得間叫二鍋頭嘅又有得食雞煲同打邊爐，就咁決定食呢間啦。上到去先探熱同用搓手液清潔雙手，食得安心又放心。呢到最吸引既係可以先食雞或鴨煲，之後會轉邊爐湯底打邊爐！我地先食個雞煲， 雞煲一上枱，店員會炒一陣，一炒啲香味即時出哂嚟，雞件好入味，辣度適中。湯底都有咁多款選擇，而我哋岩岩食完重口味嘅雞煲，就揀番清啲嘅芫茜皮蛋湯底。配料纸備有多款肉類同海鮮選擇，另外亦有自助區可以拎疏菜，丸類等等食物。所有配料都好新鮮，門口入口位更有飲品同雪糕區，估唔到佢有齊鴻福堂多款飲品，终於可以俾我試哂，今餐飯好滿足。

自從疫情開始，都冇打邊爐，呢兩日天氣又轉凍，火鍋癮又發作。我又想打邊爐又想食雞煲，最終揀左去旺中對面既二鍋頭。二鍋頭位置大廈既2樓，空間寬敞，仲有兩邊。坐底先選雞煲/鴨任食，我同朋友揀左雞煲，雞煲都好有份量，食一轉已經好夠，再食就打唔到邊爐。自選火鍋湯底有8款，例如香茜皮蛋、蕃茄薯仔、沙嗲、麻辣、冬蔭公、豬骨等湯底，清清哋揀咗個香莤皮蛋湯底。呢度火鍋配料好多野揀，仲有個自助區。呢度既 火鍋配料 我特別鍾意白鱔、脆鯇魚腩、萵筍 、鮮淮山、鮮蝦、肥牛、鮮蝦雲吞同墨魚滑，全部新鮮好味。以200蚊左右既價錢，食到雞/鴨煲、火鍋，配料仲要有甘多款、飲品任飲、雪糕任食，仲要有兩個半鐘，真係超抵。

【#SUPERMAMA開心SHARE】  抵食鴨煲盡在二鍋頭朋友好中意食雞煲，鴨煲 最近佢話旺角新開左一間專門店 專食雞煲，鴨煲 仲有任食打邊爐 人均188咋，超抵食 於是同佢一齊上去煲煲佢睇到餐牌，真係抵食到震 雞煲，鴨煲真係任食 之後再上埋火鍋湯底 打邊邊 好正呀睇到自助區都唔少菜款，響鈴、魚皮 啤酒汽水大量 仲有好下火既涼茶 同多雪糕雪條 好整齊乾淨鴨煲多肉份量巧老實 睇住店員點火 真係火焰鴨煲 味道香濃，鴨肉口感唔錯滋補湯底 配各式任食新鮮肉類 好鮮甜大蝦勁新鮮 全部都是任食 感覺唔錯 而且店員好有禮貌 主動加湯，又介紹野食整體而言，係值得再幫襯的食店

剛好去旺角，約了位朋友相聚一下去食火鍋。二鍋頭位於旺角餐廳位於旺角西洋菜南街138號福苑2樓。 餐廳環境乾淨，不太大分了右左兩邊鋪，有7-8張大卡梳化6人座和二人及四人枱，環境乾淨企理濶落。除了供應雞煲外，更有比較少有的鴨煲，每位定價$188可享雞/鴨煲任吃、6款火鍋湯底、配料非常豐富超過90款、任食任飲2小時30分鐘，時間非常足夠食。落單紙有肥牛，豬頸肉、牛柏葉、鮮雞片、鵝腸同羊肉片、脆鯇魚腩，脆鯇魚片、花枝片、白鱔片、活海蝦、 帆立貝、青口、魷魚、吊桶仔等超過十多款。行去另一邊有個很大櫥櫃是自助區大约放了30樣食材有蔬菜、丸類、菌類、芋頭、年糕、蓮藕、豆腐、萵筍片、粟米、蘿蔔等等。我和朋友不算大食，我們也不想浪費食物，湯底揀選了麻辣和芫荽皮蛋。在自助區拿了些蔬菜、蓮藕片、芝士腸、豆腐、年糕。在落單紙上叫了美國肥牛脂肪豐富肉質滑軟、牛柏葉爽口彈牙、帆立貝好滋味、海蝦鮮甜、白鱔片爽脆，豬大腸不肥洗得乾淨、花枝片Ｑ彈，樣樣都夠晒新鮮！好多人讚鴨肉好好味😋，因為朋友不食鴨肉，沒有機會嘗試食太可惜，下次要再度來食。

疫情影響之下，少左和朋友見面， 但今次難得一聚！ 所以就去咗旺角西洋菜南街食左間叫二鍋頭嘅火鍋任飲任食！ 九點半之前入座200蚊都唔使，店員先幫我們每位量體温，做足政府所訂下既條款，還每人派一個裝口罩既袋仔，都幾貼心呀！ 見到有得任飲啤酒，任飲汽水，多款飲品可以選擇！先食雞煲， 我哋就叫咗少少辣！ 店員將雞煲炒起撈起！我地叫左少少辣，入口幾香，after taste少少麻香！雞件肉嫩，吸哂醬汁，好入味！之後選左豬骨湯底做火銅！有好多火鍋配料款式可以選擇，200蚊唔使有呢個質數！絕對係無得輸。蝦都幾鮮甜，肉質爽口彈牙，幾新鮮。雪吞水準幾高，唔會有鹼水味，皮唔會過厚！必食之選！牛肉片都好呀唔錯，超額完成！唔會過老，加埋惹夾住食仲正！仲有得食甜品添呀！有款紫米味既雪條，幾好食！食左2條呀。以呢個價錢，服務水準，食物，環境都係性價比高的！

之前食過一次二鍋頭已經愛上，因為真係抵食，所以決定再食！疫情關係基本上冇乜客人，而且餐廳跟足指引，每台相隔1.5米以上，食得安心。多款醬料任加。任食既火鍋配料連海鮮都有得任食。湯底有8款。準備埋口罩袋，好細心。首先係惹味雞煲，我地係辣王所以叫左中辣，味道出色但唔夠辣，下次要叫大辣！麻辣火鍋！我地加左辣都係唔夠辣，如果食得辣既一定要叫大辣！豚肉好新鮮，肉紋好靚，豬潤大大塊，花枝片勁彈牙！帆立貝粒粒都唔細件，有得任食緊係要食多幾粒！牛柏葉係MVP，是日最愛！超爽口彈牙，加埋麻辣湯底超夾！鵝腸都係好新鮮乾淨，鐘意爽脆口感既話必食。出面仲有好多任食既蔬菜，丸類，烏冬等等，多到花多眼亂！最後最後呢到唔止有得任飲（有啤酒添！），仲有得任食雪糕雪條，今次有我最愛既榴槤雪條，正到癲，食左兩條，完美！

朋友說home office很悶, 很想出外走走,  吃點東西, 也很久沒有吃火鍋了, 因為經濟不是那麼好, 大家都想找便宜一點的任食火鍋店, 在旺角找到了這間,  2.5小時任食只是$188。首先奉上各種調味料, 配製自己喜愛的火鍋醬。飲品之中, 最喜歡的是鴻福堂的小支系列, 可以試多點味道, 也有清熱的作用。先來了雞煲, 少少辣的確辣度合我們心意, 而雞件很多又很入味, 4個人吃剛剛好, 雞肉也滑溜。湯底選擇了正宗豬骨鍋, 湯底味道濃郁, 搭配任何食物都很適合。任點的食物, 有肥牛、海蝦、花枝片、墨魚滑、脆鯇魚片、活海蜆等, 感覺都頗新鮮, 還有雲吞及水餃, 皮薄餡料豐富。感覺很容易回本, 特別喜歡肥牛, 海蝦, 雲吞也有encore。外面有不同的蔬菜可以取用, 碟子比較細小, 但吃飽行多兩轉也是可以的, 蔬菜在最後吃, 吸收了湯的精華, 雖然說是比較肥, 但也比較好味嘛。朋友還吃了雪糕, 我就不方便所以沒有吃了, 但也已經十分飽,  夠滿足了。