二鍋頭 (福苑)

营业中

休息中

第一次黎，以任飲飲食的火鍋和價錢來説，環境算幾好，算寬敞，不算逼。卡位坐得舒適。服務好，店員窩心，今天早到，店內人不太多，店員讓我們入去坐住先，不開始計時。夠鐘時亦不會好急咁，催你埋單走。(當然自己醒水，準時走)以這個價錢，食物滿意。雞煲好食，夠惹味。火鍋湯底有誠意，豬骨湯底真的有個大豬骨，不是在雞煲上就咁加水。食物款式中上，一般火料配料也有。$200樓下的任食火鍋，這是一個推介，值得再來的地方。

即日上左openrice訂位，book左6:45，但冇地方去，所以早左6:10到，到左可能冇咩人，所以都比入，唔洗等到6:45，坐抵左之後，職員親切地問需要講解嗎?雖然有睇食評，但都聽左講解! ヾ(@^▽^@)ノ 要左鴨煲，因為特別，首先d鴨肉嫩不《鞋》，肉質屬適中程度，系d肉煮得好《林》，好易撕開，唯一唔好既係，一鍋上，超多頸和有4～5隻鴨掌 ( •̥́ ˍ •̀ू )之後要左沙爹湯底，比較少少偏甜，太喜歡，蜆有沙，其他纸上的肉均很新鮮，尤其系牛肉、豚肉、雞子、鵝腸，雞子煮完咬落去有汁，鵝腸爽，冇味道，唔似出面既偏橙色，但厭菜類好多都洗唔乾淨，有明顯既泥於菜上，金菇略厭不新鮮。職員均挺有禮貌 ╰(*´︶`*)╯

餐廳個位置好方便，就正正喺‪旺角中心‬對面。餐廳分咗兩邊廳，有卡位同獨立房間，螢幕大電視，可以慢慢食、慢慢傾。中間有個大自助櫃，食物種類多，亦保持得乾淨新鮮。平時餐廳都係供應鷄煲多，見呢度有鴨煲食，一於試吓先。原來呢度有兩款鴨、蠟鴨同鴨肉，多左重口感同味道，讚👍🏼。個鴨煲同配料好夾，洋蔥、芫荽、乾蔥頭，真係好香，食落唔會油又juicy好欣賞呢度唔會食完鴨煲，喺原煲加湯打邊爐，而且每次都係加番嗰隻湯底，唔會越食越淡。鍋底有八個唔同嘅選擇，我就揀咗個藥膳鍋。藥材味道香濃，味道又唔好太搶，感覺滋補養生。食物選擇又多，無論係肉類、丸類、蔬菜、海鮮、菇類、飲品、雪糕一應俱全，可以慢慢烚慢慢傾。

又開餐啦！經朋友推介選任飲任食火鍋一定要來二鍋頭！因為真係平！靚！正呀！二鍋頭就係旺中對面，好易搵到！我地先選雞煲，食完雞煲可以再重選湯底，再打邊爐嫁！雞煲來啦！雞都夠入味！份量多！食完雞煲，不是在雞煲加湯，我地重新選了川辣湯底，叫左小辣，覺得可以再辣少少，下次可以叫中辣。上菜啦！牛肉質地都幾好，不算太多肥膏，海鮮都新鮮，魚也有幾種選擇，最重要蝦和蜆都好新鮮呀！一定要Encore！是新鮮海蝦，肉質仲彈牙嫁！食飽飽，食返個甜品雪糕透心涼！

.雞煲加打邊爐一直係香港既特色地道美食今次同朋友去旺角既二鍋頭dinner點菜既時候覺得好特別因為呢度唔止有得揀雞煲 仲有鴨煲揀！喜歡食鴨既朋友一定要黎試下.我地揀左雞煲 小辣 好易入口 辣度適中雞煲好惹味 雞肉嫩滑入味 加入洋蔥同芫荽炒香 的確好吸引最搞笑係加入左鳳爪 有別於外面好瘦既雞腳又真係幾好食～2個人食曬成個雞煲都唔會好飽/好膩👍🏻接住落黎就係打邊爐呢度同外面既雞煲店有啲唔同 唔係加清湯落雞煲度打邊爐係另外有湯揀的 8款湯底任選我地揀左蕃茄薯仔濃湯🍲火鍋料有落單同自助形式自取肉類有牛 豚肉 羊肉 雞件 鴨件海鮮都有不少選擇 海蝦 大硯我就最中意可以無限encore 😋牛肉肉質不錯 點左3,4 round 質素很平均 入口牛味重 唔韌.呢度仲有雪糕食添 甜品都可以食埋😘

.上星期朋友生日 最愛食雞煲既佢揀左旺角呢間二鍋頭價錢唔貴 大約200蚊一位 有雞煲 同任食火鍋呢度可以先揀鴨煲/雞煲 平時係街都未見過有得揀鴨煲 感覺新鮮👍🏻.雞煲份量正常 揀左小辣 辣度適中2個人食曬成個雞煲 但食完又唔會話好飽有時係其他店 一開始已經俾好大個雞煲你又唔好意思食剩 到頭來已經唔係好食得到火鍋lol講返個雞煲先 好多芫茜 勁香 雞肉肉質嫩滑朋友大讚無雪藏味 而且雞肉好入味～.到打邊爐~除左自取配料 肉類 海鮮類都係寫紙 店員再拎黎的美國肥牛我地encore左好多碟😋薄切得黎有口感 牛味重下湯10秒後就食得 我地係揀左蕃茄薯仔湯 都好夾！大蜆比起想像中大隻 得好少有少少沙 可接受！海蝦新鮮 墨魚仔爽口彈牙 點埋自助醬汁食好味😍豚肉本身我地唔expect好高質 但都真係唔錯同樣係薄切 紋路靚 就算唔食牛既話都可以食豚肉 羊肉同海鮮～.下次一定要試下佢個鴨煲先得！

疫情下好耐冇同朋友聚會，於是我地揀咗一間有好嘢食又好坐嘅餐廳，可以慢慢傾計。餐廳雖然主打任食雞煲/鴨煲/火鍋，但舖頭唔會好大油煙，坐位亦比一般雞煲店闊落。飲品同雪糕可以免費追加，仲係自助模式可以慢慢揀。我地先試雞煲，店員將雞煲上枱後會再加熱炒一炒，成個雞煲即刻有哂鑊氣。除咗主要材料雞肉同雞腳，仲有紅葱、大葱等等嘅配料。雞肉有少少燶邊好香口，雞腳亦都好入味，但我最鍾意食嘅反而係配料，吸收哂醬料嘅精華。值得讚嘅係醬料香得嚟感覺唔會好重味精，食完唔會覺得好口渴。之後店員仲推介我地試埋鴨煲，今次唔止炒一炒，店員仲同鴨煲灒酒點火，實行有得食又有得睇。灒咗酒嘅鴨煲風味同雞煲截然不同，雖然冇雞煲咁惹味，但酒香好提升到鴨肉嘅香味。本身鍾意食鴨肉嘅朋友，一定唔可以錯過呢個鴨煲。本身諗住食完雞煲/鴨煲，再試埋舖頭嘅任食火鍋。不過個胃已經冇位喇，雖然見到隔離枱啲火鍋料好靚，唯有下次再嚟挑戰啦！

平時一大班朋友出去食野，要左就右就，因為總有一個人唔食辣。今日同嗜辣朋友一齊去食雞煲，仲有麻辣湯底打邊爐，兩樣都點左大辣，麻辣控的我倆實在太興奮啦！實在係重口味之選👍🏻估唔到除左雞煲，仲可以揀 #鴨煲😛 雞煲煮好後，會在客人面前上演火焰表演，煮大約3分鐘後倒入米酒，造成火焰效果，滿足了視覺同味覺享受。 雞肉沾滿麻辣味道，麻、香、辣一應俱全，肉質嫩滑，食完唔夠仲可以任添架。調味架醬料選擇非常多❤️食完再轉湯底打邊爐🤩有多款湯底如香茜皮蛋鍋、蕃茄薯仔濃湯喎、懷舊沙嗲鍋、泰皇冬蔭公鍋、清湯豆腐鍋、正宗豬骨鍋、滋補藥膳鍋，而我地當然揀左紅卜卜嘅川椒麻辣鍋。  鍋底麻香味濃，辣度非常足，配上的火鍋配料都吸滿了麻辣的香味，愈食愈過癮。 多款新鮮配料任勻選擇，海鮮類、肉類、餃類、魚類、內臟等等，非常豐富。白鱔片脆鯇魚腩帆立貝 美國肥牛鮮吊桶仔 鮮鵝腸 雞公子 墨魚滑, 蝦滑牛柏葉除左自選配料，仲有部份食材可以出去自己拎，有丸類、豆類、蔬菜、出前一丁等食物任拎任食，最梗要唔好造成浪費就可以了。 另外，當然唔少得飲品啦，兩大個雪櫃比你任揀任飲，夠曬冰凍。 ====—==

行經旺角， 本來諗住去食南記， 是是但但一餐算， 畢竟經濟唔好， 慳返小小錢都好嘛。 跟住我同朋友去到入口個度， 望到南記嘅樓上有間叫二鍋頭嘅餐廳， 再望一望openrice就決定上去試一試。 呢間餐廳主打任食雞煲或鴨煲+火鍋， 每位大約188+加一服務費。 兩個人叫咗一個小辣雞煲。 小辣唔夠辣， 對我嚟講係完全唔辣（朋友話有小小辣）、 建議食得辣嘅朋友可以中辣起跳。 雞煲同其他雞煲邊爐嘅有小小唔同， 唔會落到好多醬， 好大味個種， 食完唔會好口渴！雞嘅份量亦都好多， 太肚餓嘅關係，個店員幫我地兜完個雞煲即該食， 但可能煮得未夠耐， 個味道就未夠入味， 但煮得越耐就越入味， 唔錯！ 但雞嘅份量就有太多、兩個人食完個雞煲都半飽。 跟住再嚟打邊爐， 初時諗住同其他任食雞煲火鍋一樣， 就咁加湯落去雞煲就開始打邊爐， 點知原來完全係兩回事，我哋兩個人揀咗蕃茄薯仔做湯底， 再點左美國肥牛、美國黑豚肉、墨魚滑、同埋大蜆。 個湯底一放低嘅時候睇落去好似平平無奇，點知加埋呢對打邊爐材料，個番茄湯底變得非常之濃郁，而邊爐配料亦都新鮮， 而份量都唔多， 啱啱好， 唔會浪費食物！除咗上面任飲任食雞

限聚令解封之前，仍然維持我哋嘅小組聚會，人少少又想食多多野最好就係放題啦！今次係第二次嚟二鍋頭！價錢經濟實惠、食物款式多而且座位舒服，還有VIP房間私隱度高，感覺鬆動。一坐低首先揀食乜嘢煲先，究竟食雞先啦？定係食鴨先呢？最終都係雞煲行先，揀咗要小辣，香辣得來又食到雞嘅原汁原味。二鍋頭惹味雞煲雞煲以點菜紙形式下單，二鍋頭惹味雞煲即叫即製，所以要等少少時間，十分鐘後香噴噴的雞煲上枱，店員在我們面前再把雞煲炒勻，果然雞煲的香味散發得更加好！我們選擇小辣的程度香辣刺激，味道濃郁，很有四川風味，雞件軟滑多汁，連雞腳都炆得好軟腍，麻麻辣辣，食到出晒汗嘅時候再飲罐冰凍嘅汽水，爽！懷舊沙嗲鍋食完雞煲之後，如果你覺得仍然未夠喉係可以encore嘅，我哋胃口細所以食完雞煲已經就可以點菜上火鍋湯底啦！懷舊沙嗲鍋係老公最愛，因為佢好鍾意食沙嗲牛肉。湯底沙嗲味濃郁，味道真的好，基本我唔使點任何醬油，食物都變得惹味。任食火鍋配料第一 round 係食肉獸的天下，美國肥牛、沙爆豬皮、滑牛肉、芝士腸、蟹柳棒、牛丸、豬肉丸、芝士丸應有盡有。仲有一啲都唔吝嗇嘅生猛海蝦：新鮮美味白鱔片、墨魚滑、元貝、吊片，味道鮮甜又唔腥。

餓左好耐既食肉獸今日揀左依間任食雞煲、鴨煲，打邊爐既店😂店舖位於二樓，行到上去就聞到熟悉既味道，係雞煲呀～係打邊爐既味呀～入到去鋪面好似細細地，但原來內有乾坤，店舖分左兩邊，各有幾張枱坐，原來仲有一間大大間既廳房提供，可以組大團一齊黎食，又可以開懷大笑😂😂😂我地平時都唔食鴨，怕食唔慣浪費食物，所以無揀到鴨煲，所以今日就淨係講講個雞煲同打邊爐喇，我地叫左少辣既雞煲，雞煲一落枱，會由服務員開大火，翻炒幾吓，個幾下，啲味就出哂黎🤣🤣👍🏻👍🏻，食完一煲，意猶未盡，再叫多份中辣既雞煲，今次既雞煲比頭先既更香濃，他們的鳯爪經特別處理，入味得黎，又好好咬，每一份都大大份，唔會偷工減料。打邊爐方面有超過30多款食物任你選擇，湯底都有8個，另外仲有一個雪櫃都有幾十樣食物揀，總有一樣岩你食。飲品亦有多樣選擇，仲有雪糕、雪條，包你食到捧住肚仔走。

呢間係網上見到話$188（未加一）就可以任食雞煲+打邊爐 我覺得好抵！ 所以就黎左同男朋友試下。一開始我地叫左小辣雞煲 佢有得比你揀要雞煲定鴨煲既 但我同男朋友都係為雞煲而黎 😂所以就無食到鴨煲。食完一次雞煲你可以繼續叫雞煲或者轉打邊爐。 佢地既小辣雞煲 辣度唔算好辣😋而且雞一上到黎係好嫰既🥰 但食食下煮得耐就熟得濟 所以我地叫第二次既時候 我第一時間夾曬啲雞落碗到先😂 咁就可以保持個雞嫰滑啲。因為第一次嗌小辣 發現唔係好辣 所以我地第二次叫左中辣 我覺得中辣就岩岩好 但男朋友覺得可以再辣啲😂香味亦都重左啲 令到更加惹味。第二次既雞份量仍然好多雞件👍🏻之黎我地就轉左打邊爐啦 我地叫左番茄薯仔🍅🥔湯。 美國肥牛：覺得正正常常蜆：無沙已經好好🤣花枝片：幾彈牙吊魚桶：我煮得耐左 搞到佢太韌牛柏葉：都幾爽口豬頸肉：好容易咬得開。墨魚滑：口感幾紮實 我食到有小小墨魚軟骨係裏面 令口感豐富左！佢地野飲甜品都係任飲任食 所以真係幾抵 仲要開係旺角 都幾就腳。

今日陪朋友行完旺角中心，一望過去就見到這裡，在這裡行上2樓就到，這裡原來是食雞或鴨煲同火鍋嘅任飲任食的，座下可先望望食雞煲定鴨煲，但個人比較喜歡食雞，所以選了二鍋頭惹味雞煲，上枱時店員會在客人前再將雞煲炒勻，雞肉嫩滑入到，而辣度是自選，可按自己情況選擇，有辣味道更佳，配埋出面嘅自助飲品櫃嘅冰凍飲品，真係可以多吃一轉，食雞煲時記住可以refill，但轉了火鍋就不可以再點雞煲，而再叫雞煲時都係一個新口雞煲送上枱面，所以食到多個一個都差不多已經有回本嘅感覺！食完雞煲轉火鍋就要選擇湯底，我就選了濃味嘅懷舊沙嗲鍋，而火鍋食物有部份是自取，丸丸餃餃，疏菜都係自助的，而另外的肉則是入點菜紙，推介鮮滑牛肉，放湯拖一拖肉質軟熟嫩滑十分入味，而鮮蝦雲吞同鳳城水餃亦十分出色，大大隻又彈牙，夠晒皮薄餡靚!而墨魚滑亦十分彈牙爽口！加埋必食嘅肥厚嘅午餐肉，同腸仔及一些疏菜，今晚真的食到十分之飽滿！最後在雪櫃食埋支香滑濃郁嘅榴槤雪條，真係由頭帶到落尾！以一個價錢兩種享受十分超值！

近排大家都比較少出來一齊聚餐，最多都係三幾個人，咁先至可以去品嚐一餐美食，呢次都唔例外相約埋去食餐火鍋放题，係旺角西洋菜南街呢間二鍋頭火鍋店同個店名一樣分別提供兩款風味十足嘅美食，一款係二鍋頭惹味雞煲，另一款火焰鴛鴦鴨煲，平時多數食都係得雞煲，反而今次有鴨煲供應，確實又可以食多一款美食，一於點番個火焰鴛鴦鴨煲品嚐由店員即場淋上酒一陣陣火焰蓋滿整個鴨煲，大火炒一炒香味亦淡淡滲出，而且份量幾足，另外一個賣點之一係可以食完再點過保証食得過癮食番件鴨肉入口香嫩惹味十足，唔少得食到爽滑鴨掌，仲有枝竹吸埋醬汁精華，真係越食越刺激食完一輪招牌美食後，又到火鍋時間係餐單上有幾十款提供連同自助區配料等火鍋湯底滾起，逐一放入各款配料，美國肥牛係必食之一大大啖肉入口夠晒肥美，海鮮類有生猛海蝦肉質彈牙又鮮甜同青口等再食埋各式肉丸，香口炸魚皮滋味十足，一邊食住一邊滾特別開心最後食埋雪條雪糕一餐任飲任食火鍋放題又到尾聲。

最近多咗喺屋企煮飯仔 但廚藝不佳嘅我煮親都淡茂茂今日就出咗旺角嘅二鍋頭食雞煲 非常期待重口味嘅感覺 閑日嘅夜晚嚟到唔太多人 枱櫈好夠闊 落坐得超舒服除咗雞煲之外仲有鴨煲可以揀 我哋就揀咗bb辣嘅四川麻辣雞煲 上枱時候非常香噴噴 而且麻辣味十足 雞件整得嫩滑而且入味 仲有豐富嘅肉汁 麻辣味唔太濃郁 不過十分惹味食完雞煲就可以換其他湯底打邊爐 並非加湯落去雞煲嗰隻比較健康 首先叫咗啲海鮮有大隻草蝦 脆肉鯇魚 白鱔 花枝等等 十分新鮮 肉質鮮甜牛肉色澤幾靚 不過略嫌太肥仲有蔬菜丸類可以自取