二鍋頭 (福苑)

营业中

休息中

朋友最愛打邊爐，仲要係放題嗰隻，可以開懷暢飲任食。佢帶我嚟呢間「二鍋頭」，因為價錢相當貼地，$198 任食雞煲、火鍋、飲品及雪糕🍦😋。我哋先食雞煲，有多款辣度可選，我哋選中辣，內有辣椒乾、花椒以及多款香料，醬汁濃郁，好惹味。除咗雞煲，仲有鴨煲及豬手煲，都係任食。食完「雞煲」就轉咗個新嘅「豬骨湯底」鍋，開始打邊爐。火鍋配料都有好多選擇，除了點心紙點食物；還有自助區，有多款飲品、蔬菜、丸類、炸魚皮、響鈴及雪糕等，加埋應該有過百款配料選擇，好豐富。我鍾意食海鮮，活海蜆好大隻、脆肉鯇肉片好味，白鱔片彈牙；朋友食咗好多碟美國肥牛及豚肉，佢話好爽。店員哥哥勤快有禮，呢餐大滿足。

旺角任食雞煲+火鍋趁天氣仲涼涼地，呢日約左朋友去到呢間食任食雞煲+火鍋位置好方便，就喺旺角站D2出口，過一條馬路已經到。上左兩層樓梯後，可能店員聽有聲，佢就特登走出門口迎接我哋，服務態度好好👍。我哋18:30入座， 坐低後店員叫我哋揀左任食果煲先, 火鍋湯底+配料就可以慢慢揀。原來除左雞煲仲有鴨煲同豬手煲揀。 我哋就揀左雞煲，小辣一拎上枱已經聞到好香，店員再幫手炒到熱辣辣，除左雞肉仲有啲紫洋蔥、鳳爪、芫莤。之後就揀左個滋補藥膳鍋打邊爐，飲落甜甜地👍係自助區就拎左啲菜、響鈴、魚皮etc...仲有飲品同雪糕任飲任食去自助區拎完野，落左單既食物都到咗啲帆立貝同蜆都好大粒蝦-肉質彈牙帆立貝-大粒，爽口豬膶-爽口雲吞&水餃-大粒多餡今次真係食得好飽，店員服務態度又好好。下次會想試埋佢個豬手煲同冬蔭公湯底😋

天氣越嚟越熱，但係一啲都冇減低火鍋控朋友對食火鍋嘅熱情，呢日佢約我喺旺角，嚟呢間火鍋店一齊烚吓烚吓😆我哋叫咗$198嘅「2.5小時任飲任食火鍋」，仲包「二鍋頭惹味雞煲」、「火焰鴛鴦鴨煲」、「黑椒豬手煲」，不過並唔係三揀一，而係任食，即係你食完「雞煲」，可以再食「鴨煲」，跟住食「豬手煲」，見到附近有幾台人（每台2-3人）都係食咗兩個雞煲😆我哋揀嘅「二鍋頭雞煲」好快就嚟到，要咗「小小辣」，雞肉全部bite size食得好方便，又非常香口惹味，應該係落咗好多香料😆，「雞煲」好快被朋友同我掃清光，但係我哋唔係好大食嘅人，一個「雞煲」已足夠，跟住就想打邊爐😆，大部份火鍋店就會加水/湯入雞煲，然後客人就開始打邊邊；呢度唔一樣，店員哥哥係將雞煲收走，換上早前叫嘅「正宗豬骨湯底」嚟打邊爐，咁就有全新口味👍基本上每樣食材都新鮮又好味，其中特別出色嘅有：美國肥牛、美國黑豚肉、白鱔片、活海蜆、鳳城水餃，真係好yummy😋。仲有，呢度嘅店員服務好好，又好禮貌，抵讚👍

行街行到唔知食乜好，見朋友之前推介過呢間邊爐同雞煲，就去左食啦！雖然係樓上鋪位，但位置都幾闊落。一坐底就會比定醬料你落左先。之後我地先叫左雞煲，原來可以任加，岩曬大食既我地！但記住留肚打邊爐呀！另外都仲有鴨煲同豬手煲。雞煲個醬幾好，唔會太咸。呢到邊爐配料都幾多！ 首先緊係叫番d肉類啦！之後都叫左墨魚滑， 幾有驚喜，都幾彈牙，夠新鮮。落完單都好快上菜。另外，自助counter仲有好多丸類，有芝心丸、貢丸之類。響鈴同魚皮都有架！仲有出前一丁！呢到既服務都幾好，侍應都好快手，幾醒目，值得一讚。呢到飲品選擇比起其他邊爐雞煲餐廳多，有鴻福堂枝裝飲品tim。下次都會再encore !

物超所值，一個價錢可以食兩款野，食完煲再火鍋，簡直抵到爛。環境空間好闊落，而且好舒服。可以落單點野食，仲有自助拎野食。雞煲有鴨煲、雞煲同豬手煲，揀左雞煲，好惹味，雞肉仲好入味，好滑，雞腳係鳳爪，好正。配菜入味得黎又唔會太淋，好好食。藥膳火鍋想食啲養生鍋，叫左個藥膳火鍋，好香藥材，唔太濃可以接受，打邊爐反而超乎想像，令到啲火鍋料好鮮甜。材料墨魚滑似係自家手打，白雪雪爽口彈牙。肥牛花紋好靚，食落好好口感。海鮮新鮮又甜。蔬菜好有菜味，非常爽口白甜。飲品有多款飲品可以選擇，總有一樣岩你。

之前食過尖沙咀分店覺得幾好味今日約咗朋友喺旺角就帶佢再嚟試呢間環境就相對冇尖沙咀嗰間咁闊落～ 但都ok! 乾淨企理！基本 平時食開嘅醬料都有齊！炸蔥炸蒜 是必須的☺️今次唔係食雞煲啦！係試佢嘅豬手煲！兩個女仔唔係食得幾多 所以叫佢嚟半份！豬手好入味 好淋！係骨膠原呀！！如果你想食完豬手再轉雞煲都可以㗎！食完雞煲就換豬骨湯底打邊爐足料！ 濃味湯底！海鮮都有好多選擇！都算新鮮㗎！蔬菜類： 雞髀菇新鮮菇油麥菜萵筍！ 記得唔好淨係一味食肉喔！

呢間食嘢嘅時間長達2個半鐘，而且仲唔止打邊爐咁簡單，仲可以食埋雞煲鴨煲豬手煲，仲要樣樣都可以無限添，唔會食唔夠，係怕你食唔到咁多，哈哈😄食完啲煲要打邊爐唔會就咁加湯落去，會換個打邊爐嘅鍋俾你，呢樣真係幾好。由於我哋比較細食，所以都只係食咗雞煲同打邊爐，雞煲個味都唔錯，花椒嘅麻辣味幾出，連啲配菜洋蔥都食埋，然後就開始打邊爐啦，我哋揀咗個好清嘅藥膳湯底，食完都唔會覺得好油好頂胃果啲，邊爐料嚟講都算多選擇，外面自助吧枱都有好多蔬菜類同丸類可以揀，當然亦有飲品櫃任飲，飲品種類都多，雪糕嘅選擇就只有兩三種口味。

雖然第一次黎，但啲煲真係幾好食！ 又有雞煲、鴨煲同豬手任食，種類幾多，質素又唔差而且服務態度真係好好！！好nice😝最尾仲送佐搓手酒精添👍🏻👍🏻100分啊！值得過嚟試一試!

有時一大班人都諗唔到去邊食好，最common就係去雞煲邊爐，抵食又夠飽！今日同朋友黎到呢到，原來一開始除左雞煲，仲可以選擇鴨煲或者豬手，重點係可以添。雞煲入面除左雞仲有鳳爪，都幾足份量。而且雞煲可以簡辣度，因為朋友唔食得辣，所以叫左唔辣，但味道都唔差喎。 雞件都算嫩滑，係有骨雞件黎。食完雞煲就轉打邊爐啦！湯底都有幾款簡，就簡左最基本既豬骨湯，入面真係有舊大豬骨，仲有粟米蘿蔔等等，所以都幾夠味。 而配料就係主要可以出面自助形式咁拎，選擇都幾多架，甚至連燒賣都有。肉類同埋海鮮類就可以落單，飲品都係自己拎，有涼茶、酒類等等。最後仲可以食埋雪糕作結！簡直係大滿足的一晚呀！

趁著疫情趨綬，一於相約朋友去打邊爐食雞煲放題 ($198)。先說餐廳環境，餐廳設於旺角的商廈之中，室內環境尚算寬闊，電梯分隔了餐廳兩部份，取飲品和食物要注意。先來的當然是雞煲，其實我們最後選擇了鴨煲，火焰鴛鴦鴨煲，除左有大量主角鴨肉外，也有大量鴨掌和芫茜，香辣惹味，據說可以任食，不過我們吃一大煲就滿足了，也要留下空間食火鍋。川椒辣湯底火鍋當然要寫牛肉和豚肉。牛肉和豚肉都切得相當薄，所以一煲即熟，肉質都相當好，有肉味，用過筷子夾把牛肉挾出火煱，再沽上一口打邊爐必備的醬油，每一口都是一分的感動。另外還有多款配料可以任選任點，特別是海鮮的種類頗多，有蝦、墨魚滑、墨魚仔、蜆、青口和凡立貝等配料。以上各款食物質素非常好，鴨煲和火鍋都都相當不錯，環境整體舒舒整淨，值得再黎！

我哋三個人食咗2個幾鐘, 啱啱七點去到唔算太多人，坐係入邊，都幾好。我覺得呢間幾抵食，雞煲好入味，同埋佢個火鍋醬料幾齊，我mix出來嘅配料係好味嘅。三個人計，雞煲個份量啱啱好，唔會太飽又真係好開胃。雞煲煮耐少少好啲，完全入味之後少少辣少少麻好geng。邊爐我哋係揀蕃茄薯仔湯底，清淡少少。我覺得可以試下佢個泡菜餃子(其他店少見)，海鮮都幾好食，有鯇魚片同鯇魚腩。其他肉類包括牛肉羊肉都係任食。Remind 呢，飲品可以係2個地方拎，2個雪櫃擺嘅選擇唔同ga😂我覺得外間啲嘢飲好飲啲

𝐎𝐯𝐞𝐫𝐚𝐥𝐥喺旺角可以用呢個價錢食雞煲的確幾抵食！質素正常 勝在坐得舒服😬⁣—————————————————⁣🐣雞煲揀咗小辣 調味正正常常雞肉偏瘦 但係唔老唔鞋🥘湯底推介蕃茄湯底好清新🌟沙嗲湯底口感偏薄🥩肉類推介加返少少錢嗌美國牛小排🍲火鍋配料質素正常 選擇好多例如墨魚丸、黑椒牛丸、年糕、豆腐一應俱全🧋飲品選擇同一般放題店差唔多一般汽水可樂、芬達、milkis都齊全涼茶都有雞骨草、海底椰、竹蔗茅根等🍮甜品有雀巢雪糕同埋蜜瓜雪條😬—————————————————⁣📍二鍋頭⭐️食物：6/10⁣⭐️CP值：7/10⁣⁣⁣

天氣轉涼🍁，又係時候打邊爐🍲。但吾想咁單調，同埋滿足食雞煲慾望，所以今次同朋友相約係旺角中心對面西洋菜南街的任飲任食雞煲火鍋放題「二鍋頭」，且早早係OPENRICE 訂位，怕晚市多人。甫踏進門店員服務態度非常友善，未到7點已經門庭若市，幸好有訂位，餐廳🍴設卡位雅座，夠曬寬躺，坐得舒適。一開始可以簡任食雞煲/黑椒豬手煲/ 鴨煲之後再打邊爐🍲，聽到咁多款煲可以任食已經好開心，重點係唔使同時間競賽大快朵頤。✌🏽雞煲可以簡辣度，我哋揀咗小辣，店員會幫我地拌勻雞件同芫荽同埋其他調味料配菜，炒下炒下發出喳喳聲，充斥麻辣香味，流曬口水。雞件嫩滑吾韌口，幾乎整隻雞斬件每個部位都有數件，而且仲有我至愛嘅炸鳳爪，每一件雞充滿麻辣香，雞汁濃郁，十分惹味。食完雞煲打大佬食打邊爐，我地簡左滋補藥膳鍋湯底，女士要滋補養生✌🏽湯底充滿山藥健脾保肺黨參，補血氣紅棗，明目杞子，飲完成個人暖粒粒，整體湯頭帶甜。打邊爐食材可用紙仔落單，有多款回本海鮮，爽彈墨魚仔、生猛海蝦🦐、不回縮花枝片、大大粒帆立貝，仲有必點粒粒飽滿清甜海蜆。必點美國肥牛，雪花分布平均，牛味濃，一啖接一啖。水餃🥟餡料豐富。而且最驚喜係另設食物自助區，有出

無啦啦忽然又凍返，想打邊爐，又想食雞煲朋友介紹，喺旺角中心對面就有間平靚正，任飲任食兩個半鐘嘅火鍋加雞煲，〈為食小肥兔〉當然第一時間要去試一試啦除咗雞煲之外，仲可以揀鴨煲或者黑椒豬手煲。但係我哋一心嚟食雞煲㗎嘛，梗係揀少少辣既惹味雞煲啦！等緊雞煲嚟嘅時候，就睇吓出面有咩飲。原來啤酒都係任飲㗎 ！爽當然唔少得仲有大量嘅新鮮蔬菜同埋特色丸類可以任揀任食不消一刻，期待已久嘅惹味雞煲就熱辣辣登場雞件肉質結實，雞味濃郁之餘仲辣辣地惹味香口，我唔客氣啦食完雞煲就係時候打邊爐！唔想太油膩，所以揀咗個〈蕃茄薯仔濃湯鍋〉，香濃得嚟又清甜首先一定要試美國肥牛同埋黑豚肉，咁先係打邊爐㗎嘛！！肥牛厚薄適中，輕輕一焯就已經可以食得，牛味非常濃郁，真係要嚟多幾碟呀！！另外不能錯過嘅，絕對係海鮮類！！生猛海蝦，活海蜆仲有帆立貝都好正食飽飽之後仲有雪糕做甜品，開心埋單每人都係$200鬆啲，仲有優惠券下次可以去尖沙咀嘅分店再食過，超值

我和朋友從地鐵站找到餐廳，大概只需5分鐘，位置超級方便可以寫紙或掃QR 安心出行我們到達的時候客人還不是太多，店員安排了卡位給我和朋友坐。店員很快便拿了8款醬料給我們自由調配。我們先點了雞煲(小小辣) ，點餐紙很貼心地可以選走芫茜。點菜後店員貼心提醒我哋可以自由出去揀飲品。出面飲品種類都好多，仲有枝裝涼茶都有，最緊要有我鍾意飲嘅無糖罐裝茶👍🏻我仲見到有啤酒添雞煲非常熱辣辣，店員上菜後會喺你面前翻炒一下。會睇到入邊有枝竹、紫洋蔥👍🏻👍🏻雞都彼得非常豪爽，舊舊都大嚿、多肉，冇話俾啲頸嗰啲位你。連雞腳都可以走埋，可能有啲人喜歡吃口感腍啲嘅，所以佢都可以俾你走雞腳。味道都入味，非常野味！我同朋友其實食完都想refill，不過想試多啲唔同嘅嘢最後嗌多咗個鴨煲。餐廳非常好，食用會換過另一個全新嘅煲俾你，所以食完可以調番啲骨入去，佢會幫我哋收走。鴨肉比想像中硬身，不過都非常入味👍🏻👍🏻比較驚喜嘅係，上菜嘅時候店員將酒淋入個煲入邊，有起火嘅效果， 幾啱打卡🤣🤣🤣食完啲煲，我哋揀咗個鴛鴦湯底：芫荽皮蛋湯同埋川椒麻辣鍋我就唔食得辣嘅，所以唔係好清楚麻辣嗰邊，朋友話不算太辣芫荽皮蛋湯就發揮正常火鍋料方面，我