二鍋頭 (福苑)

营业中

休息中

物超所值，一個價錢可以食兩款野，食完煲再火鍋，簡直抵到爛。環境空間好闊落，而且好舒服。可以落單點野食，仲有自助拎野食。雞煲有鴨煲、雞煲同豬手煲，揀左雞煲，好惹味，雞肉仲好入味，好滑，雞腳係鳳爪，好正。配菜入味得黎又唔會太淋，好好食。藥膳火鍋想食啲養生鍋，叫左個藥膳火鍋，好香藥材，唔太濃可以接受，打邊爐反而超乎想像，令到啲火鍋料好鮮甜。材料墨魚滑似係自家手打，白雪雪爽口彈牙。肥牛花紋好靚，食落好好口感。海鮮新鮮又甜。蔬菜好有菜味，非常爽口白甜。飲品有多款飲品可以選擇，總有一樣岩你。