二鍋頭 (福苑)

营业中

休息中

一開始揀咗個鴨煲，嚟嘅時候仲會加啲酒精落去點火，難怪叫火焰鴨煲！食落都多鴨，2個女仔食，食完都有少少飽，為左可以留肚打邊爐，我地只係食左多肉果d😝叫左藥膳湯底，個湯都幾清，佢仲有個冬蔭功湯底揀，有機會都想試下😋等水滾既時候調返個自家製醬料先😋依度有8款配料可以調味，我今日決定重蒜！正！順手去拎飲品，依度有2款sparkling water揀，又幾好，味道清新，要知道打邊爐已經夠邪惡，再飲埋汽水甜野真係做幾多運動都搞唔掂。肉類海鮮要寫紙仔，每次最多10款食物，上次寫上想要幾多份就得。推介鯇魚腩， 帆立貝同埋白鱔😍好食到叫左2轉，真心推介！而蔬菜同丸類類紙仔無，要去自助區自己夾，但由於一開始的鴨煲同寫紙仔的肉類已經食到好飽，我地就無夾到丸同菜啦。另外值得一提店員服務細心有禮，我地問埋d傻仔問題都無笑/反我地白眼😂仲好有耐性咁解答，唔錯！

任食包括左一個雞煲加打邊爐。有雞/鴨/豬手煲揀，我地揀左鴨煲，waiter話只有鴨煲先有火焰表演，先倒玫瑰露再點火，食就食唔出玫瑰露味，但鴨就好入味，都幾惹味，肉都好多，好食。 邊爐湯底都有好多揀，揀左藥膳，藥膳味就唔太明顯，但都有味既。任食既野食選擇唔算好多，但都夠食，中意佢D肥牛唔算好肥，大概7成瘦3成肥，剛剛好又重牛味。海鮮都新鮮既，叫左2轉白鱔、脆肉鯇，白鱔好好食，脆肉鯇腩好厚好爽口。點菜紙唔見有菜，原來餐廳分左2邊，菜係另一邊，都好多選擇，我中意食菜所以好開心。另外仲有丸、午餐肉、魚皮等等都係同一個area。野飲、雪糕都係任飲既，揀左支0卡路里既青瓜sparkling water。 整體都滿意，會再返黎食~

最近好耐無買衫， 同朋友去左旺角中心買完衫之後就勁餓 。就睇下附近有咩食，唔想再行咁遠。咁岩見到對面有間二煱頭，係任食雞煲之後打邊爐。我地叫左半份雞煲同半份黑椒豬手煲，雞煲叫左小辣，兩個煲都超入味😍，有無人都同我一樣特別鐘意食啲入哂味既京蔥🤤！ 啲豬手都幾唔錯，我見佢燒啲豬手毛燒得幾乾淨！（利申：勁怕食依啲部位既時候,啲毛燒唔乾淨）之後我地就叫左藥膳湯底打邊爐, 個湯底食落又唔會藥材味太濃，入口幾溫和👍🏽 點左啲海鮮,有活海蜆、帆立貝、青口、花枝片、等等同埋必食肥牛。啲海鮮勁新鮮同鮮甜,每次落單都落番同一啲野🤤自助吧都估唔到有咁多款式既食材可以揀🤤 夾左好多唔同口味既丸、響鈴同菜😆 食多啲菜可以解膩😆(自以為） 同埋拎左唔同款既野飲黎飲，美連達既提子汽水、忌廉溝鮮奶、烏龍茶等等。食左勁多之後，臨走之前食埋雪糕😆😆甜品果然係女仔第二個胃，完全食得落😆😆

係旺角行完全日街，想醫肚就緊係食勁嘅，就緊係簡間任飲任食既雞煲火鍋放題 - 「二鍋頭 (福苑) 」。食完野之後，除咗要捧住一大袋shopping完嘅戰利品之外，仲要捧住個肚反屋企添，都唔知捧得邊樣。呢度除左雞煲，仲有得食埋鴨煲同豬手煲，重點仲要係任食。姐係你食完雞煲，仲可以食埋鴨煲。食完鴨煲，你仲可以食埋豬手煲。食完豬手煲之後，你想食返雞煲嘅話，你都可以再食反雞煲。當然，就緊係要你食得曬先好啦當然。講反野食嘅味道，我今次叫左雞煲同豬手煲。先講雞煲，有得簡唔同辣度，雞肉好入味，唔會死咸，唔會好諧，加埋小小辣，夠惹味。而成個雞煲入面會有好多紅蔥洋蔥大蔥同芫茜等配料，上枱之後會有職員繼續幫你炒，將配料加熱混和成個雞煲，成件事昇華左上去另一個層次。 而豬手煲方面，係黑椒豬手煲，職員一拎上黎，黑椒味超勁，職員幫手加熱同炒熟配料之後，味道更加香，聞都聞到留曬口水。雖然味好香濃，但黑椒唔會搶手，係岩岩好夠嘅。而豬手有肉又有骨，邊食邊「損」，「損」曬d汁。仲有豬皮上無毛，處理得夠乾淨，要讚下。食完兩個煲都飽左七八成，但係點可以比佢停，講到明要捧住個肚走，我地馬上進入打邊爐環節。湯底有8款任簡，我地簡

依一排都好少出黎食飯，難得今日約到朋友陪我去旺角行街買衫，就順便食埋晚餐，我都好來冇食過火鍋了，諗住今晚就去食火鍋，但朋友就話想食雞煲，所以我地就選去左二鍋頭到食，因為又可以食雞煲，食完之後仲可以選其他湯底打邊爐，最主要仲係任飲任食，所以非常抵食店舖環境舒服，地方整潔，地下/枱面都唔會俾人一種油膩感覺二鍋頭惹味雞煲雞肉有好多唔同部位，有雞腳，雞翼，雞胸等，食落又麻又辣冬陰功鍋湯底味道香濃，仲帶點辣味火鍋配料我就叫左肥牛(牛味濃郁)，鮮蝦雲吞(有原隻鮮蝦係裏面)，豬大腸(軟淋)，蜆(大粒鮮甜)食物自助區有多款菜類及丸類，當然唔少得公仔麵，響鈴，生根，炸魚皮等最後仲可以食埋雪糕先走，當中我就食左係出面比較少見到既紅豆味，每一啖都食到粒粒紅豆

雖然近排天氣越嚟越熱，但係同一班朋友喺冷氣抵下打邊爐依然好爽㗎！小編最近就去咗呢間位於旺角嘅火鍋放題店😆除咗火鍋之外仲可以食埋雞煲或者鴨煲，一次過滿足大家嘅需要🥰餐廳環境都幾闊落，店員服務殷勤，整體用餐體驗不錯_雞煲我哋揀咗中辣，味道香口惹味！食落去啖啖肉😍食完雞煲之後就可以轉湯底打邊爐🍲餐廳有提供9款湯底選擇，今次小編同朋友就揀咗泰王冬陰功鍋，配埋火鍋配料一齊食好吸味點好火鍋湯底之後就可以寫紙仔落單，火鍋配料選擇都唔少，基本美國肥牛、蜆肉、各種丸類都有得選擇！想食豐富啲嘅朋友仔可以加錢升級各種肉類及海鮮🦞小編覺得佢哋嘅美國肥牛都幾好食牛肉味香濃，另外蔬菜配料就要自己出去攞嘅_飲品方面都有多款罐裝飲品選擇，食到最後梗係要食埋甜品啦，雪糕雪條任食，整餐同朋友食得好滿足😊下次有機會再嚟先

餐廳位於旺角中心對面，交通非常方便，環境寬敞，座位與座位之間夠哂空間。呢度除咗雞煲之外仲有鴨煲同羊腩煲添，可惜伴侶唔食鴨羊，唯有留番下次同兄弟嚟先叫啦。點完雞煲就出去自助區睇下有咩食，大大話話都有好幾十種，真係每樣試一嚿都食唔哂，最正嘅就係仲有啤酒任飲添。幾分鐘之後侍應就送上個雞煲，細心交待冚蓋三分鐘後食得，雞煲雞肉嫩滑，味道先辣後麻，仲有少少甜味嘅餘韻，非常好味。食完個雞煲之後就換煲打邊爐，揀咗個滋補藥膳鍋， 藥膳味重，感覺好補身，邊爐料嚟講比較出色嘅係鮮吊桶仔同埋海蜆，兩者嘅新鮮程度都好難喺任食嘅邊爐餐廳裏面搵到。臨走店員仲俾咗一張尖沙咀分店嘅優惠券同送咗兩支搓手液我地添，下次可以去試吓個牛魔皇套餐，有得任食美國和牛架。

呢一間《二鍋頭》出名就係抵食嘅任飲任食火鍋200蚊到就可以食到雞煲 豬手煲 鴨煲 同埋打邊爐地點方便不在話下 位於旺中對面行完街之後坐低休息下食下就最方便除咗有惹味雞煲之外仲有平時好少食到嘅火焰鴛鴦鴨煲同埋黑椒豬手煲夠大食嘅話真係可以食齊三款可惜肚皮唔爭氣 只能夠容納到惹味雞煲雞煲選擇咗中辣醬汁愈煮愈濃郁 麻同辣味都越煮越出花椒夠麻夠刺激 仲滲出咗桂皮同八角嘅香氣雞件啖啖肉 而且亦都夠嫩滑雞煲仲有我最喜歡嘅芫茜同埋紫洋蔥夾埋一齊食真係perfect match至於打邊爐 湯底方面就選擇咗滋補藥膳鍋淡淡滲出藥材嘅香氣 養生又健康除咗可以喺點菜紙上選擇之外 仲有自選材料區域海鮮類別一定要點嘅就係海蜆估唔到呢種大大隻嘅蜆一粒沙都冇肉質夠鮮甜 帶有海水鹹鮮鮮吊桶仔 灼一灼就食得口感爽滑 一啲都唔會韌 脆鯇魚腩 同樣新鮮 肉質爽脆美國肥牛 質素絕對對得住價錢 肥瘦平均自選材料區域種類都有二三十種 有響鈴同埋炸魚皮點一點湯才吃 既掛湯 同時又食到酥脆嘅口感而且飲品方便選擇都好多又有啤酒 又有個款清熱飲料整體而言 價錢絕對對得住質素各位大胃王 一定要試下

成個冬天無機會出街食雞煲，感覺若有所失，最近又凍返少少，一定要把握機會食多次。平時等車回家巴士站旁邊就有一間 （二鍋頭），唔洗周圍搵，地點係旺中對面，非常方便除左雞煲，仲有豬手煲同鴨煲，不過我目標明確，係雞煲熱辣辣香噴噴雞煲好快就出現係面前了，期待因為老婆唔太食得辣，所以叫左個小辣，不過我都覺得比其他雞煲辣少少雞肉嫰滑，雞醬味道濃郁雞煲過後就到火鍋了Order完湯底就有汁醬架，混醬完就出去睇配料同飲品啦啤酒任飲，爽菜同其他配料選擇都唔錯好多餃類，泡菜粉絲餃好食，I Like It火腿丸，好耐係食過啦，童年回憶會唔會有人好奇用辣香腸打邊爐會有咩效果，想知就要試一試啦，唔伏的其他火鍋配料都唔少食完濃味雞煲，叫返個清清地既蕃茄湯底中和下，蕃茄味好清甜，打邊爐幾合適美國肥牛同黑豚肉應該係必點食物啦肥牛牛味濃郁，肥瘦適中豬肉唔會太肥，食落唔會成口油叫多幾碟都唔怕竟然有海鮮，咁當然要食多D啦，海蜆極推薦，大大隻，隻隻都會開口，新鮮，肉質彈牙，重點，無沙！！臨尾食多杯雪糕做甜品，滿足。 3 5知己想狂食暢飲，值得一試

雞煲火鍋周圍都有，喺旺角中心對面嘅二鍋頭一直都有回訪無非因為食物味道唔錯，價錢亦都非常合理，佢哋除咗有雞煲供應之外，仲有個鴛鴦鴨煲，一口價任飲任食。我哋今日兩個人揀咗雞煲小辣，先食雞煲，有用秘製醬料炒香，真係好惹味，又好食，2個人食完唔夠再加多煲先收手食完雞煲就可以轉湯底打邊爐，揀個比較特別嘅冬陰功湯底，酸酸地唔會好辣，零舍開胃。幾十款配料可以選擇，揀咗正路嘅肥牛、魚皮餃、雲吞、鮮魷魚、丸等等，全部都正常水準，海鮮都幾新鮮。另外仲有自助火鍋配料可以自己任揀，好多丸類、腸仔、蔬菜同菇類等等，都可以自己選擇。另有大量飲品提供連啤酒都係免費任飲，鍾意飲下啤酒、食下雞煲吹吓水一流，埋單計人頭都係2佰蚊左右，抵食又好食

係旺角行街 總係比身邊D火鍋店搞到好想打邊爐😋😋今日試左呢間係旺中附近既 二鍋頭試左佢地既招牌惹味雞煲😋大家都唔係好食得辣 叫左個小辣試下雞件大大啖肉 份量兩個人食 一定夠喉😳😳打完邊爐 係時候撈下醬開火打邊爐😏佢呢到食完雞煲☺️😋唔會直接同你加水打邊爐直接比個真煲 抵讚加分!火鍋配料有膳片唔係好多都有得食同埋海鮮款都唔少選擇🤩自助區分左兩邊🥳有滾滾下蔬菜同丸類🤩同飲品雪糕區 都有好多不同既選擇呢個價錢$198 + 10% 其實野食有不同既選擇仲要任食 雞煲 鴨煲 豬手煲 仲比你打埋邊爐 ! 抵食啊!😋😋😋😋🥰

疫情而嚟多咗喺屋企打邊爐，不過有時幾攰㗎，要買料洗洗切切，到食完又要面對洗碗地獄，所以今次同另一半出街食啦，見都好耐冇食雞煲，有少少掛住呢種重口味，所以揀咗呢間二鍋頭。喺旺角收工嚟講，呢度就幾方便嘅，又可以訂位二鍋頭面積都幾大，除咗一部份卡位，都有一般嘅2/4人枱，整體環境都係舒服嘅，同埋唔會同隔離枱太近，大家出去攞嘢飲嘢食都有戴番口罩。我哋坐低之後，就即刻寫紙仔落單。呢度主打雞煲/鴨煲/鴛鴦煲任食，可以自選大中小辣或者唔辣，重點係雞煲任食嘅，可以添加食完雞煲可以轉火鍋湯底打邊爐，火鍋湯底有8選1，例如蕃茄/沙爹/麻辣/冬蔭公/豬骨/藥膳等，都好㗎，唔洗用番雞煲嗰個比較油嘅湯底嘛。配料都多選擇，一般港式邊爐有嘅都有齊，牛肉、雞件、內臟、水土魷、魚片、餃類、墨魚滑等超過30款。飲品款式多啊。我哋點咗雞煲，呢度嘅雞煲唔算好油或者好辣，點咗少辣有少少唔夠喉添啊，如果食得辣，我真係建議可以點中辣甚至大辣雞煲係任食的，非常大方。食完雞煲我哋轉咗湯繼續打邊爐，揀咗冬蔭公湯，冇啊，自己打邊爐大多數都係豬骨同蕃茄薯仔，諗住冇咁悶囉，湯底不過不失啦。配料方面，我哋點咗牛、土魷、鮮牛肉、餃類、豚肉，整體都

平時多數係食雞煲對於豬手幫黎講 感覺幾新鮮豬手分量十足！肉質淋同埋入味！好好味呀！食完個豬手煲就玩湯底食邊爐～豬骨湯底真係有大大嚿豬骨！ 好足料！ 正 ！tick tick 紙上面既野食有海鮮，肥牛等...海鮮都新鮮～ 食左幾round. 肥牛唔會係肥膏多到放唔入口果種！ 質素不錯！雪糕同埋嘢飲都係任食任飲！有無糖嘅茶類飲品！ 健康der~ 喺雪櫃自己夾嘅嘢食種類都好多主要係蔬菜類～ 呢到既staff 都好nice ... 會主動幫忙～ 見你個鍋滾得好犀利 會幫你禁細火啲又會得閒幫你搞下個豬手煲 以免痴低值得一讚！

A colleague recommended 二鍋頭 to me for their high quality and cheap all-you-can-eat pots, and we got to try it during Easter holiday.We started with a Duck Pot first. This Duck Pot contained two different types of duck meat. The whole pot was so flavored and delicious! We just couldn’t stop digging in!You can opt for unlimited rounds of duck and chicken pots. Yet, we got only one of each so that we could finish all the food without creating any food waste. This slightly numbing spicy Chicken Pot

旺角任飲任食打邊爐- 佢有得俾你揀雞煲鴨煲定係豬手煲！🤩🤩🤩🥳為處於旺中對面2樓嘅呢間又食雞煲有打邊爐真係好抵食嘅套餐！雞煲我哋揀咗個小辣，而且仲可以走雞腳添！成件事非常貼心，雞煲好惹味😋😋雞肉大大件啖啖肉🤩當然唔少得煮到好入味嘅洋蔥啦！食完雞煲就到揀湯底啦！我哋揀咗芫荽皮蛋清下熱氣🥳勁大隻皮蛋！平衡下頭先食咗雞煲嘅油膩！任飲任食來講選擇都算多喎！海鮮類我哋就叫咗墨魚滑、脆鯇魚片、海蝦🦐等等海鮮類都非常新鮮，墨魚滑仲可以自己整又有得玩又有得食！而菜類同丸類就可以喺冰櫃佢自己夾！有晒響鈴、魚皮、芝心丸、菇類、菜類等等！！同時佢哋嘅飲品都好多元化有啤酒到支裝水在到去茶類可樂應有盡有！真係易啲個價錢嚟講好抵食！ 員工都好殷勤幫你加湯!! 而且座位安排好闊落！真係好適合一家大細嚟打邊爐！