二鍋頭 (福苑)

营业中

休息中

感覺像相隔了一個世紀，終於開放晚巿時段的堂食。這晚便和朋友來到旺角「二鍋頭」，來個任食火鍋放題，大快朵頤！地點非常好找，就在旺角中心對面街。雞煲就食得多，反之鴨煲就甚少見到有得食。當然，大胃王是可以把雞煲、鴨煲、豬手煲全部試勻，而且還能無限續添。鴨煲上桌後，先由店員輕炒，然後就是重頭戲：倒酒點火，再在火陷下繼續炒香。鴛鴦鴨煲分別用了油鴨件和鮮鴨件，在油鴨的油香下，整個鴨煲更顯惹味。鴨件煮得入味，配菜之一的枝竹更是索入了全煲精華醬汁，美味十分。食完鴨煲就到火鍋環節。這裡不是普通加湯到鴨煲裡，而是整盤湯底全新上桌。麻辣鍋的麻香味濃，光聞已口水垂涎著。火鍋料方面，肉類、海鮮等是透過寫紙落單；而丸類、蔬菜等則放在自助區內。「二鍋頭」供應的海鮮頗為新鮮，其中活海蜆肥美大隻，倒入湯底後，辣中帶鮮香，忍不住encore了。而白鱔片入口夾脆又有魚香，值得推薦。整晚下來，吃了不少海鮮入肚呢。飲品櫃無限任取，也是提供了不少選擇。甜品方面都要雪糕雪條任食。比較特別的是有這款韓國雪條，充滿奇異果香味，又不會太甜。

近排天氣凍凍地，所以同朋友去打邊爐，自從餐廳恢復翻晚市堂食之後，就係第一次打邊爐啦。今日呢間係喺旺角比較方便嘅一間打邊爐加雞煲，同時仲有比較少見嘅鴨煲同埋黑椒豬手煲，去到就分別食咗雞煲丶鴨煲同埋打邊爐。我哋先揀咗個雞煲(小辣)。嚟到之後店員會幫我哋炒幾下再收細火，閒落好香未食已經知道惹味。食落除咗嘢味之外都仲keep到有雞味，唔會係嗰啲冰鮮到咩味都冇晒嘅雞，小辣啱啱好。食完之後就揀咗半個鴨煲，第一次食鴨煲。上菜嘅時候店員會喺上面淋少少酒然之後點火炒俾我哋睇，差唔多舊舊都係啖啖肉，不過相對上就冇雞咁吸味，但係都保留左鴨嘅香味，整體都唔錯。最後就當然係變成打邊爐啦。打邊爐嘅方式有大部份食物都係任叫嘅，咁當然有啲貴啲嘅就要額外加錢。我哋揀咗麻辣湯底同埋芫荽皮蛋鍋。打邊爐必叫嘅肥牛同豚肉片：我鍾意佢切到夠薄，真係講兩聲shabu shabu就熟🤣🤣都夠肉味。海鮮類就叫咗白鱔，帶子同海蝦：呢啲全部都唔使額外加錢㗎 ！竟然有我鍾意食嘅白鱔、白鱔都幾新鮮，帶子同海蝦都係，食得出唔係啲急凍野。最後值得一提嘅係佢嘅牛柏葉同雲吞：因為佢嘅牛柏葉都好食同埋新鮮，唔會有怪味。雲吞好足料，食到入面有蝦同埋肥豬肉

頭盤有三款可以選擇，有雞煲鴨煲同豬手煲。個人比較推薦黑椒豬手煲，豬手非常入味，而且仲可以食完再添食。雞煲味道還好，鴨煲就比較淡味。值得一提既係，前盤食完，可以隨時轉唔同既煲食架。火鍋既食物質素就一般，無乜驚喜。脆魚腩 魚片，都似係普通魚片。海蝦唔太新鮮。 服務員態度友善仲非常主動，值得一讚。不過以價錢黎計，算係廉價火鍋。

天氣凍就想食雞煲打邊爐😍，一嚟到就揀個雞煲，感覺上兩個人好似唔止食左半隻雞，醬汁好食，唔算話超級鹹，香料都足夠。雞肉肉質又幾好喎，每一舊都好嫩滑我地揀左正宗豬骨鍋湯式，比舊咁大既豬骨嚇親，個湯底好濃郁，岩晒啲鍾意食濃味人士☺️。嗌得$298/位個餐都係為左啲牛肉，牛肉有牛小排、M6西冷、牛頸脊、極黑和牛，全部都好重牛味，每片牛肉都好完整，唔會散修修👍🏻。丸類、麵類、菜類唔多講，全部都唔錯，好味得黎最緊要款式多👍🏻！值得講下啲飲品同雪糕，好！多！款！乜都有得食有得飲。除左主食好食，其他野都好正💗，大人小朋友都一定好鍾意。環境好舒服，冷氣好足，食完都唔會有浸雞煲/打邊爐味！侍應好細心，特登問我地食唔食鳳爪，如果唔食，雞煲就唔會有雞腳😜。仲有介紹唔同款既牛肉啊，有咩湯底好啊☺️！

疫情之下放寬了4人一枱，便約了幾個好友慶祝生日，揀了這間地點就腳，2.5小時任食雞煲加火煱，食物質素不錯，尤其黑椒猪手煲很好吃，味道更勝雞煲，火煱配料也新鮮好味，滿意的一餐

今日同朋友去咗一家新嘅火鍋雞煲餐廳食晚飯！入去覺得個環境都好乾淨，坐得好舒服！首先我哋食咗雞煲先，仲可以揀辣度，小辣啱啱好，好惹味！佢哋仲有提供鴛鴦鴨煲同豬手煲可以再叫，直至食到唔想食為止！咁我哋之後再叫多份鴛鴦鴨煲！分別係鴨及臘鴨，上黎會有職員開火燒一燒。好特別！味道同樣惹味！最後我哋揀左泰皇冬陰功湯底打邊爐！值得推介嘅係美國肥牛，海蝦同蜆，新鮮又好味！如果再想食啲高級啲嘅食物，可以加錢另外叫。至於青菜或丸等，可以去自助吧拎。飲品同雪糕都好多選擇！我仲食左一支奇異果雪條，好特別！正呀！以$198/位加一來講，在旺角食到依個質素嘅打邊爐，簡直抵到爆！臨走仲送咗一張coupon同酒精搓手液俾我哋，Coupon可以下次去尖沙咀新店用！🥰🥰

網上見到依間放題好多人讚，今次大學同學聚會就選擇依度食任食雞/鴨/豬手煲+火鍋晚餐。一開始可以先揀食雞/火焰鴨煲/黑椒豬手煲，因為平時我同朋友都成日食雞煲，所以就點左鴨同豬手煲。火焰鴨煲好有驚喜，店員上菜時會淋酒再點火再快炒，鴨肉風味十足，肉質嫰滑。黑椒豬手煲都好特別，味道濃郁，豬手口感不錯，食完又想再食。最後開始打邊爐，今次揀左個正宗豬骨湯底，店員會換一個全新嘅煲上，唔似一般餐廳咁用返原本嗰個。落單嘅時候有好多食物可以選擇，同時都有食物自助區，同任飲啤酒、氣水同枝裝涼茶。$198再加一這個價錢食依個水準真係好抵。

一向都好中意食雞煲，試過自製但失敗得好慘烈。咁啱見到旺角呢間地點勁方便，一於嚟試吓。試完係有驚喜雞肉嫩又入味，我哋選小辣，辣味好啱，好快就俾我哋清左一煲，正！呢間仲有鴨煲食，一於要試！職員即場點火幫手炒，香味撲鼻。有好香嘅香葉味。 鴨唔會好肥（因為食過有啲鴨肥到食唔到肉，所以好驚太肥）食完雞鴨煲，再打邊爐！ 佢地有好特別嘅泰皇冬蔭功鍋。打邊爐嘅菜、丸、餃、魚皮等都是自助，食材擺放係雪櫃入面，企理又乾淨！估唔到冬陰公打邊爐又幾正，酸酸辣辣咁，好開胃。生猛海蝦、活海蜆都好鮮美，蜆無沙。美國肥牛同美國豚肉都好靚唔肥。牛柏葉同鮮吊桶仔好爽脆。食材同個湯底意想不到夾。餐廳仲有好清晰嘅大電視，一邊食一邊睇電影，正！打完邊爐再嚟杯雪糕，完美！埋單仲有酒精搓手液送，好sweet原來佢地尖沙咀都開咗分店，有任食美國黑和牛套餐，下次要去試吓。

去到旺角，一早已經想食任食火鍋，今日即使係星期4既夜晚，人流一樣多，座無虛席。我今日是2個半鐘，任食雞煲/鴨煲及火鍋。2個半鐘其實唔錯，平時常見的90分鐘，其實有點趕。2個半鐘就可以慢慢黎。我地選了雞煲，辣度可以自由選擇。選了小辣。雞煲炒得好香，加上洋蔥等等爆香。而且有鳳爪係裡面，可以慢慢食。個人好鐘意食鳳爪，因為好吸味。十分香口。到了火鍋時間，先選湯底。再揀配料，選單上的款式已經好多，肥牛等等常見，以致帆立貝，海蝦，魷魚，應有盡有真係好正。選單外，仲可以出去拎，大大個雪櫃。菜，丸，菇，魚片，應有盡有。而且一叫就黎，上菜好快。飲品都係任飲，款式之多，汽水有，清熱既都有，任揀。今次叫了豬骨濃湯湯底真係有舊大豬骨👍好正架。食材既料都好迎鮮，蝦，估唔到係咁大隻。最愛既肥牛，肉質都好好，食落牛味重，下了2次單我都有叫肥牛。墨魚滑實在係必點，啖啖墨魚粒，好爽口彈牙。仲有係鮮蝦雲吞，真係足料鮮蝦。疫情稍有好轉，好耐猜外出邊爐，總覺得外出邊爐係有一番風味，係屋企自己邊盧比唔上的。好開心既一餐。原來尖沙咀都開左分店，埋單仲有優惠卷。另外仲有搓手液送，係打邊盧既同時，都要注意手部衛生先得。

最近一直都好想食火鍋，特別係任食火鍋，想食幾多都得，又可以揀自己鐘意既食物。火鍋店之前一直受疫情影響，而家晚市放寬，決定大大力支持下先。2個半鐘既任食，時間岩岩好，唔洗咁趕先決定雞煲還是鴨煲。雞煲就是正! 炒到香，為整餐黎一個開頭。 到火鍋既部分!先揀湯底。再選配料。配料之多真係想食咩都有，由一般火鍋必備的牛肉，豚肉，到其他食材都有。光是餃子已經好多款，好多都想試。不過記得食得曬先好叫呀! 而且好多仲好特別，實在係令人相當高興。火鍋料亦好新鮮，食材都有一定質素，十分唔錯，加上其實上菜都幾快架，下單沒耐已經有得食，岩曬一眾大胃王，可以把握時機食多D。 我自己好鐘意食肥牛及牛柏葉既。不停叫，真係好耐都冇試過可以食到咁盡興。 早排香港既食店都受疫情影響，火鍋店受到既影響就更大，不妨都大力支持下佢地，同時亦比自己享受下，畢竟好耐冇試過大吃一頓。仲有仲有，就係二鍋頭優惠卷！

聽朋友推薦後，馬上決定去試一試。有三個價位128（火鍋放題）、158（雞煲加火鍋放題）、還有一個價位忘記了，是可以選羊腩煲。雞煲味道雖然比不上一品，但在放題的質素裡非常不錯了，並且可以無限續雞煲，續雞煲以及打邊爐都是另外上一鍋。而且服務員非常貼心，我們續雞煲的時候想要份量少一點，服務員有特意拿過來讓我們確認份量。吃完雞煲打邊爐，食材看起來也挺新鮮的。總的來說很值得一試。

一個星期前去過幫襯任食雞煲$148，但昨天去就加左價$158，咁正常諗應該好食多人才加價，點不知剛剛相反，水準不但下降之餘，客人亦少咗，因為上一次去都幾乎坐滿，但昨天去就連自己只得三枱客人，再講返水準方面，D雞肉件乾爭爭，除咗雞腳好笑到比咗酒樓D鳯爪來做雞煲🤣同時一煲有三隻，我一路食我一路希望比多機會它，下一煲可能會好啲，因為我昨天是第一枱客，結果第二煲果然好啲，咁表示我第一煲好大機會是隔離😱，之後食完第二就轉食黑椒豬手，但水準一般，最後食多一煲🐔就算因為火煱上次試都係麻麻，結果一煲雞內又出現三隻雞腳的關節位，因為我叫左走鳯爪，但比左落咗關節位，幾乎半煲食骨頭😂

🌕Hello我係Moon🌕嚟到旺角當然又係時候食下雞煲打下邊路嚟到過又涼又凍嘅天氣啦，🥲但係坊間而家咁多雞煲👍🏻同埋打邊爐嘅店究竟點樣揀先好？ 😛計我話最經濟實惠當然係搵到一間冇限時嘅店舖啦！ 🤪冇錯呀旺角真係有一間食雞煲又可以打邊爐嘅餐廳係冇限時㗎，😚想食兩個鐘又得三個鐘又得食完兩個鐘頭一陣再去第二round亦得😳咁當然啦既然可以任食嘅話質素唔知道得唔得㗎呢，😳答案就一切盡在啲靚相當中。😍首先就介紹吓個雞煲啦，😛鹽一煲唔夠嘅話真係可以不斷再食又再食㗎，😳既然唔限時間咁梗係食到滿足先在下一轉打邊爐啦。🤪介紹返個雞煲先😆亦都係可以俾你挑選辣度，😇而今次呢我就要咗少少辣試吓究竟最低程度係會點樣，🥰裏面啲服務員都非常之親切同埋好為大家着想就算個雞煲嚟到都會先喺大家面前再炒幾炒兜幾兜😚確保全部都要熱辣辣先至放心等你哋起筷，🤪為咗唔會令大家咁快就飽所以鹹度都調到好低所以亦都唔會出現食完之後覺得口渴。 😚之後肉類當然要介紹兩大主角就係美國肥牛同埋美國黑豚肉啦😇畢竟打邊爐真係唔可以缺少新鮮嘅肉類，😍而我認為除咗肉味要夠之外另外一樣嘢就係要薄切，😝咁樣就可以令到口感再加添一份爽脆而唔係淨係啖啖肉咁簡單

又嚟到旺角呢一個放題勝地😂😂不過今次懷着希望搵吓有冇啲特別小小嘅餐廳，可以係超抵價又或者可以唔限時之類都好。果然皇天不負有心人，俾我喺旺角中心對面街搵到一間係冇限時嘅放題仲要係雞煲打邊爐雙料齊下。一開始會有三個選擇可以就咁打邊爐或者雞煲打邊爐再甚者就係羊腩煲再雞煲再打邊爐，全部煲都係任食！！淨係聽到呢一點都已經非常之雀躍，終於可以唔使再同時間競賽又可以大快朵頤。😭😭😭😭😭😭😭而相信廣大嘅選擇都會係雞煲加打邊爐就已經可以飽到七彩。雞煲當然就係作為一開始嘅主菜然之後同樣都有辣到可以揀，因為食完可以再要嘅關係所以辣到可以由最少辣開始慢慢挑戰上去順便當係食辣嘅考驗至於香味呢就真係十足而且仲保持咋渣聲，服務都非常周到㗎麗園之後都會不斷在炒下炒下先再要大家起筷，煲入面充滿着芫荽同埋其他嘅調味料所以除咗味道足夠之外另外香味亦都非常之緊要而且亦都好充足，一如所料都係食到嫩滑唔老唔鞋嘅雞，大部份嘅部位都齊晒而並非太多骨，搵你好嘅話仲會發現到有鳳爪添！！💕💕💕💕💕💕💕💕💕享受完雞煲放題之後就嚟到清少少嘅環節，打邊爐除咗湯底緊要之外食物嘅質素同樣都唔可以睇小，最主要都係肉類嘅新鮮度，而從美國肥牛同埋黑毛豚肉

旺角呢間二鍋頭係一間雞煲🐔＋火鍋任食 🍲🍲仲要係無!限!時! 只係148蚊😍😍😍 超級抵食 🤑🤑回本零難度👌價錢勁抵👍不過質素用料絕對唔馬虎以前淨係買晚飯先會食嘅雞煲 🐓而家晏晝都已經坐滿人👭👫👬🧑‍🤝‍🧑大家好似唔使返工一樣 🤣起碼都坐兩個鐘😋 無限時真係好過份！ 消化完再食都仲得🤣🤣🤣先講我雞煲🐔🍲非常入味而且juicy👍一啲都唔乾，非常惹味😋 小辣對我黎講啱啱好。雞件一口size啱啱好嫩滑肉質， 未食完已經想追加🤚🤚火鍋我哋要咗皮蛋芫茜湯，中和返剛剛嘅辣雞 感覺健康啲 😝嘢食上菜非常之快要幾多寫幾多黎幾多，肉類🐂餃類🥟丸類🍡菜類🥗樣樣都唔錯👍冬天食火鍋真係好幸福🥰🥰飲品方面都幾多選擇🍺🥤🧃健康的不健康的 啤酒都有就😊甜品兩款韓國雪條同埋雪糕🍦🍧咖啡味爆炸糖朱古力雪條！！ 非常特別 食到忍唔住笑 一路食一路覺得好特別 大家一定要試下🤣🤣🤣