二鍋頭 (福苑)

营业中

休息中

之前來吃過這裡的豬手煲  非常回味 最近天氣太熱都整到沒胃口了就想起這家的惹味豬手煲我要來重獲食慾!!在店員炒豬手的時候 我就開始流口水了黑椒香氣撲鼻豬手炒得非常入味 口感界乎軟和有咬口的中間吃起來有豐富膠質 吃完這盤再加點半煲吃濃味東西必配汽水和啤酒 無限暢飲之後換了一個豬骨湯底火鍋之前來的蜆比較大 這次換成小顆的有先做過出水處理 吃完來沒有沙鱔片好吃 回本之選雞子超大顆 喜歡雞子的 必點!!外面自取的雪櫃有各款丸類出前一丁是原包的 再吃點菇菜 均衡營養甜品的雪條比較少見

突然好想食雞煲二話不說相約好朋友即刻打電話去旺角二鍋頭訂座，喜歡這裏除了任食雞煲還有鴨煲和豬手煲選擇，食完之後可以再選擇火鍋湯底打邊爐🍲餐廳另外你一邊擺放了很多火鍋配菜給客人自由選擇，款式大約有二三十款，還有飲品和甜品選擇。麻辣雞煲-雞煲可以按照個人喜好選擇辣度，雞的醬汁很惹味，雞肉咬落啖啖肉，食唔停口。沙嗲湯底-我們選擇了沙嗲湯底，牛肉放落沙嗲湯底特別好味😋牛肉香濃又嫩滑。手打墨魚滑清爽鮮甜。炸魚皮脆卜卜好香口，白蘿蔔琴吸入湯底好淋好入味。飲品方便有涼茶，汽水和啤酒，選擇都比較多。最後當然食返個甜品做結尾，有我最喜歡的榴槤雪條，正！

放工想食雞煲近近地去左公司附近嘅二鍋頭平日198任飲任食真係幾抵揀左要雞煲/鴨煲/豬手煲先其實食完一款可以繼續食埋其他眼見隔離枱 好多都戰鬥力驚人食完一款又一款我就要左小辣雞煲上枱時已經煮熟左店員幫手再炒香啲 兜多一陣就食得二人都有半隻雞 仲可以揀要唔要雞腳雞肉滑得嚟又入味食完就可以打邊爐唔似出面其他任食就咁喺雞煲加湯而係可以重新再揀過湯底配料有啲畫紙仔有部分丸類同菜就喺雪櫃自己攞配料都幾新鮮任食牛嚟講都算ok 唔肥但牛味重淥十秒就食得最後食埋榴槤雪條 正出面好少見

二鍋頭選擇困難症嘅大家可以留意😚因為今次呢間餐廳除左打邊爐任食之外，雞煲、鴨煲同豬手煲都係任食!!!!❤️最重要嘅係性價比真係好高😚係介紹之前比個小tips大家如果想好似我地咁為食想試多啲就記住落單個陣同職員講煲嘅份量少啲🤣咁就可以試曬三款煲類之餘仲可以有位打邊爐❤️🍴火鍋。雞煲。鴨煲任飲任食2小時($198)首先坐低店員會叫我地叫左煲類先分別有惹味雞煲、火焰鴛鴦鴨煲同黑椒豬手煲三款😋個人比較推薦火焰鴨煲同豬手煲❤️鴨煲上菜時會落一碗酒做火焰效果記住撈匀再等佢煮一陣蒸發咁啲酒味先😚調味好濃好香重口味人士必點咬落啖啖肉仲要加左枝竹好索味❤️❤️豬手煲炆到入味咬落啖啖骨膠原嘅感覺😋滿滿嘅黑椒味又唔會有好重手嘅芡汁同樣地都係啖啖肉唔會冇野食😋打邊爐嘅湯底多達九款可以選擇我地今次就揀左豬骨湯~本身湯底都幾濃仲有舊大豬骨可以食😋打邊爐配料除左用紙剔之外仲有部分嘅配料可以出去夾選擇都幾多😋但係因為前面食左三個煲嘅關係都唔係好食得落我地主要都係出去夾番啲菜懶係健康啲🤣邊爐配料水平都不錯呢個價錢食到咁多款食物性價比絕對高❤️海蝦同牛柏葉都不錯😋菜嘅種類亦有好多款仲幾新鮮不過放嘅位置比較高我呢啲小矮人夾就有啲唔方便

平時食雞煲之後加湯打邊爐就食得多今次呢間一個價錢就可以食到雞煲, 鴨煲, 豬手煲 同打邊爐🍲😍3款煲都係任食！ 之後再另外揀湯底打邊爐🥰而且星期日至四仲係$198 2小時任食！真係超級抵🤩🥢火焰鴛鴦鴨煲上菜之後店員會淋上玫瑰露點火 有得睇有得食🤣調味做得好好 醬汁帶點甜 鴨肉質唔會un! 加上支竹索晒啲汁 好惹味😋鴨既份量超多! 兩個人食 好似食極都仲有咁😂 而且每舊都有好多肉 唔似出面食成日都係得舊骨👍🏻 搵多幾個fd黎食就啱晒啦！ 🥢二鍋頭惹味雞煲原來可以叫店員比少啲份量 咁就可以試晒咁多款啦😆雞煲花椒味較濃 炒到好香口 雞件嫩滑 帶點麻辣 比鴨煲又係另一種惹味😋不過我自己就覺得鴨煲出色啲🥰🥢黑椒豬手煲呢個都係要左小份 豬手炆到超入味 超淋滑 好有膠質😍 有驚喜 必食之一😋 之後就到打邊爐既部分啦~total有8款湯底 我地揀左🍲正宗豬骨鍋肉類/海鮮都係填點菜紙落order, 丸類/加工類/蔬菜/響鈴/豆腐/烏冬/即食麵都可以係自助區搵到其實overall火鍋配料有好多款 本身都食唔晒😂鮮吊桶仔, 牛柏葉, 海蝦都推薦💮 海鮮都算新觧 海蝦好彈牙😋蟹柳怪表示有蟹棒食好開心 唔係ch

捉住夏天嘅尾巴，同朋友一齊去打邊爐，有咩事開心得過咁呢？我哋去咗呢間餐廳到食雞煲火鍋，一開始店員已經好好咁俾咗好多醬我哋揀，轉頭冇幾耐嗰雞煲到，可以揀唔同程度嘅辣，我哋揀咗唔辣，因為想無咁熱氣。雞煲裏面嘅餡料好豐富，雖然唔辣，但係食落好惹味好香，你隻雞煲好多雞肉，基本上三四個人食，都不成問題。我同朋友食都停唔到口，之後仲有火鍋可以食。去到火鍋，我哋叫咗個蕃茄湯底，清新得來又香。去到自助區鍾意夾咩就夾咩，都有幾多唔同菜同埋丸可以揀。最值得推介就係個脆鯇魚片，好爽口彈牙，好好食！

2021年8月31日 雨今日約左朋友打邊爐, 一去到餐廳唔算多人, 但食食下都坐滿人了。坐底首先拎左d 小料俾你, 總種類都多叫左個任飲任食雞煲火鍋 每人$218, 一開始會上雞煲, 由於朋友唔食得辣就叫左個唔辣ge。雞煲入面有炸鳳爪, 都幾好食。個煲唔會好咸, 都唔錯。但唔知係咪因為唔辣, 總覺得少左d 野咁食完雞煲就會收走個煲俾你打邊爐, 湯底都有8 款揀。今次叫左豬骨湯, 不過不失, 野食都ok, 呢個價錢算唔錯仲有雪糕雪條拎, 食到飽曬啊

今日想食辣，食雞煲，當然諗起二鍋頭，上次在他們尖沙咀鋪食那個雞煲，超懷念，今天在旺角，就試下他們的旺角分店。上到去依然要等位果然旺場，一坐低，先來一個麻辣雞煲，麻香辣，雞肉滑，保持一貫水準，如果芫荽加多一點更好，食完已經大滿足了一半，店員好好服務，仲問我們兩個人要唔要鴨煲或者豬手煲，如果人多真係可以再嗌多兩個煲。哈哈。今日我兩個人，跟住就清清地來個清湯打邊爐，任食邊路，他們的選擇算是很多，蔬菜種類繁多，海鮮又新鮮，今日叫咗墨魚滑，帶子和蜆，和夾了很多很多蔬菜。飽飽。

呢間住食火煱店最好就係地點好就腳，係旺角市中心地鐵站出口，佢地有唔止雞煲任食，我記得仲有豬手煲同鴨煲都係任食，$148要食番本應該都可以😹不過我個人最鐘意都係食雞煲，所以今次都係揀雞煲食。湯配料方面都有唔同揀，例如係一啲蔬菜類、遠慮、海鮮類、肉類、同正常返題一樣都會有嘅飲品加飲品無限自取等雪糕供應。由於已經食咗一大隻雞煲，唔想食太多肉，所以食完雞煲後就轉左個比較清嘅湯底打邊爐，而食物方面盡量都只揀蔬菜為主，另外都揀咗少量海鮮。整體都合理，如果以呢個價錢來講真係不敢要求更多😋同朋友仔平平哋食餐飯，有得慢慢坐，有得打下邊爐🫕

朋友叫我去旺角同佢打邊爐，就揀咗揀任飲任食，價錢唔貴，而且最得意係佢呢間除咗雞煲之外，仲可以任食鴨煲或者豬手煲⋯真係第一次見咁多嘢食。首先揀咗醬料先，有好多唔同嘅配料可以選擇。我哋就坐低揀咗雞煲，佢個雞煲真係好入味，同埋裏面的雞都比想像中滑，所以我哋都食晒成兜。最鍾意就係佢表面有好多芫荽！提升好多香味！本身都想試埋其他煲，但係都想留返胃口打邊爐就直接揀打邊爐，仲有得自選湯底唔係直接加清湯。我哋就揀咗沙嗲湯底，味道都幾香濃，裏面有好多配料可以自選，包括我哋揀咗豬，牛，牛柏葉，雞子，蜆等等，選擇都好多，而且牛嘅質素都對得住價錢。好難得竟然有雞子食！而蜆本身已經煮熟咗少少，所以已經去晒沙，比較穩陣。出面仲有自取點，我哋就拎咗啲炸魚皮，響鈴，萵筍，各式各樣的菜，生根等等，質素都OK，難得有得食萵筍，對皮膚敏感有幫助！同埋都真係唔多地方食到生根，正。出面仲有好多飲品，朋友就鍾意飲佢個菊花茶，我就覺得啲無糖茶都唔錯；甜品方面有雪條有雪糕，比較愛好黑糯米雪條，甜甜地好滿足啦！

今次去嘅鋪頭名叫二鍋頭，店面位於旺角，不過就同白酒無咩關係🤭，距離地鐵站頗近，只有大約五分鐘路程。入席之後，首先可以選擇雞煲及鴨煲，食完再打邊爐。最近仲有酸菜魚煲可供選擇，雖然都好吸引🤩，但係最終選擇左雞煲。 雞煲幾入味，分量頗多，如果係少人黎，可能食完都飽啦，可見有幾足料。食完雞煲就打邊爐，湯底有好多選擇，本來想選辣d，但因為屋企人唔食得辣，只好選擇左藥膳煲，不過味道都唔錯，淡淡既湯更顯肉嘅味道。 之後就拎左&叫左唔少丸類、羊肉、牛肉、海鮮等等，不過最好食嘅個人都覺得係肥牛。菜嘅種類都頗多。飲品都有唔少選擇，但肥牛配啤酒🍻，的確係好好味。

收工唔知食乜好，諗黎諗去都係打邊爐最好，朋友推薦我黎二鍋頭呢間食，有得任食雞煲之餘，仲可以揀湯底打邊爐，好抵食！餐廳間開左兩邊，另一邊附有食物自助區，包括有丸類、蔬菜、菇類、魚皮響鈴等等飲品自助區就有楊協成、忌廉溝鮮奶等等類型。一坐低就整左醬油先，自己係位整，唔洗出去同人迫，好方便！終於黎到我最期待既雞煲，客人可以因應喜好揀辣度，走鳳爪、走莞茜，我地揀左小辣同走鳳爪，以辣度黎講，小辣帶少少辣味，煮耐左唔會愈來愈辣，小辣食上去更惹味，雞件好足夠，件件都好多肉，唔算滑但勝在啖啖肉，食完一轉已經好滿足。食完就打邊爐，我地揀左沙嗲湯底，肥牛同黑豚肉都不錯，肥瘦均勻。仲嗌左啲海鮮，蜆肉、墨魚仔、墨魚滑、帶子等等，整體黎講味道同食材都唔錯，可以再番食。

今日同朋友黎二鍋頭dinner，一定要讚下服務態度好好！一入黎坐低馬上就有侍應哥哥黎講解同埋推薦menu😆！198可以任食雞煲鴨煲豬手煲同埋打邊爐！特別要提下加多$70可以食海鮮/ 加多$100就可以食和牛set！好好好好好抵😍！我同朋友特別鍾意食雞煲，啲料好足，醬都好入味！忍唔住叫咗2round🤣推薦推薦！打邊爐有好多款湯底揀，咁我同朋友就揀咗藥膳湯底，配埋牛肉真係一流🤩出邊都有飲品火鍋配料同埋雪糕任攞🤤飲品都有好多唔同款，最驚喜係有桃味嘅忌廉梳打！都有好多唔同款雪糕，個人最鍾意榴槤味雪糕，榴槤味好濃🙈

地理位置方便，無論搭巴士定地鐵嚟，都可以5分鐘左右行過嚟一埋位，店員好好咁講解任食玩法。我哋首先揀左雞煲，都幾大煲下。店家都好貼心，紙上可選擇走芫茜、走雞腳、辣度。可惜我地唔係大胃王，如果唔係，可以試曬雞煲、鴨煲、豬手煲☺️啲雞大大件，都入味火鍋湯底就揀左滋補藥膳鍋，進補下～有啲食物要用order紙落order，落完店員都好快送到👍🏻而啲空碟又好快收返👍🏻如果想要丸/蔬菜/麵就行去自助區拎，好方便。每樣食材都唔錯，最鍾意係啲海鮮，當晚叫左青口、帆立貝、墨魚仔、海蝦，全部都好新鮮都幾大仔，都食左唔少😙飲品&甜品都係出面自己拎，拎左咸柑桔&榴槤雪條，一於由頭進補到尾～

食物好食，性價比高，員工態度親切有禮貌，座位舒適，雞煲好食，飲品選擇很多，打邊爐配菜選擇不少，送菜都快，有卡位坐，非常舒適，適合同朋友邊傾邊打邊爐，沒有壓力的任食火鍋。