二鍋頭 (福苑)

营业中

休息中

呢個開始轉涼的月份，朋友話想食羊腩煲，我第一時間諗起二鍋頭！滋補羊腩煲火鍋放題都只係 $278/位，梗係唔使諗，即刻 order 啦！大量火鍋佐料比你選擇！未進冬已要進補！未進冬已要進補！肉質軟腍，具羊味而不會過羶配料有枝竹、馬蹄等，羊腩肉肥瘦之間，連骨位置都好滑溜，盡沾惹味湯汁，味美豐腴！淨係食個羊腩煲都已經超哂值！所以我地都係食菜為主，加少少其他蔬菜都已經好滿足了！飲品的選擇都好多！我就鍾意有茶、有蒸餾水！友人就鍾意飲汽水、仙草爽！

帶屋企人食羊腩煲放題。真係幾好味！！價錢唔貴，二百幾蚊，有得揀羊腩煲，雞煲，鴨煲，豬手煲任食。食完再揀湯底打邊爐。。。。可惜嘅係，食完第一煲，叫第二煲個陣，佢話暫時無晒，運緊過黎，要等半個鐘。。。。咁唯有食住雞煲等啦，都好食。。。最後我地食左羊腩煲—> 雞煲 —> 羊腩煲 --> 打邊爐 。。。。。打邊爐選擇多，又有海鮮揀，唔洗另外收錢，算係咁！飲品選擇多，地方算乾淨企理，餐廳位置方便，真係係一個唔錯選擇！！！！

今日黎到旺角食雞煲火鍋放題$218任飲任食2小時~~包括任食雞煲, 鴨煲 & 豬手煲無限添食!!食完晒D煲就到食火鍋~~火鍋配料非常豐富!!除左填紙之外, 仲可以去自助區拎~~大大個雪櫃, 有多款配料選擇!飲品方面就有果汁, 汽水, 仲有啤酒任飲添~好O岩同成班朋友一齊啤一啤佢我地一坐落就點左雞煲, 好快就到喇~~店員會幫忙炒雞呢呢道既雞煲最特別係有鳳爪架, O岩晒鍾意食鳳爪既我雞煲一上枱就香噴噴~~我地要左小辣, 都OK, 唔會好辣...雞煲配料足, 炒得好香, 非常惹味!!雞肉就夠晒嫩滑食完晒雞煲開始打邊爐~~點左清清地既香茜皮蛋鍋....有多款海鮮供打邊爐~~全部都好新鮮丫!!!有青口, 蜆, 蝦等等.....一定要推介呢道既脆鯇魚腩~~好新鮮, 爽口彈牙, 超脆超好味!!!脆鯇魚腩好厚肉, encore左幾次最後食晒甜品就滿足晒呢~~有雪糕雪條, 唔錯!

跟朋友相約去打個邊爐🍲，如常地我早咗15分鐘到達，店內男服務員友善地問我約咗幾多點，之後他叫我等一陣。兩分鐘後，佢再次打開門請我入去，我同佢講我未夠鐘，朋友又未到齊，唔想起鐘住。誰不知，佢笑住口同我講，唔想我喺門口咁慘企喺度等，雖然客多，但都畀我入座先，可以等到夠鐘先至開始計，態度非常友善。😄已經好耐冇試過有咁好服務態度嘅服務員🥺，去親食放題、打邊爐，多數服務態度都係敷衍，黑口黑面😒，唔多想應你🙈🙉，但呢間店裏面嘅所有服務員都好積極友善👍🏻，服務態度好正面，令大家都食得好開心，而且好細心收拾，畀個like佢哋👍🏻😘 請繼續保持友善嘅態度待客，多謝你唔駛我企喺度等。🙏🏻另外每次要求多一鍋雞煲，佢都會全鍋換咗佢，非常衛生👍🏻

天氣轉冷，又開始最啱打邊爐嘅日子。今次揀左係旺角嘅二鍋頭。一入場，先食一個豬手煲，夠多芫茜（我鐘意）舊舊都多內唔係淨骨（俾個like 先）之後轉左個豬骨湯底打邊爐，值得一讚嘅係佢refill 係用湯唔係加水。邊爐食物款式多，有魚皮生根同燒賣！仲有多款菜揀，烏冬又用冰烏冬，我覺得絕對抵食。飲品方面有2個櫃嘅選擇，連馬蹄爽都有，揀起上黎都令到我心大心細，最令我驚喜係有榴槤味雪條，而支雪條真心好味😋。呢間火鍋店我會再戰！

二頭鍋（旺角）#今次同朋友去旺角二頭鍋度食晚飯,嗰度座位寬敞,店員招呼熱情,耐心地向我們介紹各種菜式,店舖掛滿充滿古典氣氛的燈飾,令我們陶醉於其中。#今次我哋叫咗個任食兩小時$228元套餐,而且仲有任食雞煲鴛鴦鴨煲和豬手煲,真係非常超值👍#我哋叫咗雞煲,份量非常多,雞肉够入味,够嫩滑；豬手煲有微微的黑椒辣味,更帶出豬手的鮮味🙏🏻#海鮮方面：海蝦大大隻,鮮味十足；脆肉鯇魚片,新鮮彈牙爽口；帆立貝鮮甜味道；海蜆够鮮甜,真係值回票價。#肉類方面：全部都係外表亮澤,顏色鮮紅,美國肥牛肥瘦適中,有牛肉味；黑豚肉味道較鮮；即使羊肉片吃進口裏,一點顫味也沒有,反而有點鮮味。#值得一提是自助區的丸類爽口彈牙、蔬菜也非常新鮮！#飲品方面：除汽水外,還有各種清涼爽、柑桔和竹蔗茅根,更有雪糕,梗有一款啱你口味👍下次一定會再去多次。

二頭鍋（旺角）#近日天氣開始轉涼,我哋成班朋友去咗旺角二頭鍋吃火鍋,餐廳在二樓,分開左右兩邊,座位寬落,令人有驚喜。#今次我哋叫咗個任食兩小時$228元的套餐,除了火鍋放題外,而且還有任食雞煲、鴛鴦鴨煲和豬手煲,真是非常超值👍1）黑椒豬手煲：煮得很入味,又夠淋,而且骨膠原豐富,以形補形。黑椒味不會太重,但卻非常惹味,吃落口啖啖肉,好滋味,口感有彈性。2）雞煲：用蒜頭、洋蔥和大蒜等配料,將雞炒到很香口,雞肉嫩滑多汁,有雞味,香噴噴,令人吃不停。3）湯底：藥膳滋補鍋,有濃郁的藥材味,喝一啖,味道清甜,既滋補又保暖。#這裏有過百種火鍋食材,雖然任食,但所有食材非常新鮮,尤其是海鮮和肉類。*我最愛食肥牛和黑豚肉,兩者質素也很高,大大塊,肉汁鮮味。*海鮮方面：青口、墨魚仔、吊桶、海蝦、海蜆和白蟮片也非常鮮美和有口感,非常高水準！*值得一試的是鮮蝦雲吞和鳳城水餃,皮薄餡靚,皮薄之餘,餡料十足,內有大大隻和彈牙的蝦肉,,而鳳城水餃更有爽口的木耳絲,入口非常有口感。#此外更有各款新鮮蔬菜、肉丸、啤酒、飲品、雪糕任食,大家可以食得更盡情,真係非常超值！🙏🏻

同喜愛打邊爐的朋友一齊去打邊爐，梗係要千揀萬揀啦 (以免失禮)~~今次就咗呢個「二鍋頭」，食後朋友都讚好！先講講個價格，(星期一至四) $218任食2小時、(星期五至日、假期及前夕) 都只係$228食2小時!!有可以食雞煲，又可以打邊爐，賺哂！雞煲，有唔少脾肉，啱哂我鍾意食肉的，味道又入味！仲有好多洋蔥，冇得頂！火鍋材料好多選擇，頗新鮮，又頗乾淨！最重要飲品都好多選擇！最後食埋雪糕，就PERFECT喇！

秋風起，又到打邊爐既季節～好耐都冇食過火鍋放題，今日我地一家四口決定食得滿足啲，去打返個靚邊爐阿媽話事指定要點的豬骨湯底，湯入面好足料，味道都幾清甜，打邊爐一流食物質素同選擇放題店黎講都算幾好～包括有肥牛、鮮牛肉片、豚肉、羊肉及其他海鮮類等等，全部都新鮮及有水準餐廳仲設有一個火鍋料自助區，有各項蔬菜及丸類等等，當然點少得響鈴同炸魚皮放題店點少得任食甜品，估唔到呢度有榴槤雪條，簡直係為豐富嘅火鍋大餐畫上完美句號～

朋友聚會，打邊爐絕對係一個好好既選擇～大家都岩食之餘，又可以坐得耐啲，一路食一路傾計今晚我地大伙兒就去左旺角打邊爐，質素都唔錯！我地book左枱食6點半，時間尚早，入場時冇乜人，但夜啲就全場爆滿了。佢嘅座位都幾寬敞，坐得舒服。呢間火鍋店都幾特別，因為一開始係可以先任食雞煲、鴨煲和豬手煲。我哋先食咗個小辣嘅麻辣雞煲，味道好惹味，雞肉嫩滑多汁，味道不錯～打邊爐都係大眾嘅食材，印象比較深刻嘅係佢有新鮮滑牛肉片，食落口較有牛味，唔同平時食到嘅美國肥牛另外佢竟然有得食鱔片～平時喺街市買都好貴，呢度有得任食，我梗係叫多幾轉食返夠本飲品選擇好多，不過養生嘅我就飲返幾支雪梨海底椰潤潤佢。

湯低都有幾款，濃，辣，清淡都有因為2人都飽飽地，所以揀左食基本火鍋，清清地揀左蕃茄，薯仔，醬汁配生熟祘蓉，加埋至愛唐芹，正！雞肉腸(片裝)好味，有香草味花枝片滑又爽，蝦串鮮味，彈牙，好正！鱔片大件又夠滑，雲吞足料，飲品有啤酒，細樽裝柑桔，罐裝汽水及飲品，個人喜歡飲啤酒，火鍋必備。最後食雪糕，韓國雪條等等，仲自製黑牛，正，（可樂＋雲呢拿雪糕）好滿足。 因為食得太飽，冇試鴨煲同其他特色火鍋下次一定會試。

同老公行尖沙咀，行到攰想食野，見到有“二鍋頭雞煲”，呢間分店都幾企理新淨，即刻食下先！ 安排座卡位，好舒服！waiter都幾Nice，招呼周到，連老公唔食芫茜又唔記得叫走，佢地即刻夾走，超醒！介紹三樣特色煲雞，豬手，鴨煲，好快有得食，食左兩樣都好唔錯。 雞煲，份量可調教，醬汁可以調教，落單時可向waiter講辣味可調至岩自家口味，濃淡均可，入味，嫩滑，真係全隻雞，有齊脾，翼，胸，雞腳仲係鳳爪製法幾有特色。 再食黑椒豬手，呢次叫左小啲份量，入味濃香，辣得可口，又係另一種辣味，肉質膠原重又爽口，配唐芹更滋味（喜歡食）可以再添食！ 然後食火鍋除左有基本材料，鍾意食特色野可另一價錢選擇龍蝦海鮮，珍寶虎蝦及牛魔王！

秋風起，真係會特別想打邊爐食火鍋架！！！所以呢晚又同左個朋友去食火鍋放題朋友介紹我黎呢度，因為除左有火鍋之外，仲可以以一個價錢食埋雞煲、鴛鴦鴨煲同黑椒豬手煲三款煲之中，最搶眼既一定係呢個火焰鴛鴦鴨！！！店員會即場倒入米酒然後點火再炒勻，氣派十足之後我地要左香茜皮蛋同番茄薯仔鴛鴦鍋做火鍋湯底除左有得落單點上各類既火鍋配料之外，店內亦有自助區自助區主要提供不同既蔬菜菇菌同丸類整體嘅火鍋配料質素都合格， 混合左墨魚糕嘅手打墨魚滑都可以任食添雪糕雪條同飲品都可以自己任意拿取除咗有不同嘅罐裝汽水果汁，仲有呢啲細細支嘅茶飲飲品，選擇都唔少，店員都好友善添架

平時先食雞煲後火鍋既放題食得多，但呢度除左雞煲之外，仲有埋鴨煲同豬手煲食！！！餐廳係二樓，分開左右兩邊，場地都幾大幾多位我地大概六點半去到，已經有一邊坐滿左，大概到七半半左右直頭滿座咁濟平日真係唔多地方有鴨煲任食，呢度既鴨煲仲要好足料！！！除左鴨煲之外，我地仲試左個豬手煲豬手煲以黑椒香味為主導，炆得非常入味火鍋部份有多款湯底可以揀我地見食完濃味既鴨同豬手煲，所以就揀左個清清地既香茜皮蛋煲做湯底可以任食既肉類肉質都唔錯，特別推薦香軟帶有微微羊騷既羊肉片而店內後方亦有不同既蔬菜同火鍋配料可以自行夾取朋友最愛食既炸魚皮同响鈴都可以自己夾返去飲品既款式選擇都幾多最後當然唔少得食返杯雪糕做甜品啦

朋友相聚，信義妹就最鐘意約去任飲任食。價已定，又可以瘋狂地食，又可以狂飲，一起瘋狂一晚吧！今次揀二鍋頭唔係淨係純任飲任食邊爐，仲有任食煲，一次過可以滿足幾個願望。任食煲有 二鍋頭惹味雞煲 ， 火焰鴛鴦鴨煲 和 黑椒豬手煲 。 我地先食咗雞煲，件數都多呀～～～ 味道香濃，雞件滑又入味～ 再來黑椒豬手煲，呢個相對比雞煲更濃味，帶微微黑椒的香辣，配埋啤酒就更一絕啦！食完煲就打邊爐啦～ 各類湯底都有齊，由清淡到濃味既都有。適合大眾口味的芫茜皮蛋，沙嗲，蕃茄薯仔，清湯豆腐都有。而喜歡濃味的可以揀川椒麻辣，泰皇冬蔭功，豬骨煲和滋補藥膳鍋。天氣漸涼，就揀個滋補藥膳鍋啦～～～ 藥材味濃，感覺潤潤的啊～配料都多樣化，豬，牛，羊，雞，鴨，海鮮，內臟等等都有齊。特別係牛，我地不斷ECNCORE呀～菜類，麵類，丸類，菇類就可以到自助配料吧選擇。選擇都比想像中多，豆卜，山根，響鈴，娃娃菜，生菜，腐竹等等。大家都係睇相啦～ 太多了不能盡錄～ 飲品方面都會有汽水，啤酒各樣，信義妹最鐘意既就一定係有清涼爽啦～～～～ 清下熱氣又再食過～～～ 哈哈哈～～ 最後就記得食埋飯後甜品啦～ 有雪糕雪條自助拎，有榴槤雪條啊