二鍋頭 (福苑)

营业中

休息中

二鍋頭惹味雞煲 辣度有5種選擇，我都算食到辣，中辣就唔會太辣，食到食材本身味道，雞肉份量多，肉質嫩滑，夠惹味。食完可以任添，或者試鴨煲或豬手煲，轉火鍋都得，8款湯底。滋補藥膳鍋 藥材味唔會太濃，感覺溫和補身。美國肥牛脂肪比例正常，牛肉味重，薄身好易熟，肉質彈牙。西洋菜打邊爐至愛有清熱功效的西洋菜，菜洗得乾淨，清新爽甜。牛根丸入口有咬口，牛肉味濃，有少許肉汁。萵筍熟度剛好，保存到爽口口感。午餐肉平時我喜歡煎香後再火鍋，今次直接加入火鍋，肉質淋身，都不錯飲品、雪糕、雪條、自助形式領取，凍飲解辣又解渴。輕輕鬆鬆食到2小時，$198 好抵食，下次再嚟！

一轉秋天，又可以瘋狂食雞煲，今次呢間除左雞煲、鴨煲、仲加入豬手煲，我還是想食至愛雞煲。二鍋頭惹味雞煲職員會幫忙炒幾下，雞已經熟透，醬汁自選辣度，我揀了小辣，辣度輕微，雞肉嫩滑。之後會換另一個全新火鍋，不會用雞煲醬汁加湯底打，完全不油膩。滋補藥膳鍋湯底黨蔘、杞子、紅棗等藥材，完全無油，淡淡藥材香味。美國肥牛脂肪比例正常，牛肉味重，薄身好易熟，肉質彈牙。牛栢葉白色牛栢葉好乾淨，煮熟後好淋，容易咀嚼，不會硬身。豬肚片清得乾淨，無豬肉，入口爽脆，煙韌有咬口。飲品、雪糕、雪條、自助形式領取，凍飲解辣又解渴。

一堆朋友食飯最岩就係食任食，所以今日去左雞煲邊爐，呢到係一開始食雞煲先，雞件好入味，辣辣地，最鐘意係個雞爪。另外，食完雞煲就自助式打邊爐，有部門食材可以自己係凍櫃到拎，好方便。丸既種類都好多，特別既係呢到比其他地方多D涼拌小食，平時鐘意食四川/麻辣既朋友都話好開胃好好食。肉類每份都好足，而且上菜速度都快，所以好快清左幾round啦! 湯底都好夠味，但唔會似味精湯，食完冇話口乾，職員仲會好主動加湯! 整體黎講，食物都幾新鮮，而且種類夠多，連飲品都比一般鋪頭多，座位都坐得幾闊，有機會都會想encore。

今次相約妹妹到二鍋頭食雞煲和火鍋放題。入到店舖店員安排入座後即時上前為我們介紹點餐及取食物的位置，食物包括丸類，蔬菜類、菇類、麵類等….我們先點了一個小辣的雞煲，，雞煲加熱之後香噴噴熱辣辣，雞煲醬汁調校得幾好食，再加上嫩滑又有肉汁的雞肉，啖啖肉冇乜骨，仲可以無限添加，不錯👍未食到火鍋已經七成飽了！火鍋放題就點了一個沙嗲湯底，火鍋配料有幾十款種類選擇，我們就點了三至四款。美國肥牛-牛味濃郁油脂分佈平均。鮮鵝腸-鵝腸肥瘦適中，淥幾秒鐘已經食得。牛柏葉-煮熟後再加入自己調配的醬汁，非常好味😋新鮮海蝦-蝦肉鮮甜爽口又彈牙。飲品方面，基本都很齊全，有汽水、水、涼茶、啤酒多種選擇。還有雪條和雪糕🍦

雞煲同火鍋任食就食得多但係有鴨煲同埋豬手煲最啱鍾意食鴨同豬手嘅人而我就先食一個雞煲之後再去食火鍋任食呢度嘅雞煲同樣可以揀辣度，我揀咗小辣就唔覺得辣，食得辣嘅可以叫中辣以上呢度嘅雞煲比較特別係會有鳳爪一開始我覺得有啲奇怪但係食落去超好食 😋 煲到淋晒又好入味食完之後就可以轉食打邊爐一般嘅蔬菜同面類可以喺自助吧度拎其他嘅嘢就喺紙度落單火鍋湯底都有好多款可以選擇經典嘅湯底有香茜皮蛋鍋、麻辣鍋、豬骨鍋，比較特別嘅有冬陰功鍋，我揀咗沙嗲湯底，好濃郁嘅沙嗲味呢度有好多款火鍋料，肥牛、鮮滑牛肉、羊肉、白鱔片，海鮮有青口、帆立貝、蜆、蝦、魷魚、墨魚仔等佢嘅海鮮都好新鮮，除左蜆太多沙另外佢嘅鮮滑牛肉、白鱔片、鮮蝦雲吞 大大粒、墨魚滑都值得推薦最後仲食埋雪糕

今日同男友去食位於旺中對面嘅邊爐食飯，點知佢有任食雞煲同鴨煲，佢地好細心，竟然可以走莞茜同雞腳～ 湯底選擇都唔少，有 香茜皮蛋鍋，蕃茄薯仔濃湯鍋，懷舊沙嗲，川椒麻辣鍋，泰式冬陰功鍋，清湯豆腐鍋，正宗豬骨同埋滋補藥膳。 我哋揀咗蕃茄薯仔湯， 味道十分鮮甜，蕃茄湯混合咗少許番茄醬。 呢度嘅配料超級多，除咗有紙上面點嘅配料之外仲有一個火鍋配料專區任夾。 火鍋子上除咗有基本嘅肥牛之外，仲有鮮滑牛肉，美國黑豚肉，鮮雞片， 生猛鮮蝦， 鳳城水餃等等，最正係有鱔，每一次order都起碼有四片，絕不孤寒，鱔片偏爽且香口，另一爽口食材推介：鵝腸，一啲都唔粉！另外，我會推介佢嘅芝士波波腸，好正，咬落去係流心嘅，同埋唔太咸！佢嘅魚皮都幾夠長同大片，最重要的是夠脆！ 食完邊爐嘢，可以食雪糕，不過今日得返芒果同榴槤， 唔係好啱食， 但朋友好欣賞，話個榴槤味夠曬飄香同濃味，大家打完邊爐唔好錯過吖！

呢間嘢除咗如題抵食之外， 呢間放題火鍋店地點仲好便利位於潮流地帶旺角中心以及t.o.p商場正正對面， 行完街買完嘢去對面擦餐飽！ 一去到時，店員就介紹佢哋嘅惹味雞煲或者鴨煲畀我哋， 不過我我哋驚食完雞煲食唔到火鍋配料（ 依家容易就飽）,所以今次就放棄咗。                                                                                食物真係有好多選擇， 除咗有唔同嘅肉類,丸類，菜類，豆品類，麵類等等之外，仲有好多海鮮畀大家揀，例如海蝦，帆立貝，不同魚嘅魚片，魚腩，吊桶，海蜆，花枝等等，肉類都係，有牛肉，雞肉，羊肉之外，仲有鴨件同油鴨脾，相當特別！任食之餘，仲有墨魚滑，有大大隻蝦嘅鳳城水餃同雲吞等等。我們食到七七八八D番茄嘅鮮味仲係度！另外員工服務態度好好，近乎體貼，價錢亦到好合理 (HK $198 per head) ，值得推介！

大胃王之選擇，三款鍋底可以輪住食，不過首選梗係滋味雞煲啦，川椒味好香，好濃，鍋底明顯有炒過爆過，食極都無痴底！！雞肉都juicy ，鳳爪好入味，食到7788就轉打邊爐，點餐紙嘅選擇勁多，有超過80款！好推介牛柏葉好爽口，豬大腸清洗乾淨，冇半點腥臭味，海蝦又好新鮮，大條爽口彈，魚皮、響鈴都非常脆口！呢間餐廳真係包羅萬有，除咗有三款鍋底之外，打邊爐嘅湯底都多不勝數，免費選擇嘅食物質素真係唔差，如果追求高質享受，當然可以額外加購美國安格斯牛小排等等！仲有啤酒任飲呢下真係贏咗，食完有啲熱氣嘅嘢梗係要飲番罐鬼佬涼茶降下火啦！

無論雞煲、鴨煲、豬手煲都可以係到一應俱全食到！首先點左一個小辣嘅雞煲，麻香味幾香不過唔算好辣（食得辣嘅朋友可以叫中辣以上），雞件絕對唔係剩係得骨，竟然係啖啖肉，仲有幾隻鳳爪添，雞肉入晒雞煲醬嘅味。其實食完個雞煲已經七成飽，所以就轉打邊爐，叫咗個芫荽皮蛋鍋，湯底非常清甜，特別啱晒食完雞煲之後解一解油膩。鍋底上咗嘅時候，你可以寫紙叫肉類、海鮮、內臟，而丸類、飲品、蔬菜就可以去自助區！海鮮選擇非常之多，款款新鮮，例如有海蝦、脆魚腩、魷魚、花枝片、帆立貝、海蜆青口等等。肉類方面推介滑牛肉，美國黑豚肉，肉質嫩滑，有肉香，解凍得相當唔錯。比較驚喜嘅仲有雪糕同埋支裝涼茶！

去旺角行街行到攰，諗住搵間餐打邊爐，點知見到呢間係旺中對面既餐廳，$198可以又食雞煲又食火鍋既餐廳，咁平就緊係去試下拉。不過因為一心想打邊爐，所以一去到就叫左個花膠雞鍋😂😂但太肚餓，食到7788先記得影相🥴😓連個雞煲都無影🥲🥲🥲整體佢啲野食，以呢個價錢黎講都算唔錯，選擇都算多。期間我地加錢嗌左個炸豆腐，味道就唔算好重，中規中矩。我無諗過係雪糕bar 度既雪糕先令到我地最驚喜😂😂😆佢既餾連雪條真心正👍👍👍

香港人好鍾意打邉爐，無論咩天氣都會想打，我都唔例外。今日揀左個位置方便既餐廳。二鍋頭係正旺角，約人係超方便，雖然係樓上舖，但都好易揾。好彩有訂枱，都好爆下。二鍋頭又真係名符其實，有兩個鍋。先食一個熟既鍋再選一個湯打邊爐。咁都幾好，濃味既汁唔會溝埋一齊。要左一個二鍋頭惹味雞煲，想原汁原味所以無走到芫茜同鳯爪，但估唔到出黎都好大煲，的確係惹味仲要熱辣辣。之後叫左一個正宗豬骨湯，真係有一條豬骨係入面，仲有唔少既胡椒味，似胡椒豬骨湯，粟米好甜。醬料好似好多餐廳咁都可以自己搭配，調好就即煲湯煮嘢。睇點菜單以為得好少嘢，原來蔬菜同其他小食公仔面係走廊既另一個櫃。仲有韓式粉絲餃同年糕，都幾特別，蟹柳好甜。點左少少美國肥牛、鮮滑牛肉、墨魚滑、黑豚肉、活海蜆、脆鯇魚腩、牛栢葉、鳯城水餃、魚皮餃等等，真係多到食唔曬。想試曬，可惜食唔到咁多又唔想浪費。出街打邊爐當然唔少得甜品，全部雪條都食左一條，好吃。呢個價錢，唔洗自己買，有嘢飲有甜品，仲有2 個鍋係抵既。

暫時零負！食左先講！先來雞煲，再來鴨煲，最後火煱！兩個煲味道都偏濃，重口味，如果一邊食一邊隊啤，正既。雞煲食小辣，愈食愈辣，雞肉實淨，味濃。鴨煲(忘了影相）上檯再加酒燒一燒，夠香，食落酒味重又出，鴨肉入味，我 like。最後火煱清清地，有好幾個湯底，我要了荽茜，無咁燥。火煱料中規中矩。仲有野飲任飲！整體食物ok，服務非常好ok， 環境好適合友人吹水。2小時任食呢個價錢，非常滿意。希望店主 keep 住好質素，咁我就多一個聚腳點啦！

夏天想打邉爐真係要出街食，唔想準備又覺得冷氣永遠唔夠大。朋友揾到一間性價比好高既打邊爐仲要係正旺角，非常方便。二鍋頭係樓上舖一開始都揾左一陣，其實都係旺中對面，行完街就見到。舖頭感覺好乾淨，似係新開張。一入門口已經見到有好多唔同既飲品，連啤酒都有，仲有鴻福堂。職員介紹原來打邊爐鬥2個煲，一個個係雞/鴨/豬手煲，食完先再上火鍋煲。咁真係好好，平時係雞煲食完倒湯，變得好油。唔食黑椒，叫左個雞煲，估唔到咁大份。雖然好食，但怕太飽，無食曬。選擇都唔少，同樣可以自己整個鐘意既調味料。叫左個豬骨湯底，有少少胡椒味，甩牛都唔錯，鮮牛肉都好食。我最鐘意係鳳城水餃，追加左，豬頸肉都好食。本身見有出前一丁麻油面，太飽食唔到。甜品係第二個胃，一次過食左3支榴槤雪條，真係好飽。

又去左買衫 🤣🤣行到腳軟又諗唔到食咩好，即刻諗起上次食過依間二煱頭，因為可以食完雞煲又打邊爐🤤 雞煲好惹味🤤 食哂佢啲京蔥、洋蔥 我同朋友好快就食哂啲雞，太好食喇🤤今次試左冬蔭公湯底😻😻湯底同味道都好濃郁，泰滋味☺️一如以往叫左好多海鮮卜卜蜆、青口、吊魷魚、海蝦、花枝片等等淡淡嘅海水味加上啖啖都咁鮮甜多汁擺哂落湯底即刻變左平時既冬蔭公海鮮湯😂由於行咗好多路，所以叫勁多野食🤣🤣 任食嘅好處就係唔洗擔心食太多😎今次仲有好多新款嘅雪條有榴槤味、芋頭味、紫米味而且呢幾款嘅雪條都好似泰國製造 好正宗🤤呢幾款我都從未食過，超好食，而且唔會太膩，我自己一口氣食咗幾條

又黎到二鍋頭食雞煲火鍋啦，之前都黎過食架啦，都好清楚佢有咩好野食，所以今次encore佢。雞煲黎講都係咁好食，雞肉入味得黎唔會死咸，當然唔少得係佢d洋蔥啊京蔥啊芫茜呀吸曬味先至最出色。今先就叫左冬陰公湯底，無錯我的確係想試曬咁多款湯底嘅。而今次冬陰公湯無令人失望，黎到未滾起已經聞到佢酸酸辣辣嘅味道，而入面都有好多材料，檸檬、青檸、南姜等等，唔係溝粉出黎，好滿意，味道唔會太辣太咸。叫左好多唔同野食，好似係蝦、墨魚等等嘅海鮮，直頭將個湯底昇華左，變左海鮮冬陰公添，不過我發現冬陰公湯配烏冬好正，烏冬掛滿曬湯好好味。最後，今次個雪糕櫃入面有幾款新雪條，有榴連、紫米、香芋，超級好食，特別鍾意紫米，入面好夠紫米椰汁味，仲真係有好多一粒粒紫米。食埋甜品又係超飽咁走，一個字！正！