二鍋頭 (福苑)

营业中

休息中

今日終於有晚市開放！收工就去咗呢間乜都有得食嘅💁🏻‍♀️二鍋頭，刷返餐先！呢到可以二小時任飲任食，有🐔雞煲、🐖豬手煲、🦢鴨煲同火鍋任食添！👏👏超多選擇！雞煲有🌶大中小辣選擇，而且重係無限添加！每次添加都會整鍋更換，確保味道濃郁👍🏻，洋蔥、芫荽等等··多種配料夠晒入味！豬手煲同樣出色，濃濃既黑椒味，辣度亦剛剛好，肉質QQ彈牙，膠原十足，洋蔥亦帶甜味！不錯👍🏻！如果重未夠飽😅最後點選埋個湯底，點餐紙和自助冷藏櫃，已經有超過60多種火鍋配料選擇，飲品雪糕任取，呢個價錢的確抵食👏👏 ！

12月飯聚，想暖笠笠首選雞煲+打邊爐。 幾個人一齊去食「二鍋頭」，未入到門口已經人頭湧湧，差啲連門口都逼唔到入去。飲品區在收銀處附近的位置，而食物就放在另一邊的鋪內要過電梯才去到。 雞煲份量不算多但入味，而中間大部分是骨頭沒有肉的。基本上食晒就可以請侍應換成邊爐的湯底，然後落單要火鍋料。 選單上的火鍋料選擇不多，而自助區的火鍋料選擇也不多。大部分都是丸類及腸仔，蔬菜類也只有金菇，粟米及時菜等。而且食材補充的速度慢，每次只補少量所以食材區很快便會空了。 整體：服務態度尚可，枱面收拾的速度快。但火鍋料只有第一次落單時的品質是好，特別是肉類。後續再落的品質都換成是差的。但以200蚊左右這個價錢在旺角區能食到飽算是便宜，食物水平不能要求太多。

本身我鐘意周圍食野 ，食評呢家野 我懶 ，但呢間野主打 煲任食 ，但真的普通到爆。 好似屋村酒樓個d咁 又似兩餸飯個d咁 ， 姐系如果你去旺角食野 ，同條女去 就真的吾建議 ，只會無下半場 ，但如果周圍都full booking ，呢間你就去因為方便又吾使等 。如果比我選擇多次 我吾會食law ,吾系錢問題 ，而系打邊爐加雞煲 豬手煲這些 真的好普通 100分滿分 40分law . 雞煲吾似煲 豬手煲 好似食豬 哨咁 ，其他打邊爐野食 吾系無野食你都吾會食個d .唯一讚的 老闆服務態度ok的 其他兼職員工 吾好有祈望

二鍋頭惹味雞煲雞煲既魅力真係好難抗拒！雞煲果種濃郁香甜既紅色醬汁，甜中帶辦同樣充滿椒香，醬汁帶點油份得黎以唔會過油膩。雞件好舊而且肉質唔會好老同乾柴，醬汁平均地被雞件吸引。食完雞煲配火鍋做後續係定律！火鍋底一共有8款咁多，嫌雞煲唔夠喉？仲可以加碼而且轉食鴛鴦鴨煲。火鍋既肉類選擇都幾多，除左豬牛雞外亦有鴨同羊食！仲有海鮮可以選擇。墨魚滑墨魚肉彈牙又帶粒粒墨魚肉，鮮香惹味。雲吞大大粒雪吞充鮮鮮蝦肉，口感豐富彈牙，雪吞皮薄餡料豐滿。鮮滑牛肉滑牛肉香滑唔鞋，咬落唔會無晒肉類既質感，彈牙嫩滑。其他配料都可以再係自選區雪櫃內再擇，款式同樣多而且蔬菜比平時火鍋更多選擇。雪櫃排得整齊而且蔬菜望落好新鮮翠綠又唔會枯黃。食完仲有甜品可以繼續。

臨近冬至前夕天氣開始涼左好多,天氣凍當然要食d暖笠笠既食物！天氣凍左食火鍋雞煲一定係我既不二之選！任食雞煲火鍋二鍋頭惹味雞煲雞煲可以揀辣度,雞煲拎上枱既時候已經感受到一陣陣香味,醬料惹味帶點辣勁.雞件滑嫩而且相當入味,每啖雞肉都充滿雞煲醬.雞煲充滿紫洋蔥,蒜,蔥頭,令雞煲帶一陣甜味.食完雞煲後除左換成火鍋外亦都可以選擇再食多一鍋雞煲.香茜皮蛋鍋湯底清之餘帶住芫茜香而且唔會過鹹膩,以清湯做鍋底啱啱好中和返雞煲鹹膩感.配料分開2個方法選取,用紙去選擇肉料為主既食物或者去自取區選擇丸類或蔬菜類.不論係自取或自選都處理得好乾淨而且種類豐富.

周日，天氣突然凍咗好多，一早收到朋友發來嘅短訊，今晚行完街，去打邊爐🍲，佢鍾意呢間二鍋頭，因為除咗任飲任食打邊爐，仲有雞煲、鴨煲、豬手煲，同埋雪糕🍦都係任食。見到有聖誕🎄限量版海鹽味同埋雲呢拿味雪糕。飲品方面，有基本的罐裝汽水外，還有啤酒、台灣製造的烏龍茶🌱等等，都幾多選擇。我哋先食惹味雞煲🐥，選中辣🌶，麻香撲鼻，夠哂惹味😋。然後轉個火鍋湯底，選咗個滋補藥膳鍋，見到有黨參、紅棗、杞子等藥材，好似好滋補，好啱而家嘅天氣。火鍋配料中，各有所好，我最鍾意脆肉鯇魚片🐟及白鱔片。朋友則是牛魔王，她很享受的美國牛肉及本地牛肉。同埋每次必點嘅響鈴。呢度嘅店員，有禮勤快，招呼周到，要讚一讚。👍

同朋友一齊喺旺角，天氣凍凍哋，我哋都想食啲暖胃嘅食物，朋友話不如食火鍋，咁我舉腳贊成，急速喺人肉電腦裏邊搜尋🔍😆，記起呢間，可以食雞煲又可以打邊邊，就即刻帶朋友一齊上去開餐😆叫咗 $228一個人 嘅「二鍋頭惹味雞煲・火焰鴛鴦鴨煲・黑椒豬手煲，連任飲任食火鍋2小時」，打邊邊 湯底就揀咗「滋補藥膳鍋」😋「二鍋頭雞煲🐓（小辣）」先上，雞肉嫩滑，應該係落咗好多香料，見到就已經有洋蔥、香蔥、芫荽、蒜頭、紅椒，所以非常香口惹味，仲越食越開胃😋。食完雞煲🐓可以再食鴨煲🦤同豬手煲🐷，但係我哋都想快啲開始打邊爐，於是就請店員哥哥將雞煲收走，換上「滋補藥膳鍋」，馬上開始烚吓烚吓😆我哋食咗好多嘢，包括：美國肥牛🐂、脆鯇魚腩、羊肉片🐑、鮮蝦雲吞、脆鯇魚片、白鱔片、鳳城水餃🥟、海蜆、鮮滑牛肉，自助區仲有 響鈴🔔、魚皮、香腸、肉丸🍢、各種蔬菜🥬。呢度 特別好味嘅食物有：鳳城水餃、鮮滑牛肉、白鱔片😋又有雞煲🐓食又可以打邊邊，朋友同我過咗一個好溫暖嘅晚上😊

「全港獨一無二」一次過滿足曬我五個食望…任食羊腩煲🐐➕雞煲🐔、鴨煲鴨🦆丶豬手煲豬➕火鍋🍲任飲各款飲品、任食雪糕雪條！真係越食越抵，越食越正、越食越平⋯⋯——————————-1⃣️羊腩羊腩煲：惹味又香噴噴的羊腩，炆得夠腍、肉質嫩口的滋味⋯⋯✌️———————2⃣️🐔雞煲：春夏秋冬四季都咁惹人喜愛的雞煲，幾時食都係咁滋味👍————————3⃣️🦆鴨煲：好小會有鴨煲食到，仲要係炆得非常入味和惹味，而且鴨肉仲要係好嫩滑👍———————-4⃣️🐷豬手煲：又彈牙又充滿了骨膠原的豬手，香氣撲鼻，味道出色👍————————5⃣️🪵藥膳火鍋湯底：食完五個煲之後，繼續火煱之旅⋯⋯😂———————-多款火鍋料任食：脆肉鯇又爽又脆，元貝大大粒，蝦夠彈牙，又有鵝陽、魷魚、雲吞、腸仔、午餐肉、支竹、羊肉、牛肉、豬肉.饍片、蜆、青囗，仲有原包的出前一定及多款火鍋⋯⋯等等😀————————-飲飽食醉，最後也不能小的甜品，就是我最愛吃的榴連雪條了😂食得満足又豐富的二鍋頭其實開心🥳簡單就在你身邊..。食….拍…寫..已經成為我生活中的一部份鍾意食..鍾意拍…鍾意寫..留下美食回憶🥰———————-

冬天既羊腩煲之約終於成行～一行四人，順便當做冬飯。聽講過二鍋頭唔錯，終於一試….聞名不如見面，去到樓下行上去就已經勁迫！太耐冇見過呢種場面，有啲嚇親！呢度有雞煲同羊腩煲揀，我地目標明確咁要羊腩煲！羊夠羶👍🏼肉質軟綿，好入味！食食下覺得好似爭左啲野喎？！馬蹄呢？？羊腩煲必要既配料呀…其他任食既野就好一般啦…比較推介鵝腸！飲品普普通通啦～該有的都有！整體評分：⭐️⭐️⭐️比個環境嚇親既關係，個人就未必會再黎第二次啦

預約左假日6點，時間算早，但入場時人數都幾乎坐滿，聽到基本上啲客人都有book位，愈夜就愈多人等位。 呢間火鍋幾適合一班人聚會。地方喺旺角中心對面，非常方便。價錢幾吸引，一次過任食雞煲、鴨煲同豬手鍋仲有火鍋。 其實食完雞煲同鴨煲都開始飽。 🤣麻辣雞煲係必點嘅，店員會主動炒雞肉，最正係好快炒完就即時食得。雞肉唔乾柴，非常惹味，之後店員換另一個煲轉食鴨肉同火鍋 。衞生方面做得幾好。Menu 上嘅海鮮款式唔少，有帆立貝、青口、鮮蝦等，推介白鱔、脆魚鯇幾新鮮，口感都爽嫩。另一邊有大雪櫃，有配料任拎， 包括蔬菜類、大量丸類同麵食。 魚皮同響鈴都保持到脆口。 飲品種類幾多，有啤酒汽水、迷你枝裝飲品等等。 雪糕雪條有幾款， 榴槤味雪條、珍珠奶茶味雪條係值得一試。

假日 我同 @greenmilkt_ 去咗就近旺角中心嘅任食火鍋。呢間係火鍋界都幾出名，有齊雞煲、鴨煲、豬手煲同火鍋。 🥘雞煲可以簡辣度，有大中小辣或唔辣，店員會幫我地炒雞件， 雞件嫩滑，份量幾多，仲可以添加炸鳳爪，醬料濃郁，十分惹味。鴨肉用咗花雕調味，遮蓋左鴨肉嘅羶味。鴨煲會有啲火焰，加上大量鴨掌和芫茜。雖然可以任食，我們食咗一大煲就滿足。🍲火鍋點單紙嘅食物除咗有肥牛、羊肉等肉類，海鮮嘅種類頗多，有🦐鮮蝦、蜆、帆立貝同青口等配料，幾抵食。 另設食物自助區，有🍜麵食、多款蔬菜🥬同🍢丸子類，少有啲嘅有萵荀、通菜、泡菜餃子、芝士丸同波波腸都有。 香脆炸魚皮同響鈴都幾脆口，係火鍋必備。🧃飲品選擇都幾多，啤酒汽水、迷你枝裝飲品，個人鍾意竹蔗茅根比較清熱。最後，我哋試咗珍珠奶茶味雪條。

見天氣轉涼﹐同朋友食飯就梗係要打邊爐啦！今次就嚟到旺角嘅二鍋頭食晚飯。一入到去就見到餐廳環境乾淨﹐枱同枱之間唔算好近﹐比咗一個好舒適嘅環境我哋邊傾偈邊食嘢。我哋一開始先食咗黑椒豬手煲﹐荏荏嘅豬手好入味﹐仲帶微微黑椒的香辣﹐鍾意食豬手嘅朋友一定唔可以錯過！食完煲就打邊爐喇～ 我哋揀咗比較濃味嘅豬骨煲﹐一聞到味道已經令我哋食慾大增啦！呢度嘅配料都好多樣化﹐ 豬、牛、羊、雞、鴨、海鮮，內臟等等都有齊。我哋最鍾意食佢個美國肥牛﹐濃郁嘅牛味令我哋不停追加！呢度仲有自助配料吧﹐有唔同嘅菜類、麵類、丸類俾我哋選擇。有咁多嘢食當然唔少得飲品啦~飲品方面都有多樣選擇﹐好似汽水，啤酒各樣。我就最鍾意荔枝烏龍茶，唔太甜而且冇掩蓋到佢嘅茶味！最後就梗係要食甜品。有雪糕雪條自助拎，鍾意食榴槤雪條嘅朋友千祈唔好錯過呀！

餐廳勁近太子地鐵站！ 好方便！ 一出地鐵站就係～ 有3 隻煲可以揀～ 任食的… 我地叫左豬手煲… 佢話食完唔夠可以加豬手， 或者轉雞煲鴨煲都得！ 豬手好入味！ 食完就轉豬骨湯打邊爐有tick tick 紙同自助區～ 兩樣既食材都好新鮮！ 蝦好鮮甜呀！ 牛唔會好頹… 最怕食啲肥膏比例仲多過肉既肥牛🥲所以我都幾欣賞呢到既牛！種類真心都算多！ 野飲任飲！ 另外記得試佢既榴連雪條 ！ 唔假嫁個味！D staff 好都有禮貌 …好快收走啲碗碟！值得一讚！

平時雞煲就食得多, 呢間位於旺角既任飲任食火鍋店仲有埋鴨煲同豬手煲, 唔洗獨孤一味淨係食雞煲2百幾蚊可以食到咁多野都算幾抵呢~~~加$60就有埋海鮮盤添~~另外仲有羊腩煲放題~~O岩晒鍾意食羊既朋友呢....呢道本身都包任飲啤酒, 不過想飲貴價D既啤酒就另外加錢囉....自助區有多款新鮮蔬菜, 丸類等等.....另外仲可以填紙落單....亦有炸響鈴, 魚皮, 麵食.....我地叫既雞煲黎喇!!!好多莞茜係面, 超興趣丫!!!我地2個人, 餐廳安排既份量岩岩好, 唔夠仲可以encore~職員幫忙炒完雞就食得喇!!!好香好惹味呢~~~雞肉非常幼嫩, 我地要既小辣味道又剛好, 超好味食完雞煲就轉另一個鍋打邊爐喇~~肥肉質素都唔錯, 薄身冇筋又軟腍, 牛味濃郁係自助區拎既蔬菜盤打邊爐必食既墨魚滑, 爽口彈牙餐廳仲有甜品任食~ 係雪糕&雪條呢

今天約了同事到旺角二頭鍋吃他最愛的港式火鍋，行到門口時，已被食物的香味吸引！看來，今天的胃口超好的，哈哈。我們點了黑椒豬手煲，腳手超級入味，爆得很香！我們沒有再encore呢 ，因要留肚食火鍋。吃完豬手，先換個湯底打邊爐！湯底也很足料。肥牛已經好靚，是雪花的。入口有牛味，一點都不會酥！硯也很新鮮，完全沒有腥味。鮮蝦更是彈牙，不得不讚！餃子更是必食，咬開時肉汁溢出！這個價錢，性價比甚高的，下次一定要再來！