二撇雞

营业中

休息中

今晚幾乎滿座，餐廳員工仲有搞笑咁話俾張VIP bar檯我地坐🤣🤣 黃酒藥膳雞 配上海麵（$53）呢個真係大大力推薦！藥膳湯底好鮮甜，有杞子蟲草花同埋紅棗🥰 飲落有淡淡酒味，一啲都唔油膩😋飲唒成碗湯超滿足❤️ 雞嘅份量都算多，而且係超！級！滑！必定encore😛😛😛😛另外，佢麵嘅份量勁多🤣低醣嘅朋友記得request少麵😆花膠雞濃湯 配上海麵 （$62）相對之下呢個比較普通，湯底似一般上湯，但都好食嘅！雞分開上，唔算好滑但勝在啖啖肉😋 花膠真材實料，好養生嘅感覺🥰 胡麻雞絲粉皮（$24）呢個價錢都算良心價😇 開胃消暑嘅前菜😆粉皮口感彈牙爽口，雞絲肉質嫩滑，加埋秘制胡麻醬香濃好味☺️💡下次一定要試佢地嘅酥炸小食🥺同埋強烈建議老闆賣翻醉雞🥺🥺🥺🥺

第二次帶同友人前來光顧，避開了中午人潮，坐得幾舒適呢樹雞都有好幾款:沙薑雞、蔥油二撇雞、宮廷貴妃雞、重慶口水雞、海南雞、炸雞……海南雞（半隻）$76雞嫩滑，雞皮較薄，沒有太多脂肪，正醬汁酸酸辣辣好開胃濃湯浸菜$18菜式較平淡，但味道可以啦，每餐總要食菜嘛失傳已久的豬扒米線$39不算貴，茶餐廳都做唔倒呢個價錢，蛋漿炸得香脆，豬扒都算厚肉，多汁唔鞋，好好味，繼續要保持水準喔，加油最喜歡食呢樹啲米線，麵質唔係淋果隻，較幼身好味

#肥doi遊觀塘駱駝漆除左11樓之外4樓都有好多好野食，呢間小店環境好九唔搭八，歐陸顏色牆身配kpop防疫隔板，但係主打唔同款式既雞，夠哂奇怪。除左雞仲有好多勁平既小食，好易會眼闊肚窄😂-《重慶口水雞配米線》$46米線係配雞湯底，米線上面有杞子、木耳同腐皮，湯底清甜，感覺都幾滋潤。口水雞唔會太辣，係重慶麻辣味，肉質都算嫩滑，雞皮幾爽口（連平時唔食雞皮既我都食左），整體既味道都比較濃郁，配返個雞湯米線岩岩好！.《黃酒藥膳雞配米線》$52超足料嘅湯底，不含味精！米線口感煙韌，配合埋蟲草花、杞子同紅棗片既藥膳食材，一啖湯一啖麵，食完又滋潤又唔會口渴。雞肉份量唔算多，肉質都尚算嫩滑，每一舊都滲透住陣陣既藥膳湯底既味道。.《鮮茄濃湯肥牛配米線》$46上枱果陣比個份量嚇親，滿到就黎瀉出黎咁，湯底似屋企煲既零味精蕃茄薯仔湯，唔太酸又唔太甜岩岩好。蕃茄同肥牛既份量都唔孤寒，味道都算正常，以一間主打食雞既鋪頭黎講算係咁。.《麻辣擔擔麵配米線/上海麵》$36仿間既擔擔麵多數係芝麻醬同花直味較重，但呢間食落尖椒既味道較為突出，類似譚仔尖椒皮蛋個汁，肉碎花生既份量好有誠意，食到最後都仲有勁多肉碎。配米線一流因

行行下發現咗呢間餐廳， 見到門口個餐牌都好似幾抵食， 裝修又唔錯又有位唔使等， 入到嚟雖然係工廈裏面無窗無景， 不過見到鋪頭裏面裝飾咗啲旅遊景點， 防疫隔板亦都好似用咗係韓國男團嘅相， 又夠光猛， 而且唔使坐得好迫， 都真係坐得幾舒服， 裝修佈置都唔錯， 下次再經過都會幫襯同朋友分別嗌咗兩個米線， 落單嘅時候有啲肚餓，同埋最主要係因為見到加底只係加三蚊， 覺得真係好抵所以就揀咗加底， 但其實佢個正常分量都唔少， 所以到最後我食唔曬，加底好似變咗double我嗰個擔擔麵， 食到有花生碎， 亦都食到好似係花生醬味， 而且亦都食到麻辣嘅味， 食咗朋友一件牛腩，都煮得好淋好入味。不過最特別都真係小食， 個小食好撚脆，其實係反轉個豆卜，包住啲有蝦嘅餡，再炸脆佢，外面真係好脆，裏面亦都彈牙， 冇點佢跟埋嗰個汁，都覺得好好食， 未食過呢樣嘢嘅人真係值得一試跟住嗰個失傳已久的豬扒， 好入味好淋好好食， 個味道有少少似 泰國或者越南餐廳嗰啲煎豬扒， 不過我覺得呢間好食啲， 跟餐加咗一罐忌廉同埋一杯熱奶茶，都只係分別加多六蚊， 今時今日晚餐跟餐加嘢飲，不論冷熱都只係加六蚊，好抵

今日難得嚟咗駱駝漆大廈，梗係要來覓食一下啦，見到呢間二撇雞，主打雞為主粉麵飯，於是決定嚟會一會佢🤩花膠雞濃湯米線 ($58)- 花膠雞果然係推介菜之一，一上檯就好有視覺上嘅衝擊，超級足料，軟淋大件嘅花膠、新鮮滑嫩嘅雞件，仲有奶白嘅湯底，一啖食落去熱辣辣好好味😎- 米線份量足，而且滑脫脫，口感一流；湯底味道濃郁香醇，仲要$58就食到咁好嘅質素，好正😛- 凍檸茶(+$5)酸甜解渴，冰涼透心，係永遠冇有錯嘅佳選😚招牌海南雞(半隻) ($76)- 海南雞簡直水準嘅表現，雞件切件均一，雞肉雪白，肉質嫩滑，而且雞味濃郁，啖啖都好享受😋- 奶茶(+12)茶底香濃，甜度適中，入口順滑，冰冰涼涼，好飲啊😍畢生難忘炸雞翼 ($21)- 炸雞翼真係「畢生難忘」，香脆嘅表皮、juicy嘅雞肉，油香味十足，每啖都好邪惡但好正啊🤤失傳已久的豬扒 ($26)- 豬扒都好正，厚身大塊，肉質都鮮嫩，一啲都唔會柴，同埋豬扒都處理得好好，唔會有臊味😚手拍青瓜 ($18)- 青瓜新鮮爽脆，口感一流，調味一流，蒜蓉香、醋酸味夠，味道好到位，爽口惹味，微辣開胃，作為小菜一流😄餐廳都闊落，坐的都幾舒服，食物質素都好唔錯，遲啲經過再

對於一個可以吃大半隻雞的食客來講，吃雞是沒有難度的。黃酒藥膳雞米線$52 ，跟餐配凍檸七$8。黃酒藥膳雞米線，黃酒和藥材的味道香濃，米線爽口彈牙。由於雞肉是生滾的，所以肉質鮮嫩，整個黃酒藥膳雞米線，實在無懈可擊。👍花膠雞濃湯米粉$58 ，跟餐凍檸樂加$8花膠雞濃湯米粉，花膠份量不算多，不過雞湯味道濃郁，加上貴妃雞的雞肉味道鮮甜，吃得出這個貴妃雞沒有添加任何味精，只是用上瑤柱和雞湯浸泡過。畢生難忘炸雞翼$21，外表香脆的雞翼，調味適中，肉汁豐富。失傳已久的豬扒$29，豬扒的肉質不會太過結實，外脆內軟。花雕醉雞$36，雞皮爽脆，雞肉鮮嫩可口，加上酒香味道十足，帶有濃郁的上海風味。口水雞例牌$38，自家制的醬汁，麻中帶香辣，如果醬汁的濃度稀一點更好，因為感覺有點像芡汁。

今日係觀塘駱駝漆搵到呢間小店專門食「雞」😙餐廳主打食「雞」同炸物，價錢性價比幾高。.🍴蔥油二撇雞$72(半隻)隻雞超滑又爽口，香蔥味極重，雞浸到好入味，雞肉好嫩滑亦好夠香氣，蔥油撈埋一齊食簡直一絕。.🍴花膠雞湯米線$62花膠湯好濃味，米線就略嫌比較硬身，但浸左湯都OK，雞件好細心咁切好分碟上，唔會俾湯浸淡左雞味。.🍴畢生難忘炸雞翼$21 / 失傳已久的豬扒$26改個咁既名都覺得搞笑，店主大力推介呢兩樣，雖然好熱氣但係即管試吓係咪咁好食🤣 哇 😨😨😨😨😨😨 簡直可以講驚為天人，擺明兩樣都係生炸，但我唔知加咗醃料，令到好鬆軟又夠脆。.🍴麻辣雞絲粉皮$26麻醬雞絲粉皮就食得多，麻辣又估唔到幾滋味，不過個人就覺得麻味比較重唔夠辣🙂

#觀塘美食 #小蓮星呑食觀塘 🔻 二撇雞觀塘開源道60號駱駝漆大廈三期4樓O室/🧃招牌海南雞飯 $52見到啲雞都知咩料，全部靚位！好鮮嫩！飯叫左少飯，女仔食岩岩好，油飯勁香，軟硬適中。個湯先係精華！超濃香雞湯，勁想encore!!!!!/🧃蔥油二撇雞飯 $48勁靚仔，葱油好香好厚，油香十足，加埋淡淡豉油底，岩岩好，雞好嫩滑。/🧃好撚脆 $39嗌嘅時候完全唔知係乜嚟，咬落去先發現原來係手打蝦滑墨魚滑，炸皮真係超級脆，而入面就爽口彈牙，而且非常鮮味，好好食。/🧃畢生難忘炸雞翼 $21炸雞翼，落左椒鹽去醃，超惹味！雞肉juicy嫩滑。/🧃失傳已久的豬扒 $26一大塊嘅炸豬扒，出面一樣勁脆，豬扒肉嫩唔乾。/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

㕬雞二撇雞 地址: 觀塘開源道60號駱駝漆大廈三期4樓O室電話: 51292929=================== 乜雞都有，雞控來到有飯有麵仲有小食，真係食雞者架快樂天堂！你改到個名咁有霞想，唔食對唔住自己$21 畢生難忘炸雞翼, 確實係醃得入味，皮炸到香脆。$26 失傳已久架豬扒又是什麼東東，炸香肉質好腍養身$53 黃酒藥膳雞配米線，湯米好喝，湯有陣酒香甘味暖笠笠，雞塊又好咬口，加了蟲草花，杞子等。淨食例所有雞純一收$40 沙薑雞薑味夠，口水雞個辣醬滋味無窮，一食上癮成肚雞都要有菜幫助消化先$18 上湯菜同$18 手拍青瓜個醬酸辣得開胃又灑了白芝麻。

觀塘工廈卧虎藏龍🐉。呢間嘅海南雞絕對係我喺香港食過嘅top 3。🥢花膠雞濃湯米線 $62肥瘦適中嘅雞肉賣相吸引。雞皮有彈性，有少少雞油香味，而且肉質超級嫩滑。以呢個價錢完全超晒班。花膠大大塊，口感軟滑無腥味，相信係鱈魚膠。🥢好撚脆 $39豆卜包住蝦膠，外層乾身香脆，裏面鮮甜彈牙好好味。🥢胡麻雞絲粉皮 $24份量多之餘質素唔錯。青瓜絲、雞絲、粉皮比例適中。雞絲夠晒嫩滑。除咗麻醬仲有大量白芝麻增添香氣。🥢濃湯浸菜 $18娃娃菜吸滿雞蓉湯。健康又好味。🥢畢生難忘炸雞翼 $21雞皮乾身唔油膩，而且超級香脆。食落有好重蒜香同胡椒香味。🥢失傳已久的豬扒 $26調味同雞翼一樣。皮脆肉嫩，而且好多肉汁。

價格親民，養生無味精煮食🍀店鋪主張完全唔落味精，用真材實料帶出食材鮮味。落咁種料但都只係四、五十蚊價錢，真心抵食😍🍗葱油二撇雞飯好味指數：👍🏻👍🏻👍🏻👍🏻👍🏻 雞肉超級無敵嫩滑，絕對唔係講笑😱。雞翼位仲分左二，勁方便食，女士們都可以好優雅咁食雞。而且店主堅持全部雞都係小批量咁煮，咁樣可以令每隻雞肉都更鮮嫩。🍅鮮茄濃湯肥牛米線好味指數：👍🏻👍🏻👍🏻👍🏻👍🏻 湯底有好多蕃茄，相信湯底係雞湯再加蕃茄。米線好彈牙，而且份量極多，女士們細食號可以叫少米。牛肉好有牛味，食得出係靚牛肉。🍗招牌海南雞（例牌）好味指數：👍🏻👍🏻👍🏻👍🏻👍🏻 醬汁酸酸地，係店主親自調配。店鋪嘅雞肉唔多肥膏，肥瘦均勻，食左都唔會有罪惡感。🍤好撚脆好味指數：👍🏻👍🏻👍🏻👍🏻👍🏻 真係好L脆呀。店主係用豆卜反開，再加入蝦膠入去炸,好有創意嘅煮法。必食。而且蝦膠都係手打架！唔怪得咁彈牙啦～🥬濃湯浸菜好味指數：👍🏻👍🏻👍🏻👍🏻雞湯超清甜，好濃雞味，食得出唔係落味精。菜新鮮而且靚仔。仲有雲耳配搭，增加爽脆咬口。濃湯大大碗，又有得食菜又有得飲靚湯，抵食！🍹咸檸七好味指數：👍🏻👍🏻👍🏻👍🏻👍🏻 推薦✌🏻超濃咸檸味😍配合7喜，好味又解暑。

今晚接朋友收工上官塘駱駝漆大廈三期「二撇雞」晚飯🥣因為朋友知我鍾意食雞，專登帶我上去食個飽😄😄小店粉藍色牆身，木枱椅，悠閑舒服🥰🥰麻辣擔擔面 $38上海麵條在惹味麻辣湯料中， 伴著豬肉碎和蔥花，每吃一口，麻醬辣油，濃郁鮮香😋😋好撚脆 $36豆腐卜反轉釀入彈牙蝦膠，炸成又酥又脆，沾泰式甜酸醬好特別😘😘青瓜沙律🥗 $18青瓜幼絲，蕃茄仔、加芝麻醬撈起嘅沙律、爽口又開胃😋😋失傳巳久的豬扒 $26豬扒醃得入味帶點胡椒香，炸得外脆內軟又juicy 😘😘花雕醉雞 $36雞味濃郁之餘口感嫩滑 ，花雕嘅香味完全滲透到雞入面👍👍招牌海南雞半隻 $76雞肉肥美，雞皮滑而不厚，有啫喱狀雞油，沾上黑醬油，更好味😋😋

行完駱駝漆諗住是但搵間野醫肚，意想不到咁好味！胡椒豬肚雞、擔擔面、豬扒、雞翼，每一樣都好好食又唔覺有味精，好有誠意呀！胡椒豬肚雞：啲雞好滑好嫩，個湯食落好舒服好正！擔擔面：個味道好豐富好複雜，同出邊食嘅擔擔麵唔同，辣辣地勁濃花生味，食完一啖又想食多啖，正！豬扒：有肉汁，炸完後又一啲都唔鞋，個味都調得幾好，正！雞翼：個味唔知點形容，總之醃得好好，豐富唔單一，正！同個唔知係咪老闆嘅哥哥傾計，感覺到佢哋好有誠意整啲嘢食！希望佢哋越做越順，下次出嘢食可以再快少少啦！一定會再幫襯！

中式的二撇雞、西式的座位中西合璧⋯⋯天下無敵😂———————————-昵座大廈好多嘢賣，有燈飾、傢俬、海味、酒類、零食、食物、衣服👕👗、鞋👟👠類及多款日常生活的物品…….等等，知道呢度經常有開倉特賣，所以又去行吓睇吓有乜特價，行到呢層見到呢層排長龍，八卦吓賣乜，原來係食肆，反正行到攰又搵嘢食坐吓，排長龍咁犀利，一定係好好食，反正時間多又排吓，個名咁得意，叫二撇雞🐔😎⋯⋯—————————————-⚛️花膠濃湯米線🍜：一飲就知無味精，天然煲出的花膠雞湯湯，又甜又滑，成碗湯比我飲晒😂😂，花膠又夠滑，湯入面又有杞子，木耳、腐竹、娃娃菜……等等。全部都係天然的甜….甜….甜…….怪不知咁正👍😋——————————————♒️鮮茄濃腸肥牛米線🐂🍅🍜：足料夠濃郁，佈滿番茄🍅牛肉🐂的餸料，濃郁的番茄🍅🐂牛肉濃湯又甜又好味😋，牛肉仲係滑溜溜的軟熟，大大碗的米線🍜⋯⋯食完真係超大滿足😂————————————-♓️小食：失傳已久的豬扒🐷：名字果然是名符其實的貼切😂又吃到兒時的豬扒，完全唔覺面頭有炸粉，但又感覺外皮帶脆，吃落外層似雞蛋漿的脆口感，內裏的豬扒肉質又軟熟，又想起兒時的味道，果然真係失傳已久的豬扒🐷又

位於觀塘工廈的一家中式小館，一進門口，無論是海報、圍板都是韓國明星。未看餐牌的話，還以為是主打韓國菜的。雖然只是一頁的菜式選擇，但包涵了各式煮法的雞，小食、粉麵、飯類都有。小食：畢生難忘炸雞翼秘製雞翼，一共三隻，新鮮即炸起，味道不過不失。飯類：招牌海南雞飯油飯飯粒很香口，粒粒分明，油分充足。香茅味香濃，入口清香，爽甜！而雞肉肉質飽滿，雞皮及雞肉都很嫩滑多汁。跟飯的湯水是花膠雞濃湯，入口清甜，膠質十足，雞湯香濃，嚐得出沒有味精。吃過炸物，喝完湯後，感覺喉嚨頓時滋潤了。主菜：重慶口水雞口水雞不算太辣，帶有重慶麻辣味，醒胃的小菜。