二撇雞

营业中

休息中

係觀塘上完堂 記起朋友推介過一間必食海南雞飯既餐廳 係駱駝漆3座4樓 位置容易搵 行樓梯上去快過等lift12點鬆d去到 3/4滿座 餐廳光線足兼乾淨企理 枱邊手爭位靠落去唔會lup痴痴  ------  叫左個招牌海南雞飯+凍檸茶 $55+$7配有椰菜花絲同麻醬 幾清新解膩  湯有少量杞子幾甜 樓面哥哥落單送餐快靚正兼有禮貌 杯檸茶滿杯冇瀉 放食物位置剛好 杯檸茶幾好飲!!雞肉好爽好滑 咬落有彈性 有走地雞既感覺 唔知店家如何處理雞肉 同普通店食落有明顯分別 有水準 同埋平時食雞會走雞皮 但今次食埋 至於個醬就普通 有米紙揮春 唔知係咪接受過訪問? 有冇人知~好多台客都係食麵食類 走時見到係標榜無味精 下次再黎試下先 總結 雞好食 服務佳 建議早小小黎 可以慢慢食 走果時keep住有人係出面等位~

有時見到網上會介紹駱駝漆大廈內既餐廳。暫時未見過呢間被介紹。其實又無咩好講。不過不失囉😅。雞唔駭，有大半無骨，加少少有骨肉，份量唔算少。（相影唔到第二層雞肉）下午兩點多，慢慢食，食完先見到原來都坐得幾滿。起碼唔會失望先啦。

駱駝漆大廈出名多嘢食！今次再一次嚟到呢一間食雞湯米線！因為覺得味道同價錢上都可以再encore💓上次同媽咪一人一碗米線再叫小食多到食唔晒，今次醒目了只係叫左一碗米線之後再叫幾樣小食份量剛好💛花雕藥膳雞湯米線，湯底好夠味！當中加了紅棗令成個湯底更加清甜！就算飲湯底都唔算太口渴！蔥油雞個汁好好味，用了甜豉油! 連雞胸肉肉質都比較滑！最方便係雞肉去骨，咬落去啖啖肉👍🏻至於小食方面，對豬扒比較失望，唔夠味，肉質亦比較Dry。炸魚角反而有驚喜！好夠味！至於雞翼就不過不失正常發揮😆依間舖頭都係會放喺我心目中觀塘食店Encore List!🌟推介指數: 🌟🌟🌟🌟(5分為最高)🚗駕駛人士請注意: 駱駝漆大廈有停車場(不過經常爆滿),附近較大型的停車場要去到apm/ 創紀之城

有驚喜米線WFH 嘅lunch 隨便去一間樓上舖食，見門外要等，心諗或者好嘢嚟。等左一陣，到我😁😁花膠雞濃湯米線 $66湯米線🍜同雞🐔係另上碗湯底有杞子雲耳，味道好清，相信無味精🐔好滑而且有咸香味尼個價錢確實超水準👍👍😋😋

最近聽朋友講呢座工廈入面有間食雞既地方幾唔錯，見今日有時間就緊係拉埋朋友一齊去試下好唔好味啦! 聽講呢間主打既濃雞湯無味精嫁，好似真係幾唔錯，價錢又唔貴，性價比都算幾高添，就算一星期食幾日都應該一定冇問題啦!😎🍽 二撇雞 🐥胡麻雞絲粉皮($22)夏日炎炎最岩就係叫個冷拌作頭盤開胃菜啦，賣相係好好既，粉皮帶點爽口同一般上海菜既粉皮有少少分別，但小編就覺得胡麻醬口味偏重而且唔算好掛汁，味道上就中規中矩。🐷 失傳已久的豬扒($26)豬扒炸得夠酥脆，火侯又岩岩好，口感倣到外脆內軟，而家肉質唔會好dry仲夠哂juicy添，呢樣抵讚既! 👍🏻🥟 紅油抄手(三粒) ($21)大大粒既雲吞相當足料，而家餡料入面仲有蝦同豬肉添，當然正宗既紅油抄手只有豬肉作餡料，雲吞配埋特製既醬汁，味道帶少少麻麻香香和辣，再加埋醬汁又帶點黑醋味，好開胃，有種感覺令到人食完一粒又一粒!😋💡小知識:紅油抄手既醬汁其實做法唔算太難，就算足不出戶，只要屋企有呢幾樣材料就可以輕易整出自己喜愛既口味啦，都只係要醬油、鎮江醋、糖、蒜蓉、麻油以及靈魂人物花椒辣油，就搞掂好醬汁啦!係咪好易呢，大家都可以快D試下整啦!🍲 花膠雞濃湯米粉($

路過幫襯，有驚喜，餐廳主攻食雞，我叫左花膠雞湯米，炸腐才魚角，凍奶茶。雞已起骨，跟湯麵分開上，應該係方便作為海南雞或沙薑雞款時節省時間，也罷，不影響味道，肉嫩皮脆。湯底沒味精，花膠有3至4塊，足料。凍奶茶，好飲，因為水吧通常都係被忽視的，好多餐廳食物出色，水吧‘’甩色‘’。。。經常‘’滑鐵盧‘，呢間茶底味足，奶糖比例適中，要讚。炸物不過不失。

係工廠大廈裡面既二撇雞，真係聞名已久！個個係觀塘返工既朋友仔都話必試。我今日叫左個花膠雞米線，雞夠亂畫米線湯底唔會太咸鮮未有夠，而且餐廳睇得出係用心製作，好值得推介👍🏻

雞超滑，唔係講笑～最正係獨家調配四醬～講下啲醬料先～口水雞醬— 微辣、香口、惹味！海南雞醬— 微辣、鮮甜、超夾沙薑醬— 屋企人鐘意食薑蔥油— 未試😂啲醬真係靈魂，有剩拎去撈麵撈米線麵好好味😋我呢度係外賣雞，米線係自己加的～所以觀塘真係好多卧虎藏龍～駱駝漆地下已經幾間海南雞專門店。但我上四層樓尋寶❤️‼️‼️🥹🥹同層仲有好食嘅千層蛋糕🍰😂😂要去幫襯下！

黃酒藥膳雞米線 $59⭐️⭐️⭐️⭐️⭐️米線滑嘟嘟而且有咬口，啲雞都好滑又入味，個湯香濃重酒味，我鍾意！無味精～幾健康！我飲晒個湯lol好飽！店員好貼心~ 因為朋友遲黎，個湯放到有少少凍咗，佢就問我哋使唔使我哋換啲熱湯。溫暖小店！回頭率🤡🤡🤡🤡性價比🤰🏻🤰🏻🤰🏻🤰🏻🤰🏻

係駱駝漆大廈買野，咁岩經開呢間餐廳見門口個banner 寫主無味精湯底米線，我所以就想試下。鋪頭地方都算係乾淨，坐得都幾舒服。但服務就麻麻地，由頭到尾水又無一杯，紙巾又要加錢。其實係咪食麵嘅地方都一般無紙巾供應🤨。佢啲麵既款式都多選擇，有麵有飯，麵底有幾款揀，睇落都好吸引。我落左單唔洗等好耐，碗麵就到左，開頭食都幾好食，但唔知點解越食越口乾，🤨🤨🤨🤨越食越想飲水，真係好口乾，我覺得佢地個湯底/餸唔係無味精，就算無味精，咁係咪落鹽落重手左咁😒😒完全唔係佢講既健康無味精🤨🤨🤨🤨呢間野真係無第二次 。我真係好想返去飲水

二撇雞成日經過觀塘，見到呢間都好想食下，嗰日都唔算太多人，咁就食下啦😎黃酒藥膳雞~$58我揀咗米線，酒味都幾濃郁，雞件份量都幾多，湯底有蟲草花，紅棗，杞子等等材料，清甜滋潤，米線煙煙韌韌，口感豐富鮮茄濃湯肥牛~$50朋友揀咗米粉，蕃茄湯底鮮甜濃郁，米粉份量都幾多失傳已久的豬扒~$28豬扒熱辣辣炸起，香脆大件，炸粉不太厚，肉質紮實，好食好L脆~$26有兩粒，係用豆卜返開，再加入手打蝦膠入去炸，真係好酥脆，好彈牙二撇雞🏠：觀塘開源道60號駱駝漆大廈三期4樓O室☎️：51292929

養生組又要上線🙋🏻‍♀️每次見到主打無味精湯底嘅粉麵都會想試😆因為好鍾意食麵飲埋湯🤤🔆花膠雞濃湯米線$𝟞𝟝 個湯真係好滋補但唔叫濃湯😅係清清地😹可以成碗飲哂😋配料有木耳、腐竹同杞子，都係健康配搭👍🏼雞分兩排，上面啖啖肉幾滑嫩，下排就有骨少少肉🐔花膠不算好黏口，但都大塊嘅🙆🏻‍♀️麵底可以揀米線/米粉/上海麵😬🐰鍾意養生嘅朋友一定要試下❤️佢仲有其他好吸引嘅湯底架😍

好鍾意食雞嘅我，今次就去咗呢間餐廳食雞啦！首先要試吓嘅就當然係呢度嘅炸雞翼啦，雖然只係簡簡單單嘅炸雞翼，但係就已經食得出真係好高質！另外仲叫咗一個胡椒豬肚雞米線胡椒豬肚嘅味道真係好正，呢個湯底真係已經冇得輸，胡椒豬肚好好食，胡椒嘅辣味令到成個人都暖粒粒

呢間專做雞嘅餐廳，位於繁忙嘅工廈。去到門口，已經1:30嘅時間，都有好多人排隊！基本上大部份都係食雞嘅，有唔同做法嘅雞俾你揀。跟住聽到排隊嘅人嘅對話中得知，話佢嘅炸豬扒都唔錯。其實都好有興趣胡椒豬肚雞, 口水雞等等, 但想第一次想試下佢個功力, 於是都係點左「花膠濃湯雞」，試吓佢個湯底得唔得先！個花膠米線先來，外貌上都幾靚，有幾塊大嘅花膠鋪咗喺面，配左啲木耳，少量嘅腐竹，再加少少嘅杞子點綴，賣相顏色上都幾吸睛。飲咗啖湯，唔算好熱，偏暖，味道都幾好飲。其實唔算濃湯, 個味再淡D 就變左唔夠味了。花膠都算軟身帶點爽口。跟住碟雞嚟咗，個量就比較少咗啲，而且啲雞油色唔算深色。食一啖雞，比室溫輕微凍。因為位置唔係啲滑嘅位，所以相對比較有啲鞋。我將舊雞放咗落個湯度浸一陣，暖暖地，好食啲，佢嘅味道鹹鹹地，有少少似鹽焗雞。呢款雞味道還可以, 但下次未必想叫呢款, 因為始終做得唔夠滑。我見隔離枱嗌左海南雞，嗰啲雞嘅煮法感覺好似唔同因為我見到嗰啲雞係比較多D 油份係面，同埋有少少紅肉，應該個煮法有啲唔同(?)所以我會期待食佢個海南雞。總體黎講, 唔差, 但覺得沒特別也沒網上講到咁驚喜。下次唔多人排隊時可以

今日發現呢間新開工廈小店幾抵食招牌海南雞例牌 💰4️⃣0️⃣雞肉幾滑身無雪味，雞皮好爽口久違失傳的豬扒跟上海麪 💰3️⃣9️⃣豬扒即炸而且好juicy，上海麪煮得比較淋麻辣擔擔麵 💰3️⃣8️⃣跟餐配飲品加💰6️⃣🎈二撇雞🎈觀塘開源道60號駱駝漆大廈三期4樓O室