二撇雞

营业中

休息中

Tucked away in Camel Paint Building is this humble Chinese restaurant which specialises in Chicken dishes, and some Northern Chinese specialties such as deep fried pork chop and northern style wontons.Having chatted with the staff of the restaurant, I came to learn that the four team members were once chefs at prized 5* hotels and they teamed up to open something together, which turned out to be absolutely nothing short of spectacular.I had their Hainan chicken on quite a few occasions already b

有次行駱駝漆見到想試, 但岩岩落場時間, 所以試唔到! 睇到都多食評讚呢間餐廳, 就搵機會去食下! 星期六lunch hour多客, 要等一等先有位。職員態度ok, 價錢正常, 但食物味道同啲食評係兩回事!炸豬扒: 無記錯嘅話呢個係餐廳推介, 散叫好似大約$30, 所以expect 味道會唔錯, 但食落只係外層炸粉有味, 豬扒完全無味浸菜:個湯好淡, 好似溝左水咁, 雖然呢間應該係標榜無味精, 但無味精唔等於無味(自問唔係重口味人士)蔥油雞:呢款唔係餐廳推介, 我係散叫, 散叫價錢黎講(好似$50幾), 份量唔算多, 雞質地算ok, 蔥油味道與平常蔥油雞有啲唔同, 但都係偏淡

朋友介紹話駱駝漆3座4樓有間食藥膳雞嘅舖頭好食，今日放工終須有機會試下黎到門口已經有人排隊，但完全無人理入座安排，好在我開聲話黎先，如果唔係就已經俾人打左尖了呢方面可能店內太忙了吧Menu 簡單易明，招牌菜有又有黃色high light加底都係加$3 好抵食黎到出名食雞既地方，我竟然係嗌擔擔麵，因為我其實好鐘意食擔擔麵，係度見到其他人食既擔擔麵係我最鍾意果種做法，即刻填紙仔揀佢食擔擔麵緊係要揀上海麵配埋炸豬扒呢個組合啦媽呀真係我鍾意食果種味道呀，濃郁嘅花生醬味加埋豬扒既香味，好味道呀另外驚太重口味叫左個濃湯浸菜溝返啖個味蕾，個濃雞湯可以飲埋凍奶茶茶底唔苦澀，合格下次再黎試下啲雞先

米線控 出動‼️ 今次我地去觀塘駱駝漆大廈食米線～餐廳名叫二撇雞。星期日既晚上，唔需要排隊就入座。呢度既裝修幾似cafe。檔板仲要係印住男團既樣。但小編老了，唔識呢班小鮮肉。。。我地叫左以下食物：花膠雞濃湯米線 $6️⃣5️⃣花膠有3大塊，正😄質地偏爽口。湯就唔覺得濃啦⋯⋯似清湯（笑 雞另外上，味道鹹鹹地，類似海南雞，雞件係嫩滑既，但個人覺得同個米線唔多夾。米線則比較幼身，而且煙靭，我同隔離位都幾鍾意呢隻質地。胡椒豬肚雞米線 $5️⃣8️⃣胡椒味道到幾出，但唔係嗰種嗆口既辣。豬肚嘅份量幾多，幾淋。呢款雞就冇另上，食落幾鞋口。睇到個湯底黃得黎帶綠色，黃色部分應該係雞油。好撚脆$2️⃣2️⃣本身想食好撚彈，點知賣晒。好撚脆即係蝦膠，食落去脆口而無咩油，不錯👍

二撇雞麻辣擔擔麵花膠雞濃湯米線胡麻雞絲粉皮價錢💲: $39/ $65/ $26好味程度😋: 4/5服務🍴: 3.6/5環境🗾: 3.6/5性價比🥢: 4.4/5回頭率😚: 4/5-駱駝漆唔單只多人排隊上去，仲多餐廳。呢排就食左呢間主打雞湯米線的店舖，估唔到又幾有驚喜😙 價錢仲幾親民添！-✅✅麻辣擔擔麵。超濃郁的湯底🤩 飲落係漿口較杰身的濃郁花生醬味，每一條有彈性的麵都會掛起啲湯😋 佢係我記憶中最似花生醬的湯底！小小麻辣味啱啱好，麻味較辣味出🤤 面頭的肉碎都有助吊起個味。係食完仲想飲個湯的擔擔麵！-✅花膠雞濃湯米線。講真一啲都唔濃‼️係清清地雞味的湯底，飲落順口舒服，又唔會好似醫院食物咁冇味😌花膠有薄薄的2片，係呢個價錢的貨識😜 米線煮得啱啱好，好滑。仲有啲腐皮雲耳。個雞係重點😍 好滑好嫩的黃油雞，食落啖啖肉，雞味濃。雞皮部分都唔會油膩，好似過過冷河咁有彈性😚好好食！-✅胡麻雞絲粉皮。$26完全冇諗過咁大碟…可以當正餐的size😱 味道正路，粉皮爽滑，用左日本麻醬去撈，加埋青瓜絲去比返啲清爽的感覺，係個經典的配搭😆-整體都算高質，價錢都ok，幾扺食🐔如果中意食雞米線/麵食類的可以試下！

今日要去新界搵個friend，要去觀塘轉車，於是我就諗起駱駝漆三期有好多美食，我係openrice搵左好幾間，但發現有間餐廳名好得意叫「二撇雞」😆咁就撳入去睇吓係食咩先，一睇好吸引我嘅係一碗花膠雞濃湯米線，就決定走去食下啦！去到就見到門口係一幅綠油油嘅草牆等了大約5分鐘就入得喇，座位都非常舒適。係等位期間我已經揀好咗食咩喇，所以一坐低就可以落單比哥哥仔😆由於係我今日第一餐，非常肚餓，於是就叫左一碗花膠雞濃湯米線、一份失傳已久的豬扒😆😆😆嘩嘩嘩！碗濃湯好好飲，我就覺得無味精而且好足料，花膠都有4-5片，而雞係分開上，貌相似海南雞啲朋友😆，食落好滑而且係無骨的👍🏻👍🏻不得不讚係米線好彈牙，口感非常好👍🏻失傳已久的豬扒，好香好味👍🏻但原來一碗米線飲埋湯已經好飽，下次要叫小食就搵多個friend黎一齊share先得喇！今次搵食又搵到間抵食又好味嘅，好開心好滿足呀🥰🥰🥰

本身諗住去駱駝漆買個蛋糕就走人，點知見到呢間餐廳咁多人就好奇望有咩好食，原來係sell健康無味精既餐！見岩岩到lunch時間又未食飯就順便係到等位，大部分客人都自動自覺係店外排隊，但有客人唔理自己入左去，因店員可能lunch時間太忙冇時間做派飛動作，所以我地出邊幾個等緊既客合力叫停佢！等左15分鐘左右終於可以入去喇！自己一個食拿拿淋叫個海南雞飯，估唔到仲有碗湯送，湯水好滋潤，真係完全唔覺得有味精，而雞飯方面，雞好滑，油飯亦好好味，係雞比較少而已，總括而言認為係一個健康好味之選😋

好耐之前係ig見過foodie推薦呢間米線，所以如我所料，晏晝食飯時間排哂長龍，等左四個字左右先入到，如果想食個快飯既人就唔好試。講左小食先，本身朋友想試好撚彈，但無見人食過，真心想知係咩😂。都係揀番多人介紹既好撚脆，好撚脆真係好撚脆，係用豆卜包住d蝦膠再炸，入面會食到原粒蝦既口感，鮮甜彈牙，不過朋友就覺得26蚊兩粒性價比比較低。另外仲點左個泰有脆魔瓜，姐係泰式無骨鳳爪，醬汁酸酸辣辣，好開胃，仲有d炸豆卜碎，更加香口，份量都幾多。朋友點左個黃酒藥膳雞米線，我試左個湯，好香薑味同酒味，好補身驅風既感覺。我點左個胡椒豬肚雞米線，雞肉比較碎，同埋唔係走嫩滑路線，豬肚幾彈牙，個湯好好味，越飲越辣，越辣越想飲，好岩呢排涼涼地既天氣，如果d胡椒碎可以撈起先上檯就好，因為食米線好易撈埋d胡椒碎。

平日晚上六時到達 是第一枱客人餐廳不大 但感覺都是整潔環境設計也真特別「九唔搭八」 Σ（゜ロ゜;）Omg 韓星加小鳥吊飾燈真的搭嗎？ (￣▽￣)Anyway東西好吃才是重要一項！▪️▫️招牌海南雞米粉 $40▫️▪️原本是跟飯，可轉粉麵，海南雞嫩滑，沒有雪味，幸好皮下脂肪不多，這個雞皮挺Q彈，不用姑媽割喔🤣配以清雞湯米粉雖不是我愛的新竹米粉，但也幼細不粗糙，易於消化👍🏻湯底有腐皮杞子木耳，明顯告訴食客，不是清湯而已😏▫️▪️蔥油二撇雞米線 $48▪️▫️原來只是海南雞加蔥油，沒有平時般油膩，蔥油不算太香，些少失望。沒有雞毛，要稱讚😏👏🏻👏🏻米線湯底都一樣，米線滑溜，比譚仔的好吃得多😂▪️▫️蔥油豬扒米粉 $48▫️▪️這豬扒也是招牌之一，不乾不肥是我喜歡的質感，沒有走香脆路線，反而是鬆軟質地，薄薄的一層炸皮，加上邪惡蔥油及豉油，這個價錢性價比高😆▫️▪️好撚脆 $26▪️▫️豆卜反轉然後釀入蝦膠，的確是「好撚脆」😂聽講是手打的，難怪蝦膠彈牙濕潤，新鮮炸起，當然不錯！▪️▫️紅油抄手 $21▫️▪️就是辣的雲吞，辣得惹味辣得刺激，有點小後勁，這個我蠻喜歡🤤整體來說，味道不是出眾得非試不可，但以這個價錢你也沒什麼好挑剔，除了裝潢

店舖位置都幾隱蔽，若非上open rice search觀塘冇咩好食都搵唔到佢（要知道 駱駝漆工廈樓下好多嬸嬸姐姐派傳單介紹餐廳或工廈舖，但呢間舖冇相關資料）。果然冇推介錯，啲野食好好食。我叫左個口水雞麵，佢上菜既時候我仲以為上錯左，因為個湯底有 杞子，雲耳等配料，好有中式湯既感覺，因為我本來以為係清湯麵，所以好有驚喜。飲落碗湯底好有雞湯味，唔會食完好口渴，好濃但唔覺得油，因為杞子關係湯底都好清甜，完全唔覺有味精。而個主角口水雞就略嫌唔夠辣，但好夠麻，中意多麻少辣既人會好中意，而且一碟都有5，6舊雞，有肉既，唔似連鎖店靠xx個碟口水雞骨腳雞頸都上, 肉都冇兩舊。而且價錢只需$48，好抵食，絕對會再食，真心推薦。不過比個溫馨提示大家，間店中午好多人排隊，店員連廚師得三個，所以工作會比較慢，如果趕時間唔可以食，我地都由1點等到1點半先入到座，急急腳食完（15分鐘），大家如果想慢慢享受要揀其他時間。

同朋友行駱駝漆行街買嘢，先知道原來呢度都有咁多嘢食，估唔到工廠大廈而家有咁多唔同嘅餐廳🍴朋友話呢間好多人食，所以就試吓🙌🏻我哋三個人11:25已經到咗，等佢開門😂開11:30⋯⋯我哋一坐低急不及待叫嘢食，我哋叫咗兩碗花膠雞濃湯米線，一碗黃酒藥膳雞米線同埋失傳已久的豬扒（完全比呢個名吸引住😂）花膠雞嘅雞係會另上一碟，湯味濃郁，而且雞嘅份量都多，花膠唔錯🤤但黃酒藥膳真係好好味，好鍾意藥膳嘅味道，我仲飲咗好多湯😆豬扒味道係好食嘅，果然冇失望，下次嚟駱駝漆會再食👍🏻重點價錢唔貴，抵食🤟🏻

之前已經想同朋友黎試，點知咁岩撞正星期二休息。今日家姐約我食lunch，我就提議咗黎試下。我地等咗唔係好耐就有得入去食。我叫咗黃酒藥膳雞米線，有雲耳、蟲草花、腐竹、杞子、紅棗同雞。雞同米線都好滑，夠入味，而且真係冇味精，差唔多飲曬d湯都唔會口渴，喉嚨仲覺得好舒服添。

同朋友行完駱駝漆大廈樓上舖，又到晚餐時間，見有間食花膠雞湯米線，就入去試食。坐低咗朋友叫花膠雞湯米線，我叫花膠雞湯配上海麵，不到10分鐘侍應好快送到上枱，見到啲上海麵好幼，唔似喺上海麵舖食嘅上海麵，於是問問待應是否搞錯呢？侍應話冇錯，我就開餐喇，首先覺得碗麵不太熱，再飲啖花膠雞湯，中伏！發覺有味精，食啖上海麵，感覺一口粉漿，俾朋友食一啖，佢話類似壽桃牌上海麵，重要係煮過龍，另外啲雞淡而無味！二撇雞唔會再幫襯！！無下次！！如果下次想食花膠雞湯米線，就算路程遠我都係會入元朗食「時時食」呢間小店，一樣係食花膠雞湯米線，人哋收$106真材實料真心做出美食👍🏻

🌈 觀塘系列🌈🔸️ 駱駝漆大廈一向有好多嘢食，今次試下台灣嘢 👫👅－－－－－－－－－－－－－－－－－⭐ 招牌海南雞飯 ＄52🔸️ 雞肉好滑 雞皮油脂豐富 好有雞油香味😍米飯係雞油飯 質感偏淋身雖然雞嘅份量唔多 但飲埋碗附送嘅例湯 都覺得好飽😊🧸推薦指數：⭐⭐⭐⭐－－－－－－－－－－－－－－－－－⭐ 胡椒豬肚雞米線＄58🔸️ 我哋今次揀咗米線🔸️ 湯底好濃胡椒味 熱辣辣好好飲😍有驚喜🤗雞肉都好滑 可惜豬肚唔算好入味🙈🧸推薦指數：⭐⭐⭐⭐－－－－－－－－－－－－－－－－⭐ 傳已久的炸豬扒＄28🔸️ 個名夠曬特別啦🤣炸豬扒炸得香脆 表面炸粉唔算好厚豬扒本身有調味整體嚟講算係中上水平👍🧸推薦指數：⭐⭐⭐⭐－－－－－－－－－－－－－－－－㊙️總括而言，以晚餐來食物價格都算平，餐廳地方好乾淨，設計亦都好舒服❗－－－－－－－－－－－－－－－－－二撇雞觀塘開源道60號駱駝漆大廈三期4樓O室

上星期經過，食過一次海南雞飯，已經覺得個飯好食，唔同出面普通薑黃飯，香得狸又唔油，點知埋單走嗰陣比我見到隔離枱嗰碗擔擔麵，好似大大隻字「好食」刻左喺d湯度咁，搞到我成個禮拜都囉囉攣想返去試！今日終於試到，果然不虛，不枉我喺出面等左半個鐘(一星期前明明唔洗等位)，佢個味啱啱好，香花生味得狸有淡淡花椒味，又唔會太辣，個湯好厚身，搞到我忍唔住用晒d quota飲左半碗湯，配埋杯咸檸梳打同例牌葱油雞都唔洗100蚊，勁抵食！