二少廚房 (已結業)

信義妹向來對甜品有第二個胃。所以成日見到甜品都會心思思想食。身形都日潮增長~ 算啦～ 減肥永遠都係明天的事~ 今日又再食盡佢啦～  約咗朋友交收，順便搵個地方坐下傾幾句吧～ 行到鴻圖中心，唔講唔知，原來有個好似Food Court 既地方。 有各種不同美食，中西甜品都有，仲有靚靚壁畫相伴。座位都算寬敞，唔會好迫。 跟朋友一人一個椰盅~呵呵 杞子桂圓椰皇蛋白燉奶 $52 蛋白燉奶香滑，帶有陣陣椰香。而配料都相當多，會有額外一杯奉上架~ 桃膠椰皇蛋白燉奶 $52 桃膠，養顏名物，但自己整又要花時間。出街食就有夠乾手淨腳啦~~~桃膠帶微甜，配上蛋白燉奶的香滑，甜度剛剛好，正合信義妹口味。 食完食埋椰肉份量就啱啱好啦~~ 店內仲有餃子，手撕雞等，下次要試下先~~~地址 觀塘巧明街94-96號鴻圖中心地下6B-6C號舖信義藍星札記

同朋友食完飯想傾下計，網上見到附近有呢間糖水，所以嚟試試，不過嚟到發現餐廳啱啱開始轉型轉做賣正餐，都有糖水供應，但就淨返唔喺好多款式既糖水。另外餐廳環境都幾好，重有live 聽添！😻😻😻桃膠椰皇蛋白燉奶 ($52)桃膠份量幾多，蛋白都幾香滑，滲透住陣陣椰子嘅清香，唔會太甜，再用大大個椰皇裝住，食落口感豐富。👍🏻月季花茶 ($25)味道淡淡地，不過朋友見到月季花茶功效好好，可以解毒，行氣活血，所以點左呢款嚟飲，味道唔錯！

同朋友喺附近食完飯, 覺得意猶未盡, 大家都想搵個地方靜靜哋傾吓計, 經過鴻圖中心, 見到呢度有蛋白燉奶食, 秋風起最適合潤一潤😊我哋一人叫咗一個桃膠椰皇蛋白燉奶, 桃膠係另外上, 份量都幾多, 可以自己調校份量👍🏻蛋白燉奶上枱仲熱辣辣, 未食已經聞到陣陣椰香😍燉奶好香滑, 入口即溶, 佢嘅奶味唔算太重, 反而係椰皇水嘅味道比較濃, 感覺好清香好潤👍🏻加上桃膠豐富口感, 食完仲可以刮埋啲椰皇肉嚟食, 一啲都唔嘥😊

今日同寶寶喺觀塘食完lunch，想遠離繁囂，去附近公園行吓消化下☺️行行吓發現咗鴻圖中心呢個地點旺中帶靜嘅地方，地面層原來係個小型food court來🙊 有西餐、burger、韓式食品、bar、甜品等種類嘅食物，都幾多選擇😯.本來只係諗住走入去行吓，點知一睇就睇到呢間甜品店嘅Menu🙈見到呢間甜品店嘅選擇都幾多幾吸引，價錢亦好合理，然後...我哋又食甜品了😆除咗甜品之外呢度仲有點心同埋健康餐可以揀❣️桃膠椰皇蛋白燉奶 $52暖暖地，好適合冬天食❣️奶味➕蛋白味都好香濃，沁晒落蛋白燉奶嘅椰子味更加錦上添花❗️仲可以刮啲椰子肉嚟食添☺️桃膠可以浸得再乾淨d，因為食食下發現都仲有d 黑點點痴係桃膠度～不過最後都係全部食晒🤣 滋陰養顏嘛☺️我哋另外再買多咗兩杯花茶，食完甜品喺度吱吱悠悠坐下飲吓嘢傾吓計😝.玫瑰蜂蜜花茶 $25有成15粒玫瑰花咁多🤩所以好濃味，加埋黑糖落去，味道同飲緊Starbucks 質素嘅花茶冇分別🤓黑糖係另上的，俾大家自行決定甜度👍🏻.月季花茶 $25呢種茶唔係周圍都有，所以見到就點來試下❣️味道好特別但都好易入口，冇咩茶嘅澀味💕飲吓飲下我都幾鍾意😌對女仔來講仲好補身添☺️ 有調經功效嫁

最近工作繁忙，晚飯都要在公司叫外賣，要減減壓力的時候，我便去了公司附近的一間糖水店，買糖水回家，將壓力化為食量😚。這間糖水舖在愛琴坊內，除左糖水，還有健康的膳食，下次午餐可以一試。可能因為太夜，（太夜收工，怒）所以養顏的桃膠賣完，我就試下個椰皇燉奶加芝麻糊及合桃糊，包裝好細緻，分開袋的，揭開椰皇蓋，椰汁味香噴噴，蛋白好滑，還可以跟椰肉一起食，加入芝麻糊，養顏大增。合桃糊也很滑，磨得細緻，合桃還可補腦。還有一點值得加分，糖水不是太甜。

今日去左觀塘食糖水。朋友介紹左一間糖水店，正正係佢公司樓下，佢成日放工都會去食。今日我去接佢放工，同佢食晚餐。等佢收工時候，一個人走左去食個糖水先。我叫左芝麻糊椰皇蛋白燉奶。濃濃芝麻糊，香濃芝麻香，入口好幼滑完全無幼粒，由細到大都好鐘意食芝麻糊架！椰皇賣相好靚，入面係蛋白燉奶，味道好清甜，甜度完全唔高。蛋白燉奶好滑溜，濃郁奶香。我叫左一杯珍珠奶茶，芋香濃厚，珍珠粒粒煙韌，奶香和茶底好突出，甜度又唔會高。

今日去愛琴坊諗住看看里面一間小餅店，剛好見到二少甜品係隔離就想試下。簡單看過menu ，甜品選擇雖然不是琳瑯滿目，但以燉奶為主打甜品，所以不難揀。  我同友人揀左桃膠椰皇蛋白燉奶，及二少水晶粉。因為冇芋圓，店員建議蜜瓜水晶粉另加西瓜。  點餐時已聽到播緊流行曲，不以為然。去到點餐處才望到原來有註場歌手現場唱歌，是一個年紀輕輕的女仔，聲音好甜，唱得不錯哦。店員隨即介紹其實逢星期一、三、五都有註場架。 其實環境係二少甜品有自己幾張檯。鄰近店都係，但中間就有公家抬任坐，註場歌手就係個度。 我同友人就為左聽歌就移師去左其中一張檯，店員都話會親自送甜品上黎。講返甜品先，桃膠本身冇味，份量滿意，起碼cover 哂椰子個蓋口。今次燉奶比我之前外面食既不太甜，但椰子味重，友人不好甜，岩佢口味喎。蜜瓜西瓜水晶粉賣相麻麻地，蜜瓜西瓜夠甜，主要係個碗吾夠濶好難撈埋水果水晶粉一齊食，換個濶身碗會好好多，另外有花奶同黑糖附上，我地2樣都隨意落下，味道好吾錯。

同男朋友喺觀塘食完飯，諗住搵間糖水舖坐低食下飯後甜品🙆🏻🙆🏻🙆🏻知道鴻圖中心地下有一個food court，就諗住去睇吓！原來呢間二少甜品同埋晚飯係同一間鋪頭！我哋今次就叫啲人叫咗一個甜品😍😍餐牌選擇唔算好多，但係大部份甜品類別都齊全👍🏻👍🏻佢最出名嘅就係呢一個燉椰王，所以就決定滋補就揀佢嚟試吓😋😋桃膠椰皇蛋白燉奶桃膠滋補養顏就個個都知，配埋蛋白燉奶，仲要係個椰皇入面，就可以想像到呢個甜品幾咁適合想皮膚好嘅女士😍😍😍， 佢唔係好甜，而且份量合適，比較得意嘅係佢係會另外比一大碗桃膠你😍平時出面食嘅桃膠得鼻屎咁大粒😂😂但呢度就成碗俾你，認真揼本👍🏻👍🏻另外在叫咗個西瓜水晶粉，加$8仲可以加蜜瓜👍🏻👍🏻味道一般般啦冇乜特別，不過佢有個黑糖可以俾你加落去食，加咗黑糖就唔同啦😋😋

友人還有一大堆苦水未吐，所以我倆決定下一場，就是飯後甜品。愛琴坊有不少食店，當中也不少得甜品店。裝潢以白色為主調，配上木椅木枱，簡約舒適。座位不少，地方挺闊落。兩份餐牌，一是二少健康套餐，另一是甜品飲品。我們的目標是甜品，分別有珍珠奶茶系列、養身系列、美白養顏系列、花茶系列和清涼系列。***********************我倆本來也看中椰皇蛋白燉奶，很可惜已一早售罄，嗚嗚嗚.....最後就點了一碗合桃糊和三瓜水晶粉。以很有特色的碗子盛載上枱，一冷一熱。合桃糊（$32）暖笠笠，質感濃厚黏滑，味道香甜，不錯。***********************蜜瓜水晶粉（$32）加西瓜（+$8)和哈蜜瓜（+$8）大大碗，好足料。三款瓜也多汁，而蜜瓜和哈蜜瓜就相當甜美，喜歡！水晶粉貌似粗身粉絲，晶瑩剔透，滑嘟嘟，帶少少爽，唔散爛，口感和賣相都幾特別，吃時拌些黑蜜，更添甜美。究竟水晶粉是什麼來的？據網上資料得知，原來水晶粉就是日本皮凍粉，水晶粉主要由卡拉膠，海藻酸鈉，瓊脂膠，果膠等植物凝膠複合而成，能緩慢溶於冷水，可溶於熱水。------------------------------甜品過

係愛琴海食完飯，就揾下附近有咩甜品食見到開左間新的甜品，一於試一試本身想食燉椰皇，但今日賣晒~所以就order左西瓜水晶粉(配淡奶，亦可配黑糖) 可選擇要晒2 樣都ok上台時好可愛的sauce pan一大一小互相揮映西瓜也是即叫即切水晶粉有dd像薯粉，口感幾特別，加埋淡奶甜到洽到好處朋友就order左熱的紅豆沙(上面再加d椰漿)朋友說煲到起晒沙，好正要打包返去比老公食另外再加杯黑糖珍珠鮮奶唔會好甜，唔錯

大家都知道鴻圖中心有唔同嘅食店 二少甜品就係其中一間新開嘅點樣鋪頭 位於food court嘅盡頭✨ 桃膠椰皇蛋白燉奶 ($52)近年興起食桃膠 有養顏美白嘅作用 可以為身體補充骨膠原 桃膠配媽椰皇蛋白燉奶簡直係美顏之選 蛋白滑捋捋 製作時亦都遵重少甜嘅準則✨ 蜜瓜涼粉($32)同一般嘅蜜瓜涼粉唔同 二少甜品除咗花奶之外亦都配上黑糖醬畀我哋 別有一番體驗 估唔到黑糖嘅焦香同埋涼粉係咁夾店舖前方仲有一部自動販賣機 用八達通畀錢減少排隊的時間

飯後慕名而來打算食椰皇蛋白燉奶，但黎到之後晴天霹靂，因為店員話，今日已經售罄喇... 仲有幾款小食都同樣情況呢... 店員極之友善，提議留低名稱，明天叫同事留一份比我，但食糖水係即興嘛，所以最後照入座，選其他吧黑糖珍珠鮮奶飲品即叫即制，可以加減甜度及走冰，選擇最適合自己既飲品。入口每一啖都好美味，鮮奶與黑糖好夾，加上煙韌既珍珠，prefect 合桃露+芝麻糊二少甜品可以mix & match架，放棄了豆腐花，選擇了合桃露+芝麻糊，幼滑組合，味道一流，而且熱食好香，再黎都可以試下其他組合黑糖珍珠奶茶最後再叫多2杯，因為有朋友聽到我係餐廳，即刻話過黎一齊飲返杯，奶茶都香滑，但我都係鐘意鮮奶多啲餐廳仲有優惠減2蚊呀

食完lunch打算同朋友去食個甜品，再傾下謁！於是搵咗間係愛琴坊入邊既二少甜品🍮入到黎我明白點解叫愛琴坊，因為佢既裝飾背景係以希臘愛琴海做主題，再播啲輕柔既音樂，環境都幾舒適下👍1.桃膠椰皇蛋白燉奶$52椰皇燉蛋白好香蛋白味，滑滑嘅蛋白連埋桃膠一齊食，更具營養價值，十分養顏😆🥰2.芝麻糊椰皇蛋白燉奶$52芝麻糊同椰皇蛋白燉奶係分開上，芝麻糊好滑好香芝麻味，而且甜度啱啱好，唔會好漏😋蛋白連埋芝麻糊一齊食，黑白配十分之夾

Yee Sui Dessert is located in the food court which is public area sharing with other restaurant. You can simply order the food and wait til the tap shaking. All food is packed by take-away package. The environment not so comsy and without air-conditionerBesides dessert, they also offering lunch set here, mainly only two options with shredded chicken or pork dumplings. I picked shredded chicken with Japanese seasame sauce with rice having nice taste, but it’s really a girly sizeWalnut sweet soup

作為一個Office Lady，成日坐Office真係好需要飲多啲暖野，所以今日放lunch就去左買四杯熱野飲返公司請同事飲。咁係公司附近新開左間叫「二少甜品」嘅輕食店。花茶系列玫瑰花茶：具養顏美容、調理月經腹痛、改善腸胃不適，紓解憂鬱情緒。茉莉花茶：能排毒益氣、抗菌消炎、穩定情緒。月季花茶：活血調經、清熱解毒、美容紅棗桂圓花茶：滋陰美容、調理血氣、促進血液循環事關我全公司都係女人，所以買晒啲花茶返公司請同事飲就岩晒喇！幾特別嘅「二少健康套餐」，佢有不同嘅手撕雞套餐，或者餃子套餐，但個人覺得小貴。今次我就冇食健康套餐，下次有機會都可以試下。其實佢仲有賣珍珠奶茶