二少廚房 (已結業)

一個人搵食唔想太熱氣，中式飯餐最穩陣揀左間商廈入面food court嘅燉湯中餐店主打手撕雞類午飯加燉湯揀左最基本嘅薑蓉手撕雞配花膠湯手撕雞本身都有調味未必一定要沾薑蓉雞都ok，不過手撕雞都好難唔滑燉湯味道可以都見到啲材料當然以咁嘅價錢，我都唔期望有花膠嘅所以喺材料中就仲有一舊魚肚嘅

今日同朋友一齊去食叫咗兩份粢飯配豆漿🙈太耐冇食啦😋😋粢飯放入熱櫃入面keep住暖呼呼的，入面有榨菜油炸鬼豬肉鬆。再加埋新鮮熱辣辣嘅豆漿味道唔太甜啱啱好。做早餐啱啱好好夠飽肚又抵食，價錢平民化又好味又新鮮👍奶油蒜香手撕雞配泰國絲苗香米飯🍚手撕雞咬落去十分驚喜很香嘅雞油味😋😋好好味呀😋仲要肉質很鮮嫩多汁加上啖啖肉真係好好味，加埋個奶油蒜香汁送飯一流🥰🥰。套餐包埋一杯豆漿十分抵食👍👍

這裏是過foodcourt ，諗住冇咩好嘢食，點知比我見到一間健康嘅中式店，佢主要做外賣，但堂食都大把位置可以坐。二人點了一湯一飯當午飯，再加個豆漿黐飯拎走外賣俾屋企媽媽。花旗參燉烏雞湯 $42烏雞佔咗成碗湯一半，係原個燉盅燉出嚟👍🏻清潤又鮮甜完全，唔似係一間細舖做出嚟飲到底仲有好多藥材紅棗杞子花旗參等等⋯⋯薑蔥手撕雞 $57 配泰國絲苗香米手撕雞雞味十足，喜歡手撕雞嘅原因係一條條已經撕好晒完全啖啖肉唔使咬骨，配上熱辣辣嘅泰國絲苗米，粒粒分明，尖頭尖尾，咬落彈牙，唔會太淋，係我喜歡嘅軟硬度。係家嘅感覺呢😄早餐豆漿黐飯$22個人認為呢個10分抵食，粢飯細細舊已經好飽肚，再加上呢度嘅豆漿又香又濃，超重豆味，而且唔會太甜，唔肥而且健康。

呢排天氣咁凍，食咩可以暖笠笠，冬天必食？緊係煲仔飯喇。唔講真係唔知，原來牛頭角有一個地方入到去係有唔同種類既食物，就好似從前既美食廣場咁，係出面睇完全唔知入邊係咁正，以為只係一間餐廳，原來大廈入邊係別有洞天架。我講緊既係鴻圖中心入邊既《二少》個名已經好得意，原來係食煲仔飯同 燉湯 。 排骨臘腸煲仔飯- 我就最鍾意食排骨飯加埋臘腸， 未打開蓋 ，已經聞到香噴噴。花膠燉雞湯- 雞味好濃郁，真係有花膠同雞架， 真材實料，正呀！

二少廚房食咗先講，都知道鴻圖道近巧明街有啲好嘢食，開咗個food court 一直冇機會去試，見到下午嘅時間都好多人排隊，其中佢嘅手撕雞飯，上網睇原來好多人食過都話正，另外仲有煲仔飯亦都係呢度首選。叫咗一個手撕雞飯就可以跟一杯豆漿或者嘢飲，我哋叫咗個奶油蒜香手撕雞泰國絲苗香米飯，食落去真係好有奶油味，蒜香又唔算太突出，啲飯好熱辣辣，佢將餸同飯分開，味道好夾。另外要讚一讚呢度啲湯，燉得好出色，而且係好燙口，仲好足料添，裏面搵到好多烏雞同埋花旗參，發現啲湯渣仲多過啲湯！

今日係觀塘海旁做完運動之後，行咗去附近愛琴坊呢度搵食，因為係星期六晚，呢度好多餐廳都冇開，得返門口呢間二少廚房。記得以前網上見過呢度有啲甜品同埋飲品，原來已經冇做㗎啦，而家主打煲仔飯同埋手撕雞飯，仲有老火湯。呢度有埋手撕雞飯同埋冬日限定臘味煲仔飯。我就揀咗煲仔飯，加一杯豆漿，仲有一碗花膠雞肉老火湯。俾咗錢之後，就攞咗一個電子提示器，當啲飯餸ready嘅時候就會響。等咗大概10分鐘左右就攞到啦。煲仔飯同埋老火湯都熱辣辣，豆漿我亦都特別要求加熱左所以都夠暖架。個老火湯嘅味道都幾有雞味，調味唔會好鹹，但係料方面就缺少咗啲花膠。個煲仔飯唔似出邊食開啲有飯焦嘅煲仔飯，係比較似蒸飯，啲飯粒都比較林，加咗啲煲仔飯豉油之後味道更加豐富。面頭有啲臘腸同埋雞肉。仲有幾條菜添。豆漿就正正常常，用咗少量糖調味。呢度冇收加一。

平時lunch都會去下尼頭食野，貪佢選擇多！原來開左間新餐廳，一於試下先！😋日式芝麻醬手撕雞飯 （$57）面層有一半雞肉同菜，白飯係底，而日式芝麻醬就另上。啖啖雞肉，肉質嫩滑，仲有少少鹽焗味道😋但略嫌雞肉少左d🙈🙈唔夠送飯🙈蟲草花雞湯 （跟餐+$13）湯同飯一齊叫有套餐價，平好多😃湯好入味，而且足料架！配飯係一流😋食完個lunch set覺得自己好健康😆坐得office多，久唔久都要滋潤一下！

近期家姐同妹妹都病咗，所以我去咗二少廚房買左啲涼茶飲呀。買咗兩支五花茶同一支竹蔗茅根，點解要買佢哋？我係一個勁怕苦嘅人，係少少甘甘地都唔飲的。但係二少廚房既自家製五花茶比較易入口，而我就買咗一支竹蔗茅根俾兩位小公主飲。婆婆見到，又話要飲返盅燉湯，花旗參烏雞湯，勁滋補。盅湯真係熱辣辣，仲有隻烏雞雞腿，正，我都偷飲咗幾啖，飲完成身暖笠笠，感覺好幸福啊🥰而家冬天佢哋仲有手撕雞同埋煲仔飯食，不過我哋去嘅時候已經食飽咗啦，應承咗店員姨姨下次再去幫襯佢哋😋😋

工業區經常有美食，所以有時間就會在觀塘及牛頭角一帶的工業區，試下不同食肆。 來到牛頭角附近，原來有一個類似food court的地方，裡面有幾間食肆，中式西式都有，晚上有一間還有酒，可以跟朋友飲兩杯輕鬆一下。晚餐都想食飯暖下胃，所以選擇了這間二少廚房，有煲仔飯又有手撕雞可以選。 薑葱手撕雞配泰國絲苗香米 $57取餐時只見一個大碗，打開一看，原來內有乾坤，雞肉及菜放在最上一層，拿起上層就會見到白飯在下面，而薑葱蓉就另上。因為怕浪費，所以我叫了少飯。啖啖雞肉，肉質嫩滑，沒有肥糕，帶有少少鹽焗味道，就算沒有薑葱蓉，只食雞肉都有味。雞肉沾上薑葱，就好惹味，用來送白飯，簡直是絕配。隨餐可配茶或豆漿，我選了豆漿，不會過甜，陣陣豆味，清清地，適合愛健康的香港人。

又是 OT 的晚上，晚餐去二少廚房攪掂。鐘意呢到，因為佢平、靚、正，上菜仲好快，合曬我心意。晚餐主打為煲仔飯同手撕雞飯，五十幾蚊便有套餐了。每人叫一個，話咁快有得食。麻辣手撕雞飯 $57特別設計的飯兜，上層是手撕雞及菜，下層是熱辣辣的白飯。麻辣汁另上，可以自己按口味調味，都幾方便。手撕雞已有蔥油調味，都幾香，雞亦好有雞味。蟲草花雞湯 （跟餐+$13）飲得出無潻加的老火湯，足料架，配飯係一流，上班一族冇時間煲湯都需要補吓。排骨臘腸煲仔飯 $57肥美臘腸，加上排骨同油菜，D料舖滿成煲飯。足料之餘，飯底亦好香，加左煲仔飯豉油，成煲清曬冇難度。餐飲可以選擇豆漿或茉莉花茶，食完肥膩野飲返杯，堅正！

琴晚去食漢堡包，先知宜家鴻圖中心地下有咁多餐廳，中間仲有啲共用嘅座位，好似food court咁。今晚試下同場嘅二少廚房，主打飯類同滋補燉湯，環境唔錯，坐位多，仲有啲希臘風景壁畫，感覺幾舒服。今日出咗成日街，朝頭早仲去咗做運動，飲番啲燉湯補充下體力先。揀咗花膠雞湯，味道濃郁無味精，裏面有啲瘦肉，一條花膠，幾嚿雞，飲落好舒服。燉湯同飯一齊叫仲有套餐價，平好多，七十蚊就有交易。飯我就揀咗奶油蒜香手撕雞，因為店員姐姐話呢款好受小朋友歡迎，食落又幾好食喎。奶油味香，有啲似忌廉，雞夠滑，分量都ok，配份生菜食，好健康。試埋呢度嘅豆漿同涼茶，豆漿豆味濃郁唔過甜，雞骨草就帶返屋企慢慢飲😋

覺得最近天氣有點乾燥，感覺喉嚨也乾乾的，需要喝些滋補的東西。剛好在觀塘吃完飯走著走著看到一家餐廳有賣燉盅，二話不說就想要試試。我跟朋友兩人都點了滋補燉湯海底椰雞湯，很快湯就上桌了，打開一聞，真的好香的雞湯味，裡面的料真的十分足料，有雞腳雞翅等。每一口湯都是熱呼呼的，讓人在這個冬天感到絲絲的溫暖，湯的味道剛剛好，雞肉的口感也十分嫩滑，而且這家店還有幾款燉湯選擇，大家下次如果想要喝燉湯可以到二少試試。

前排天氣涼涼地，又係食煲仔飯嘅好時機。今次同朋友嚟到鴻圖中心「二少廚房」，食咗一餐冬日暖笠笠的午餐。我同朋友各叫了一個煲仔飯「 排骨臘腸蒸飯」及「 蟲草花臘腸蒸飯」，他們的煲仔飯是用蒸的做法，十分健康又唔會太熱氣，加上可免費配上豆漿或烏龍茶，價錢都是$57，份量十足，CP值算高。先講「 排骨臘腸蒸飯」，排骨夠腍身，入口即熔， 臘腸夠惹味香口，配上泰國絲苗香米，果真不錯。朋友就點了「 蟲草花臘腸蒸飯」蟲草花好香濃，雞肉嫩滑，花菇多汁，加埋臘腸，絕對是冬天的最佳美食。飲品我哋兩人都揀了豆漿，豆漿微冷，甜度剛好，有黃豆味尚算合格。最後為了更滋補養生，叫了一盅花膠燉湯，湯味清甜， 湯料十足，飲後順喉帶少少稠口，感覺也不錯。

冬天飲熱湯真係最高享受！鴻圖道原來這個甜品店有燉湯同埋手撕雞飯食！我同朋友點了三個不同的燉湯，都勁足料同夠火候！🍲手撕雞飯份量都多 ，我們較中意鹽焗雞那款！始終係最高的配搭！奶油蒜味就幾新鮮，未試過可以咁，味道都幾夾。 🥘其實店內仲有煲仔飯！不過已一早賣晒😭😭😭🍵燉湯方面，其中勁中意個海底椰雞湯，勁清甜🤤雖然椰子味不重，但成盅仰勁好飲！🍵花膠瘦肉湯個味道比較清，朋友好中意，用料也足，有花膠在燉湯內。🍵蟲草花雞湯 是較重藥材味，飲得岀有落足料！想補身的可以試下！

今日去了觀塘工廠區，有一座新改建的商場，好像foodcourt 一樣，有數間食店在內，整層的座位都可以任坐的，每間店舖都有不同的特色，看見它的裝修很特別，上面有風扇燈，風扇轉得很慢，雖然是冷天但是空氣十分流通。我們點了以下套餐二少廚房地址：觀塘巧明街94-96號鴻圖中心地下6B-6C套餐一：日式芝麻醬手撕雞泰國絲苗香米 $57芝麻醬配上手撕雞，口感非常香，還配着青菜花膠瘦肉湯 $42花膠湯裏有花膠、豬肉、雞腳，湯的保溫非常好，吃完飯還是很熱的。套餐二：招牌客家鹽焗手撕雞泰國絲苗香米 $60我最喜愛這個招牌鹽焗手撕雞，不用沾其他醬汁都很香口。花膠瘦肉湯 $42湯功效：滋陰養顏養血補