二世祖

营业中

休息中

見OpenRice好多人讚好，就同同朋友黎二世祖試吓先，環境普通啦，不過不失，食物都算色香味俱全，set lunch 中等價錢，送柚子茶，或者可半價換購特飲，但泊車困難，我叫左$108牛肉漢堡包配薯條及$98大蝦意粉，分量普通，味道幾好，我餐飲叫咗凍嘅朱古力奶昔，朋友就揀左最出名凍嘅香濃朱古力，味道的確又甜又濃但建議下次一杯兩份就夠了，因為太邪惡了

『超大份原條鰻魚蛋包飯・薄脆原隻軟殼蟹Pizza』𝙴𝙰𝚂𝚈𝙹𝙾𝙴, 𝚃𝚊𝚒 𝙺𝚘𝚔 𝚃𝚜𝚞𝚒⠀⠀較早前為了跟 @bellywongs 慶祝生日，讓我有機會再來到了 @EasyJoehk 試試看他們的單點食物，上次試過lunch set覺得味道雖然不到驚豔，但CP值頗高，這次晚餐完全沒有令人失望呢！⠀————————————————————⠀・墨汁芝士軟殼蟹燒煙三文魚海鮮薄餅 $148⠀𝐂𝐡𝐞𝐞𝐬𝐞 𝐒𝐪𝐮𝐢𝐝 𝐈𝐧𝐤 𝐒𝐨𝐟𝐭 𝐒𝐡𝐞𝐥𝐥 𝐂𝐫𝐚𝐛 𝐒𝐦𝐨𝐤𝐞𝐝 𝐒𝐚𝐥𝐦𝐨𝐧 𝐏𝐢𝐳𝐳𝐚⠀ʀᴀᴛɪɴɢ: 7.85/10⠀這裡的Pizza是偏薄脆的那一種，吃下去負擔感沒那麼重，個人蠻喜歡的。墨汁的味道不算明顯，主要是芝士味為主，芝士可以拉絲，份量頗多，但不會感到膩。配料以煙三文魚比較多，每一口都充滿鹹香。中間放著一隻炸軟殼蟹，裡面還有一點蟹膏，炸得外脆內多汁，好好吃！⠀⠀・原條鰻魚蛋包飯 $158⠀𝐄𝐞𝐥 𝐎𝐦𝐞𝐫𝐢𝐜𝐞⠀ʀᴀᴛɪɴɢ: 8/10⠀超巨型的份量！一個人一定吃不完啊！鰻魚肉質肥美，沒有刺骨，啖啖肉😍 基本上已經看不到飯的蹤影，因為都被炒滑蛋蓋住了，炒蛋剛剛好，還帶有蛋汁，撈

🇭🇰Easy Joe·有罷市有文宣既小黃店💛我哋本身係想去飲嗰個特濃朱古力 點知佢原材料缺貨 今次都係冇得飲😭唯有就咁食嘢啦😢😢·原條鰻魚蛋包飯$158呢個睇相已經覺得勁吸引 明明睇相唔係咁大份 點知佢超大份🤪佢條鰻魚超大條 而且勁厚身 又冇乜骨 唔錯唔錯 個蛋都整得幾好食既 我諗至少有3-4隻蛋 超多 但係我自己覺得忌廉有啲略嫌太多姐🤭🤭·二世祖特色沙律$98因為佢好full 我哋淨係book到9點 所以唔想食得咁heavy就嗌咗呢個 點知佢真係好似一座山咁😂😂我哋係已經見到隔離枱勁大個 覺得唔係好對路 叫咗佢整少啲俾我哋 點知都係好似一座山咁 佢個沙律都ok既 最欣賞佢中間有D青蘋果片 食落豐富D🤤·特色蜜糖芥末炸雞翼 $78呢個我覺得都幾好味 佢個雞翼係真係熱辣辣大大隻 而且好juicy不過我覺得佢個芥末落得稍微有D多 食落有少少攻喉嚨🤭😂·#rbyeat#rby西式#rby小黃店#rby大角咀·📍大角咀福全街18號地舖

依間工業風餐廳相信大家都唔陌生因為都相當出名，小編都覺得嘢食飲品幾出色，尤其佢個招牌72.5%特濃朱古力！餐廳有多款輕食主菜甜品，例如意大利飯意粉窩夫蛋糕，好適合聚餐環境裝修氣氛亦好好，不過相當多人，大家記得一定要預先bk位！💛黃店認證：門口及店內擺放文宣；10.1罷市；ig明確表示立場支持抗爭運動。.👓原條鰻魚蛋包飯 $158鰻魚好大條，淋上鰻魚燒汁味道都唔算好鹹，唔可以好高要求咁話條鰻魚肉質彈牙，肉質淋唔韌唔腥。蛋包飯係白飯底配上炒滑蛋，沈上木魚。整體成個飯係好食嘅 ，食到有陣炭燒味。評分：8.5/10👓片皮鴨醬鴨肉意大利飯 $178純粹係忌廉汁飯加左啲片皮鴨甜醬，味道唔太夾有少少奇怪。片皮鴨係足料嘅，片皮鴨肉絲帶少少皮，口感係淋身唔肥膩。但兩者味道真係唔夾好似完全分開咗上下兩個層次。評分：6/10👓大啡菇牛肝菌黑松露天使麵配芝士脆片 $148採用忌廉汁底醬汁亦比較多所以整體較creamy少滯，味道鹹咗少少，香黑松露但食落唔算好明顯反而比較重忌廉味，有半舊大啡菇和塊淋淋地真係純粹芝士味嘅芝士脆片。有菇菌，同真係好幼身嘅天使麵。評分：7/10👓二世祖特色沙律(三文魚/巴馬火腿) $9

今日去大角咀做嘢，經過呢間餐廳，見到係黃店，所以入去試下， 嗌咗個黑松露忌廉大蝦意粉，實在太有驚喜！！！意粉彈牙， 煮到啱啱好 ， 個黑松露忌廉汁超級濃郁，黑松露好大方，分量好多 ，條條意粉都掛住啲汁， 隻蝦勁新鮮，超彈牙，而且蝦味好濃郁，超級好食！！！見到其他枱，好多人都嗌有朱古力類牛奶類嘅飲品，我下次都要試下。下次都要帶埋老公嚟，再食佢個意粉，試埋burger。總結，lunch set 一百蚊唔使有 五星級酒店餐廳嘅質素嘅質素，真心推介！！！

依家疫情穩定番少少,所以依排多左出番去食飯或聚會喇😆今日分享既餐廳係位於大角咀既「二世祖 Easy Joe」😋果日我同老公十二點幾Walk In去食Lunch,都幾Full,門口都需要排隊等候,但餐廳員工服務態度唔錯,有禮貌之餘,仲不時都會走出黎同等候既客人交代一下大概仍需等候既時間或者有幾多張枱埋緊單等👍🏻餐廳唔大,但環境乾淨,坐得舒適,而且食物都好食🤗🌀三級風暴薯條🍟 $108原本應該係薯角咁闊身呈螺旋形,但係當日賣哂只得粗薯條,但都好食,再加上有三種醬(明太子、黑松露、蜜糖BBQ),可以一次過滿足唔同口味既朋友🌀黑松露原隻虎蝦忌廉意粉 🦐(Lunch Set $98)黑松露味夠濃,好creamy,岩哂我同老公,因為我地係黑松露狂熱fans😂 而隻虎蝦都燒得好香 👍🏻唔錯,但唔算話好特別☺️🌀是日精選薄餅🍕(Lunch Set$78)當日精選薄餅係雞肉Pizza薄批,原本以為無咩特別,但係食落好好食👍🏻原來個醬加左少少wasabi,但唔會辣,味道調得好好,食幾塊都唔覺濟或漏😋😋反而我覺得係成餐入面最有驚喜既🤗因為我地人叫左兩個Lunch Set,所以包左兩杯餐飲,餐飲有柚子茶揀👍🏻岩

Easy Joe 是經常有人排隊的,  這個星期六, 我們一家四口, 12點幾經過竟然有位, 便即入去試下,  真係有緣先入到去, 因為我們是盡量避免排隊吃飯的,  我們四人都各自order 午餐, 囝加錢要朱古力, 我們三人都沒加錢, 只要跟餐的柚子茶, 後來見周圍的青年男女都叫特色飲品, 又見囝大讚朱古力好飲, 我們才明白嚟Easy Joe  是要飲野的, 可惜可惜。而午餐中, 囝囡都讚好味, 始終青年人去青年主打的cafe shop, 當然喜歡,  我覺得不太特別, 我相信飲品質素比食物質素好, 見餐牌, 如果不是午餐的話, 我會覺得貴。

✨原條鰻魚蛋包飯(💰$158)大大條鰻魚都幾厚肉 而且食落都幾入味鰻魚汁撈埋啲滑蛋同木魚絲一齊食 唔錯😋✨墨汁龍蝦海鮮意大利飯(💰$218)啲飯比較稠身食落幾重墨汁味 加上龍蝦🦞一齊食 滿足☺️☺️☺️食完成個嘴同牙黑哂 所以記得攞定張紙巾🤣✨明太子櫻花蝦配青瓜絲扁意大利粉(💰$138)每啖意粉都食到有明太子同櫻花蝦既味整體味道唔錯☺️不過食得多有啲膩😚好彩有啲青瓜絲🥒加埋一齊食就中和番🤣✨薯蓉黑松露雜菇薄餅(💰$128)薄餅餅底係薄批 黑松露都幾濃郁加上啲菇同薯蓉一齊食 唔錯😋😋✨香辣柚子醋配手打蝦餅(💰$68)蝦餅食落幾彈牙 側邊仲有蝦🦐車厘茄🍅菜🥗加上酸酸甜甜加上少少辣既 幾開胃😆👍🏼

今日同條佬黎到大角咀拍拍拖😌😌其實呢邊就無咩野行😂😂😂純粹想覓食姐！我地十二點搭十左右黎到，前面已經排左兩pair人，好彩等左十五分鐘左右就入座😆👇🏻👇🏻2.香辣鮮茄虎蝦仁意粉 $78用左扁意粉，對我黎講偏乾少少，茄味足👍🏻辣度夠🤣🤣🤣大大隻彈牙蝦仁都有三四隻，我地覺得ok😋不過唔特別！👇🏻👇🏻6.黑松露原隻虎蝦忌廉意粉$98送黎時已經索到好香好香，果然滿足到黑松露迷😂超濃郁！超creamy！同時食多幾啖就好膩🤪🤪由於忌廉汁太杰身，攤凍左食就更加難叉起😅😅虎蝦外型係大既，但可以食到既位唔多，我覺得以呢個價錢，比多一隻虎蝦亦唔過份，擺盤都可以靚仔啲喇🙈🙈👇🏻👇🏻特濃宇治抹茶白朱古力奶$48咁岩果日就無招牌既特濃朱古力供應，咁我地就試另一款期間限定既😌😌似係抹茶粉開既，幾夠抹茶味！用左鮮奶黎沖，所以奶味十足😂甜度我覺得可接受，兩個人share剛剛好呀！！😋😌😌二世祖都bookmark左一段時間啦，當初個名令我產生好奇心，當然都要食物吸引到我🤤所以話改名都好重要🤣🤣要改一個易記又盞鬼既名會更令人產生好奇，然後留下印象就想了解多啲😅以小店黎講，我覺得lunch menu都算多選擇，食物不過不失

     這天，我們一行四人來到位於大角嘴的「二世祖」吃午餐，之前曾吃過一次，後來「摸門釘」三次，終於有幸再吃！     等了不一會兒，就入座了。我們點了二世祖是日精選薄餅(芝士雞肉)、鮮茄虎蝦肉燉飯及意大利香醋蕃茜雞絲意粉，又點了百利甜酒朱古力、特濃朱古力奶昔及二世祖特濃朱古力。薄餅非常美味，芝士雞肉餡與配料、沙拉醬汁配合得天衣無縫，當中還有薯蓉的香氣與飽足感。而鮮茄虎蝦肉燉飯則是意大利飯，米飯吸收了濃稠番茄醬汁，酸酸甜甜，十分惹味，蝦肉亦相當彈牙。另外，意大利香醋蕃茜雞絲扁意粉也十分可口，尤其是橄欖油的油香與扁意粉的小麥香混為一體，令味道更為豐富。     至於飲品方面，根本就是「無得輸」、「必試」系列，三款朱古力均是香濃滑溜，甜度適中，喝完也不覺膩！尤其是百利甜酒朱古力，要達到又有甜酒的奶油味又不可太甜，實在不容易啊！

餐廳門口及店內都有擺放文宣，曾經參與罷市，仲過post 支持抗爭運動💛 呢間主打fusion西餐嘅餐廳除咗鋪頭名夠特別之外，食物賣相都好吸睛！鋪內裝潢簡單，open kitchen外圍貼滿文宣貼紙，鋪面座位唔算多，建議預先訂座！餐廳逢星期一休息，唔好摸門釘呀！⁣⁣特濃抹茶白朱古力（$48）⁣人氣飲品推介👍🏻不得不介紹呢杯抹茶朱古力🍵外形擺碟夠靚之餘，杯抹茶朱古力都好有誠意🥳入口勁濃抹茶味，口感細滑，抹茶嘅甘加埋朱古力嘅甜啱啱好，但飲完有啲滯，一個人未必飲得曬🧐抹茶控必點💚⁣⁣原條鰻魚蛋包飯（$158）⁣份量之選！鰻魚份量一啲都唔孤寒，有成隻碟咁長🤤鰻魚底下嘅滑蛋份量完全遮住啲飯，滑蛋好香牛油味加埋炒飯底，粒粒分明又唔會好乾，性價比勁高，2個人share啱啱好😆⁣⁣二世祖超級窩夫配雪糕（$88）⁣窩夫未上枱已經聞到勁香🧇份量算多，總共有4塊，粉漿調得幾好但食落略嫌唔夠蛋香😛抹茶醬濃到可以沖水飲🤤士多啤梨cream cheese好似食緊cheesecake咁 ，強烈建議揀豆腐雪糕（可選玄米茶🍵）抹茶加豆腐雪糕配窩夫好夾！⁣

二訪💛Easy JoeLunch set共有有7款選擇◾Special daily pizza當日嘅pizza係芝士雞肉配燒烤醬 呢個配搭好特別 批夠薄 個邊脆脆地 我自己好鐘意🍕◽Black truffle shrimp linguine黑松露夠香 夠多汁 意粉唔會煮到太淋有啲咬口 不過略嫌個汁調得有啲杰🍝◾特濃宇治抹茶白朱古力奶◽Hot Latte上一次去食主要order Main menu內嘅野 選擇比較多 可以試到多啲特式野 質素當然係高今次lunch set少啲選擇 但仍然有質素 而且價錢由$68-$108 係抵食嘅

自疫症以來，每次出街食飯都係外帶上車食。而外帶對於食物的味道和賣相係存在相當的負面影響，所以或多或少會影響評價。但如果外帶食物有一定水準，更能吸引我之後再次光顧堂食。-呢間Easy Joe 二世祖 最出名係特濃朱古力☕️ 但我去過兩次，第一次就摸門釘🙈第二次朱古力無得外賣🙈我都係飲唔到😢不過呢間餐廳野食好好味！我會三顧草廬😂-#莓汁爆脆牛柳配薯蓉 $278做法有點像威靈頓牛，亦有點像吉列牛🐂。但外層並非酥皮，亦非吉列脆醬。口感是比較實在的脆皮，又不會太油膩。本身擔心外帶一焗耐左脆皮會變腍，但擔心係多餘架，因為口感一啲都無受影響！而內裡的牛柳火候控制極好👍🏻 口感細嫩，肉味香濃。不過連埋莓汁一齊食，不其然會諗到IKEA 的肉丸😂-#香辣柚子醋配手打蝦餅 $68雖然個蝦餅同我地本身諗嘅泰式蝦餅唔一樣，但都好好食😋好彈牙仲有原隻蝦🦐個汁係精髓👍🏻好惹味不過都幾辣🌶-整體來講，食物味道很有水準👍🏻而且仲係黃店，我會再encore😋-

Easy joe 係一間一直好想食既餐廳，因為佢嘅朱古力真係太多人推介過。今日終於係平日放假既時候嚟到，而且唔使排隊！環境好舒服，lunch menu 划算，可以半價追加飲品，今日食咗軟殼蟹漢堡包，軟殼蟹即叫即炸，非常可口，配上酸酸甜甜的酸瓜，避免左炸軟殼蟹嘅油膩，不過呢一款漢堡包不在午餐餐單裏面。另外叫咗一個手打牛肉漢堡包，牛肉肉質可以，但未會係一試難忘嘅感覺，但要讚賞一下包皮相當鬆脆，而且有用炭火燒烤過！薯條亦都係熱辣辣！嚟到今日嘅重點凍朱古力奶，第一啖感覺好Rich，好濃郁，係值得排隊去試嘅一個食品，另外亦都叫咗一杯Bailey chocolate ，都係真心推介好好飲！呢一餐飯係五星級嘅味覺享受

一直久仰二世祖大名聽聞去食lunch會平啲呢日就同👦🏽去試啦星期六嘅lunch時間去到等左一陣就有位我哋叫咗一個意粉一個pizza跟餐會有熱飲另外加錢叫咗個招牌嘅朱古力🤩🤩蕃茄青口意粉份量正常 賣相都唔錯意粉好彈牙番茄醬都夠意粉嘅性價比算係咁😆是日精選Pizza呢個Pizza值得一讚餅皮幾脆同薄Toppings 有牛肉洋蔥芝士都算幾豐富 不過略嫌有啲乾搞到我要點茄汁不過整體來講都算係一個好食嘅Pizza☺️招牌朱古力我見好多人嚟到都會叫呢個朱古力咁當然都試吓啦佢個樽好特別 仲有個細杯仔俾你斟嚟飲 打卡一流😂😂杯朱古力嘅味好濃唔似出面買到嘅味好似自己溶咗d朱古力咁整體唔算講太甜 可以一試🥰其實二世祖嘅lunch 幾抵食! 又唔洗加一 會推薦🤩🤩