乾杯串燒居酒屋 (漆咸道南)

营业中

休息中

今日約咗朋友去食飯，順便開個openrice有咩好介紹，見到尖沙咀有間新開既燒烤店，食評又講到幾ok，咁低食咪去試吓啦!.....嘩..真係低呀....我哋2個人平均都係$150，食到勁飽，食咗一條燒大眼雞,size都ok唔算太細又多肉，仲有呀，記住食埋d配菜，原來係沙律呢架，淨叫都要成$15，清酒煮花蛤，嘩..真係好大隻呀，最緊要係無沙，仲有聖子$18一份有兩隻，雖然唔算係好大隻,但係好好食，安格斯牛肉粒唔un，蒜蓉牛油飽脆卜卜好好味，烏冬好煙un,我哋仲飲埋果味sake，嘩...竟然呢度有雪花冰食哈哈....正呀....食都飽飽，你話低低唔，仲想點!一定要再嚟!

..放假出尖沙咀相約屋k人食飯..聽同事講公司附近開左間串燒店..就帶屋k人去試下...今次得幾個人食..所以試左小小....:::-)原隻魷魚筒..(ok好味..反而淋上面既汁小左d..)-)燒牛利..( 1d都唔韌..值得推介 )-)安格斯肥牛粒..(肉汁較多..唔難咬..好味!!)-)台灣香腸..(有3隻味揀..今次試左黑墨魚同飛魚子..口感唔錯..都幾得意..)-)冰鎮芥蘭..(2個字,,,爽口)-)燒生蠔..(有鮮味..加上蒜蓉調味既感覺..別有一番風味)價錢都幾合理...唔貴..同埋入面既位唔多...但勝坐得舒服..岩哂一班朋友黎一路傾下計又食下野..下次都會再黎試下其他野..=)

上星期五同朋友响尖沙咀行左成日，決定搵間店食晚飯，搵黎搵去我哋決定試下這間新開張叫<.乾杯>的串燒店。這店環境乾淨。必食推介:1)燒大海蝦，夠大有水準，蝦頭不算太多膏，但蝦肉爽口低食 $15。2)燒羊仔架 (半架 - 4件) $88/份，冇show味。3)燒安格斯肥牛粒，生熟程度適中,， 肉嫩汁多可以再食 $28一串。4)鐵板清酒煮花蛤，大隻冇沙夠新鮮，鮮甜好味 $38。5)燒白鱔，外脆內軟，肉質香甜肥美 我最喜歡 $30。6)燒原隻魷魚筒，一點都唔韌好食又唔乾 $38。7)讚岐湯烏冬，真係好正，尤其個湯好好味 $18。我地仲叫咗燒原條茄子，燒蜜糖香蕉，燒台灣香腸…真好味下次一定再來。