九鬼居酒屋 (耀華街)

营业中

休息中

哈哈，最近真係愛上咗食居酒屋，嚟到銅鑼灣都忍唔住搵一間居酒屋試吓。門口望落去好型，有霓虹燈，非常之吸引眼球呢間居酒屋嘅食物種類比較多，有刺身、壽司、卷物……有一品料理、炸物、主食同甜品……另外仲有前菜沙律、串燒同埋當日推介苦瓜沙律，第一次見到，好搞笑。食落去苦瓜其實唔苦嘅，有少少甘甘地，配上沙律醬，幾爽口甘甜。刺身方面，叫咗三文魚同埋帆立貝，質素幾好，帆立貝用青檸隔住，先甜得來帶點青檸嘅香，幾特別鴨肝脆餅，平時嘅鴨肝係配多士，但今次係配日式脆餅，食落去冇咁油膩，而且外脆內軟多汁，仲入口即溶添。串燒方面試左燒豚肉荔枝，好好食㗎雞翼煎得有啲燶咗少少，但係勝在個汁配得好香呢個飯團比較特別，平時係扁嘅，今次係圓軲轆，仲要成個外表都炸得好香脆

呢間居酒屋，每日都會有限定菜品：到訪時有✅荔枝燒肉❣️$58每舊豬腩肉都被完整荔枝肉包裹著，味道清甜多汁得嚟，裡面的豬肉表面好脆🤤雖然稍貴但值得一試✅串燒盛 $238/6款👉當日有雞心，牛舌，雞軟骨，脆肉瓜，蔥燒雞肉個人最喜歡蔥燒雞肉，雞腿肉嫩，切蔥味香厚燒牛舌彈牙，都值得試試雞軟骨串燒上有埋雞肉，兩樣一齊食，無咁單調最後叫咗個✅茶漬飯$38 同✅蜂蜜蛋糕$28 做結尾茶漬飯飯糰燒過，所以有少炭香，加埋清淡嘅茶湯 同木魚碎，平衡返串燒嘅油膩感蜂蜜蛋糕個人認為比較甜，但食落鬆軟溼潤，適合甜品愛好者

行過耀華街，見到店舖有個好似將軍嘅燈牌，覺得好有趣就走入去食兩個人叫咗 三文魚子爆丼、加州卷、 蟹子沙律、 芝士三文魚卷、 豚肉荔枝串燒、 金時蕃薯串燒三文魚籽爆丼，比想像中細，但係上面三文魚子有脆口而且完全冇腥味，好新鮮飯微微調咗味，又唔會蓋咗三文魚子嘅鮮味連唔鍾意食三文魚子既我都覺得好食蟹子沙律個底有好多青瓜絲，爽口而且沙律醬唔會過 份量適中啖啖都食到滿滿的蟹子芝士三文魚卷，三文魚同芝士嘅比例偏多，飯唔係好多，所以啖啖都食到三文魚同芝士， 芝士佢有偏淡味令到三文魚嘅油份更加香 wasabi 食得出係即磨，唔係現成貨，所以食多啲都唔怕豚肉荔枝呢個配搭好清新， 荔枝甜甜的配埋豬肉片好食， 完全逼走咗豬的騷味金時蕃薯粉粉的個面有少少脆又再追加咗一個加州卷，裏面係蟹柳同埋青瓜簡簡單單的見到店舖裏面都有好多清酒，如果唔揸車的話其實可以試下清酒之旅， 兩個鐘任飲，店主仲會推介埋合適的口味店舖感覺非常有個性， 係幾型，我自己幾鍾意

放工後同朋友黎食野，呢到近時代廣場，但因為偏內街，所以街上既人流比較少，但店內既人客算多。店內裝修幾特別，燈光比較昏暗，感覺幾舒適。店員態度都好好，亦會奉上熱茶，旁邊有籐籃放隨身物品。有好多飲品、酒類選擇，但我同朋友都想主力食野😎餐牌上有好多選擇，好多都好吸引。最後揀左六款～帆立貝同三文魚壽司。帆立貝夠厚肉，而且好鮮甜，食落去口感十足！三文魚都夠新鮮，完全唔會有腥味。壽司飯都有輕輕調過味，感覺唔錯。唐揚豆腐。炸豆腐熱辣辣又唔會厚粉，配椒鹽十分惹味，加少少檸檬汁又可以中和番。加州卷。份量幾多，壽司配料加三文魚籽口感豐富，好滿足。鰹魚湯烏冬。烏冬夠彈牙，魚湯亦夠鮮味。黑松露炒雜菌。黑松露味濃，令雜菌味道更鮮味。

朋友鐘意飲返2杯酒就和我講銅鑼灣有間日本菜不錯又有氣氛就約我來飲杯酒食串燒。來到的確感覺不錯，細細間都幾熱鬧，我們叫了串燒加其他食物加飲杯酒，份量不太多但幾好味。 串燒盛盒6串，雞胸軟骨咬口十足，幾乾身帶點雞肉。厚切牛舌好軟熟又濃郁牛舌味推介，大蔥雞的蔥幾香而配上雞肉一起食不用沾醬汁都可以。雞皮沒想到這裡一片燒比較少吃，好脆口不油身又帶點咸好特別，翠玉瓜和雞心都正常不錯。因牛舌真心不錯我們都叫多了一串來吃。 唐揚一口雞個表面的粉好惹味，雞肉幾滑身，底部的椰菜絲當沙律食好味。我們各自叫了個麵飯，鰹魚湯烏冬的湯底真心抵讚，好濃又香魚湯味，烏冬好滑身又彈牙。燒飯糰表面脆脆，入面的飯軟熟帶點醬汁香，夾紫菜一起食不錯。

自從有返晚市堂食之後，不停咁約朋友見吓面，今日就約咗個港島朋友去銅鑼灣meet一meet。大家都話唔算好肚餓，所以就揀咗九鬼居酒屋食啲嘢兼飲番杯。餐廳入面嘅佈置配合店名，周圍都見到日本鬼。首先嘅前菜就揀咗刺身沙律，沙律菜之上有滿滿嘅角切刺身，最後仲加上藏紅花。唔同嘅刺身包括有三文魚、吞拿魚、劍魚腩等，粒粒飽滿。芝士三文魚卷擺盤已經夠精緻。入面捲有三文魚同厚厚嘅芝士，再配搭青瓜絲，感覺清新唔油膩。嚟呢度當然要叫返一啲佐酒小食，炸池魚仔係我近年嘅至愛，而且份量都好多，感覺就好似五餅二魚咁，食極都仲有。另外當然唔少得唐揚雞軟骨，咬落爽脆，甚有口感，配有日式芥辣沙律醬，非常醒神開胃。之後就揀選咗幾款串燒，其中厚切牛舌味道甚有驚喜，形狀四四方方，口感更爽口彈牙，令人想一試再試。雞翼外皮燒得非常脆口，而入面嘅肉質仍然保持鮮嫩，用嚟送酒一流。翠玉瓜簡單燒熟之後輕輕灑上薄鹽，味道亦唔錯。同朋友飲番杯，享受一個歡樂嘅晚上。

嗰日喺銅鑼灣行街，行到攰就周圍搵嘢食，好耐冇食過日本野，見有間裝修唔錯嘅居酒屋就入咗去。居酒屋佈置精美，仲有好多唔同嘅酒，店員熱情推介各種新鮮空運到港嘅食材，我哋最後點左原條鰻魚壽司、火炙左口魚邊壽司、廣島蠔、吞拿魚海膽飯以及鰹魚湯烏冬。原條鰻魚壽司鰻魚汁係餐廳特別調製，鰻魚肉質非常好，而且比想像中大，飯亦係人手做嘅，夠實唔會散。火炙左口魚邊壽司左口魚邊火炙得恰到好處，唔會太過焦身，切得厚薄適中，容易入口。廣島蠔廣島蠔係日本空運到港，入口仍然帶住海水味，非常新鮮肥美。吞拿魚海膽飯吞拿魚同海膽舖滿成個飯表面，比想像中多，食落好新鮮，令人食指大動。鰹魚湯烏冬湯底有濃厚鰹魚味，烏冬係手打嘅，非常滑身，而且煮嘅時間控制得好，入口仲係彈牙嘅。餐廳食物用心製作，而且店員同客人打成一片，非常有人情味，有日本居酒屋嘅感覺。

🏮鍾意居酒屋既朋友仔，可以一試呢間位於銅鑼灣既居酒屋～～入面裝修別具特色，環境好舒服🤪好岩同同事放工去chill下☺️🍣三文魚籽爆丼 $138呢個細細碗爆丼，真係好爆🤤🤤同埋我覺得份量都岩岩好，如果太多會好漏😵‍💫三文魚籽入口爽滑，一咬即破，魚油滲進口中🫢非常美味～～🍣芝士三文魚卷 $88呢個有驚喜🙈🙈冇諗過都幾多舊同埋飯好入味，仲有舊舊都有大大粒三文魚同芝士，絕對唔會偷工減料🤪食完都幾飽肚😚😚呢個好推薦👍🏻👍🏻好食～🍣香蔥拖羅蓉小卷 $88雖然每件細細舊，但拖羅既份量都好足料🤩食落好鮮味🥰一啖一口，好正🤤🐣九鬼雞翼 $48外皮煎得好香好脆🤤肉質都好滑，一啲都唔會乾，食落有小小辣味😋好惹味～

母親節同媽媽二人世界，冇得返家鄉唯有搵一間裝修好有feel嘅日本居酒屋😎一入去裝修加埋背景日本音樂已經好有feel🤗刺身沙律刺身好新鮮同肥美😍😍中拖羅因為慶祝媽媽節要食好啲，就叫咗😂😂好厚😍！！入口即溶！！好想encore 💯九鬼雞翼個醬汁辣辣地，好惹味！仲好開胃串燒盛盒六串燒雞皮：上碟的時候，職員已經同我哋講要食咗先，因為佢地搵新鮮大塊雞皮燒 同一般唔同，燒到好脆一點都唔會油膩💯💯💯雞軟骨串：唔係一般細細粒果種，大大舊連肉，我第一次依種雞軟骨串👍🏻 大蔥雞：雞肉同大蔥的配搭 唔會輸😆伊比利亞豬：好juicy 唔會難咬 好淋 仲好有肉味 💯牛舌：厚切的牛舌，依個都好淋翠玉瓜：依款就簡簡單單🥰 好fresh !!自家製免治雞肉棒除咗雞肉，中間都夾咗雞軟骨，加埋蘭王蛋同醬一齊食! Yummy!!!!

喺耀華街嘅呢條巷仔入邊呢間以日本武士做主題嘅居酒屋裝修十分之搶鏡入面非常之整潔空間感好大除咗有日本武士嘅壁畫之外仲有呢一個招牌嘅霓虹燈呢間居酒屋提供唔同價錢嘅任飲清酒或者其他酒類嘅package啱晒啲愛酒人士但食物嘅種類亦都好多下壽司串燒小食一應俱全嗌咗呢個刺身沙律冇expect過魚生嘅份量會咁多日式醬汁酸酸美味非常之開胃角切魚生刺身亦都相當新鮮我去親呢種日式餐廳都一定會叫甲羅燒滿滿嘅蟹膏配上紫菜同白飯入口簡直就係一流非常之足料蟹膏一啲都唔腥串燒亦都相當之出色燒牛舌極度好食牛舌嘅肉質好好，所以燒完加少少調味已經非常之好味厚切亦令到牛舌嘅口感好好火灸燒左口魚裙邊壽司一定試左口魚裙邊經過火炙過之後，佢嘅油香度被充分地帶出而壽司飯亦都有加醬油調味過兩樣嘢夾埋一齊食非常之夾三文魚子當個賣相一流鮮味十足配上經過已經調味嘅壽司飯同埋上面嘅魚仔乾非常之值得一試

又來九鬼居酒屋, 一個人輕鬆去到付近, 順手去睇下有咩新野食先今日唔係好餓, 所以叫左少少野食, 樣樣都試下咁. 叫左一份時令刺身10切, 刀工都擺籃盤都唔錯, 再來一碟香蔥拖羅蓉小卷 , 拖羅蓉份量都質素都高. 再來試佢地串燒, 之前來係食炸串多, 而家做左燒既, 我覺得仲好食過以前, 始終炸野唔係日日食都ok , 驚熱氣, 而家仲啱食左.試左兩款串燒, 大蔥雞同牛舌. 呢度串燒最好食地方係個火候唔錯, 外面脆時, 入面都仲有汁, 食得出肉既味道. 忍唔住會叫杯whiskey 飲下.

位於銅鑼灣Time square後面兩條街，都方便咁我午市黎食，唔需要等位，正Menu好多選擇，由於選擇困難症，老細就推薦我哋食set- weekend set meal見個set得一杯飲品一個主食 我地都猶豫左 但老細話夠飽咁就信老細啦🔸前菜:蟹膏豆腐🔸刺身:左口魚 蝦 元貝 呑拿魚卷🔸壽司🍣🔸串燒:豚肉車厘茄,免治雞肉,雞翼🔸黑松露炒野菌🔸焦糖蘋果鵝肝🔸烏冬🔸柚子酒超級推薦個鵝肝，好好食😋蟹膏豆腐d蟹膏都唔腥，配豆腐好match柚子酒唔重酒味，好重柚子汁嘅味道啱我地呢d麻麻地酒味重嘅人啊。咁最後當然夠飽！如果有兩杯飲品就更加好，當二人餐咁食

九鬼👺銅鑼灣居酒屋銅鑼灣耀華街酒吧林立，其中有一間居酒屋位於耀華街21號地舖，今日經過一於試下。邊度去俾佢$198清酒任飲放題吸引咗不過好可惜第二日返早所以散嗌咗一杯純米醋橘酒，夏日炎炎冰鎮爽口，酸酸地好開胃！去得居酒屋當然要叫串燒送酒啦！今次叫咗一份左口魚壽司(兩貫），燒雞皮，牛舌，串燒盛盒同自家製免治雞肉棒。火灸左口魚壽司左口魚夠厚身，燒到d油谷晒出嚟，入口超香！燒雞皮一般燒雞皮都係縮起左一串既，今次嘅燒雞皮較獨特，攤開嚟燒令佢成塊每一個角落都好脆口好香。厚切牛舌顧名思義真係好厚身，牛脷芯夠份量夠爽口值得一讚！嫩滑牛味重！串燒盛盒一set總共有六串，有番薯，雞腎，雞肉等等！好香好濃！有個仲包住鵪鶉蛋，真係幾特別😁

晚市剛解禁，約了朋友相聚，來到一家特別的居酒屋～九鬼居酒屋。店面不大，裝飾十足日本味道。店主非常友善，一一介紹當天新鮮到貨的菜式。1.海膽魚籽壽司一客4塊，新鮮海膽加魚籽鋪在飯團上，一口一個，鮮香軟滑，甜美的感覺填補了禁堂食的空虛心❤靈。2.燒牛肩肉一串4塊牛肉燒得稍焦，肉香滿溢，嚼勁十足。3.燒油甘魚鉸原來魚鉸可以這麼大，放滿一碟，燒熟的魚肉又香又嫩滑，吃完已飽了大半，非常滿足。4.蒜香燒雜菌有魚🐠有肉，當然要有素菜，又點了燒雜菌，幾種新鮮的菌菇，加上蒜蓉，是素菜中的葷，更勝葷菜。5.上湯烏冬沒有碳水，好像缺了甚麼，還是點了烏冬，小小一碗，放了香蔥和香菇點綴，熱湯加上潤滑的烏冬面，吃得飽飽的，暖暖的。感謝店主給我們介紹，這一餐吃得舒服又滿足。😀

銅鑼灣嘅九鬼居酒屋，主打日式串燒同埋清酒！有清酒無限添飲嘅Package，其他酒類亦都有飲任Package，啱晒酒鬼！裝修型格，牆上嘅大黑板寫住是日嘅推介，很有美感！三文魚籽爆丼 $138三文魚籽鋪滿晒，多到滿瀉出嚟！再灑上菊花花瓣同埋紫蘇花，仲有一啲銀魚仔增強咸香味！啲飯索滿三文魚籽嘅油，鮮味無窮！自家製免治雞肉棒 $68用日本頂級嘅雞蛋蘭王，蛋黃呈艷麗嘅深橙色，蛋香極為濃厚！雞翼 $48燒至皮脆肉嫩，啲肉可以點返蘭王蛋黃食！燒金鑽鳳梨 $58勁爆多汁，果甜出眾，再加上有焦糖加持，正！唐揚豆腐 $48炸到熱辣辣，豆腐內部水嫩，唔錯！