九運米線王

营业中

休息中

呢間銅鑼灣新開既米線鋪，位置有啲隱蔽🧐主打零味精同世一雞翼米線🐥招牌珍寶雞翼米線(4隻) $66當然叫左佢地個主打米線，佢地個雞翼大大隻啖啖肉，炸完再淋佢地個秘製醬汁😎個皮仲好香脆，醬汁甜甜地同雞翼好夾☝🏻湯底揀左招牌麻酸辣少辣，唔算好辣🌶️裡面仲有豆卜、芽菜、肉碎等配料，都幾惹味🍜自由拼米線 $38起揀左櫻花蝦餅$12、豬紅$10、蘿蔔$8，🍄野菌雞湯+$3米線，我地試完重口味既麻酸辣，另一款就試下個清淡啲既野菌雞湯🐥個湯仲有唔同菇菌喺裡面，我地重口味人覺得再濃啲會更正，不過佢地無味精，個湯飲哂都唔怕☺️每款配料都唔錯，仲有芋泥蝦餅可惜賣哂，下次要試下🍤吉列芝士蝦球(3粒) $32一咬開蝦球裡面啲芝士就爆出黎🧀呢個組合唔會輸，不過係細粒左啲，唔夠喉overall:店舖位置唔大，坐得比較逼，我地星期六下午黎食都要排一陣🙌🏻大家黎食首選一定要試佢地個雞翼米線配麻酸辣湯🌶️我地仲見到有枱單點左成10隻雞翼成座山咁😂中意雞翼既朋友仔推介

銅鑼灣、灣仔之間的交界，有一間新開的餐廳，餐廳主打是以風味酸辣米線為主，非常適合香港人喜愛吃米線。而我和同學仔也是米線的粉絲來，當然要去試下吸引程度如何啦!米線湯底有4款選擇，分別是招牌金湯酸辣、招牌麻酸辣、魔鬼辣及野菌雞湯，而選擇野菌雞湯是需要另加$3元。美食推介﹕招牌珍寶雞翼米線﹕雞翼米線可選擇3隻或4隻，每隻雞翼都非常大隻，炸得非常香脆，而且加上甜甜的豉油醬汁也有另一番風味，雞翼超好吃。湯底選了金湯酸辣，濃濃的酸湯，酸味及辣味剛剛好，配上米線一起吃非常配搭。另外，還加了2款配料，魚肉春卷及瑞士汁雞翼尖，春卷魚肉彈牙，瑞士汁雞翼尖超入味，甜甜的。現在想起這碗米線也想再去吃，因為真心覺得好吃過譚X米線。炸吉列豬扒米線﹕吉列豬扒炸得外脆內嫩，而且外層脆皮薄薄，內層肉汁仍可鎖住，超好吃。湯底選了野菌雞湯，不吃辣的朋友仔必選之一，濃濃的雞湯配上時令的野菌一起煮製，清甜香濃。另外，還也有加了2款配料，豬紅及櫻花蝦餅，櫻花蝦餅也是油炸食品之一，非常香口，而且爽口彈牙，好好吃。*整體米線彈牙、湯底出色、配料選擇多。*餐廳雖少，但環境乾淨。*職員招呼友善也很細心。

話說最近銅鑼灣新開左一間米線店「九運米線王」，成日見Openrice上面有人post話好食，仲話湯底無味精無醋精，主打豬肉湯底，配料仲好特別！😍 我同朋友平時都好中意搵新餐廳試，見佢地成日爆滿，心癢癢就決定黎試試！雖然店面吾係好大，位置得十幾個，但係晚市真係全場滿座，氣氛熱鬧到不得了！🔥.招牌秘製珍寶雞翼米線 $66第一樣叫左佢地既招牌秘製珍寶雞翼米線，揀左金湯酸辣湯底。呢個湯底金黃色，望落已經好吸引！😎 飲一啖，辣中帶酸，酸香好開胃，湯底好濃郁好鮮，絕對係米線既靈魂！配料有酸菜、豆卜、肉碎、芽菜、蔥、韭菜同芫荽，食落好有層次，米線爽滑彈牙，超滿足！😋 講到雞翼，佢係另上，保持外脆內軟，咬落好香脆，完全無冰鮮味，少少甜仲有陣陣黑椒香，四件雞翼真心唔夠喉，食完即刻想再加單一份！😜 另外我仲加左櫻花蝦餅（+$12），蝦餅炸得金黃酥脆，蝦味好濃，超正！仲有日本爆汁脆皮腸（+$14），同一般雞肉腸完全唔同，皮薄肉嫩，咬落汁多肉香，食到停吾到口！🥰.炸吉列豬扒米線 $66第二樣叫左炸吉列豬扒米線，湯底同樣揀左招牌金湯酸辣湯底，酸辣味岩岩好，飲到暖晒胃！😊 炸吉列豬扒係另上，呢個真是一個讚點，豬扒

服務態度非常惡劣，而家呢個經濟飲食係好難做，仲要態度唔好好難做得長。剛落完order 問可唔可以走肉碎，一下勁掘話整左，其實都未落米線，撈番起肉碎都唔係好難gei. 正常自己生意都識做話做個新既比你，咁既服務態度好難想食第二次講完服務，講食物。食物唔算好食，叫個蝦餅硬到似食乾左既炸豬排咁。餸既份糧好少，冬菇切片勁薄，蘿蔔係壞左變酸，唯一正常係魚肉春卷，來貨整熟好難難食湯底似味精湯，無特別，野飲都係罐裝，無咩誠意三餸米線收$68，譚仔好食過佢難怪人地北上消費

🙋🏻‍♂️餓底探員去咗銅鑼灣調查呢間米線，餐廳主打米線，即叫即製，湯底真材實料不含味精，有多款特色配料，仲有佢嘅世一雞翼，外脆內軟超好食，不愧為招牌菜式，吸引唔少食客前來幫襯🍗招牌珍寶雞翼米線 $56 （3隻）🦐櫻花蝦餅 +$12｜🐖日式爆汁脆皮腸 +$14🍄‍🟫野菌雞湯 +$3🙋🏻‍♂️表示米線滑順煙韌，轉配野菌雞湯，湯頭有菇菌嘅清甜同雞嘅鮮味，配上3隻招牌珍寶雞翼，炸到外酥內嫩，加上自家秘製醬汁，香口惹味，另外加配咗香脆彈牙嘅櫻花蝦餅，皮脆肉嫩爆汁嘅日式脆皮腸，配料有特色，一般米線鋪好少見🥛原味豆漿 $10🙋🏻‍♂️表示喺餐廳可以飲到本地品牌壹品豆品嘅豆漿，口感香滑，豆香濃郁 ，100%香港製造，無添加，不含防腐劑，新鮮健康😋好味度 8.5/10🔙返啅度 8.5/10

金湯酸辣米線真材實料 輕食好去處九運米線王主打「無味精、無醋精」湯底，以豬骨、雞肉每日鮮熬，搭配自家炒製辣醬。今次自選招牌金湯酸辣（少辣），湯頭酸香自然，辣度溫和順喉，飲罷不口乾，足見真材實料。 配料驚喜位： - 竹笙：吸滿金湯精華，咬下爆汁又爽脆，罕見米線配料之選！ - 櫻花蝦餅：外層酥脆，內餡蝦肉混入芋頭粒，彈牙帶芋香，創意滿分。 - 日式醬油叉燒（3件）：薄切軟嫩，醬油甜香滲透肉理，媲美日式拉麵叉燒。 米線煮得爽滑掛湯，配清甜豆漿（+$10）更中和辣感。整體份量足，$38起 三餸超高性價比，獨食或輕食均宜！

招牌珍寶雞翼米綫 雞翼非常出色用秘製醬汁醃製 味道甜甜地外皮香脆 肉質嫩滑雖然係炸過 但保持到超多肉汁金湯酸辣米線 (魚腐|腩肉|蟹籽丸) 湯底以酸為主 唔會好辣食落好開胃 米線軟硬度適中特色拼盤 有齊兩款小食魚肉春卷同櫻花蝦餅蝦餅比較出色 口感彈牙

想食碗米線，銅鑼灣又有新選擇！小店位於摩理臣山道，主打三款招牌湯底嘅米線，包括金湯酸辣、麻酸辣同野菌雞湯，以大量雞肉同豬肉熬製而成，不含味精同醋精，而野菌雞湯更採用咗五款不同嘅野菌，味道清甜，飲完都唔覺得口渴，全部配料包括肉碎、芽菜、酸菜、韭菜、蔥同芫茜，幫助提味。而麵條得米線，入口滑嘟嘟，軟硬程度適中，可因應個人肚餓程度而選擇份量，十分貼心。招牌菜為世一秘製雞翼，四大隻，外皮脆身，內裏軟嫩Juicy，炸好後浸上秘製醬汁，鹹香口味，令人上癮。吉列豬扒炸至金黃酥脆，啖啖肉，分開上唔怕腍晒！配菜可自由拼搭，選擇豐富，高達25款，私心推介脆皮腸，第一次見到咁長嘅，咬落爆汁，超級好味道、叉燒、魚肉春捲同櫻花蝦餅都唔錯，出面比較少有。小食方面有蝦多士，一口一粒，香脆可口，值得一試。

主打金湯酸辣米線和秘製珍寶雞翼，還有慢煮豬頸肉及多款香口小食。使用零味精、零化學添加，湯底可直接飲用🤤有幾種湯底選擇，分左不同辣度🔥今次揀左九運米線王的「金湯」是以豬骨和雞肉每日鮮熬的湯底，無添加味精和醋精，搭配自家炒製的辣醬，呈現出酸辣適中、酸香自然的口感，喝起來順喉不刺激且不會口乾。這種金湯酸辣湯底獨特且健康，令整碗米線味道層次豐富且令人回味。雞翼🐔外層烤得香脆，內裡多汁，鹽燒調味保持原汁原味，咸香適中，吃起來不油膩，味道層次分明，十分開胃。採用慢煎烹調技巧，以中小火慢慢煎至外皮香脆而內裡多汁，避免過度油膩，保留雞翼原有鮮味。此外，他們的雞翼通常會用特製醬料醃製，可能包括鹹甜豉油汁或秘製香料，令味道層次豐富，鹹甜適中，帶有微微焦香。這種慢煎搭配獨特醃料的做法，使雞翼皮脆肉嫩，味道入味且不過鹹，讓人印象深刻。絕對係必食🤤地方唔算大，服務十分細心。想食嘅真係要早啲等位

呢間新開喺摩理臣山道轉角位嘅米線店係由日式居酒屋改裝而成裝修仲保留咗少少日式風格仲有吧枱位係一個幾chill嘅一人lunch／dinner據點～主打豬骨湯底全店唔落味精、唔加醋精飲湯都唔怕口乾食完感覺無負擔炸豬頸肉米線（配招牌麻酸辣湯）必試！豬頸肉係先低溫慢煮再炸口感外脆內嫩油香十足但唔覺膩配上麻酸辣湯底酸香微麻開胃～配料方面亦好有心思：滷水腩肉＋蘿蔔＋豬紅滷味入味得嚟又唔會死鹹特別係豬紅煙韌唔鬆散🍜 炸吉列豬扒米線（配招牌金湯酸辣）吉列豬扒超有驚喜炸粉唔厚豬扒夠厚身又juicy懷疑師承日式居酒屋😂配料我揀咗竹笙貪佢可以吸收啲酸辣湯仲有比較日式選項櫻花蝦餅金湯酸辣湯底香濃得嚟又唔嗆喉味道平衡得幾好九運米線王配料特別炸物控、米線迷、想搵輕食嘅Lunch/Dinner位呢間值得一試雞翼控仲可以等下次挑戰佢哋隱藏版炸雞翼聽講係「世一雞翼」級別啊！見到隔籬枱個雞翼山我都已經諗定下次要再黎

呢間之前做開日本野近期見到已經轉手賣米線見佢主打少見金湯湯底一於試下佢咩料先見每檯都有一碟雞翼咁誇張所以叫左雞翼金湯米線加三餸魚肉豆腐腩肉同豬紅先上檯係金黃色嘅湯米線連三餸雞翼後上，湯頭順喉唔嗆喉又夠酸味米線稍淋但都可以掛湯豬腩肉肥膏晶瑩剔透，唔油膩豬紅吸滿湯汁但呢啲都比不上佢個雞翼果然係餐廳招牌菜式必點推介雞翼分開上即叫即炸食得出無落炸粉現炸熱辣辣最驚艷係個秘製醬汁咸咸甜甜配鬆化雞翼咬開仲有雞汁噴入口個人心中炸雞翼嘅天花板❗️—————————————————————》 招牌秘製雞翼金湯米線 $56》 魚肉豆腐 腩肉 豬紅 +$32》 豆漿 +$10

九運米線王｜灣仔人龍店宵夜首選成日lunch time經過灣仔中間，間九運米線王都見人龍打蛇餅，今日特登夜麻麻早少少過嚟試真啲！佢哋嘅配料好特別，主打豬肉湯底，而且不含味精，不含醋精，食得健康又安心😍😍😍⭐招牌秘制珍寶雞翼米線個金湯酸辣真係鎮店之寶，叫咗小辣吊味，但食開十小辣嘅我覺得可以再狠啲！豬肉湯底濃郁到痺，夾埋鹹酸菜一啖一啖咁嗦，嗦到連時間都唔記得睇，忍唔住飲曬。最正係啲豆卜😍😍，索晒金湯精華，咬落去爆汁！至於隻珍寶雞翼🎊🎊——招牌果然冇呃人！炸到金黃脆皮，淋咗層蜜汁醬油，外皮脆到咔嚓聲，入面肉質嫩滑到癲。甜甜鹹鹹嘅雞翼同酸辣湯勁夾，食完成個醒神晒！💯💯💯💯⭐炸慢煮豬頸肉米線今次試野菌雞湯底，菇菇多到好似森林咁款～重點係塊豬頸肉，炭燒香撲鼻😜😜😜😜，油光閃閃，仲要每啖都滲住香茅味，連泰式辣醬都搶唔走佢風頭。加碼嘅腩肉都正，半肥瘦咬落去似滷水豬軟骨，甜甜哋有嚼勁，仲有好多特別配料下次再試～兩個人叫晒兩大碗米線，再加配菜同飲品，人均都係$80落樓。講真，個豬頸肉同雞翼出色到呢——聽日lunch time又要排過隊啦！😍😍😍😍🉐🉐九運米線王灣仔摩理臣山道8號地舖#九運米線王 #灣仔美食

放工去灣仔整嘢，當然就食埋靚飯先返歸啦～唔係，係食個靚米線，因為去咗一直想食好耐嘅九運米線，果然係人氣米線，不斷有人排隊，等咗一陣先有位。餐廳以QR code 落單，非常方便。🌟招牌秘製珍寶雞翼米線（3pcs)($58)+櫻花蝦餅+蘿蔔+可樂識食當然要食雞翼，第一時間點呢個雞翼米線，配招牌金寶酸辣湯底，湯底用上豬肉去熬製，飲落好舒服，不會太搶，而且標榜無落味精，食完完全無口渴，再加上肉碎及芽菜等配料，都好惹味。重點的雞翼，果然係招牌，雞翼炸得薄脆，但一啲都唔乾，配上甜甜地嘅豉油汁，好惹味，好好食😋，另外仲可以加錢加配其他配料，幾經掙扎，我就揀咗櫻花蝦餅及蘿蔔，櫻花蝦餅鹹香鮮味，配清甜無渣蘿蔔，正💯

“招牌秘製珍寶雞翼米線(4隻)”($66)“自選九運小鍋米線”($73)“特色拼盤”($38)身為米線愛好者見最近好多人推介呢間九運米線王所以一於搵晚去試試😛餐廳雖然位置唔算太就腳但依然人流不絕,勁呢道嘅湯底都標榜冇味精,夠哂健康先點咗個招牌秘製珍寶雞翼米線湯底揀咗招牌金湯酸辣(正常辣)湯底以酸為主,辣度岩岩好🌶珍寶雞翼又香又脆醬汁帶點甜味好過口癮😋另一個米線揀咗自選配料湯底揀咗招牌野菌雞湯,味道好溫和☺️餸就揀咗午餐肉,豬紅,肥牛我地仲點咗份小食特色拼盤有齊炸櫻花蝦餅,魚肉春卷2款都幾高質,份量仲夠哂多幾抵食😙

喺銅鑼灣返工嘅朋友仔有好餐廳推介 喺摩理臣山道開咗間米線 係正大雞食堂隔離今次叫咗碗招牌珍寶雞翼米線呢個簡直係世一雞翼 隻隻都非常飽滿 完全係珍寶size😛 全部炸物都係即叫即炸！雞翼嚟到外皮非常脆嫩 一咬落去仲啖啖肉汁 另一碗叫左炸慢煮豬頸肉米線豬頸肉係另外上 唔會比湯底浸淋 每片口感岩岩好係一口份量湯底我哋分別揀咗招牌金湯酸辣同招牌麻酸辣 金湯酸辣就比較似平時酸菜魚嘅味道 淡黃色湯底 招牌麻酸辣就係全紅 食落去有少少麻嘅感覺 好香口呢度主打不含味精 不含醋精🤩 豬肉湯底 配料特別 靜靜雞一提 原來佢係隔離大雞食堂嘅姊妹店🤪 咁佢個雞扒一定係非常有保證