九記牛腩

营业中

休息中

人人都話識食野的, 都會去九記牛腩幫襯, 於是週六就去食碗出名的牛腩河, 但係非常失望, 因為一開始:叫爽腩($55/碗), 店員回應"無呀!" 叫牛根腩,店員回應"一定要配咖哩架!" 我唔食得辣..店員話:"要一般牛腩算啦!" 我心諗咁出名的店鋪, 即使係一般牛腩,都一定好好味,於是叫左碗牛腩河, 點知...$22/碗--只有飯碗咁大咋!非常唔抵, 但心想d牛腩應該係好特別,才這樣貴,所以快快手將舊牛腩放入口..哎唷..好硬呀!!!d牛腩肉住曬d牙,簡直離譜! 點解d牛腩肉可以硬成咁, 飲一啖湯,毫無特別, 更比其他寂寂無名的店鋪差,連小小清湯牛腩味都無咁大間又咁出名, 竟可以賣d咁差質素的牛腩,唔通因為深,都唔憂做? 真係唔怕人地唔番轉頭幫襯?仲有,我聽到有個排隊的食客話,呢間野成日都想造勢,明明話12:30開鋪,永無準時開門,即使鋪外見到長長的人龍,都只會12:45-12:55分才開鋪,等人覺得呢間鋪頭好勁,離譜!還有一個傳聞, 店員成日都同一般的客人(即唔係熟客)講無爽腩,係因為所有又靚又腍的爽腩都留番比d有錢的名人及名星,如吳x如, 呢個似乎唔係傳聞,係真啦,否則點會剛剛開鋪

10 December 2005 - 晚飯聞名己久既九記，終於可以一嘗佢既食物！我哋兩個人叫咗一個清湯牛腩伊麵，一個咖喱牛筋腩伊麵，再一人一罐汽水！其實我冇諗到只係一間咁細少既舖頭要咁貴，點解我咁講係因為我見佢個menu每樣嘢都要比錢，例如清湯另上咁，真係好識搵錢呀！不過我真係覺得好好味呀！

星期六同朋友又港島一日遊....原本..一心打算去"勝香園"試下好野食....但好多人排隊...我朋友見到就有點怕怕....而且,佢話好想試下牛腩...咁我們咪一人排一邊...我排勝香園條道...佢排九記牛腩...邊個快就走個度...結果係我朋友排得快d...所以,咪去試下啦！兩個人叫左一碟油菜、牛腩粗同埋咖喱牛根伊麵...咖喱牛根伊麵...d牛根好淋....咖喱都好好味..至於牛腩粗...d牛腩都係好淋...好好味..至於個湯都好好味...我地食完先至上個油菜...個菜本身都好好味..我將佢放左係牛腩粗的湯度..更加好味...^_^至於服務方面,我覺得有一個光頭大叔,都幾nice...幾好人,因為今次係我第一次去...問佢野...佢都好nice回覆我們....所以,,,整體來說都幾好！下次我一定會去試下勝香園呀...不過,,,我本身第一次去個度,我覺得個度真係好難找,而且...如果夏天去...真係會幾辛苦！

我係比較為食人, 所以就算環境同服務唔太滿意我都仲可接受. 講真, 作為食店佢有lunch同dinner off, 就知佢服務唔係排第一啦, 仲有之前d雜誌訪問老板娘, 佢竟然唔比舖頭電話號碼刊登, 就知佢唔係為做多d生意而接受訪問啦. 雖然今時今日咁服務態度係唔得, 但我又為食再加上佢d牛腩好味又軟又香, 第2度又食唔到, 有乜辦法!?特別推介:2人share 牛爽腩加凈河, 油菜.

湯底味道仍然濃郁,但個人認為已不及"大利清湯腩"的清甜..九記到今天依然客似雲來,可以說是純粹因為往日的名氣.服務態度完全沒有改善....(如果服務可以選擇0分的話,我肯定會選0分)個人認為現在的"九記"已沒有以前的吸引力,就是已經再沒有"突然很想吃"的衝動!!如果你沒有吃過,我會建議你去一次,就當作是領會一下舊香港的食物,但千萬別抱太大期望!

Absolutely agee ar!Food = Rubbish!Service = Terrible!Won't try again any more!

見到咁多好評,雖然去親中環都會去勝香園食野,但都忍唔住去試一試個次同個朋友去食,叫左一碗清湯腩河,咖哩牛腩伊麵同埋2杯凍奶茶個湯底幾清甜,但就真係幾油下,碗咖哩腩伊好傑,傑到食食下可以無曬湯既~d牛腩就ok淋咁囉~反而杯凍奶茶幾好飲~總括而言,價錢幾貴,但又唔覺得服務差,剩係覺得湯底幾好,其他野無咩特別,唔需要山長水遠走黎食~我覺得大埔群記重好食~次次去親都有爽腩~

本人不是第一次幫襯九記，但遇到這種氣憤的事都是頭一次。也是因為這一次遭遇，我頭一次在開飯登記一個戶口，投訴他們。上星期五（18/11/2005）晚上七時和一個朋友去九記吃咖哩牛腩伊麵。只是吃了一會兒他們伙記們也開始自己吃飯，我朋友先走，我也接了個電話。不料有一個年青，個子不高眼細的伙記走來，用非常不客氣的口吻喝著我說道：「我地洗地呀，出去埋單，五十九呅啦！」我給他突如其來的一喝也呆了，連我電話中的朋友都聽到他喝我，以為我和人爭執。我好沒趣的付錢走了。我看一看錶，才七時半。星期五這麼早就關門？！我看他們是跟本不志在我一個半個客，把我趕了出來。我越想越是氣憤。平時他們那種狗眼看人低的態度已經有點兒受不了，今時今日還要趕客？他們的名沒有改錯，九記，真是狗眼看人低的九記。回想起來，他們的咖哩牛腩真是越來越不成氣候。我是常客，但近年來的咖哩味道越來越淡，牛腩也越來越不新鮮。所以近來好少會去幫襯。不料那天再去，會給人好像狗一樣給趕出來！九記的老闆如果認為自己賺夠，可以關門大吉，何必養一大班把客人當成狗的伙記，弄一些難吃的東西要客人受罪。星期這麼早收工，不如讓店子出來給有誠意做食店的人來搞吧，別阻著

90年第一次幫襯九記,一試難忘,之後一個月總光顧上十次或以上,吃過後回味無窮,甚至打包一碗清湯回家下飯,就這樣維持了幾年,96至01年期間沒再光顧,五年後再次光顧,發覺味道有點不一樣,依然是清湯腩,可是味道變由偏鹹變偏甜,雖然仍然是很好味,可是已經不是我魂牽夢縈的那種味道了。

當我地享受緊佢地牛腩河既時候, 有隻小強係冷氣糟度跌左落碗河粉度囉... 仲要當咩事都冇.. 簡直過份, 同佢地講完之後, 就咁收左碗河粉之後, 仲要收足錢播..

九記牛腩又係由中學開始食到而家, 水準保持得okay! 因有時覺得牛腩煮得太硬又黐牙. 爽腩又唔係次次有, 好唔好食我真係唔知, 因光顧多年次次去到都話冇或賣完好失望. 個湯底又真係好清甜好出色,但就真係好油,所以我例必”全走”.河粉又只供應到午巿,夜市例牌得米粉,伊麵….好失望….又唔知點解咖喱汁都要另外收費,又唔係特別香….班呀姐又串…今時今日真係唔得..總而言之, 如果唔係個湯, 我都唔會去食.如果大家喜歡吃牛腩粉, 我就推介一個偏遠小小的地方, 就係慈雲山蒲英里-明記粉麵, 牛腩真係好有牛肉味和炆得好淋好入味. 記得叫半肥腩呀!!! 14 蚊碗..講價錢? 無得比…

我是台灣來的遊客，我到香港總共七次了，我也吃了很多香港的美食，因慕名而來到九記，我同朋友叫了一碗清湯牛腩伊麵及一碗咖哩牛腩伊麵，喝了第一口湯即覺得好鹹，牛腩也不好食，勉強自己吃了幾口以後，發現越來越鹹難以忍受，令我非常失望，當下付錢走人。 搞不懂為什麼九記這麼有名？尤其是在號稱美食天堂的香港這麼有名氣，我只能說這是我吃過香港最難吃的東西，以後再也不會去，真是名過其實！

琴日第一次來食！來到剛剛三點，我同男友一個要清湯牛腩伊麵($23)，一個要清湯牛腩河粉($21)....野食未來之前，睇下隔離檯先，好細碗咋喎！野食來到之後一睇，噢！之前因為懶醒怕牛腩太瘦要左半肥瘦，點知來到變左有一半牛腩全舊係肥糕！另一半牛腩先係我想要的半肥瘦＝＿＝！男友好中意ｄ清湯底，我就一般，飲左會覺得有ｄ口渴....的確呢度ｄ牛腩係比普通地方好味ｄ咁囉，但係地點又唔係開係大街，睇怕都難有機會再去食喇！

食左幾年九記,始終如一.尤其個湯底,著實清甜.唯一改變,就係服務態度好左.出乎意料之外.

雖然d湯感覺上係油左d,不過我覺得好好味!最正係d湯,夠味道,講真單計牛腩,九記唔算特別出色,不過湯就係一絕.不過講丫,今時今日又真係好多人接受唔到咁油就真,所以九記未必合適所有人口味.服務....如果有得選我會俾0分!態度就只有一個字- "吋",但又如何?一樣咁多人去食,去得食就人人都知. 冇爽腩,唔出奇呀,有時會賣晒,有時未整好,要睇下好唔好彩.