九份•十分 (已結業)

好鐘意去屋企樓下既九份十分食野，無論係早餐，午餐，下午茶，定晚餐，都好多選擇！星期六中午收工，老公就同我黎開餐！我叫左常餐-沙爹牛肉出前一丁，鹽酥雞，火腿奄列，榛果奶茶。沙爹牛凍凍地，不過加埋湯底都 ok！如果沙爹醬可以濃d就好啦！鹽酥雞少少硬，不過加埋沙律醬同調味粉都唔錯。講開調味粉，有好多選擇架，有原味，芝士味，紫菜味，咖啡咪，香辣味等等，仲有蒜可以落。榛果奶茶都幾好飲。服務有求必應，位坐得舒服，所以幾鐘意黎幫襯。

九份十分響屋企附近，好方便。餐廳夠大，所以差多次次都唔需要等位！有一次，自從食過佢吉豬後，已經成為店舖常客！有唔少餐都有吉列豬排，當中呢個大堆頭餐好豐富！有吉列豬排，火腿奄列，腸仔，煙肉，焗豆，蛋沙律。吉列豬排一如以往咁好食，外脆內軟，配埋蛋黃醬，一流！火腿奄列都幾滑，不過邊位有少少乾，火腿都唔算多，腸仔煙肉係普通味道啦。最後飽到食唔落蛋沙律，因為太漏了。跟餐配埋焦糖珍珠奶茶（多奶少冰），都唔錯！

今日一個人無人煮飯，就近近地去左彩園商場既九份十份叫套餐食。其實佢裝修都幾特別。 同埋我好欣賞佢每枱都會提供不同既調味料， 有酸梅粉， 蒜蓉， 芝士粉 ，紫菜，原味，咖喱粉等等， 相信應該係食鹽酥雞用嘅。望望下個menu好似轉咗，加左啲新野喎😆， 見到呢個蒜泥白肉冷麵伴餃子蜜薯條（$72），可以一次食幾樣食物，就點左呢個餐，跟餐有6，7款台式飲品都唔洗另外加錢（有珍珠奶茶， 蜂蜜珍珠奶茶， 焦糖珍珠奶茶， 榛果奶茶， 紫薯珍珠同薄荷朱古力） 我就叫左紫薯珍珠試下， 佢嘅賣相冇乜特別（等我仲以為會好靚架）， 淡淡既紫薯味，但都算口感順滑。天氣轉冷，我仲加左$8，叫左紫菜魚丸湯，係白魚蛋黎，都幾大粒架， 算爽口彈牙。 輪到個主菜黎啦，個個蒜泥白肉切薄片， 撈埋麵食嗰種唔辣但刺激嘅口感，同埋啲麵彈牙，唔係淋啤啤，有分加！ 不得不提嗰個蜜薯條原來係番薯炸嘅， 所以都幾好食同幾特別， 餃子正常，係香口脆既。

今晚又去咗上水彩園村間九份，十分同老友飯聚！沙律又選擇咗至愛的溫泉玉子牛油果凱撒沙律！每次都必食，必點！軟殻蚧手抓餅配咖喱汁！手抓餅包著大大件的軟殻蚧，沾上咖喱汁，好絕配！配菜有新鮮沙律菜同薯角好喜歡飲魚湯的我，點了一個豆腐魚雲湯！好濃厚的魚味，魚頭大大個，豆腐又多，白菜好清甜！正！天氣凍，見到店有阿雄羊腩煲跟生菜上市，當然要食下，暖下肚先啦！羊腩煲內有蓮藕，馬碲，枝竹，冬菇，同羊腩啦！材料每款都好多，極足料，羊肉又不羶，超正！今煲啲羊肉除了不羶外，還肥瘦適中！阿嬌檐仔麵，細細碗，麵質好滑，湯底好香濃！甜品叫咗一款，台妹愛遇！其實係愛玉配芋圓，地瓜圓，珍珠！好彈牙，又不太甜！飲品選擇咗一杯蜂皇鹹金桔，熱飲！飲完喉嚨好舒服！另一杯紫薯珍珠，每啖都好香好甜的紫薯味呀！每次去食除了食物多元化和好味道之外，最欣賞員工的服務態度真係好好好友善！

呢間台式店喺呢區好出名，今日黎開呢頭終於有機會食到。由點菜到上菜，前後唔洗10分鐘，仲要好味喎！叫個台式綜合滷味拼盆 $88食下得唔得，又幾得喎。除左豆腐、腎、蛋、雞翼，仲有咸菜、鴨舌同豬腸，豬腸好乾淨又入味兼彈牙，幾好！三杯沙鍋鮮魷 $78上枱「炸炸」聲，好香好多煙。鮮魷d細紋沾滿獻汁，又滑又爽口，仲有好香九層塔味道～最好食就係萬巒豬手$53，好腍，每口骨膠原。超入味呀，好想學下點做到呀！仲有基隆夜市炒蜆$68、金銀蛋浸芥蘭$68、蚵仔肉碎泡飯$61，個炒蜆超惹味，伴住金銀蛋芥蘭同泡飯食就最正，d蠔肉都好大粒好鮮架。呢度唔洗加一，相對其他食肆真係平！

呢間上水的九份十份都幾岩一家大細的人來食，因為佢又有台灣野食，又有台灣的家常餸菜，仲有埋台灣野飲同埋甜品。.黑糖珍珠鮮奶🥛 (推薦指數：😋😋😋😋😋)呢度沖的黑糖珍珠鮮奶有出面的專門店的水準，紅茶味都好出，睇來應該用左好靚的茶。珍珠都好彈牙！正！.醉小三(醉豬手🐖、醉雞🐓、醉鴨舌🦆) (推薦指數：😋😋😋)酒味都幾重，有台灣的感覺，但如果可以再入味少少就好，略有點淡味。.台灣鹽酥雞🐔 (推薦指數：😋😋😋😋😋)呢個鹽酥雞真係唔會令今失望，$48大大嚿，又多，仲有唔同味粉比你選擇，真係好抵食。另外，佢個脆粉脆得來又唔會好厚身，所以真係必試！.蜜薯安格斯牛柳粒🐮(推薦指數：😋😋😋😋)牛柳粒幾”林”，個蜜糖味每舊牛都有，幾好，都可以一試。.山葵雞絲粉皮🐔 (推薦指數：😋😋😋😋)我地無叫到主食，所以就叫左呢個，佢溝左washabi，同埋本身的麻醬一齊，係幾夾的，我都好推薦大家食呢個。份量都多的。.芭樂鳳梨鹽水雞🍍🐔(推薦指數：😋😋😋😋)個配搭都幾健康的，水果有鳳梨，又有石榴，又有蘋果。賣相都好靚。.滷味雞翅🐔 (推薦指數：😋😋😋😋)台灣滷肉飯的滷水味，同香港的大有不同，當然係好鍾意佢個滷水味啦。不過

今日近近地起附近既屋村商場食飯見間鋪幾乎滿座 應該幾好食咁再加上比較小食台菜 今日一於食佢黎到呢間以台北地點為名既餐廳 九份·十分食個飯啦叫左個涼拌三小碟我地選擇左五香牛展 涼拌四季豆 同涼拌貓耳味道真係好一般 個五香牛展 味道好淡口 牛展煮得太耐 好難食個涼拌四季豆同涼拌貓耳都係煮得太耐 個口感好核突 好難食另外個兩婉仔係阿春麫線同肉燥飯都係個句喇 煮得太耐喇 口感核突同味道好難食啊然後起海鮮類個頁menu 叫左佢個酸菜魚片味道正唔正宗 我就唔知不過味道正正常常 食落開胃既 魚片入口仲係滑 幾好另外個碟熏魚 真係過甜 啲魚塊又好散咁平時食上海菜食呢兩樣野都好開心今日黎到呢間台菜叫呢道菜食 真係食到好無聊

呢晚來到位於上水嘅台灣菜餐廳九份*十分，間餐廳地方好大，可以好舒服咁嘆返餐，唔同以前去嘅餐廳比較擠迫。呢樣已經好感恩啦，喺香港地。坐低先發覺除咗地方大，啲嘢吃都唔少，唔淨止台灣菜，台灣小吃，仲有惹味小菜，加少少錢就變套餐，有埋飯，有埋飲品，實在太多選擇啦，淡定D，淡定，等我睇定來慢慢揀。首先嗌咗個台灣特色嘅三寶牛腩麵，上到來，大大舊的牛筋，牛腩，唔好以為好“鞋”，一D都唔會，而係好腍好入味。個滷水拼盤就有鴨舌，豬大腸，鴨腎，豆腐，蛋，酸菜同埋雞翼，同樣係出色之選。喜歡吃鱔的我嗌咗個古早老媽蒸大鱔，加12蚊有白飯，彈牙的魚肉及好味汁送飯實在太精彩。芒菓冰亦係我鍾意之選，飲到最後味道都唔會變淡。珍寶三色冰粉有成10樣材料，一D都唔嘢小，真品上到雖不及廣告靚，但材料真係十足十，堅！

關於上水的彩園廣場，之前給人的印象是較舊式的商場, 餐廳的選擇不算太多, 到了今天，商場經過翻新後, 引入了不同類型的餐廳, 當中有一間《九份•十分》, 這店的水準不錯, 這晚就趁人在上水, 順道來試試。來的時候是周四，店內裝修潔淨企理，座在其中感覺還不錯。坐下來, 先看看餐牌, 飲品有多款選擇，個人點了青蘋果綠茶, 飲落味道清甜自然，配合台式食物也合適。再來古早醉雞的雞肉浸得很軟滑，肉質鮮嫩入味，口感就像吃浸過酒及放涼了的雞肉。紅燒牛肉麵是其中一道招牌菜, 先喝一口牛湯，湯頭夠熱, 味道濃郁，牛肉炆得鬆化而不韌，牛筋食落爽口, 也不會炆得過腍, 麵條有咬口之餘, 索滿牛湯同吃, 就更加滋味。甜品環節有花美男遇見, 包括有花美男、芋圓及愛玉, 淋上花奶及煉奶, 芋圓十分有咬口，愛玉滑嘟嘟，花美男就非常Q彈，有水準的一道甜品。以這個食物水準和價格, 值得一試。

今日同屋企人去北區醫院探病，之後係附近搵野食，行左幾間都要等位，因為趕時間所以入左呢間唔洗等位。每張枱都有好多調味料。我地叫左個套餐有豬手，好淋、易咬同入味，配埋酸菜夠曬開胃。蕃茄沙律賣相好靚喔，但啲汁係曬底好難撈尼食，個蕃茄去埋皮好貼心呀。呢碗係紅燒牛肉麵，蘿蔔唔夠淋，湯底都幾香濃，牛肉滑口好食，但啲麵就少左啲。呢個係柯仔肉碎泡飯，我地加左胡椒粉食，令個湯底升華左，野味左。仲有個脆脆麵，唔係好多地方有得食，佢做到好夠脆，加左汁啲麵淋左但都係香口好食。個套餐加$15有個甜品，透明的啫喱加左仙草汁好夾，有少少冰碎好清涼，但芋圓咬口一般。最後仲加左杯珍珠奶茶，茶味好香濃、奶滑，仲有少少泡係面但珍珠硬硬地唔好咬。

呢排有幾日假期，同埋係好友嘅生日月，都要好好計劃一下尋找美食嘅行程😆瞓醒，第一站就去上水，順便入下貸🤭去咗"九份·十分" 台灣美食逐樣食🤣🤣首先講下環境，地方大坐得舒服， 裝修更有好多台灣元素👍 食物種類多，飲品都好吸引🤪哈！哈！唔講得笑啊1234567， 我哋加埋飲品一共叫咗咁多樣嘢食，真係好餓底、好瘋狂🤣-涼拌三小碟 ~拍青瓜、海蜇、五香牛展😚-肉鬆皮蛋豆腐~ 點少得佢，必食😁-咖哩卷殼蟹手抓餅🦀~ 有金黃脆脆炸薯角、新鮮蔬菜🥦沙律伴碟😋-萬巒豬手🐷~ 滷得好好，非常有咬口👌- 南乳紅麴炸金菇🍄~ 香脆惹味 ，但比佢嚇親，好大碟，食曬佢會有啲膩嘅感覺ar, 比較適宜一大班人一齊食呀🤣-紅燒半筋半肉牛肉粗麵🐮~ 湯頭好甜好濃味，牛筋牛肉炆得好腍，牛筋食落好爽口好Q彈，配埋粗麵食，真係好對味🤤-飲品~墾丁星空( 蝶戀花青檸冰沙)~ 熱柑桔檸檬 👩‍⚖ 服務好， 食物、小食、飲品種類多， 唔使搭✈去台灣la~🤣🤣

今日難得老遠走入嚟上水，試吓呢間台菜。。一行三人叫左三個lunch set :鹽酥雞扒肉燥飯: 雞扒整得夠脆口唔太油，肉燥偏濕，乾身少少應該會好食d 和風秋刀魚雞扒飯: 原條炸秋刀魚，好抵食，雞扒亦都好大塊，配上日式燒汁同木魚，好果半根半肉燒牛肉麵：牛肉同牛筋炆得好淋，亦好入味，揀咗粗麵，面底煮得剛剛好口煙韌彈牙，湯底有少少微辣，但湯底唔算太好味凍焦糖珍珠奶茶：焦糖味過濃，蓋過奶茶味，珍珠亦唔算彈牙，唔算太好飲聽到有啲顧客不滿侍應座位安排，侍應安排入座佢哋坐低左，一而再，再而三咁同佢哋轉位

食物質素 7/10八月頭去完台灣之後，一直對台灣既美食念念不忘，經過見到尼間舖頭個名咁「台灣」，就緊係迫不及待入去試試啦！紅燒三寶麵一碗好既麵最緊要係個湯頭，尼碗三寶麵湯頭甜，會想一口接一口咁飲曬啲湯。三寶包括左牛腩、牛筋同埋牛肚。牛腩有兩大舊，炆得夠淋，肉質唔會太乾太柴，係三寶入面最好食既！另外，牛筋同牛肚都不過不失，絕對可以一試！麵條彈牙有咬口，係我鐘意既偏硬口感，不過未必個個都鐘意。鹽酥雞粒伴台式香腸肉燥飯鹽酥雞既賣點好特別，會原味咁上，然後自己揀自己鐘意既粉去調配自己鐘意既口味！調味粉有八款，包括胡椒粉、鹽、香辣、原味、咖哩、芝士、梅子同紫菜。鹽酥雞粒既份量好多，絕對可以試得曬咁多款味既粉，而我最鐘意就係紫菜味，同麥當當既紫菜shake shake粉一樣味！不過略嫌肉燥飯啲汁唔夠多，食落就有少少乾麻辣牛𦟌牛𦟌份量好多，兩個人都食唔曬！鐘意同食得辣既人一定會鐘意，因為個麻辣汁好夠味，辣得好過癮！花美男遇見其實尼個係仙草甜品黎，入需有椰汁、仙草、芋圓、地瓜園同類似燕窩既野。芋圓同地瓜圓煙un有咬口，仙草好滑，加上成杯甜品唔會太甜，正！環境衛生 8/10環境大，坐得舒適，適合同朋友聚

對九份。十分印象一直唔錯因為食過沙田個間分店，味道都幾好但係個間地方比較唔就腳，所以都只係食過兩次今日係上水行過見到原來呢到有分店，正打算食lunch，就同家人入去食店內裝潢同沙田分店一樣用左台灣既特式裝修算新穎，店內都幾大，坐到幾多人我地坐卡位，都算坐得舒服😌Lunch menu同單點選擇都幾多跟餐飲品唔係淨係得咖啡奶茶，仲有台式飲品加$5 可以轉台式特飲我地叫左3個lunch set雖然食飯時間都都幾多人，但係食物都幾快到首先黎左三杯野飲奶茶 茶走顏色好深色，睇落好濃飲落係好香濃，加左鍊奶又滑又甜仲有熱冬瓜茶飲得出係冬瓜黑糖熬出黎既冬瓜茶唔會太甜，但好香冬瓜同黑糖味飲落清清地，個人幾鐘意🥰仲叫左焦糖珍珠奶茶呢杯非常有驚喜，焦糖味好香濃，唔係糖水或者燒焦味道配埋香滑既奶茶，好滿足！推薦！💋主食方面：萬巒豬手麵豬手炆得好入味，滷水汁好香香草味豬手咬落去好Q彈，骨膠原十足😍麵條軟左少少，但個湯好惹味湯既質地雖然唔結，但飲落味道幾濃郁，而且有啲花椒味令成碗麵既層級昇華不少😋滷水雞翼肉燥飯豆腐都幾入味，滷水汁微甜，令到豆腐唔會淡茂茂外面層皮唔會太硬又吸晒滷水汁，入面口感都算滑雞翼非常入味，滷

上水有得食台灣菜的餐廳唔算多，之前有朋友食過呢間都有推介過，所以就試下啦！7點幾入到去，未洗等位住。因為係晚市，見佢都有推出特價晚餐，不過友人想試下其他菜色，所以就叫左其他。先點左個紅燒牛肉麵，粗面底，牛肉份量多！ 未食面前先飲左啖湯，又幾甜！另外友人點左個古早老媽蒸大鱔，魚肉彈牙，幾新鮮，不過食個陣要小心有骨，因為始終鱔都係偏多骨。個汁都幾不錯，幾入味，而且有種家庭風味！叫飲料個時都苦惱好耐，因為實在太多選擇了！ 除左基本的台式奶茶類，仲有水果茶等等。我最後叫左杯芋治抹茶紅豆鮮奶，抺茶味超濃，作為抺茶控一定會喜歡！紅豆都比得毫不客氣！好滿足！而友人點左杯珍珠奶茶，珍珠幾有咬口！之後再點左個口水雞，辣得好過癮！ 今晚完全係有驚喜的台灣晚餐啊！