九份飽 (淘大商場1期)

营业中

休息中

九份飽思念台灣，於是和朋友食下台灣菜。香酥雞扒魯肉飯$48雞扒即叫即炸，熱辣辣，炸粉同調味比例剛好，肉質鮮嫩，加埋魯肉，送飯一流。紅燒牛腩刀削麵$49牛腩厚切，炆得好入味，刀削麵厚切的關係，又有口感又飽肚。玉米起司蛋餅$32蛋餅好有口感，煙韌，半溶化既芝士加埋粟米，配搭剛好，仲有特色既辣醬。芋圓仙草豆奶$40豆奶加左仙草同芋圓既甜味，芋圓食到有番薯，芋頭餡，口感q 彈。茱香奶茶百香果綠茶茶飲類十分新鮮清新，揀左少甜版本，夠晒健康。

成日經過淘大商場見到呢間餐廳大排長龍今次難得見到條龍短咗d即刻去排隊試吓😆餐廳有多款台式美食同飲品供應裝飾嘅格調充滿台灣嘅風情就好似真係去咗🇹🇼台灣咁🔸紅燒牛腩刀削麵 $59個湯底真係好香，食得出係煲咗好耐。牛腩炆得好淋，食落除咗食到本身嘅牛味之外，仲索哂湯底嘅味，真係好出色😋刀削麵口感彈牙，同個湯好夾。🔸香酥雞扒滷肉飯 $48香酥雞扒除咗非常之大塊之外，仲要炸得勁酥脆。雞扒好厚身但又唔會話好厚炸粉。滷肉飯嘅滷肉份量都多，咸咸地送飯食一流🤤🔸海苔肉鬆起司蛋餅 $37平時食起司蛋餅就已經夠哂邪惡啦，九份飽仲加埋海苔同肉鬆落去蛋餅到，真係將果份邪惡昇華到極致🤣三種食材非常之夾，兩三下手勢就食哂成份美味嘅蛋餅🤣🔸 黑糖珍珠奶茶 $25揀左少甜，味道剛好🤭🔸 黑糖芋頭牛奶 $35飲品可以自選甜度，唔洗擔心太過甜！黑糖芋頭牛奶加$3仲有埋珍珠！珍珠口感煙韌Q軟，配埋芋頭無得彈！🔸 芋圓仙草豆奶 $40用左豆奶做湯底，同平時食開唔同。豆奶味仲正😆凍食好消暑呀！芋圓Q軟好味😍

🍳肉鬆起司蛋餅 -$36薄薄蛋皮裹着肉鬆芝士，香蛋味加上少少甜辣醬，層次豐富，相信堂食更正😚🍡九份芋圓 -$36雖然賣相差啲，但咪理好耐無食過咁高質嘅芋圓🥰三色圓圓既煙韌又不失芋味，份量超多，性價比高😃加上仙草、珍珠及豆花等襯托，口感豐富而甜度都剛好。

好耐之前同屋企人黎過食下午茶非常抵食，今日黎行Donki前就過黎試下佢個午餐天花放滿燈籠，牆上又掛左不同懷舊特色廣告牌環境好有台灣風格午餐選擇非常之多，有牛肉麵，滷肉飯，擔仔麵，小食，就連甜品都有重點價錢相宜海苔肉鬆起司蛋餅海苔肉鬆很鬆脆，蛋餅煎得香口蛋餅總是不會另人失望的小食紅燒牛腩刀削麵 紅燒湯底，醇厚濃郁，配料還有蘿蔔跟芽菜牛腩炆得軟稔入味，而且大大件刀削麵粗身又能掛湯，的確不錯香酥雞扒魯肉飯大大碗，仲有半隻滷水蛋同醃蘿蔔雞扒炸得香口，肉質嫩滑滷肉非常入味，入口即化，個人非常鐘意飲品都唔錯，叫左茉香珍珠奶茶盧蜂蜜檸檬蘆薈芋圓仙草豆奶有芋圓，仙草，珍珠，紅豆，配埋唔會太甜的豆奶芋圓煙韌彈牙，沒有不好食的可能，超級滿足！

我覺得九份飽算係香港台灣餐廳之中水準不錯的一間。香酥排骨刀削麵，首先排骨分量真不客氣，表面酥脆，有鹹香，而刀削麵彈牙。肉鬆配埋煙韌嘅蛋餅和辣醬，味道十分豐富，不過食一嚿就會好飽，適合同多人分享。滷肉飯，肥瘦相間，肉質軟滑唔韌唔鞋口，味道香濃，讚。

九龍灣淘大呢條街啲舖頭成日轉 都真係冇乜邊間好食🙈今日就黎呢間新開既台灣菜試下 終於有間覺得可以encore🙌🏻🙌🏻😂入到去燈光較紅 掛滿充滿九份味道既紅色燈籠🏮仲有啲懷舊裝飾 例如木長櫈同春嬌電髮院可以打卡😂成個佈置配合得幾好 好想去台灣😭😭滷味拼盤 ($35)最鍾意係台灣夜市買滷味食🤩呢個拼盤有齊豆腐雞蛋雞翼豬耳牛肚 樣樣有啲岩晒貪心既朋友🤣滷水汁不重口味不會太濃 味道偏甜 係台灣滷味獨有既風格✨✨開胃小吃香酥雞扒魯肉飯 ($48)魯肉飯既份量岩曬女仔食唔會太大碗! 4大舊雞扒夠鹽酥皮夠脆😋入邊啲肉嫩滑多汁一啲都唔乾✨我覺得啲飯係台灣既珍珠米 唔似普通食開既飯🙈魯肉都好夠味😋😋recommended🌟🌟🌟紅燒牛腩刀削麵 ($59)刀削麵麵條厚身 食落好有質感同咬口 煙煙韌韌🤩配埋甜甜地既湯一齊食好開胃🙌🏻牛腩有成三大舊 肉質都好林唔會有筯😜胚芽珍珠奶茶🧋 ($28)有驚喜!!! 超級鍾意餐廳食都可以自己揀甜度!! 揀佐5分甜甜度啱啱好 唔係死甜又有奶茶香 珍珠好有咬口唔會煮到太林痴埋一pat! 加埋胚芽係上面好夾🥰Recommended💯💯💯蜂蜜檸檬蘆薈 ($25)蜂蜜檸檬係夏天既

呢間《九份飽》店舖雖然不大，但勝在每個角落都充滿台灣風味，濃厚的復古設計，古色古香，餐桌，物件和裝飾，完全融入台灣味道！全場掛滿紅紅燈籠🏮 打卡位置當然唔少得啦📸！🐔香酥雞扒魯肉飯 $48即點即炸熱辣辣，雞扒外層脆卜卜，內裏仍充滿肉汁，不會覺得油膩感覺👍🏻，而魯肉亦好入味，連飯一齊食，超好味😋！🍜台灣擔仔刀削麵 $52配料有蝦、豬肉丸、滷蛋、魯肉同芫荽，簡簡單單已經充滿台灣風味，加上麵條掛汁一流，吸收埋湯汁，不錯👍🏻！🍠QQ地瓜球＄35分量都唔少😋 外脆內Q軟，面層灑上了梅粉，多一份層次感！🧋茉香珍珠奶茶 ＄23甜度和冷熱都可以自行選擇，茶味清香！🍪OERO奶茶 ＄25呢杯都幾有驚喜，估唔到配搭都不錯👍🏻一杯簡單嘅奶茶，加上OERO甜甜嘅餅碎，滋味立刻提升😍！

放假日，想食台灣牛肉麵和芋圓，想起位於淘大的「九份飽」於是乎就約朋友一齊去食飽飽再行街shopping 😚台灣牛腩刀削麵，湯味濃稠夠熱，牛腩大大舊，口感軟稔得來有咬囗😋除了有芫荽酸菜，竟然還有菜心😋 感覺健康👍🏻刀削麵夠煙靭 😚香酥排骨刀削麵，湯底鮮甜，香酥排骨炸得外脆肉嫩，很香口惹味，同樣有菜心👍🏻滷水拼盤，有雞翼，半隻蛋，豆腐，豬肚和豬耳；滷水入味，豬耳爽口！九份芋圓（冷），配料豐富，除了三色芋圓，還有豆腐花，煙靭珍珠, 紅豆，仙草等，而且好夠凍，甜度適中，芋圓煙靭🙃

網上見呢間掛哂燈籠咁超有台灣feel！原來係傳說中阿元來了嘅死對頭哈哈哈～聽講佢哋嘅蛋餅仲好好食添！今次就等小妹去試吓好唔好食啦🤣🍚 懷舊魯肉飯(大) $42魯肉肥瘦適中，份量都合理！飯偏軟，而且魯肉汁偏少... 送唔哂碗飯...🍖 香酥排骨飯 $45 + 魯肉 $10排骨炸得幾香脆！肉質亦唔會好嚡🧀 肉鬆起司蛋餅 $35肉鬆幾多！但芝士就...以為自己食緊肉鬆蛋餅哈哈另外蛋餅皮較薄，蛋香味唔太出整體味道一般，CP指偏低🍜 紅燒牛腩油麵 $49牛腩夠入味，炆得淋而且無爛到！油麵同蘿蔔就中規中矩～🦑 酥炸魷魚 $45 魷魚炸得夠脆！熱辣辣的！而且入口唔會覺得好油膩～🍲 綜合湯 $25 （紫菜，貢丸，魚丸）有紫菜，貢丸同魚丸，不過不失～不得不讚小店嘅環境真係無得輸👍🏻但食物質素方面就一定唔會話係最正嘅台灣小店啦不過簡簡單單咁同朋友去食都幾happy～⭐️ CP值：🐘🐘🐘⭐️ 打卡able：🐘🐘🐘🐘⭐️ 舒適度：🐘🐘🐘.5⭐️ 再食指數：🐘🐘🐘（5 星為滿分）人均消費：$50-100

服務態度很好，嘢食都可以😊，不過有一點美中不足，小朋友唔小心倒瀉左杯珍珠奶茶🧋，講左唔好意思😅，以為佢哋會換過一杯新嘅🧋，可惜嘅係完全冇！叫左杯奶茶一啖都冇飲過咯。珍珠奶茶$23/杯

好耐冇食過正宗台灣菜~~ 咁岩今日黎開淘大見到有間門口都幾多人排隊既台灣餐廳, 佢既流動都算快既, 雖然多人排, 但我地等左唔洗10分鐘就入座喇餐廳既裝潢好有台灣傳統特色~~設計用上木餐枱木餐桌, 天花吊掛著紅燈籠, 牆上又有具懷舊特色既店牌, 戲院上映廣告牌等非常特別餐牌一張紙過, 所有菜式一目了然黑糖芋頭牛奶 $32加埋$3珍珠 黑糖味唔會太重而蓋過牛奶味, 牛奶幼滑~叫左8分甜, 都算甜, 下次試下5分先胚芽珍珠奶茶 $28茶味濃郁, 珍珠Q彈軟糯酥炸魷魚 $45即叫即炸熱辣辣炸皮唔厚而且鬆脆~~魷魚新鮮彈牙唔韌紅燒牛腩刀削麵 $59紅燒湯底牛肉味道醇厚濃郁~~牛腩大大件, 炆得好入味, 口感軟腍Q彈刀削麵麵質既粗又厚身, 掛汁一流, 口感豐富!!香酥雞扒魯肉飯 $48雞扒外皮炸得超鬆脆!! 入口卜卜脆雞扒肉質幼嫩又JUICY魯肉汁送飯巧正丫~~~九份芋圓 $35三色芋圓色彩繽紛, 味道分別係番薯, 芋頭, 紫薯~~芋圓非常之煙韌彈牙, 而且有嚼勁~~~~又有仙草豆腐花, 配料好豐富丫!!!呢道台灣餐廳水準唔錯, 價錢又幾抵食, 值得下次再黎

再次光臨，因為呢度除左性價比高，對比起其他同類型的店味道真的很好海苔肉鬆起司蛋餅肉鬆很鬆脆，加上芝士和紫菜是讓人感到很滿足的小食雞排滷肉飯雞排香 酥 脆，不會太鹹，係正宗的台灣味道呀滷肉非常入味，睇落細細碗其實分量十足紅燒牛肉刀削面牛腩燜得好淋，還有蘿蔔和芽菜，湯底香濃美味，食曬啲面真係連湯都飲埋重點係分量也是相當的不錯芋圓仙草豆奶非常喜歡的一個甜品，有芋圓，仙草，珍珠，紅豆，加上豆奶不太甜，剛剛好，芋圓的芋頭味真係可以食到有芋頭係裡面，真材實料至於飲品，必點的珍珠奶茶五分甜就剛剛好啦～

疫情好轉，工作開始回公司，可以約到九龍灣工作的朋友吃午飯，鄰近地鐵站的商場人流非常多，所以就到淘大花園找餐廳，經過見到一間裝修特色的台灣菜，價錢合理，就直接入座。 中午時分，選擇非常多，有牛肉麵，擔仔麵，滷肉飯或甜品小食都有，價錢都是40至60左右，非常親民。 環境以老台灣的風格，有郵筒，單車，牆壁有仿台灣的招牌和圖片，天花放滿燈籠等，十分有懷舊的台灣特色氣氛。店員很友善，而且上菜速度快，趕時間的上班族最欣賞。 =紅燒牛腩刀削麵 $59=濃郁的紅燒牛肉湯底，牛味重，清甜而微辣，十分惹味。牛腩份量多，煮得淋身，入口嫩滑，唔會羶味，麵底選了刀削麵，粗身的麵條不用太淋，反而煙韌有咬口，加上香蔥調味，整體水準高。 =台灣擔仔麵 $42=有肉碎和鮮蝦的湯底，調味剛好，不會太淡或太鹹，鮮蝦爽口彈牙，肉碎混入麵條，每一口都有豐富口感，價錢又抵，台灣地道風味。 =肉鬆起司蛋餅 $35=超喜愛台式蛋餅，但煮得正宗的地方不多，今次點了肉鬆和芝士味，外皮夠薄，蛋味濃，肉鬆餡料超多，微微帶出芝士在口中，煎得金黃。 =熱百香果紅茶 $10=跟主食配飲品只需加10元，百香果紅茶，啖啖都是果味，甜度可自選，5度感覺

疫情之前，一年總有兩三次去台灣嘅機會，而家冇得去旅行，唯有用台食去安慰自己嘅思鄉之情😄呢間店喺九龍灣淘大，交通非常方便，而且口碑唔錯，所以就嚟一探究竟😂睇返餐牌，價錢非常合理，兩個人點咗主食、小食、飲品、甜品都係$232！抵！台灣嘅牛肉麵數一數二，呢度嘅風味絕不亞於台灣當地嘅牛肉麵，湯底濃郁，牛肉非常軟冧嫩滑，而且夠晒入味😍麵條方面，軟硬適中👍🏻酥炸排骨麵～外皮炸到金黃色，而且口感非常鬆軟，可以保留肉汁，骨亦都唔算多，yummy!小食方面，叫咗個滷水拼盤、當中內容非常豐富，有豬耳、滷蛋、雞翼、豆腐、牛肚，每種食材口感不一，少食多滋味😋九份芋圓～喺香港都大受歡迎，軟糯嘅口感，加上唔同口味，絕對係眾人所愛，呢碗仲要加上豆花、仙草、紅豆同珍珠，甜度適中，絕對令人大愛😋飲品方面，當然唔少得地道嘅珍奶，佢哋嘅飲品都可以揀唔同嘅甜度，非常顧及到唔同客人個人嘅口味👍🏻

-🔸香酥雞扒魯肉飯 $48🔸紅燒牛腩刀削麵 $59🔸海苔肉鬆起司蛋餅 $37🔸芋圓仙草豆奶 $40🔸豆花胚芽奶茶 $28🔸OREO黑糖咖啡 $28-晚餐唔想煮，嚟到呢間裝修得非常有台灣特色嘅九份飽，食物質素不錯而且性價比高，係止台灣癮之選！香酥雞扒魯肉飯嘅雞扒厚身大塊，咬落夠脆夠熱而且juicy，肉燥撈飯一流，仲附送半隻滷水蛋同醃蘿蔔。紅燒牛腩刀削麵嘅牛腩炆得好稔同入味，湯底調味都唔錯，加埋口感煙韌嘅刀削麵食落飽肚。小食必食台式蛋餅，餡料揀咗最豐富嘅海苔、芝士、肉鬆，仲食埋甜品芋圓仙草，超級滿足！