九丁目日本料理

营业中

休息中

老友生曰，大家元朗友，生日飯當然在元朗進行，通常我地會上open rice 揾下有咩新野和推介，見到西菁街開左間新日式料理，岩晒大家都最鍾意食日本野。第一時間叫兩客，三文魚籽和海膽壽司，好新鮮，口感十分清新蟹籽沙律好大碗，已經係細份量，鍾意食蟹籽沙律既朋友有福了。最黎魚生飯，買相十分吸引，味道更出色，魚生十分新鮮，飯粒粒分明，必食重有個海鮮烏冬，湯味濃陏鮮味有點辣，十分惹味，海鮮大大隻👍價錢十分恰當便宜，性價比高，下次必定再去😋

前晚天8點半，我同老婆又喺元朗搵嘢食😌最終揀左九丁目日本料理，好彩夜去，安排左一陣就有得入去坐。食物方面，我老婆負責發牌，食左都幾多嘢，包括：三文魚腩刺身、軟殼蟹手卷、木魚豆腐、帶子壽司、七味雞、豚肉泡菜煲同埋一杯hoegaarten😁嘢食新鮮好味嘅，特別提下個木魚豆腐，好得意，佢有跟類似湯嘅佐汁，之前我未食過，我撈左好多佐汁，幾好食，可以一試，另外個豚肉泡菜煲，唔會太辣或太鹹，開胃。飲品方面：淨係飲左杯heo仔。環境方面：個場乾淨，天花嘅佈置好靚，如果啲位再鬆動啲就更理想。服務方面：啲service好殷勤，有個職員一時唔留神，留意唔到我舉手，佢立即急步走嚟say sorry，真係讚👍總結：食物質素同價錢合理，最讚服務好，可以翻飛。

近排天氣熱，總想食啲開胃菜，壽司🍣可算是首選，這間九丁目新開日本料理，價錢中位，就來試試😉😉午餐選擇非常之多，熱食、壽司、烏冬、拉麵，乜都有！裏面嘅裝修日本風，店員服務十分之好！服務好真係加分不少👍👍👍極上壽司定食麵豉湯烏冬飲品和甜品都有曬，如果唔夠仲可以優惠價錢加小食添！壽司有八件，海膽cream 新鮮🤤🤤帶子好厚呀，仲有我最愛嘅赤貝🤗🤗🤗老公叫咗北海丼同樣份量十足，三大塊厚切三文魚，帶子又厚又大粒，仲有海膽同蟹子😝😝😝轉左飲即磨咖啡☕，有質素，二百蚊成枱都係食物😂😂😂值得回顧

今日有朋自遠方來到元朗，所以帶佢去佢至愛嘅日本餐廳，見到呢間應該開左無耐噶九丁目日本料理，於是入去一試。裏面的裝橫令我覺得好似去左日本嘅居酒屋咁，牆上掛住一塊塊木製的餐牌。餐牌上圖文並茂，方便食客點餐！ 我地點左個壽司拼盤，裏面有齊我地中意噶壽司。一上枱，我地不禁讚嘆起來，壽司🍣一層一層整齊地擺放著，賣相吸引，無論帶子還是三文魚都好新鮮！ 清酒煮大蜆：清酒經過煮熱後味道更加香濃，與鮮嫩無比的蜆肉簡直是完美的搭配。 牛肉壽喜燒：份量足，有大大塊肥牛之外，仲有娃娃菜、粉絲、菇等。食材吸曬湯底味道，已經好入味，唔使再點醬汁。 厚切牛舌串：口感滑嫩，帶點咬勁。 草莓活乳酸：喜出望外的是特色野飲同樣出色，裏面有一粒粒搞碎的果肉。朋友點了杯啤酒，很大杯！ 總括來說，質素唔錯，我又多個食日本嘢嘅好去處！

店子很有居酒屋的感覺，坐在玻璃窗的座位可以看著街景吃東西。首先吃了芝麻雞翼，雞翼炸得香脆又不失肉汁。另外還有我喜愛的吞拿魚蓉卷，味道新鮮。然後又叫了壽司拼盤，上碟的木盤很漂亮，光看著就很開心。壽司的材料很足料，也很新鮮。兩個人吃到這裡其實也有點飽，但看食評食鰻魚炒飯很不錯，於是又叫了來試試。炒飯很香，飯面有一塊鰻魚，炒飯裡也有很多鰻魚肉，用料很足，整個飯的味道很好，雖然飽，但還是能把它清盤最後用甜品作結，這個波蘿雪葩完全超出我的想像，原個波蘿上，很可愛，它是香水波蘿的size ,兩個人share剛剛好。雪葩有波蘿的香味，有點酸酸的不會太甜，雖然是雪葩，但口感還是很滑的，裡面還有果肉，口感很好，令這餐飯畫上完美的句號。埋單時忘記了出示晚餐8折優惠卷，成了少少遺憾😭

平時入元朗探朋友多數食茶記豬扒，今次元朗朋友話想試新開日本居酒屋見過很多元朗日式餐廳裝潢都比較普通，但這間確實花點不少心思，天花放滿七彩鮮艷日本雨傘， 很耀眼，吧枱上亦放了日本風景畫，很漂亮以為裝潢高檔，價錢一定會相對會貴，但一打開餐牌，價錢實在太吸引，很便宜，特別是清酒，獺祭清酒300ml竟然是＄160， 實在太抵了餐牌很多選擇，我們二人點了壽司，串燒，燒物碎葱吞拿蓉卷＄38 大大件，吞拿魚蓉很新鮮朋友最愛蝦天婦羅＄68竟然有5件，仲要即炸熱辣辣，看得出是用新油炸出來的會呈現金黃色，絕對不是翻用的油來炸，值得一讚串燒5串，超級抵食＄38有三件壽司， 大件夾抵食燒河豚干， 很香口，用來餸酒一流太滿足的一餐，臨走留意到門口宣傳牌9點後有半價，朋友已經急不及待，約定下星期再來

原來前身係鮮道樂，難怪食店裝潢同之前一樣，雖然改了名，但都係食日式料理，不過價錢就大眾化好多了在門口看完餐牌，就唔諗咁多入去食個晚飯😋天花板好多日本☂️做裝飾，好靚😍係咁二點左幾樣想食既四品刺身盛盒：刺身都好新鮮，大大件好有口感厚切牛舌串：講明厚切，都幾厚身架，雖然厚身，但係好爽口山葵燒安格斯牛扒：牛扒嫩滑，加上山葵一齊食，減卻肥膩感，而且好夾櫻花蝦蟹膏蟹肉炒飯：呢個真係不得了，唔好睇佢平平無其，但係當侍應遞埋黎已經聞到好香蟹膏味，呢碟係會追住食😍Hoegaarder生啤：咁大杯，好抵飲，好吸引

位於元朗的九丁目日本料理，是一間主打親民價格的日本料理餐廳。餐廳走木系風格，有著典型的居酒屋裝修，放有木製餐牌和掛飾，設有二人，四人和酒吧台坐位，更備有一間包廂，方便客人聚餐。菜式的種類繁多，價格相宜，果然是親民貼地的日本小店。由前菜，刺身，沙律，天婦羅，小食，鍋物，烏冬，飯類，甜品，應有盡有，價錢不貴，令我一下子點滿一整桌呢。蝦雜錦天婦羅 $68超超超掋食的雜錦天婦羅呀!一份$68的天婦羅，有三隻蝦和三種蔬菜，炸得很香脆呢。蝦子並不細隻，肉質彈牙，更附有蕃薯，南瓜和冬菇，味道不俗哦。特盛鰻魚丼 $128完整一條大鰻魚! 賣相非常吸引呢。鰻魚雖薄，但肉質軟而嫩，而且細骨不多，值得一讚。鰻魚醬的份量剛剛好，可拌勻整碗米飯，附上蛋絲和漬蘿蔔，盡顯用心。冷稻庭烏冬 $52炎炎夏日，吃碗冷烏冬就最適合不過了。烏冬份量頗大，扁長身的烏冬，質感滑溜溜，沾上用芥末蘿蔔蓉調味的冷麵醬，帶點刺激感，更加開胃。日式芝士年糕 $38軟糯鹹香的芝士年糕，是居酒屋的必吃首選。年糕內裡的芝士餡軟綿綿，小朋友和大人也慾擺不能。牛肉壽喜燒 $98份量十足的牛肉壽喜燒，放滿大量肥牛，真的很豪爽呢! 牛肉吸收壽喜燒的香甜

今晚約左朋友元朗食飯，本來想食返間高級放題，原來已經轉左，改左名做九丁目日本料理，都係食日本菜，所以就照入去試下。餐廳格局同之前一樣，不過食物價錢就大眾化左好多。我地兩個人，點左4樣野。瀨戶風鰻魚炒飯 朋友好鍾意食鰻魚，相反我就一般，但都俾依客炒飯的賣相吸引左!首先， 醬汁鮮色令個飯睇落好有光澤，仲有蛋絲同紫菜，睇落多色彩，而鰻魚甜甜地，皮脆肉滑，份量好多，抵食。芝士焗黃金蠔依個基本上我食親日本菜都會點，依度依個好有水準，生蠔焗得岩岩好，JUICY，厚身啖啖肉，仲有好濃香的芝士醬汁。壽司拼盤總共有18件，一個好有層次的擺法，煥然一新，壽司新鮮大件，抵食。由放題轉左做日本菜都依然美味，仲抵食左，正。

元朗真是一個好地方，街頭小食和餐廳小店特別多，價錢比其他市區來得更化算，的確是平民美食天堂！小編當日想吃日本菜，來了這間九丁目日本料理，這裡的裝潢在元朗來說，算是很不錯，重點是勝價比高！【牛肉壽喜燒】HKD98味道很不錯，牛肉份量不少，香甜的湯頭只吃牛肉和蔬菜感覺很浪費，如有烏冬在內就PERFECT喇！【脆脆沙律卷】HKD62必吃卷物，他們的醋飯相當好吃👍🏻大量天婦羅脆脆和蟹籽堆了在面，中間有沙律醬令整體吃起來沒那麼乾，大人小孩都愛吃，好吃👍🏻【冷稻庭烏冬】HKD52不多解說冷烏冬是什麼味道了！只能說30幾度的天氣特別想吃冷烏冬，喜歡透心涼的感覺，味道蠻不錯，同時提高一下其後的食慾，朋友一下子就扒光了！【火炙三色魚生丼】HKD98一碗滿足你多個願望！一碗滿滿的可以吃到很飽！有玉子、鰻魚、三文魚、油甘魚和蟹籽等配料豐富。【嚴選串燒五品盛】HKD78雞中翼、帆立貝、煙肉車厘茄、冬菇和免治雞肉棒串燒當中，個人比較喜歡雞中翼和帆立貝，你亦可選擇單點一款！【日式芝士年糕】HKD38這是個人最愛，去那都會點咧！年糕成金黃色，外脆內半流心，年糕軟滑，必吃🤤

悠閒既下午食午餐，剛好到千色廣場附近，記這家日本餐廳新開張，便去一試！裝潢很有味道，像置身日本中。🤗洋風香草燒羊扒一上枱便有很香油脂味道，伴有和風野菜沙律，先清新一下口腔，羊扒啖啖肉，配上七味薯角，添加飽肚感！👅神户野菜牛舌炒便當便當的設計很有層次，有湯，飯上面配上味素，味道提升了，中間是主菜，牛舌很大塊但非常淋身，配汁好像炆蘿白的味道，很清甜，驚喜是炸芝士，芝士香濃但不膩，很特別的配搭！😋日本即磨炭燒咖啡午餐可額外加配，咖啡很香濃但不會太苦澀，適合我😍

同元朗友吃飯，不用跨區已有很多選擇. 友人想吃日本菜，提議到這間新開的九丁目日本料理用餐. 餐廳樓底很高，而且裝潢幾和風，是元朗少見靚裝的日本餐廳. 店員安排我們坐卡座，可以外望街景，座位亦濶落舒適~由於近排不想吃生的食物，所以我們都選了熱食為主.巨峰提子梳打冰冰 ($32) 本想要一杯百香果梳打及一杯巨峰提子梳打的，不過當日沒有百香果，故點來了兩杯巨峰提子梳打冰冰~ 事先要求了少甜，這點也做得到. 呷下去是淡淡的巨峰提子味，而且很夠氣，亦冰凍解喝~帆立貝串 ($48/ 2串) 即燒的帆立貝串，醬汁鹹中帶少甜，配上燒得剛好嫩滑的帆立貝，幾有水準~脆脆沙律卷 ($62/ 6本) 大量的蟹籽配上天婦羅脆脆，鹹香惹味，令人吃過不停. 紫芋金栗薯餅 ($46) 一客2件的紫芋金栗薯餅，2人分享就剛剛好~ 外脆內軟糯的紫薯餅，淡淡的甜味中配有有咬口的栗子粒，個人幾喜歡. 蝦雜錦天婦羅 ($68) 一客已有3隻蝦 & 4件蔬菜，很豐富呢! 天婦羅蝦麵衣薄薄的，咬下去是爽口鮮味的蝦肉，沒有油膩感; 至於南瓜、蕃薯也是外脆內香甜~特盛鰻魚丼 ($128) 這客特盛鰻魚丼賣相很吸引吧! 醬汁

係元朗見完客，個客話同我一齊食好野，於是就行左去富達廣場果邊，見到呢間日本料理，舖面好大好企理，就呢間啦。好，睇下有咩好食先。芝士焗黃金蠔，生蠔唔會焗到過乾，咬落有肉地，肉質軟身， 醬汁芝士味濃。厚切牛舌串，牛舌軟而不韌，有少少孜然味，唔錯！月見醬油牛肉丼，醬油味混合肥牛，拌有飯焦既飯粒，係石鍋飯既香味呀，仲有面豉湯送添！食日本嘢點可以唔食壽司同刺身，佢啲魚生好新鮮，而且魚生整片放係飯上面，剛剛遮晒舊飯，一啖食晒，正！帶子刺身就粒粒圓潤厚肉，食落鮮甜。日式芝士年糕，有芝士年糕既地方，我必點，呢度就中規中矩啦，芝士味夠，皮都炸得夠脆。

今日同朋友去千色嗰邊搵食，見到有間新開嘅九丁目，門口大大個紅燈籠咁吸睛，元朗人當然要去試吓啦！地方算大，坐位闊落！牛肉壽喜燒$98湯底清甜，牛肉份量十足，足夠二人享用！北海三味$68海膽甘香，顏色鮮艷，吞拿魚茸和三文鮮籽亦很鮮味！山葵燒安格斯牛扒$108山葵醬有少少辣，配上七成熟牛扒，很惹味！厚切三文魚$78三文魚勁厚身，新鮮肥美！鹽燒雞翼、牛舌外皮燒得很脆，啱晒鍾意香口嘅朋友！人均消費百多元，坐得舒服食物質素也不錯，很難得吧！

開車經過，見到路邊有間設計特別的餐廳。旁邊就有老虎標泊車，好方便。餐廳座位仲可以望住架車食野，安心又放心。餐廳職員好有禮貌好親切。熱辣辣一坐下就點了杯水果綠茶&生啤 ，如果餐廳飲品提供再多點特飲會更加好。去到日本餐廳當然少不了刺生，本人比較喜歡三文魚、北寄貝，所以單叫了三文魚&北寄貝，口感不錯，份量剛好。因有人胃口比較大，所以叫了個牛肉壽喜燒，湯濃、肉鮮，菜也嫩綠。再黎個廣島吉列炸蠔，正！粉不太厚脆口。環境設計比迎合日本風