九丁目日本料理

营业中

休息中

就黎過年，放工後同老公去超級市場買d清潔用品掃下貨，經過九丁目日本料理，老公話請豬食好東西，正呀🥰🥰餐廳佈置融入大量嘅日式元素，天花採用左日本油紙傘做裝飾；成個餐廳望落舒適優美，怡然自得，座位亦算闊落，環境唔錯。選擇種類多，我地叫左小食同一個晚餐，另外老公想食三文魚頭，而豬就想食壽司，叫叫下又唔覺意叫左好多，好彩食得晒，而且埋單4百幾蚊，都幾抵食。炸雞軟骨，酥脆可口嘅小食，唔乾身但又唔會覺得太膩或太油，灑上味椒鹽同七味粉，一粒接一粒，停唔到口🤤牛肉壽喜燒，鹹鹹甜甜嘅醬汁係豬的最愛，有d壽喜燒湯汁比較鹹，但呢度唔會，鹹甜味比例均勻，再加上新鮮嘅牛肉，大白菜，豆腐，菇類，粉絲等，材料豐富。當然唔少得雞蛋一隻，傳統上等材料煮熟，蘸上蛋汁先食，不過我地就放埋隻蛋入去滾，始終喜歡食熟蛋😂三文魚海膽海老丼，三文魚切得好厚身，咬落係一種厚實嘅感覺，肉質鮮嫰有彈性。海膽肥美鮮甜，細滑嘅質地令人回味。炸蝦外酥內軟，蝦肉彈牙爽口，而茄子同番薯都炸到脆脆的。而呢個係set餐，附送味噌湯同滑滑嘅蒸蛋，落埋鮮冬菇做配搭，一d都唔寡。炭火燒三文魚頭，老公最愛。都好多肉，而且魚頭嘅膠原都好多，所以入口非常嫩滑，魚味

今日來到老婆力推的日本料理，試下係咪咁好食。什錦魚生丼，食材新鮮，充料，白飯正常。鰻魚炒飯定食，味道唔錯，唔濕，炒得幾好，如果可以再多點鰻魚就好。軟殼蟹沙律，足一隻，新鮮炸起，無得輸，十分香口，唔油，沙律汁微酸醒胃，十分清新。每個定食都有麵豉湯和啫喱，麵豉湯正常，但俾啫喱有點奇怪，如果可以轉成餐後一球雪糕就更好。今次有coupon平60，正常價，環境唔錯。最後有另一奇怪，單上店名是鮮道樂日本料理， 搜尋openrice是已結業，不明為何貴店改名後唔改單上的店名。

裡裡外外都富有日本風情，感覺置身於日本。香港貴為國際大城市，要食盡各式美食亦非難事。而今次深入元朗小街一嚐此家日本餐廳。最先被我所吸引是門面設計，富有日本特色，再上前查看一下餐牌，價錢亦非常親民，就一於去試。油甘魚刺身: 刺身方面，只點算了一款油甘魚刺身。厚切且新鮮，推介！脆脆沙律卷: 首先一上碟已十分吸晴，感覺沙律卷上的脆脆如潮水般擁出，味道又出奇地的好味。沙律蟹柳配上脆粒及蟹籽，每口都索索聲，是全晚最驚喜之作，必定要試！厚切牛肉串: 牛肉串牛味香，表面稍有點濕潤，不過啖啖肉，不過個人較貪心，若能再厚一點就更滿足啦！牛肉壽喜燒: 壽喜燒是日本火鍋的一種，此除了配有牛肉，亦有大量蔬菜、豆腐及粉絲。醬汁的甜度亦剛剛好，令牛肉香之餘，湯的味道適中，推介！燒雞翼串: 雞翼味道不俗，讚！皇帝蟹棒壽司: 尤其欣賞其蟹棒是極大條的，juicy之餘，入口感覺一流！清酒煮大蜆: 大蜆數量多，肉夠厚，加入清酒煮有辟腥作用，是一般愛好淡味的煮海鮮方法。若能再多加小小檸檬、香菜如芫茜蔥花，更帶出海鮮原有的鮮味，令湯更甜。不過料足，亦十分讚！三文魚軟殼蟹卷:三文魚軟殼蟹卷不是什麼特別的款式，但仍是令人歡喜的配

難得聽日放假 一於相約好友吃宵夜 九丁目是一間日式料理餐廳 有美食提供之餘 仲有啤酒飲 是一個聚腳的好地方 餐廳環境坐得舒適舒服 充滿日式風格 有點兒像日式的居酒屋價錢唔貴 非常親民又大眾 有丼物，沙津，鍋物，壽司，刺身，燒物…… 好比一些大型連鎖餐廳的選擇還要多 而且份量足叫左個赤三貝壽司，當中有赤貝壽司，北寄貝壽司同帶子壽司帶子壽司好鮮甜，好新鮮北寄貝壽司，口感好爽，冇雪味，清甜三文魚好大件，好肥美，油脂適中，一啲都唔腥廣島吉列蠔， 即叫即炸熱辣辣，炸得好薄皮， 而且好脆口，有蠔味，又多汁雞肉棒，燒得一D都唔乾身，啖啖肉，口感好滿足，加埋餐廳自家製嘅醬汁，非常惹味岩石燒小牛排，肉片油脂均勻，放上石板燒一陣就可以食，口感入口即溶，牛脂豐富， 厚薄度適中，唔會太薄，相當有咬口煙肉帶子串燒，口感特別，外面有兩塊煙肉包住粒帶子，煙肉又鹹又香，配上清甜嘅帶子， 味道原來可以咁夾最後叫左個山葵燒安格斯牛排，6成熟，食落去唔會韌，肉汁鮮嫩，仲有沙律菜，個牛排加埋表面D醬汁一齊食，非常開胃

在元朗收，同事說去九丁目食日本料理。此店在富達廣場外圍。晚餐套餐有7個選擇，我們點了岩石燒牛小排，用小石板把牛小排燒熟，自選熟度。跟餐有紫菜珍珠飯，味噌湯，日式蒸蛋，三點剌身（三文魚，帶子，甜蝦）和甜品。另一個點了火山丼，好豐富，又有海膽。跟餐有味噌湯，日式蒸蛋，三點天婦羅和甜品。再點一份嚴選串燒五品盛（雞中翼，冬菇，帆立貝，雞肉棒和煙肉車厘茄），車厘茄很特別，茄汁在口裏爆發。最後是紫芋金粟薯餅，紫芋味濃。

元朗真係好多美食，我同朋友每個月都會約見一次，每次都會想搵間環境同食物都性價比高既地方，今次就簡左呢間門口已經好靚既餐廳。佢分別可以比你簡坐出面定入面，呢d涼爽既天氣其實坐出面飲下酒傾下計一定好舒服，但我同朋友都唔食煙，所以都簡左坐係入面。攞起餐牌個下其實都好驚喜，好小可見日本餐廳既價錢可以咁優惠但環境又可以咁好，仲有好多特別既食物選擇👍🏻無論刺身，壽司，炸物，鍋物，丼物，料理，磯燒，黑毛豬，串燒都有，基本上你想食既日本野都有，真係好多野簡👍🏻我同朋友見到沖繩冰鎮蜜糖苦瓜都異口同聲一定要點，好小可香港有咁特別既食物，果然不負我地所望,好得意👍🏻我地兩個都係好鐘意好多種類食物既人黎，我地壽司都點左鮮帶子壽司同蟹籽沙律壽司都好好新鮮👍🏻而天婦羅都好岩我地口味外軟內脆👍🏻我好推介一定要點個炭火燒河豚干，真係好好味👍🏻我地仲點左個串燒五品盛，幾好好岩我地呢d鐘意樣樣試小小既人👍🏻同埋我地仲點左個櫻花蝦蟹膏蟹肉炒飯，都唔錯最後仲叫左個甜品蘋果雪葩，絕對推介都要叫埋，好清新又唔會太甜好有蘋果味👍🏻👍🏻兩個人咁樣食法都係4百幾蚊真係好抵👍🏻想同朋友輕鬆傾計食好西，呢間絕對係不二之選👍🏻

環境裝飾以木色為主調， 以木製餐牌作掛飾 ，格調優雅， 樓底相當高， 座位舒適 ， 好有日本居酒屋風味， 餐廳外面設有露天座位， 提供客人選擇。軟殼蟹籽手捲 兩件$52軟殼蟹炸到香脆可口， 被脆脆的紫菜包住，配上卜卜脆蟹子、wasabi、青瓜絲和沙律醬，入口清新和豐富 ， 沒有油膩感覺。厚切牛舌串燒$48牛舌厚切， 燒到油光亮澤，灑上鹽粒調味，金黃色而焦香，肉汁Juicy ，柔軟而帶嚼勁的質感，令人滿足。芝士焗黃金蠔(兩隻)$62黃金蠔身完全被滿滿半溶芝士蓋著，十分吸引，没有過度燒烤，咬下去蠔汁在口中爆開，鮮味而有彈性，混合埋半溶芝士和滿滿的沙律醬， 酸酸甜甜， 舐舐脷爆燈。日式芝士年糕(三件)$38芝士年外皮又脆又薄， 炸至金黃色， 熱呼呼， 令人垂涎， 中心填滿半溶芝士， 軟糯鹹香 ，滑溜美味。大阪風半熟牛肉湯烏冬$78烏冬爽口彈牙，份量多，吸收了豬骨甜湯，味道香甜， 用筷子叉開半熟流心蛋， 金黃的蛋黃， 美味滑溜， 牛肉薄切 ，入口滑溜 ， 十分享受。 火赤三文魚三色丼(三文魚、鰻魚、油甘魚) 配味噌湯$98三色丼飯，材料豐富， 三文魚和油甘魚， 表皮有微微的火炙焦香， 魚油被迫

早排見到Openrice呢間餐廳做緊優惠，加上見評論都唔錯，就諗住去試下。刺身方面，叫左個三文魚腩刺身，價錢唔算貴，但質量好好，好肥美😍 切得好厚身，好鮮，腩位揀得啱啱好，每一舊都好爽口😍壽司方面叫左個火灸三味，顧名思義即係三款火灸壽司😍 有京蔥三文魚、汁燒三文魚同鰻魚！壽司飯唔會太硬，壽司醋味適中，唔會太酸！小食方面，就有燒三文魚頭同茶碗蒸。茶碗蒸中規中矩，都幾滑，配料好充足☺️ 三文魚頭燒得好香，肉質都滑，唔會太咸，調味啱啱好！

呢晚放工同女朋友去左九丁目日本料理食飯。第一次來咋, 個佈置都幾靚。佢有d set dinner既,我見佢有湯有主菜有天婦羅有茶碗蒸再加甜品,好抵食,就試下。呢個係火山丼,有海膽,三文魚,蟹肉,吞拿魚,蝦籽,三文魚籽,滿滿的, 好豐富同埋佢唔似出面d 丼飯咁,望相就好爆好滿,但其實係因為碗飯好細。呢度就唔同, 真係大大碗, 海鮮又勁多。真係好滿足。呢個就三文魚海老海膽丼,蝦好大隻好甜, 三文魚好肥美, 海膽份量都唔少!總之都係滿滿的。餐跟三點天婦羅,有南瓜蕃薯同海老, 新鮮炸起, 炸漿厚薄剛好,好食。日式蒸蛋, 好滑,好似布甸咁滑,仲有原粒冬菇。餐仲有湯同甜品,但無影相另外因為天氣凍,我地叫多個牛肉壽喜燒。配料份量都好足好多,味道都唔錯, 天氣凍食熱辣辣野,

今日來到元朗千色店附近， 見這間九丁目日本料理門外有客人等位，估計質素唔會差，再見午市套餐價錢唔算貴， 裝潢又新淨， 於是便決定試下。午市套餐選擇好多， 還可以以特價追加小食。我們選擇了極上壽司定食，壽司有8件，包括 三文魚， 油甘魚， 海膽 ， 赤貝， 玉子， 鮮帶子， 吞拿魚腩蓉卷 。 海膽壽司， 海膽有回甘味，可惜只得一件。三文魚夠大件，和油甘魚一樣 ，都新鮮。 吞拿魚蓉口感滑溜，味道清淡。 赤貝壽司則爽口好吃。另外， 味噌湯唔錯， 材料有豆腐，昆布和洋蔥 ，不太鹹，有鮮味，熱辣辣，值得一讚。 套餐還包括 手打烏冬， 酸酸甜甜嘅青檸啫喱，和飲品。 網燒西冷牛扒定食，西冷牛扒份量適中， 切片上桌，八九成熟，有沙律菜伴碟。 牛肉口感 較乾， 但混合燒汁一起吃剛好。 至於套餐的珍珠米碗飯，配上海苔和芝麻， 香口惹味。最後來杯香滑即磨咖啡，十分滿足。 心想下次一定要來試一試這裡的刺身。

今晚和有人在元朗閒逛見到一間裝潢日式的門面，於是興起想食日本料理。餐廳寬敞而且餐桌佈局都妥善。好彩我和友人比較早到，職員能夠安排到靠窗邊的位置，而且後到的客人亦會先被安排靠窗邊的位置，可見餐廳職員在安排客人座位上也做足心思。食物方面，炸雞軟骨好抵食，入口爽脆之餘唔會太多粉。鰻魚壽司多汁厚鰻魚而且飯量唔多 比例剛好。三文魚軟殼蟹卷賣相一流，顏色奪目之餘而且用料都好足。刺身方面要試試三文魚腩，厚厚的肉肉簡直是大滿足。再來打卡壽司拼盤，岩曬有選擇困難症的我和友人。加上壽司拼盤包含的款式很多，可以一次過嘗試不同的壽司類型。芝士年糕也沒有令我失望，外脆內流心拉絲，不得不試。

這間日式料理環境較寧静，與車水馬龍的元朗大馬路感覺截然不同。我和朋友點了一個九丁目四色刺身丼套餐，抵食，有三文魚、鮮帶子、海膽、三文魚子，全部新鮮味美，而套餐還包括了味噌湯、日式蒸蛋、三點天婦羅、甜品，價性比高。另外單點了一些食物：牛肉丼用石鍋盛載，熱騰騰配以入味的醬汁牛肉，是令人吃多幾口飯的原因，將蛋混合牛肉飯，更加提升美味指素。芝士焗蠔的沙律醬混有蟹籽，是有心思的製作。串燒五品盛其實是雞中翼、冬菇、帆立貝、免治雞肉棒、煙肉車厘茄，是把酒談歡的不錯選擇。吃飽了，正打算結賬時，朋友發現這裡有沖繩の鹽雪糕，所以我們還是用了另一個胃去盛載加點的兩個雪糕，讓這餐晚餐劃上完美句號。

趁夜媽媽西菁街靜靜地，同個friend 搵間居酒屋食下燒物吹下水就最啱。火炙魚生丼火炙三文魚，油甘魚，仲有鰻魚，筆者最愛呢種煮法。配上少許鰻魚汁同日式醬油，味道更佳。串燒五品盛有五大串串燒：雞中翼，冬菇，帆立貝，免治雞肉棒，煙肉車厘茄味道還好，但雞中翼感覺有點燒焦了帆立貝都幾有鮮味呀脆脆沙律卷原本仲以為係蛋糕個種脆粒，點知原來係天婦羅炸粉整成脆粒，上面再加d 沙律蟹柳同蟹籽。口感好crispy，真係好邪惡！咁都俾佢地諗到。So Evil !!!!!俾埋個餐牌大家參考吓

大胃口嘅我，想食日本野，於是叫咗個一人前套餐！岩燒黑毛豚肉整好左勁大塊岩板任我燒，塊塊豚肉都燒到金黃色先食(當然都要睇下各位食家既技術喇)豚肉應該係腩肉位黎，所以都幾Juicy仲會有碗海苔珍珠米，不過d 飯有點怪怪的。茶碗蒸前菜仲有個茶碗蒸，不過味道比一般既會濃少少，能否接受就要視乎個人口味了。跟餐仲有三文魚，甜蝦同帶子，一次過滿足哂食客對日本菜既需要土佐木魚豆腐外面鬆脆內裡軟滑，加上醬油浸泡，味道好出色跟餐既啫喱但最唔理解就係點解店員們成日係度傾計，舉左手好耐都冇人理，明明就冇乜野趕緊

入元朗探朋友，梗係順便搵好嘢食，元朗好多日本料理，呢間九丁目，地方寬躺樓底高。好，入去坐低睇吓有咩好食先。叫完嘢食，店員送上兩碗熱辣辣嘅麵豉湯，天氣凍好啱飲。帶子甜蝦刺身，刺身好新鮮，帶子大大粒夠圓潤。芝士焗黃金蠔，必食，除左蠔肥美，個芝士好濃味，醬汁仲有蟹子係入面。免治雞肉棒，咬落好彈，啖啖肉。芝士年糕，經常食芝士年糕嘅我，呢度算數一數二，外皮又脆又薄，裏面厚厚芝士，正！滑蛋豬扒飯，好大塊炸豬扒，炸得脆卜卜，仲有滑滑蛋，個飯一D都唔dry！火炙三色丼，有鰻魚、火炙三文魚、蟹子，都係我鍾意食嘅，每片魚都厚切，飯量足夠。