麗莎餐廳 (已搬遷) 新店位置

今日下午嘆黃金組合 鷄脾沙律 同 麗莎西多, 脆卜卜的鷄脾配冰凍的沙律, Juicy 得嚟又唔溜!    入口即溶的西多, 加埋凍檸茶, 腦海演奏出 "小小的宇宙,小小的宇宙, 歡欣的宇宙,蹦蹦跳, 哈哈笑,是我小時候......二份懷舊餐,回到過去, 美好回憶, 盡在不言中! 真的食過返尋味!

做飲食係辛苦錢朋友介紹這間，毫不起眼的茶餐廳原來內有乾坤。私底下原來係玩私房菜只要我哋出咩價錢和他商量佢就可以做出驚天動地嘅美食給俾我地喇。中又得西又得。幾個老友去踩下場，早一兩日已經通知咗佢。話我哋四個人每人$300由佢發板。即$1200。我先去到，未見他今們，所以先黎杯凍O茶小田，不錯茶味香，夏天消暑良品。朋友來了，他們想喝啤酒，但餐廳沒有酒買。老闆不介意我們到7仔買回來。上菜喇，有野食蒜蓉蒸扇貝正剛剛熟，很厚身，吾韌有咬口。蒜蓉不會過多搶了扇貝鮮味。豉油王炒蝦碌我最愛，很新鮮、很彈牙，很乾身香味十足。蒜頭豆豉炒聖子豆豉的香味加上青椒洋蔥的甜味，配搭海鮮或肉類都惹味非常，這次用來炒蟶子，更可帶出蟶子的鮮甜味呢。蟶子很鮮很彈牙。清蒸石斑約一斤多些，很厚身，蒸到剛剛熟剛離骨，雪白的肉質既厚又爽滑，加上魚皮柔韌，味道濃郁鮮美。新鮮既魚清蒸係最正。蜜餞牛柳粒燜薯仔這道菜彷彿帶有神奇魔力，令一眾「食肉獸」變身「薯仔獸」，甫端上桌便一窩蜂把薯仔夾進碗裏，不消一秒又舉筷，向來受歡迎的牛柳粒頓時變成配角。蜜糖薯仔甜脆，加上青椒洋蔥，黑椒牛柳微辣，飲番支冰凍啤酒。足以令你講聲 “正”。椒

今天突然想轉下其他餐廳一試，行經麗莎餐廳於是入內一試，服務員落單面對電腦離遠落單，並不是面對顧客下單，近期也很小見到其他餐廳有這樣的情況，另外將近1115時員工進食午餐時在場內非常小人的情況下，員工竟然選張卡位有人客用餐的座位去進食，相信這些最基本的服務態度無可能不懂，而食物上也是無誠意的制作，麵餐湯底無味，餐包無温度硬食，所以場內不太多人光顧也是有原因的，相信不會再光顧他們，近期生意難做，如自己也不進步，只有等摺。

佐敦寶靈街一帶，多間小店，中午時段，速食多選擇，但奇怪的是，每條街旺、靜情度，各有偏差。尤其這條庇利金街，有日陪朋友去買瓜子，看到這間麗莎餐廳，第一感覺便想起Liza姐，未知這間Liza 姐的熱咖啡會如何呢！反正兩個人，於是入去試試吧！為你飲，熱咖啡，為你斟到瀉⋯⋯由於佐敦選擇多，中午一時許飯市時段，卡位坐滿，但仍可二人共用一張卡位，在中午時段來說，未算爆滿，我們兩位很快便安排位置。店內可看到㕑房大哥，即點即做，方便店員和㕑子溝通。驟眼一看，牆壁上寫著”型男索女餐”於是朋友口快快說:型男，我要一個型男⋯⋯餐！高大的男店員，聽了型男，笑了，筆者也隨即笑了。原來豬扒腸仔炒蛋福麵代表型男，而炸魚沙律烏冬代表索女，哈哈！有意思！朋友口快快點了型男，老實說，筆者就沒有勇氣點個索女了⋯⋯於是筆者打開餐牌，為免選擇困難症上身，點了精選午市套餐，唔使諗，方便快靚正！型男餐$40~包括:豬扒腸仔炒蛋、福字麵、蒜蓉多士半份。現在越來越少茶餐廳有福字麵選擇，聽說由於來貨貴，很多茶餐廳更改福麵都要加錢，有些還比一丁更貴，所以這裡有福麵餐，筆者可喜，於是我們決定兩個餐一齊. “些牙” 吃！豬扒做得鬆軟腍身，炒蛋

正所謂早起的鳥兒有得食， 今早比想像中起身， 所以帶埋阿仔一齊出街食早餐， 喺佐敦地鐵站出口附近行過 麗莎餐廳， 感覺好似好西式， 就決定 同阿仔入去食早餐。早餐款式都有幾多選擇， 我就揀咗煎雞扒、荷包蛋併通粉 加凍檸茶， 雞扒煎得恰到好處，保持雞肉滑溜， 凍檸茶頭普普通通。 阿仔就叫咗 沙爹牛肉公仔麵拼香腸炒蛋， 可跟奶油豬仔包一個 及一杯熱可力， 沙爹牛肉略嫌韌咗少少，公仔麵正正常常， 呢個餐唯一可以讚嘅就係個奶油豬仔包， 質素拍得住連鎖式茶餐廳， 好好味。

42蚊個下午茶炒粉面餐已經唔算平叫左個乾炒豬扒烏冬炒到出黎豬扒得3舊仔 烏冬得半個叫個老闆娘黎睇 居然講下午茶餐係咁架喇今次我真係眼界大開就算冇野食 我都唔會再幫襯呢間係咁架喇餐廳

茶餐廳，逼囉，人多就麻煩。特餐C+香煎雞扒+一口吞拿魚煙肉脆豬。雪菜肉絲米粉：預期之中嘅普通味道。香煎雞扒：剛剛熟，調味又幾好。一口吞拿魚煙肉脆豬：脆豬同配料夾得啱啱好，剛剛上枱時 ，脆豬真係好好好脆，不過放耐咗就 . . . 之前已經試過麗莎嘅焗飯(大份好抵食)，咖哩飯(份量少啲，但味道都OK)，小炒(平均味道都OK，炒蛋夠滑)，烏冬(唔係日式湯底，差不多價錢，不如去隔三、四條街四國)不過，有時候麗莎質素不穩定，特別係早餐時段。

來過麗莎好幾次，它的水準屬中上，環境又挺乾淨舒服，值得推介。平常自己多會點茶餐，偶爾試試友人點的碟頭飯，覺得每次味道都不錯。這次一個人，見到有乾炒叉燒河，很邪惡但忍不住點了（笑）。河炒得有鑊氣，叉燒大大塊，肥瘦適中，絕不是餸頭餸尾才拿去炒那種，份量挺大，絕對能滿足喜歡乾炒河的人。茶走也一直覺得甜度合適，其他地方很多時不夠甜或太甜。記得有一次不小心遺下電話在店中，2小時後才記起，回去取時見到他們比我更著急，又說一直在等來電，見到物主對了單，便交還給我，這份真誠非常難得。

呢間嘅沙嗲牛肉真係無得頂，味道濃郁肉質嫩滑，所以特餐A係必然選擇，每個星期都會幫襯一次，為嘅就係佢嘅沙嗲牛肉公仔麵，加上跟餐嘅香煎雞排同蒜蓉多士都有水準，令我食整唔厭。

星期六，朋友約食晚飯……由於我倆都偏好食海鮮，又想有多款海鮮種類，所以我哋去咗麗莎餐廳，我之前已經有同其他朋友試過去食嘢，🍲中菜同🍝西餐廚師都煮得好好食，老闆非常細心，幫我哋設計咗2人海鮮大餐🦀，兩個人可以食9個菜式，而且海鮮十分新鮮美味，還有無味精的🍜青紅蘿蔔靚湯，簡直十全十美，好似去咗食私房菜咁🤗，朋友都讚回味無窮。🤓有興趣食海鮮嘅朋友，可以提早打去餐廳，通知老闆落定order😀。

落左個餐跟住叫野飲,要熱奶茶少奶...呀姐一路聽一路行走左去入單,見倒佢同另外一個員工講完野之後果個員工對住我笑點知佢返來同我講"糖要自己落"真係O晒, 你未聽晒就走左去, 聽唔清楚又唔問,落單果時應該仲係同另一個員工講返我個order取笑我咁都諗住算喇點知呀姐加多句"你話少甜呀嘛"呀姐冇野呀?你第一日返工定係當我第一次叫野食你知道聽倒既唔合理, 但係唔即刻問返我, 落完單先答返我, 咁者係落單估估下而且仲要屈個客向你落奇怪order...比呀姐搞到我成餐食野都冇味道, 早知要個平既餐佐敦大把野食, 唔係一定要食你呢間最後都要附返張圖, 雖然証明唔例以上屬實, 但係至少証明有白白浪費過$58

一個字，！每次聚餐都會選來麗莎餐廳食，朋友們一致都喜愛這裡的食物。口味地道，水準保持不變！今晚有幸試到甜品：麗莎多士，焦糖燉蛋！肚仔飽了都要試這些甜品。每次必點的:蜜椒雞中翼。另推介，椒鹽新鮮鮮魷，蒸魚，黃金蝦，仲有咖啡紅豆冰...等等。

我今次嚟食咗茶餐!!我都唔係第一次嚟嫁啦!! 佢啲嘢食都好好味，仲多咗食物種類佢嘅奶茶都好味👍🏻用熱瓷器杯水實屬難得,久別的味道!雖然菠蘿油件牛油有啲細,不過都夠了，健康啲呀嘛有好多選擇既茶餐廳,值得繼續幫襯

我們一行四位靚太出來食飯傾計。其中一位介紹這間餐廳。因為地點好，係地鐵站對面，選擇也ok, 又坐得耐，食物都有誠意，亦不貴，仲可以book 位。一坐低大家被鐵板餐吸引。最後，三太食鐵板，另一位怕熱氣，食了烏冬。鐵板餐的薯菜都有誠意，老闆話係自制薯角。最後order 了西冷牛 (5乘），豬扒及雜扒 （豬，雞，司華力腸及煙肉）最快是雜菜烏冬，果然不是推介，也是平凡的一碗，可惜偏咸。跟著先來牛油多士及餐湯。薄多士，但塗滿牛油，焗得剛剛好，咬落有回到舊式冰室的感覺。之後鐵板猪先上場，配燒汁。燒汁顏色一般，無驚喜。但有兩塊大大的猪扒，容易切，入口也不硬，煎得不錯，保留了肉汁，真的不錯。接著是雜扒配黑椒汁，賣相不錯，雞扒也煎得很霖，不會煎到乾曬。最後是西冷5乘熟配洋蔥汁，我們也在想，這裡只是茶餐廳型的西餐廳，怎會幫你做5乘熟，怎知朋友切開，外面熟，中間是粉紅色，但沒有血汁。廚師的技術不錯，煎的剛剛好。兩大塊，真的抵食。朋友說也不硬。整體食物滿意，而侍應服務很好。因我們坐足成晚也沒有給我們壓力，走是還和我們吹水。咁先係有心的餐廳。今晚真係滿足既為食又多言的靚太們！

點了二人套餐，有風沙雞，牛柳粒，湯，飯，飲品，總共160兩個人食到好飽。蝦片炸得香脆，雞雖然肉質唔算好滑，但皮脆，都算滿意。服務態度都幾好，如果有機會會再光顧的。