麗莎餐廳 (已搬遷) 新店位置

正所謂早起的鳥兒有得食， 今早比想像中起身， 所以帶埋阿仔一齊出街食早餐， 喺佐敦地鐵站出口附近行過 麗莎餐廳， 感覺好似好西式， 就決定 同阿仔入去食早餐。早餐款式都有幾多選擇， 我就揀咗煎雞扒、荷包蛋併通粉 加凍檸茶， 雞扒煎得恰到好處，保持雞肉滑溜， 凍檸茶頭普普通通。 阿仔就叫咗 沙爹牛肉公仔麵拼香腸炒蛋， 可跟奶油豬仔包一個 及一杯熱可力， 沙爹牛肉略嫌韌咗少少，公仔麵正正常常， 呢個餐唯一可以讚嘅就係個奶油豬仔包， 質素拍得住連鎖式茶餐廳， 好好味。