丼瀛 (已結業)

其實今日係我第一次嚟食，真心有驚喜，真係勁抵食又勁好味呀！！！唔單止係好味，服務態度仲超好，仲要訂位超方便，就算事前冇book定位，嚟到都唔洗排長龍！！本身好肚餓，估唔到啱啱坐低仲睇緊menu嘅時候，店員就已經送埋前菜嘅麻醬沙律、麵豉湯同埋茶碗蒸過嚟啦！入面播嘅歌都超好聽，仲好多唔同version。呢個質素，再加呢個價位，仲要有得折，講真嗰句我真心搵唔到其他舖係一樣咁好！超級正正正正正呀呀呀呀呀！

好消息：丼瀛搬新店啦！店堂更寬敞，環境更舒適。服務超級暖心的丼瀛，一入到就有賓之如歸，顧客之上感覺。剛好是lunchtime ，有多款定食可選擇。我們一行二人選了汁燒安格斯肉眼扒；西京銀雪魚。定食有餐前餐：沙律、蒸蛋和味噌湯，還配有一款小食仲有杯餐飲添，相當之豐富喎。蒸蛋好滑有冬菇、蝦肉等足料又好咪。沙律新鮮健康又開胃。安格斯肉眼扒；燒汁滲入牛排內，牛肉味濃郁齒夾留香。銀雪魚火侯剛好，內嫩外脆，油而不膩。小食炸餃子也相當不錯。店家午市推出8折優惠，性價比非常之高，是午餐最佳之選👍

友人係觀塘返工，經常會介紹我食好嘢，之前介紹一間在中海日升中心1樓「丼瀛」，今日在附近做完嘢就上去食個午餐先，裝修光猛，地方乾淨，坐得都舒適🤗。叫左個午市套餐-刺身定食前菜是-味噌湯，內有昆布同豆腐，味道剛剛好。-沙律，蔬菜新鮮。-茶碗蒸蛋，內有冬菇、蟹柳同肉粒，蛋蒸得滑溜😋。-刺身非常豐富，買相亦都吸睛，三文魚、油甘魚、吞拿魚、甜蝦、玉子、帶子各2片，仲有魷魚🦑，刺身厚切而且夠鮮味，三文同油甘魚嘅油脂豐富，可口而且香滑，加埋入醬汁連白飯一齊食，真係大滿足啊！最後仲有餐飲，完美🥰！

今晚想食日本野又去開觀塘，行下搵下有乜食之後就搵到e到食飯啦，位置有d偏。。。。不過都搵到ge！去到好彩唔洗等不過都有番咁上下人喺度食緊野，門口同店都好黃本身就咁坐一張二人枱，不過見我哋湊住好多嘢所以就俾咗個卡位我哋坐服務非常好！店員有禮貌！有串燒，有壽司，有刺身，丼飯。。。等等！最後一人叫左一個丼飯，加個吉列蠔幾新鮮好食！飯又大碗食到好好好飽！魚生好食，魚子都好食唔會有腥味有機會一定要再去食過！

又黎到觀塘既食飯時間,今日同事又捐窿捐罅帶我食好西,今次係一間性價比幾高既日式餐廳,午餐有好多款選擇,海鮮丼都佔足2頁餐牌.花刺身丼內有既款式都幾多,一共有10款咁多.魚類刺自佔大部分：三文魚,劍魚腩,針魚鯛魚,赤身等等.魚類刺身雪溶得夠唔會咬落過冰,入口無腥味,𠆫質感富有彈性,三文魚帶淡淡魚油香味.帆立貝肉身都幾厚,入口甘甜.甜蝦雖然細細條但入口同樣鮮甜.蟹籽同蟹肉加起黎令刺身丼更富海洋既鹹味,食完夠晒滿足.燒餅棒係lunch set可選既小食之一,類似係厚身版既大阪燒咁.入口唔會成口粉漿令你好,內裏有大量椰菜絲入口爽脆,燒餅底軟綿.加上燒汁酸酸甜甜同木魚絲更香更香胃.茶碗蒸既蛋漿夠滑溜但高湯味可以更濃就更香.銀雪魚乾好有居酒屋既感覺！烤得夠晒薄脆既雪魚乾入口好脆,味道帶陣陣鹹鹹地又帶甜既香味,作為小食真係十分惹味.再沾上加左七味粉既蛋黃醬就更有風味食落無咁單調.

今日約咗朋友去觀塘食飯，好想食日本嘢，上網search下，搵到呢間黃店喎，梗係去試吓啦！到咗餐廳，充滿黃店嘅氣氛，連音樂都好有feel，好好聽！睇吓餐牌先，選擇都好多喎，價錢屬於中上。午餐包括沙律，湯，餃子，飲品。我地點了兩個午餐。雞柳石鍋飯- 材料十足，份量偏大，熱辣辣，加上飯焦，好嘢味。丼瀛特選多丼 - 賣相已經好吸引，材料很新鮮，份量十足，呢個價錢食到新鮮的刺身，不錯的選擇。餃子 - 剛剛煎好，香脆👍🏻日式蒸蛋 - 材料很多，剛剛蒸好👍🏻沙律很新鮮，醬汁很開胃。麵豉湯，就和一般的差不多。飲品 - 百香果梳打巨峰提子梳打很清新，消暑一流，不會太甜，亦沒有藥水的味道👍🏻整體感覺不錯，高質食物來說，價錢可以接受，餐廳氣氛很好，服務員態度友善，食物質素高，值得一試👍🏻👍🏻👍🏻

喬遷之後的丼瀛，在觀塘駿業街56號中海日升中心1樓，交通方便，店堂寬闊舒適。主打各式日本料理的丼瀛，lunch時段有多款定食選擇。壽司定食：壽司8件卷物4件還配有沙律、味噌湯、蒸蛋、烏冬及餐飲。沙律：蔬菜新鮮，大大碗伴上麻醬，非常開胃；壽司：種類多，有三文魚、油甘魚、帶子、北寄貝等，可以品嚐到不同口味，我致愛三文魚壽司，油脂豐厚，甘香可口；味噌湯：清淡夠健康；蒸蛋：多料，入口滑順，好好味；鳥冬：幼滑細膩，濃底香濃，味道一流。150有找可以吃到豐盛又美味的日本料理，值得點赞👍！

之前食過一次，最近見佢搬左舖，地方大左坐又舒服。店舖入面貼左好多便利貼睇到好窩心。特上浦燒原條鰻魚爆丼 $148一上枱嚇親我，勁大條鰻魚，鰻魚燒得好香，啖啖肉，無骨，加上燒汁好香甜勁好送飯。豚肉串燒 $48豚肉肥瘦適中，油脂豐富，燒得香口。金菇肥牛卷 $28金菇爽口，肥牛好濃郁牛肉味，令人一口接一口。油甘魚壽司 $56油甘魚肥美，油脂幾香。串炸摩天輪 $168一共有5款炸物，甘栗紫薯餅，牛肉薯餅，吉烈廣島蠔，炸蝦，炸蟹鉗。炸物炸得香脆，粉漿薄身，唔會好油膩。我最中意甘栗紫薯餅，粒粒甘栗嫁，紫薯好香甜。炸蝦都幾大隻爽口。

餐廳：丼瀛 (觀塘)地址：觀塘駿業街56號中海日升中心1樓B號舖丼瀛7月中由榮昌工業大廈搬咗去中海日升中心，依家已經重新開業喇😍，絕對係黃絲們同愛日本菜嘅人嘅天大福音👼🏻，不過住完少少嘅人就可能要專程過黎觀塘食喇，我呢個忠實fans緊係要去幫襯下啦估唔到去到新鋪之後一樣咁黃咁吸引😆，除咗有好多打卡位同文宣之外，仲多咗好多蘋果日報連儂牆喺牆上，唔知你今日又買咗未呢🍎？丼瀛特上築地壽司杯 $248壽司杯一客有七杯，一黎到果陣我同朋友都嘩咗聲😍，實在太吸引喇！真係唔影低都對唔住呢個壽司杯😆。除咗有赤牡丹蝦之外🦐，仲有三文魚腩🍣、芥辣八爪魚🐙、蔥吞拿魚腩、三文魚籽配帆立貝、松葉蟹二本爪🦀，同海膽☺️，係唔係望見都好想食呢？黑豚肉生薑燒配燒餅棒 $78呢個黑豚肉真係頂吸惹味好食😍，唔係講笑，個汁調教得岩岩好，仲有洋蔥🧅、冬菇、紅蘿蔔絲🥕等配料，撈飯食一流🍚；另外仲有兩舊燒餅棒，味道有啲似章魚燒每個餐都跟一個茶碗蒸、沙律🥗、味噌湯🍲，另外仲可以加錢配特飲，我就叫咗個巨峰提子梳打🍇(+$8)，朋友就叫咗個八香果梳打(+$8)，顏色望落都已經夠哂吸引🤩值得一提，經Openrice訂位，8月尾週六日仲有指

這次在觀塘附近工作完，想吃點東西在附近逛逛，看到店舖人流不算多不用等位，就決定進去吃個午餐吧。店舖燈光柔和坐位挻多，而且看到有消毒餐具機，令到食客更放心使用🤭。💥西京燒比目魚定食配白飯 HKD$98，一份有兩條比目魚，外皮被煎到有點脆身而且還帶點油份。魚肉肉質剛好不會太韌。不過有點骨頭吃的時候要小心一點，另有沙律菜拌碟來去除油膩感🤭。💥吉到列豬扒定食配拉麵 HKD$78 ，豬扒被切開上碟所以更方便食用😆，豬扒肉質腍身不太韌，這個也有沙律拌碟🤭🤭。跟餐的拉麵有很多配料，麵質軟合適中。跟餐有小食可以三選一，我們選了精選刺身(4切)和炸餃子(3隻)。隨定食會附送味噌湯/沙律/蒸蛋/甜品/飲品，食物質素和性價比不錯🤤。食物份量挻多的，味道不過不失可以接受。

今日下晝約咗人係觀塘嗰度做嘢就諗住做嘢之前喺附近食個靚飯先，行吓行吓就見到一個叫做中海日升中心嘅物體，好似好多嘢食咁，今日我嘅心情想食日本餐廳於是就揀咗呢一間叫做丼瀛嘅餐廳，門面非常之吸引我，大大隻字寫住5201314好可愛🤣估唔到已經係2:30都仲咁多人幫襯再仔細睇吓原來佢而家午市無論你係堂食定係外賣都仲係做緊八折嘅優惠門口有個探熱機會幫你先睇吓你嘅體溫正唔正常然之後再提供埋呢個酒精搓手液比客人去消毒雙手以確保衛生同安全單單係午市嘅套餐就已經有咁多嘅選擇🤩三心兩意嘅我都唔知食咩好於是乎就向店員叫佢哋推介下有啲咩係必食過真係好食嘅店員就介紹咗我呢一個叫做築地壽司杯嘅套餐一上枱我都哇左聲成個午市定食非常之豐富同埋精緻前菜已經包括左麵豉湯茶碗蒸同埋沙律茶碗蒸裏面嘅材料亦都好豐富而且蛋味好香蒸得好滑沙律菜亦都好新鮮刺身非常之新鮮而且呢一個套餐可以品嚐到各式各樣唔同品種嘅魚生當中包括有三文魚海膽魷魚生蝦等等非常之鮮甜可口另外我仲加配左一份紫薯餅係新鮮炸嘅，賣相亦都好吸引，真係睇得又食得紫薯味好香龍裏面仲夾雜咗少少栗子好有口感另外不得不讚呢度店員嘅服務態度非常之好

觀塘做野，好耐冇食過日本野喇。其實好耐冇出街食飯，今日見得閒小小就同囡囡出去食飯，知道海日升中心都多野食，就去睇下，係1樓俾我發現左《丼瀛》呢間日式食店，緊係要入去食喇。今次我叫左鍋燒烏冬俾囡囡食，我自己就叫左個海之幸丼，餸就叫左芝麻雞翼，雜錦天婦羅同埋燒河豚乾。燒河豚乾 $68 唔好以為叫「乾」就係乾，食落去都唔知2幾咁juice, 又香，同食牛肉乾咁差唔多口感。一黎就狂食呢，真係好好味。芝麻雞翼 （2隻）$48 呢個芝麻雞翼係乾身雞翼配埋芝麻，外層香脆似炸雞翼，入邊保持肉汁 嫩滑。什錦天婦羅 $78 種類，有茄子，蕃薯，大蝦，南瓜等，最估唔到金菇都可以整成天婦羅，個口感仲好得意，好似食軟身百力滋咁。最後就係主食鍋燒烏冬同埋海之幸丼，鍋燒烏冬不過不失，但值得一提份量係好足既，而海之幸丼既魚生種類都有7樣，絕對大堆頭，鐘意食魚生丼既朋友一定會鐘意。

又係觀塘區，呢邊返工，梗係focus 介紹返呢面啲餐廳啦，又有好推介比大家💛蒲燒鰻魚石鍋飯不得了，不得了，最鍾意食帶有飯焦嘅石鍋飯，呢度做得非常出色又好香口，同朋友係禁爭住食飯焦，太正！配料有好多有中華沙律，泡菜，紫菜碎，鰻魚嫩滑正！必點💛炸日式餃子炸得好出色，個皮脆卜卜好多肉汁，配埋蛋黃醬絕配！💛燒餅棒第一次食燒餅棒，其實即係大阪燒變咗做串燒版，好特別好掛住大阪😍😍呢到黃到金，支持同路人，餐廳坐得好舒服，樓底又高，觀塘食lunch又多一個好選擇

每台都設有消毒噴霧提供給客人使用，非常細心。特別喜歡店內的三文魚和油甘魚，有如在大阪時吃的魚生水平。每件刺身都肥美大件，吃得很實在。價錢親民，性價比非常高。外賣還有折扣，之後也會介紹好友和再來消費！

今日黎到觀塘去朋友到食LUNCH💛發現左呢間最近新開試業中既日本菜🇯🇵所以就入左黎試下喇Menu有埋圖咁好多選擇建議直接問下店員有咩推薦🤤坐左係呢張店到等外賣💛💛💛💛🦀松葉蟹肉甲羅燒蟹膏丼$1️⃣2️⃣8️⃣(甲羅燒、蟹肉、蟹籽、松葉蟹二本爪、鵪鶉蛋)配沙律、味噌湯、蒸蛋、甜品及餐飲 呢個係F餐,配曬成個SET可惜今日佢地蒸蛋賣曬所以佢地換左個餃子比我如果唔係都好想試下佢地既日式蒸蛋滑唔滑呢個真係非常之推薦大家要食!!💛D蟹肉多到係每一口都係蟹肉🦀🤤食曬D飯都仲有好多蟹膏好好味呀🦀🦀🦀🦀🦀呢個飯我食到最後係清曬呢個係佢地宜家做緊既外賣優惠但我今次就冇叫到佢地外賣既優惠食物喇下次都想再黎食