丼吉日式吉列豬排專門店 (世貿中心)

营业中

休息中

前2日聽個fd講, 話呢間d豬排飯係最世界最好食...攪到我即刻好有興趣..跟住琴晚就叫左個fd陪我試~食之前已經見到好多人o係openrice讚呢度d吉列食品好好食~ 又咁多好評!! 所以明知會肥,都堅持要試!去到都9pm喇...仲有好多人等緊位~ 真係幾癲~ 等左差不多半個鐘, 終於有得食~ 食之前侍應會比碗芝麻我地去磨,去做個醬~ 我覺得都幾好玩~ haha~ 加左個唔知叫咩名o既菜湯~ 都好好飲~ 但個西瓜汁就差d喇~ 叫左豬柳+蠔定食~ 的確都幾好食~ 個豬柳幾嫩, 但個蠔明顯好食好多~ 因為好鮮味~ 不過要即刻食,再凍d已經冇咁得喇...d菜絲都幾好食~ 簡簡單單得o黎口感清清~ d service亦都好好~ 不過好似成間都係得女侍應~ haha會再幫襯o既~ 不過真係...貴左d~ 2個人都$450喇~

前晚到這家炸豬扒店開飯，沒話說，真的是美味非常！記得很久前來過，當時尚未裝修，風格比較樸實。前晚來到時已經是裝修後的事，多了一點刺身推出，但筆者來意並非刺身壽司，本想叫二人餐，卻沒有甚麼合心意，於是與男友叫了一個和牛生蠔定食和一個豬柳大蝦定食。四款炸物當中每款都各有長處，首推炸生蠔和炸和牛！炸生蠔外脆內軟，有蠔的鮮味；炸和牛的牛味很濃郁，一咬開肉汁四濺，但價錢較貴，下回未必會再叫和牛。另外劇烈推介生菜絲，點柚子汁和紫菜汁同樣好吃，而且無限添食。不過我們吃過炸物後已經很滿足了，生菜只能添吃一次啊！提提大家，加錢可轉要咖喱汁，但我覺得並無需要。他們的豬扒汁加芝麻非常好吃，反而咖喱汁卻很普通；西瓜也很甜，所以十元一杯西瓜汁對我來說沒有甚麼特別。不喜歡叫他們的二人套餐，橫豎兩人也吃不下那麼多炸物+ 小食，留點胃口吃生菜更好。唯一不足是價錢太貴了，可能他們用的是上等植物油來油炸食物吧！雖然食物真的不油膩，但索價似乎真的太過份。

琴晚同兩位食家開餐, 素聞此地炸物唔講得少, 於是一試三人叫左吉列蠔,豬柳,蝦定食s. 食完蠔後已經覺得其他兩款跟唔上, 炸蠔的確讚!推! 豬柳本於自身肉質所限能夠炸得夠鬆軟又有口感已經唔錯, 但係蝦就真係無乜蝦味再加上d 會refill 既菜絲and自家醬料, 令人食指大動!!再推!埋單每人$180左右, 若果唔係咁貴就好....

成日睇到你地讚呢間野好食, 琴日就捉我果個唔係咁鐘意食吉列既男朋友同我去食.入到去見到環境真係幾好, 望過去仲有海景睇.坐低小姐即刻放低個泡菜豆腐. 味道唔錯.我地兩個人叫左個二人餐, 要成$440, 有野飲X2, 小食X1, 吉列豬扒X1, 吉列豬柳X2, 吉列蠔X2, 吉列蝦X2, 咖喱汁X1, 白飯X2, 麵豉湯X2, 西瓜X2食物黎既時候, 我覺得賣相好好. 又多配料, 不過果芥辣醬苦苦地, 可能人地係咁, 不過我唔係咁鐘意.吉列黎講我覺得最好食係蠔, 外面脆入面好軟, 好好食. 豬扒同豬柳都幾好, 不過蝦我就覺得雖然大隻, 但係冇乜蝦味. 飯同棷菜絲係好值得讚, 的確, 呢兩樣野係好好食. 棷菜好甜, 加埋佢俾既醬真係一流. 我食得最多就係棷菜. 至於個咖喱汁, 我唔覺得真係咁好, 普普通通不過不失咁啦. 佢連埋個餐俾我, 咪食囉, 特登叫我就唔會囉.兩個人埋單要成500 蚊. 用呢個價錢食吉列真係貴左D. 而且, 可能我地唔識食, 我覺得中國人果隻炸法岩我地口味D. (我地覺得酥炸生蠔好食過吉列蠔)

因為尖沙咀店裝修, 所以去了銅鑼灣店. 本來沒有甚麼期望, 但去到卻發覺也不錯嗎. 新裝修很有氣氛, 食物水準和尖沙咀店差不多. 雖然朱古力慕思一早賣清了,新出的牛奶士多啤梨布丁亦很好味.幸運的是竟然可以再見到尖沙咀店那個又NICE又靚的waitress小姐... =)

豬扒炸得幾了得都唔夠果個一D 都唔扒仲10隻手指貼唔同膠布的靚靚卡娃而waitress咁得。真係冒住生悲滋爆暗瘡爛咀角都要日日去食直到識到人為止。唔好意思，掛住望妹妹影得個菜湯後就心不在焉。咁…個set有炸蝦炸肉炸咩咩咁啦。芝麻椰菜例牌啦。稍為乾左稍為硬左又例牌啦。有靚女睇食咩都無所謂……啦！

之前睇網友話果度裝修緊..但係尋日同女友去原來己經開番,同埋你地話好好食,所以就同女友試一試..發覺原來真係好好味!!~第一,個view就唔使講啦,但係尋晚所有window seat已經有人坐,所以我地就坐另一邊既卡位,都望到少少view 咁啦!我地就叫左一客炸大蝦定食同埋炸蠔加炸豬柳定食,之後佢地就拎左兩碗芝麻來..我地開頭都唔知有咩用..但係個餐來左之後個waitress就教我地點整...之後我地就開餐喇..我地兩個人就覺得炸蝦真係no.1!!~炸蠔都好好味呀!!~但係豬柳就有少少被比下去咁..可以係我地點得太多醬既關係啦...同埋個生菜絲真係好好味呀..最緊要係有得添..同埋我地留意到裝炸野果個碟係一d油都無...真係好厲害!!貴就貴左少少...不過就食得好開心,仲約埋下個月(最好月頭)再去!!~

So upset to see the "renovation in progress" board stuck up in front of the shop! I guess the renovation just started and I look forward to the re-opening in the very near future !

3-4年前我已經開始0黎依間店食野,每次我都係叫同一樣食物, 我差唔多每2個week 就會去,因為實在太好食..我次次都係食炸豬柳+炸生壕套餐..佢0地0既菜絲超好食,又可以免費任添,白飯都係..雖然依間鋪頭d野食有d貴,但係都值得ga,因為佢0地d野食好新鮮好有水準.tips:炸豬柳好食過炸豬扒好多...

去過幾次，炸豬排同豪真係超好食。外面趣裏面軟，冇得頂！白飯都好高水準，生菜好甜好新鮮。香港的日式餐廳常忽詻白飯同菜既重要性。Tonkichi 絕對跟日本的炸豬店似無似樣。只有一個缺點：就是日本人覺得好重要既味噌湯，唔可以話好難飲，但係一D都唔似日本既正味噌湯。本人覺得，你90%做得咁好，10%應該做得來。最後加上一句：很貴。我在日本吃過更好的也不用這個價錢。大概他們覺得自己是香港第一吧，都唔出奇。晚餐Set價一人$150

11月7日,我同男友一行二人去銅鑼灣吉列專門店食dinner,去到門口見到d野都幾貴下,本來走人,諗諗下又返轉頭,入到去,個環境幾好,有海景睇,可惜海景位係吸煙區,睇怕我都係同海景無緣個waitress介紹二人餐俾我地,個餐有豬扒,蠔,蝦,仲有兩件我唔記得係乜東東+兩杯飲品(可以choose日本枝裝啤酒)+生果跟住試下佢地d煎茶,好鬼好味,成壼俾我飲晒,哈哈waitress 姐姐又放低兩碗芝麻同埋有碌木,我地都唔知用黎做乜,不過估計係用黎中爛d芝麻,於是我射呢眼望下隔離個日本人點搞個餐黎到,em......見到都流口水,先食隻蝦,好新鮮,再食埋隻蠔,真係唔知點講咁好味,中間未熟,滑滑地咁,入口滆化,d肉都很好,無牙都食到,唔洗點咬架咋!d服務的確好,食完仲換過兩杯茶,可能之前o個杯有點油吧盛惠$396,送多$30蚊coupon 同埋壽司coupon,留返下次再去

我覺得如果budget 唔係咁多的話, 生蠔/蝦+豬柳都係唔錯o既選擇, 不過最好食係神戶牛, 可惜唔係成日有兼且比較貴, 但無論點都要試一次。仲有軟殼蟹, 都要一試。其實尖沙咀都有一間, 但總覺得銅鑼灣呢間好d。我差不多每個月都會去食一次.... : )

我食過炸豬排、炸豬柳、炸蠔、炸薯餅，都係最鍾意食炸蝦！炸蝦好大隻、好新鮮，炸得剛剛好，外面一定吃不到這個水準，點少少沙律醬已經好好味，但論價錢真係幾貴，一個炸蝦set要$150，不過還是值得去完再去！個麵鼓湯都好好喝，d飯係用日本米煮的，好有日本風味！最奇怪是二人和三人餐反而唔抵，一人食一個set抵d！

d天婦羅好貴, 但幾好味, 炸得好鬆脆. d豬扒就唔係幾掂啦, 好乾, 差過出面. d薯餅都係麻麻. 總之食炸蝦就冇錯架啦~

If you adore fried foods, this is the place for you.As this place's only speciality is fried foods, I do NOT recommend anyone ordering anything but fried food (except drinks of course).Environment: Pleasant. Has a decent harbour view. Fairly hygenic. Simple Japanese balsa-wood design throughout the place. Kitchen a little dirty (but understandable because of all the frying!). Toilets located outside the restaurant.Taste: The Fried Food - for tempura especially - is the best I've ever tasted