丼吉日式吉列豬排專門店 (世貿中心)

营业中

休息中

一流﹗上年去過﹐見今晚唔洗排隊﹐又有D肚餓﹐就入去食。waitress態度一流﹐親切同有笑容。食物好﹐值回票價﹗

去旅行食野比人搵笨既經驗真係講之不盡,不過唔緊要,返到香港當係趣事咁講番比朋友知,都幾好笑~我去到應該都無人搵到我笨,因為不揩日文,所以比人呃左都唔會知~哈~不過我又唔係太覺得去日本食野貴喎,可能因為我食親都係迴轉壽司,拉麵,天丼之類,所以便宜啦~~(要留低d 錢買衫同夾公仔)不過我都會預留一兩餐試下d比較貴既餐廳既..期望你七月去完東京遊玩後可以介紹一下東京有咩好野食,到我十月時可以去試試,唔駛盲摸摸見鋪就入~thx~

我都係咁話, 貴d唔緊要, 至緊要好味,同埋食得開心!有次o係銀座一間老字號食天婦羅就好不快...貴就一定嫁啦...最衰就係個老闆蝦我地係遊客, 氹我地叫左d又貴又唔抵o既野食...我7月時都會再去東京...到時可以再交流交流...

好好,多謝你既推介~如無意外本人十月都會去東京遊玩一下,到時就去一試Cathie 你介紹既吉列專門店啦~不過日本實在有太多我鐘意食既野喇..我諗真係要好好plan plan 行程~我認為食呢類專門店,價錢貴少少都唔係一個大問題,最緊要就係物有所值,餐後有一種滿足既感覺就可以了~

我都覺得tonkichi o既吉列炸物好掂呀! 係o係香港o既不二之選! 至於東京, 如果你下次去, 我建議你去銀座o既專門店好d, 因為係百年老店, 水準穩定好多! 新宿好出名o既我試過一間就唔得啦! 我o既推介係"銀座梅林", 地址係銀座7-8-1. 我去過幾次, 試過佢個炸豬扒三文治, 炸豬扒定食同埋炸蝦定食, 次次都好正, 比起tonkichi仲正!佢地成日都排長龍嫁!價錢計返hkd同tonkichi差唔多, 日本o既消費指數係差唔多嫁啦!

雖然無任何情調可言,不過由於久未嘗此君,加上聖誕節,女友生日等日子己經令我對食"節日餐"無哂頭緒,所以情人節就選擇左食吉列..當日不設訂位,同女友等左半個鐘左右就有位,不過限食一個鐘,女友對此有少許微言..實在太長時間無幫襯過喇,所以兩個人要左個三人套餐($385),食個過癮..猶記得於新宿食過一間價錢比Tonkichi更貴既吉列專門店,但係食物質素則比Tonkichi差數倍,令人大失所望..而Tonkichi既炸物並無因為坐無虛席而失去水準,實在係難得~四樣炸物包括蝦,生蠔,豬柳同豬排..豬排係四樣中水準較平庸既一種(當然比起其他日式料理己經係高水準),其餘三款可說係缺一不可,非常美味..特別係炸蠔,真可說係天下美味,外層炸得脆脆,內裏既蠔肉卻係僅熟且蠔汁豐富..令人回味無窮~套用蔡生所言,足夠令人連吞三大碗白飯..(我添左三次飯,即四碗也)食得飽飽,埋單$425,價錢係貴左一點,但食物質素絕對係值得收呢一個價錢..若然久不久黎幫襯一次..無傷大雅~

貴就貴左d，但係真係物有所值。但係叫佢之前會問你加唔加錢轉湯，個湯就無mud特別，又唔抵。寧願要番麵豉湯lu.我最鍾意食豬排飯，炸得好鬆軟但係又唔會油立立，加埋好多好多菜同檸檬汁（可免費加菜同日本白飯）真係好味到昏，宜家已經好想食啦！我覺得銅鑼灣的服務同環境都好過尖沙咀，一個月都會去一至兩次。可惜八折卡已經到左半年效期，又要再儲過啦！

今日第一次去. 我既評語都係同大家一樣: 好好味, 但係好貴呀!兩個人去, 叫左個$360既二人餐. 講下有D乜野啦~- 兩隻炸蝦(極品! 超好味)- 一塊炸豬扒(都好好味呀~)- 兩隻炸蠔(大大隻, 好好味~ 不過有少少膩)- 四件豬柳- 好好味既咖里汁- 任食既白飯- 麵豉湯兩碗- 啤酒或汽水兩杯- 任食既椰菜(生的, 切絲)真係幾貴, 哈...環景麻麻, 嫌佢唔係好夠冷氣(可能因為冬天佢開少D啦)服務超好. waitress非常有禮貌, 又細心, 又無壓迫感. 好好

講真齋睇價錢就真係有少少嚇親既.. 不過真係好好味同埋D service好好!!兩個人可以食佢地既二人餐, 乜都有d, 啱哂第一次去既人!! 但係我好欣賞佢地既耶菜! 好甜好好味, 仲係free refill架!!我都食好多!! 可以令到冇咁熱氣!!Service都好好, 我地個晚坐到佢地收舖, 都唔會話趕我地走.. 攪到我地都唔好意思潻!!

5個人去左尖沙咀個間，服務就普普通通，但D野食就好好味，我最鍾意係吉列帶子！最重要係有得玩-自己磨芝麻！仲有，食滿＄300有Asia miles mileage 添！

唔使四百蚊咁貴下o麻？我多數叫個吉列豬柳定食(一人)都係$13x咋o播，任添飯同椰菜，已經食到非常飽~~~

豬扒係好食.肉質結實.乾身唔多油.<br />但用四百元黎食豬扒真係幾貴.<br />試一次就夠喇.

嘩, 我之前同d friends 去過呢度食飯, 有人話好好食喎. 我都唔敢抱咁高期望, 各人口味唔同嘛!! 我地4 個人叫左2 個套餐, 都唔係好記得有咩, 總之就有飲品, 甜品, 一堆炸物咁啦, 有豬扒, 蝦.... d 炸物都ok 0既, 冇乜油, 幾夠味, 都叫做好食. 但係我唔明點解要d 客自己磨d 芝麻, 我唔覺得好好玩囉, 鬼咁難磨!! 我又唔覺得加左呢d 芝麻0既sauce好味d!! 雖然d野都叫好食, 但係就好唔抵, 食豬扒食左成8舊水, 真係唔講得笑!! 一次就夠啦!! 我都唔會去第二次!! 廢事比d friend 埋怨我帶佢食d 咁唔抵0既野!!

同3個朋友去在尖咀既分店,食左兩個2人餐,好味,收得咁貴都梗有佢理由,炸豬扒好好食,就連炸蠔都好味過人,初初就怕佢腥,但係食落就好好味播!唯一比較唔得就係佢個甜品,係好普通既雪糕,唔滑唔香。不過跟餐上既甜品,就算啦!佢比人自己整爛個d芝麻,真係幾煩,我就唔係太享受喇!不過有d人可能覺得好玩啦!

呢度D tonkatsu依然好味；不過銅鑼灣店實在太多人食煙，頂唔順，依家只去尖咀廣東道店。近來發現，原來叫tonkatsu可以散叫，價錢用set的proportion：例如一個set有四粒豬柳，散叫兩粒就計set的一半價錢。不過散叫冇miso soup同飯，只跟椰菜；但其實呢個portion一般女仔都應該夠食喇，又冇咁肥嘛！相中就係吉列豬柳伴面豉汁。