丼吉日式吉列豬排專門店 (世貿中心)

营业中

休息中

真係好好食咩?! 好普通咋喎，CWB係地鋪好多日式小店都好食過佢啦，如果俾我坐海景位都勉勉強強OK啦...

上星期跟朋友黎食...女侍應介紹左2人餐, 見到價錢雖然係貴d...但都費事諗咁多試下啦..菜同飯可以任添真係幾好, 朋友食左3碗飯!要讚下炸蝦!好彈牙!用黎伴椰菜既紫菜汁真係好正..本身我唔食個D未煮熟既菜架, 都忍唔住口食左好多呀但我發覺女侍應人手的確唔係幾夠..做黎做去都個2個, 都咪話唔辛苦加上D餐都幾重, 佢地一人出2個餐真係幾大力下環境幾好, 見到遊艇會..可惜SEAVIEW位無得食煙!

昨晚和老公去食, 帶子真的好好食, 又有海景. view 及食物質素都非常好, 但都幾貴.

一個人去食lunch, 半個鐘已經可以落單上菜食完埋單走埋tim, 服務員人手足夠, 環境又好, good!order 左炸蠔炸豬扒set, 好味! 不過份量真係太多, 好飽...

刺身最唔掂!得個貴字! 二百幾蚊既雜綿刺身,唔鮮味. 元x都好食過佢!服務好? 真的唔覺!兩個人食了五佰幾六佰!依世仔最戇居一次! 請不要造馬引人幫櫬! 只有吉列野同海景okay! 千奇不要叫刺身!

星期五晚上六時半左右到達,卡位已經滿座。叫左個有三文魚sashimi 既2 人set,有炸豬柳,炸豬扒,炸蝦,炸帶子,以為炸野會好油膩,但佢地既炸野就唔會,都OK。

同Friend去食,叫個二人套餐同炸生蠔,二人套餐有魚生,吉列帶子,吉列豬柳,吉列豬扒,吉烈蝦,有野飲同甜品&湯.有專人教每樣野點咩汁,好pro.又有得自己磨芝麻.幾好玩喎.全部都OK,但係生蠔真係好好食,多汁,鮮美.炸豬扒就比我想像中差少少,少少鞋同唔夠味,不過都唔錯.當我以為菜絲係點綴時,最好食就係菜絲,無限量供應,可以點柚子汁同紫菜汁,勁好味,真係估唔到其他店用黎點綴ge野,依度可以咁好食.最後應該係荔枝雪芭...

10月1號試過D間餐廳，要補番個好評比佢先。同老公去行銅鑼灣，肚仔餓於是走左去世貿睇下有咩好食，見到D間門口只有日文名既舖，哇，佢個window display出黍D野好吸引，咁就試下啦。叫左個吉列海鮮定食，有2件蝦，1件蠔，1件帶子，1件蟹餅，另外一個吉列朱扒定食加一件吉列朱柳，一個面豉湯加錢改菜湯。吉列蝦= 都算彈牙，唔乾身吉列蠔= 最好味係D件喇吉列帶子= 厚身大隻有鮮味吉列蟹餅= 可以不試吉列朱扒= 太乾身吉列朱柳= 有肉汁，夠嫩滑菜湯= 用好多白羅白同紅羅白煮，太貴唔值得試白飯= 日本珍珠米飯，正! 仲係白飯任裝椰菜絲= 清甜，加秘制醬汁，食到停唔到口，又係任食各式吉列一隻船咁上，好似好豪氣咁，難得一點油膩感覺都無，只係炸野太多有D熱氣，所以不停食椰菜絲，待應服務態度一流，唔理你係咪第一次幫襯，都會解釋上既醬料係點食法，現場真係好多日本人呀。同場加演: 食食下突然成間餐廳D燈熄晒，原來係9點鐘維港放煙花，原來間餐廳係維港煙花景架，原本連係電視都費事睇，結果可以舒舒服服坐低慢慢欣賞，算係BONUS啦，唯一覺得就係太貴喇，食吉列野唔多值。

5個人叫左吉列大蝦定食- 正, 爽吉列生蠔定食- 脆而不乾, 鮮吉列豬扒定食- 乾o左D滑蛋雞扒定食- 一般轉左菜肉湯- 無乜特別加咖喱汁- 正Total $7xx.

之前本來諗住同bf去食峰壽司,攞晒飛等位,唉!!點不知啱啱遅了兩秒跑到去,叫飛姐姐就0係0個兩粆內嗌左我地之後個冧把,於是就話我地過左5張枱,冇得補枱,激到我男朋友好鬼"興"呀,咪走去再搵食囉,行行下去到世貿,bf記起我想試呢間,咪嚟左食囉,等左一陣位好快有得入去lu,原來有好多日本人都會嚟食ga,所以應該係有水準0既,一坐低,侍應就問要唔要西瓜汁,我男朋友話要,其實我諗住唔要ga,因為睇過食評話係唔多掂,但係飲落都ok 吖,then我同男朋友叫了炸生蠔同炸豬扒定食,之後侍應攞左芝麻嚟,原來係要磨碎再加豬扒醬,上枱時,侍應仲會教你炸豬扒應該點咩醬,而椰菜絲可以點咩醬,好好service,炸蠔超好食呀,好鮮味又有汁,而且一d都唔油膩,再點埋蛋黃醬,真係人間美食,而炸豬扒都幾好,但首選係炸蠔囉,而白飯同椰菜絲係任加,白飯係用日本米,好煙"un"幾好味,而且椰菜絲點紫菜汁簡直好食到停唔到口.雖然價錢係有d貴,但係有咁0既味道同質素加埋超好0既service,都超值呀,如果唔係都唔會有咁多日本人嚟食la,我仲聽到佢地可以講超流利日文,好pro呀!!p.s 好彩去唔到峰壽司,如果唔係就唔會嚟呢度

I went there with my best friend, she told me that there is the greatest place for deep-fries, first at all, i reject to go there, coz'I am the one who never eat Pork chop & deep-fries. finally, i went there, she told me that they are using some special oil for deep-fries....! well! i go for a deep-fried pork chop... Woo!! was't oily at all and the pork chop was vey pinky,soft and just good ...!! yummy !!! yummy !!! MONEY MONEY MONEY, that is the real big diffence between a pork chop for $20. an

星期日帶媽子去呢度食飯，我地叫左二人既set dinner！！佢地既炸野都保持一貫水準- 正！但今次個個荔枝雪芭不得不讚，因為真係好好好好味！佢味道清淡唔會太甜，仲有d荔枝果凍伴住黎食！簡直令我有一種好滿意既感覺，因為甜品永遠都係決定個餐飯既整體，佢完全無衰收尾，我同媽子食得好開心！仲有呢個海景睇住食，呢餐真係勁relax！不得不提係佢地最近有兩種醬汁，用黎點菜食- 紫菜味同西柚味....個紫菜味好正，味道一流，椰菜完完全全溶入左紫菜汁既味，好似紫菜同椰菜一齊食咁！而西柚味有點酸酸的，用黎開胃都唔錯，當然佢地既咖喱汁同沙律醬係最好既！依架佢地仲時時有coupon送架，都幾抵！

最近Tonkichi除左炸物外仲有魚生食, 好新鮮, 值得一試.個滑蛋豬柳定食都好好味. D滑蛋汁好香. 雖然$138食一個滑蛋豬柳定食聽落好似好貴, 但食落又覺得真係值.新裝修後地方好似見駛左, 最正係非吸煙區都有seaview.

裝修轉menu後第一次光顧, 價錢係加左d, 但係環境靚左, 餐牌選擇多左, 必食o既吉列生蠔同埋吉列大蝦依然係頂瓜瓜! 前菜o既薯仔沙律清清地都好好味!貴d都覺得值o既!

豬扒& 就普通啦,但係就幾好食!