丼吉日式吉列豬排專門店 (世貿中心)

营业中

休息中

門口望入去, 有一排卡位, 仲有布簾遮蔽, 好private!!~~~~個麵豉湯真係幾唔錯, 唔會好似其他日本食店咁, 即沖既都好飲過佢!!~~~~我有食, 係新鮮, 不過~~~~~~~~真係好似食草!!~~~~~又有"楷"蕃茄咁囉, 又係食o左囉!!~~~~戲肉, 吉列豬豬!!~~~~~個炸槳真係靚得冇o野好講, 我唔食煎炸o野o既都覺得一流, 讚!!~~~~食第一o舊!!~~~~嘩!!~~~~有肥膏位, 好有油香, 好幸福!!~~~~但之後o個d, 我食唔到有咩豬肉香味, 不過亦唔"鞋"o既!!~~~~直至我食晒所有豬豬, 我已經冇晒食第一o舊時o既興奮,marginal utilities 降得異常咁快!!~~~~係咪唔需要/唔應該醃??~~~甚至連少少鹽都唔應該落, 全靠個醬汁同介辣架??~~~~事關我唔點醬汁又乜咪都冇, 連豬味都冇,但點醬汁, 又見得o個醬汁有幾精彩!!~~~~又點, 又唔點, 又醬汁, 又介辣, 有d精神分裂!!~~~~~咁講, 係炸得靚, 不過妹仔大過主人婆,主角豬扒, 唔係炸槳, 有點本未倒置o既情況!!唔通蒸魚係為o左魚汁撈飯咩??~~~~飯都係靚,

丼吉是我最愛的炸豬扒餐廳, 感覺上比勝博殿等都較出色。我們點了豬扒和豬柳set, 最喜歡這裡的生菜絲, 新鮮爽脆, 吃完又可添加。豬柳較腍, 炸得香脆, 肉質細嫩, 超喜愛。 豬扒肥肉的比例多一些, 肉質不及豬柳滑, 但相信各有擁躉。飯後甜甜的西瓜都是我的至愛。

Happy Friday！愉快的星期五特別想食好d! 與好耐冇見既朋友大吃一餐！突然想食丼吉炸物！想打電話留位時，已經full booking，唯有walk in 啦～反正我早過朋友到達銅鑼灣。去到店外，已經不是以前咁企滿人！只有幾個人呢！仲要我唔洗等就入到去！二人坐四人檯！very good~ 朋友未到，叫我拿主意叫！叫番個炸帶子拼豬柳定食和炸蠔拼豬柳先！豬柳比較腍，所以揀佢。侍應奉上兩杯茶，而檯上亦有壺茶比客人斟茶， 落單後亦隨即奉上兩碗芝麻比客人磨！香香既芝麻加上濃稠的燒汁，沾上炸物，諗下都想快點食！朋友來到，兩個定食都到，炸物果然仲係好高水準，不油淋淋，又鬆脆，帶子雖然只有兩粒，勁大勁厚身，啖啖肉！定食也有麵豉湯，無限refill椰菜，盬，沙律醬既物體比你隨意沾上，自由配搭，幾好架！湯本身不太喜歡，因為偏鹹，都係食炸物和椰菜吧～ 豬柳不乾，肉質不粗糙，外面炸//1景鬆脆，入面就腍，味覺享受！ 件數也不少……幾乎吃不完，要朋友幫忙吃吃哩……至於椰菜，好新鮮，加上柚子汁, 酸酸的，很開胃之餘，亦能減少油膩感，下火都得！侍應生好貼心為我們refill椰菜，我們只refil了一次，巳吃

每次老闆要求lunch meeting，吃的總不失禮，這次要某同事選餐廳之下，最終來到了The One的とん吉。在云云吉列專門店當中，價錢最貴的首推とん吉。正因如此，若非不用自己付錢，真的不會捨得吃。消費高，自然有其原因。店員安排我們一行四人坐在卡座，而每個卡座旁均設有沙簾，保持私隱空間，很方便我們談公事呢。桌上的醬汁以木盤盛載，高身的有吉列醬汁，另外兩壺則是吃椰菜的沙律汁。我們坐下後店員更放下和式茶壺，設備毫不馬虎。跟老闆吃飯，從來不用我們點餐。點過餐後，店員送上醬汁碗讓我們先調校醬汁。日本醋蕃茄 $68其實搞不清這前菜是日本醋還是日本蕃茄，不過在酸醋浸過後，蕃茄鮮味清新，吃熱氣炸物前的開胃之選。自家制絕味泡菜 $45有別於韓式泡菜的辛辣，這道自家制泡菜帶有些微的甜味，越吃越香口。大概等了十分鐘，我們點的吉列定食終於來了。因為我們是share來吃，所以各定食放在大碟上一同奉桌，氣勢懾人！車海老定食 $298若然只說$298兩隻車海老，很多人都會說不划算，但當見到每隻長約10吋的車海老時，就會覺得物有所值。雖然店員已替我們把每隻車海老切成5件，但每一件仍很具份量。夾了最近蝦頭的一件，單

朋友介紹食炸物好食, 已話都貴既. 但真係冇諗過成$200食左個炸雞飯.....仲差過一般鋪頭. 直頭難食. 又貴又唔好食!!! 佢比錢我都唔會再食. D雞又濕又鞋, 一d都唔似炸咁, 賣相一pat野咁. 非常不開胃, 食左一半已放棄. 

朋友推介這間餐廳有海景，面且炸物也不錯, 於是便來試一試，加上我們ot，放8點左右，所以我們沒有訂位, 比較幸運的是，人不多。到呢度，當然一定會食炸豬扒。另外，我們還order了豬扒、生蠔、大蝦同埋豬柳。平時食開依D吉列既野，一般炸物店，會有感覺係炸漿會太厚，厚粉既感覺。不過依到就無咩問題，仲幾高水準，再講講個生蠔，真係炸得肥美，仲有好多汁。豬柳真係另一個驚喜，我覺得好值得推介，做得外脆肉軟，而肉質都做得唔錯。總括黎講，炸物的炸漿很薄，豬排和生蠔都很嫩，而且肉汁還在，加上獨特的醬汁，都夠鬆脆味美, 配上超配既醬汁，酸酸的再拌上椰菜絲和自磨的芝麻，實在都幾開胃。最後我跟朋友大家都吃到飽飽，大家都捧住個肚好滿足。

第一次食到咁好食既吉列豬, 只怪我平時食D平價吉列, 令到我以為吉列其實唔好食LOL晚上7點去到等左30分鍾, 安排坐近門口既廂位, 因為有布廉,覺得好有PRIVACY,但都係因為近門口,會嘈D!忘記左個定食叫咩名, 但有大大塊吉列豬扒, 蝦, 豬柳, 蠔上菜果個服務員好NICE 會教點食D醬佢地D飯都好好食!!4款入面最愛吉列豬扒, 略嫌豬柳實柚子醬汁加落菜度好好食!!ICHIBAN!!點豬扒既醬 - 沙律醬, 芥黃, 自己磨芝麻加醬油, 3款醬都好適合好夾!!讚!!!一餐令人滿足既晚餐

之前個排一路都唔太舒服,所以都唔敢去食依D炸物住,因為都有少少熱氣,所以一直都未黎依到幫襯，見好番幾日,當然要食D好野獎勵下自己,呢日當黎依到試下新野既,又可以滿足到自己。依間餐廳個環境都算幾暗下,同埋最緊要係夠哂靜，又可以望下D風景咁樣，都幾岩兩三知己靜靜地咁係到傾下計。好快就落完order喇,係等上菜既時候你又可以自己DIY磨下D芝麻,都幾特別嫁,今次就叫左依個吉列豬排同埋吉列蠔,除左主菜之外仲有幾個醬汁可以揀,有沙律醬,芥黃，同埋一個芝麻加醬油既,三個都唔錯。首先係豬排,依個炸得岩岩好，依個點芝麻醬係最好味既。不過炸蠔反而就比較普通喇,依個炸牛肉薯蓉就比到驚喜我,真心唔錯，食落比炸蠔仲更加吸引。本來睇佢碗飯細細碗當然覺得食唔飽，但係不斷添菜既情況下，係咁食菜，好飽而且唔太油膩,最後仲有飯後生果，岩岩好中和番無咁熱氣。 

之前寫過一編吉列大蝦失望報告，已經一段時間冇去，前日聽朋友說佢地d大蝦用番以前既靚蝦，所以昨晚即刻去試下，果然是真的，雖然隻蝦比以前細一點，但質素回復呢一點好重要，張錯處改善做法非常好，其他炸蠔炸牛肉薯餅都保持水準，生蠔更是我其中至愛，3個汁醬油，柚子，三文魚子都非常好，好開心既晚餐。

今次同幾個朋友一齊去食飯,朋友話一早預訂左,可能因為一早訂左既關係,大家都非常準時呀仲有驚喜既就係,唯一一間既房都岩岩好比左我地依班人,最緊要就係無限時,岩哂我地慢慢食,慢慢傾,可能因為房好難理到你地既關係,所以佢會有個鐘,禁一下個鐘,就會人入黎幫我地叫野食咁樣,都十分之方便嫁,好快就叫左野食,等左一陣D野食就黎喇,依個應該係一個拼盤,份量唔知係咁岩定係跟人頭,大家都分到一件,咁就有豬扒,生蠔,大蝦同埋豬柳,平時食開依D吉列既野,有感覺係炸漿會太厚,成啖粉食落口咁,另外就係炸漿同埋肉分得極開咁樣嚀,不過依到就無咩問題,仲幾高水準,講講個生蠔,真係炸得肥美,仲有好多汁,另外大蝦都唔急凍雪藏食落得個爽字個種,豬柳真係一個驚喜,好值得推介,做得外脆肉軟,肉質都做得唔錯,反而豬扒就比較有D失色,比起豬柳差少少,因為唔係太夠厚,食落無咩質感,另外仲有依個和牛薯蓉餅,可能和牛貴少少,所以唔夠分,感覺免治過左頭,無左牛肉既感覺,不過都算有少少和牛既味道,雖然全晚既菜都係吉列既,但唔會覺得太油膩因為依到既生菜絲可以任食,咁樣都幾唔錯既。 

同朋友食飯，去左呢間專食吉列炸物既，我地兩個見到最貴嗰個$588既定食，又有豬扖，又有海鮮，咩都有就叫黎試下啦整體都ok既，炸物就一定係好香口，但又D乾，同油膩，食多幾件就已經"濟"份量對於兩個女仔黎講係都幾多，我地食唔哂但一次過食咁多真係即刻喉嚨痛

今日黎到依到本來就只係想食佢依到個豬扒,不過朋友話依到既炸蠔都幾唔錯嫁, 所以就叫左雙併去試下佢.定食一份就有一塊吉列豬扒同埋兩舊生蠔,當然仲有非常多既椰菜絲,仲有飯同埋依個味噌湯仲有依個醃漬物同埋蠔好夾既他他醬汁,其實佢個份量都算好多.豬扒炸到色澤金黃,就分別切開左四件,豬扒外層炸得非常之鬆脆,好正,雖然唔算十分厚身,薄左少少之外,其他都算做得好好 炸漿唔會太厚, 而且同豬扒身緊貼住,炸功得相當之唔錯嫁不過豬扒睇落有少少乾似的,同埋比較瘦左少少,不過點少少吉列芝麻汁, 入口個下外層真係幾鬆化又夠脆身, 最重要係食落油份十分少, 唔會太油膩. 中間既肉質夠哂軟嫩而且夠彈性,肉味幾香又幾滑,雖然唔係好夠肉汁,但都十分好味。 

朋友話依既炸物好好食，咁岩同佢出黎行街,又見順路當然要黎試下。入到去坐低,佢依到個環境都算好舒服,佢D卡位仲有得落簾,私隱度真係十足,擺設都算幾日式。由於我同朋友都幾肚餓,一開始就叫左吉列大蝦豬扒定食,豬扒蠔定食另外再加埋車海老大蝦。首先佢個吉列大蝦、豬扒同埋蠔定食,其實依到做既炸粉好出色,外脆當然好,炸物食落又唔會太油膩,出面有D非常油膩,見到都無食慾。本來都幾鍾意吉列食物,不過係出面試過好多吉列,D炸粉硬到我好失望,不過依到既炸粉夠哂鬆軟,又能夠保持到鬆脆既口感,真係抵讚!而且炸蝦、炸豬扒同炸蠔都很食落都仲有好多肉,肉質夠哂實,不過又保持到鮮嫩,食落又有口感!海老車大蝦係我自己推介,真係好大隻蝦,足足有半隻碟咁長,車海老大蝦咬落去啖啖肉,十分滿足,當然係唔油膩,最後飲埋巨峰提子梳打加西瓜,巨峰提子梳打係出面飲開既都驚佢有藥水味,夠晒清再加埋西瓜中和番就岩岩好。 

晚上與男朋友到銅鑼灣食丼吉。在門口等了一會便有人帶座，可能是星期四八點半左右的時間，全場不算滿座，眼見仍有3-4張空桌，但可惜的是沒有卡位了，因為這裡的卡位設計得很和式，有一小日式帳簾>< 餐廳內的空間感大，所以雖然顧客不少仍不覺嘈雜。我們被安排到餐廳中央的二人枱，坐下後，我們便點了吉列豬排+吉列蝦定食。每份一人份定食約為200元。餐後不久侍應便先送上一碗原粒白芝麻讓我們在等待食物期間慢慢磨以消磨時間。白芝麻愈磨愈香，磨好後加入在一旁調味架上的吉列醬即成！另外，門口會有日文報紙供顧客免費取閱，如果你懂得日文，不防取一份看看！若5分鐘後，餐點便送到。定食附有酸薑醃青瓜作前菜、麵鼓湯、珍珠米飯及伴碟椰菜絲，其中珍珠米飯及椰菜絲可以免費任添呢！食物外表很吸引，吉列脆皮炸得金黃，看上去脆而不油，炸得很乾身，珍珠米粒粒分明。先試吉列蝦，吉列部份炸得很鬆脆，完全沒有油膩感，有蝦的鮮味，與一旁的沙津醬很夾；吉列豬排切成5份上碟，每塊都可看到吉列炸漿與豬排很貼身，食入口亦脆而不散，豬排肥瘦比例約十比一，健康但略為鞋口，肉汁亦不夠多，但配上早前準備好的芝麻吉列醬很一流！伴碟的椰菜絲亦很讚

上網見到呢間好多評語都讚炸物好好食，出黎中環行街就順便黎試下。入到去坐低個環境好舒服, 卡位有落簾布提高私隱度, 擺設及器皿都很日式化。由於極其肚餓, 眼寬肚窄既我地當然不會輸蝕，一口氣叫左吉列大蝦豬扒定食、吉列豬扒蠔定食、車海老大蝦再加特上刺身盛合。吉列大蝦、豬扒、蠔定食 : 其實當吉做的炸粉異常出色, 外脆不在話下, 炸物表面亦不會油膩, 坊間很多吉列食物上菜時非常油膩, 看到已大打折扣影響食慾。我本來對吉列食物有點抗拒, 因為我試過很多吉列食物, 炸粉都硬得令口腔受罪, 甚至刮傷以致 “痱滋”橫行, 此店炸粉鬆軟但仍能保持鬆脆口感, 值得一讚! 炸蝦、炸豬扒及炸蠔都很juicy, 肉質扎實鮮嫩有口感!車海老大蝦 : 不得不推介!好大隻蝦!唔計蝦頭都有半隻碟咁長, 炸物需按體積大小而調控油炸時間, 而此店亦能做出同一效果! 車海老大蝦咬落去啖啖肉好滿足!特上刺身盛合 : 有吞拿魚、油甘魚、帶子、三文魚、甜蝦、八爪魚, overall都算幾新鮮, 厚切刺身配大大粒三文魚籽, 一口咬落又juicy又啖啖肉, 正!巨峰提子梳打 + 西瓜 : 巨峰提子梳打冇平日d餐廳咁有藥水味, 夠晒清潤