丼丼屋 (荷里活廣場)

营业中

休息中

朋友食完晚飯要再回去公司ot，所以近近地去左荷里活既丼丼屋。去到都見到有4、5個人等緊~我等左10分鐘度就入得啦~待應都有提我地限時90分鐘。迷你海鮮丼 $118雖然3碗好細碗，但食完3碗會好飽~我點了滑蛋鰻魚丼加左個$48剌身定食~個丼既分量好大，差d食唔哂~ d蛋係熟既但好滑~ 鰻魚切得比較少，但成個丼既汁同蛋好夠，唔會唔夠送飯！Nice！十勝帶廣名物豚丼 並盛個飯不算太大，得四塊肉，量不夠，但d肉係靚既~最驚喜既呢個荔枝特飲啊~d荔枝好大粒啊~飲落好fresh~ d粉紅色粒粒有d玫瑰味~好得意~

每個人口味就吾同既，今次尼呢間念住快手食個lunch , 不果等食物尼都等左25？分鐘呀，有d長。講反食物先，叫左個火炙三文魚丼，可能師傅重手左。d三文魚都7 色熟 食落吾好食呀😂😂

平日午餐時間又黎到丼丼屋同朋友一齊去食 一去到就有位坐了 唔使等今次去到又有驚喜 午餐menu又新增了選擇我揀左燒雞野菜定食 朋友揀左木之葉定食材料好豐富 不同的蔬菜 有茄子 南瓜 秋葵等顏色好靚 又有營養同dietary fibres 仲送埋荔枝茶 清新岩夏天飲

小秘書真係好鍾意食雞翼㗎... 尤其係「丼丼屋」嘅「芝麻雞翼」 今日小秘書嘅「雞翼癮」又發作，放咗工咩都唔理就走去叫🐔食！落單嘅時候，侍應仲同我講要等大概20分鐘左右⏱ 不過好奇怪今日碟雞翼喺落單之後唔夠五分鐘就上枱👀 小秘書懷住期待嘅心情將雞翼放入口，好可惜無咗「即叫即炸」嘅口味，反而覺得啲雞翼似一早做起... 咬落去只感到暖暖地、油淋淋咁，毫無辣咀嘅新鮮咁... 失望！好在個主食「炭燒雞肉丼」仍然保持質素，喺飯面拎走埋小秘書最唔鍾意食嘅京蔥就馬上可以開餐 YumYum👍🏻 甜甜地嘅醬汁配埋啲雞肉，一啖雞肉之後再一啖飯... 美味！

最愛日本料理既我 平時出街食飯都係食佢貪佢坐得舒服 食物品質有保證星期六同朋友一齊去食 由於我地約左十二點所以唔使等位 一去到就有得安排座位平時食開雞肉親子丼 今日我就轉下口味食炭燒雞肉飯 朋友就食魚生飯炭燒雞肉飯 燒汁好夠 香口得黎又夠濕潤好岩送飯食 飯粒好粒粒分明 好味

三個人去荷里活行街,見丼丼屋D食物都幾吸引就決定去食,大概等咗10分鐘位我地食咗,鰻重×1味噌吉列豬扒丼温泉蛋×1滑蛋鰻魚丼×1黑蜜黃豆粉芭菲×1原味蕨餅×1鰻重嘅份量就細咗小小,鰻魚食落去唔太暖,可能放耐咗,整體嚟講都算好味味噌吉列豬扒丼温泉蛋嘅豬扒炸得好香好脆,唔會有一種好油嘅感覺,再配上温泉蛋係大滿足滑蛋鰻魚丼略嫌蛋太生,唔算太滑,鰻魚味道尚可黑蜜黃豆粉芭菲嘅雲呢拿雪糕係採用Haagen Dazs雪糕,好好味,而下面嘅配料就唔算驚喜,不過不失啦原味蕨餅食落去係好味,再配上甜甜地嘅汁係絕配,好好味

叫左個親子丼，個侍應成個盤呯一聲掟落黎，然後up左一輪野勁快，淨係聽到親子兩個字，其他完全唔知佢up乜，勁趕。個親子丼仲要等成25分鐘。員工黑口黑面，無禮貌，比錢時個女人黑口黑面，用信用卡但無比返張卡人，淨係比張單人，傻的嗎？連多謝都無一句，咩態度黎？講返食物質素，個親子丼唔係話難食，但唔值咁嘅價錢，要成$8x, 但唔係好大，個碗大但好快到底，而且雞內份量唔多，呢個價錢去食其他野好過，性價比極低。咁嘅價錢但換來咁嘅服務態度，以後唔會再黎食！

MEGA唐揚雞丼 ($448，四人份，包每人一枝札幌啤酒/汽水）其實好抵食，唔係講笑因為其實六/七個人黎食都可以完全食得飽，咁除返開，每個人都係幾十蚊，就可以食到丼丼屋，仲唔係抵到爛？話說我就係不自量力同左四個人去挑戰，食左7分鐘就知自己要GG了不過我地好smart咁帶埋飯盒去裝D炸雞返屋企，無浪費到講返個丼出乎我預料的好食，本身以為炸雞會好油、好乾，飯會好難入口但雞肉真的好嫩口，炸粉完全唔厚，岩岩好，炸雞好熱，仲保留到肉汁，的確唔錯呢個丼飯，總重量差唔多四公斤，真係好多，隔離枱食客都係咁望過黎個丼飯配有四種醬汁--> 南蠻醬、黑松露沙律醬、咖哩沙律醬和他他醬四隻醬都唔錯既只係黑松露醬太重黑松露味，有點over左他他醬就似M記魚柳bell個醬南蠻醬就好好食，同埋本身個雞丼已經淋左南蠻醬挑戰小提示- 個丼飯好很熱 (一開頭真係食唔入口，因為太熱，所以我建議大家扮影相，影多佢五分鐘，等佢無咁熱先開始)- 飯其實唔係大佬，炸雞先係大佬 (飯我地八分鐘就食晒，但炸雞我地最後仲淨左差唔多二十件)- 飲品最好唔好飲住，好頂胃 (啤酒/汽水你都明啦~) 完左個challenge慢慢飲啦

係荷里活廣場入面多左好多食店的選擇, 而丼丼屋經常都會係選擇名單上出現。因為佢有好多丼都好出色, 亦會經常推出不同的新set。要試晒每一款都唔係咁容易XD今次終於夾岩時間可以試到佢限定推出的「黑天丼」定食呢個定食非常巴閉 haha, 每日都有限定時間同份數供應。係荷里活廣場入面就只有平日17:30後或星期六、日、假期11:30-14:30&17:30後供應每日限定20食>.< 所以之前有幾次去到都食"檸檬"去之前打定電話問仲有冇呢個set可以order之後就立即衝過去XDorder完之後都要等大概10-15分鐘左右先上菜。呢個定食一共包左4樣野: 沙律、味噌湯、綠茶冷麵、黑天丼沙律前菜普普通通, 有粟米 車厘 生菜 同 淋左ge麵包粒XpXp味噌湯就正正常常 唔會太咸綠茶冷麵~ 雖然麵就真係冇乜綠茶味, 但係熱的天氣下食到冷冰冰的野真係覺得好refresh同舒服可以大啖大啖咁食落口, 食冷麵一定要加紫菜, 令成碗麵生色不少 到黑天丼啦!!!!!期待已久一共有炸蝦、南瓜、茄子、秋葵、鰻魚同玉子就咁食天婦羅會有點點咸, 不過送埋飯一齊食就剛剛好!岩岩好可以食晒成碗飯, 不過

愛好日式美好既我，自己食晏當然揀番日式餐廳啦 係荷里活廣場搵食途中，眼前就見到「丼丼屋」襯仲未需要排隊就拿拿聲入去食番餐日本野面門需要唔大，但係入到去空間頗為寬敞~適逢今日係平日，有lunch set 我就當然即刻叫左我最愛既滑蛋吉列豬扒丼定食~配埋杯冰凍咖啡~個餐有沙律、面豉湯同主食滑蛋豬扒飯個沙律唔錯，啲菜幾新鮮，配埋蕃茄仔同麵包粒，整個配搭係味道同口感上都幾配合！惟一差少少既係個麵包粒唔太夠脆~另外，我對個湯有啲失望，因為個湯完全唔濃郁，有啲似水，配料又完全欠奉，所以個湯可以唔駛飲。主食方面果然無令我失望~ 首先，塊豬扒炸到好脆，麵包槺又唔厚，薄薄一層，唔會厚過豬扒~ 另外，豬扒本身亦唔會太肥、唔會太瘦。 滑蛋方面，亦相當唔錯！塊滑炒得嫩滑，半熟既雞蛋流哂啲蛋汁落係白飯上，令到個飯食落更加美味

成日經過丼丼屋都覺得好似會幾好食咁，為左裝勵下自己，終於有機會入去食！滑蛋吉列豬扒丼（＄85）滑蛋都做得幾好，食落去真係滑滑地，唔係變左煎蛋咁。而味道都有調過，好香既洋蔥同醬油味吉列豬扒有六舊，係正常size。食落都幾鬆化，唔係用左鬆肉粉個種感覺，而係真材實料但又唔係硬梆梆個種感覺！炸完出黎仲係好juicy個炸皮唔會太厚，食落唔會覺得食粉多過食肉。但食落有少少皮肉分離，依一點有待改善！日本米就係一既往既好味雖然真係幾貴，但又幾唔錯，下次要試下食魚生丼！

一直都係丼丼屋既忠實粉絲。最近見佢換左餐牌，多左唔少選擇，仲有石板燒添。而今次同朋友就嗌左寶石海鮮丼同親子丼，兩樣野味道都唔錯，份量適中，值得一試。白飯上盛滿唔同款式既海鮮，用紫菜包住切粒海鮮同白飯，超級滿足，味道亦相當鮮甜。玉子燒味道比較普通，價錢亦都比較貴。跟餐既湯，味道清淡。蛋控一定要試！不過今次啲蛋就熟左少少，雞肉就不過不失，無乜特別咁。感覺上，轉左餐牌之後，食物款式多左，但味道不如以前，退步左。

成日見到丼丼屋好多人，都無機會去食，今日要去新蒲崗打波前，去鑽石山廣場食個晚餐先鑽石山都好多餐廳選擇，不過最後比丼丼屋吸引左難得時間仲早，唔洗等位！好坐早入去，因為坐低15分鐘後已經見人等位。睇menu時見到名古屋鳥開親子丼好吸引，有隻流心雞蛋係個飯上面，於是叫左來試試！店員話加多少少錢可以轉定食，見隔離枱枱都有加定食，雖然我都怕會食唔曬都忍唔住加左個定食真係好大份，超級大滿足。Menu相片如實物，蛋及雞肉份量十足，足足蓋過成個飯

都有一排冇去丼丼屋食飯，所以星期五夜晚就去咗食，發現佢哋轉左Menu，食開既剌身迷你丼已經冇咗年lu，但係因為都好想食啲刺身，所以今次就帶咗呢一個新野 - 迷你海鮮丼，然後再加沙律定食。迷你海鮮丼包括左三款好細嘅刺身飯，有三文魚飯，吞拿魚飯同帶子飯，分量非常少啱晒唔鍾意食飯嘅朋友。最鍾意係三文魚魚子飯嗰碗，三文魚非常新鮮，魚子一啲都唔腥，最唔鍾意係吞拿魚飯，淡而無味，又甩啲紅色出黎，非常麻麻，至於帶子，好普通，因為唔係大嗰啲帶子，有少少硬。

小米放假，約定在荷里活晚餐，就交由小米選擇餐廳和搵位。來到鑽石山地鐵站，先了解小米在哪家餐廳。小米回覆：2個井字中間都有1點，招牌係黃色的餐廳。明白了！就是上次跟小米食吉列豬扒的日式餐廳。　由於六時多，晚市剛開始，客人不多。而小米跟母親大人因為肚餓，早已點了吉列豬扒野菜定食和烏冬。吉列豬扒野菜定食　小米喜歡食炸豬扒，香脆又啖啖肉。豬扒連炸皮來量度，真係超大塊，厚過手指。自己嚐了一件，吉豬口感好乾，Charm到脷有少少痛。　無奈小米不吃沙律菜，自己就可以增加膳食纖維了！　豚肉烏冬  體積雖小，幸好母親大人食量不多，這碗烏冬份量是ＯＫ的。如果換左係男性，可能要加餸。滑蛋吉列豬扒丼　　自己也要來一份。滑蛋吉豬大大碗。吉豬跟剛才小米那份定食，應該呎寸一樣。但這碗有汁有滑蛋來滋潤，無咁乾，容易吞。而醬汁又甜甜地，撈飯一流。三個套餐，合共265.1個大洋。剛好265個信用咭積分，可以當265元使用，實際上只付1毫子。真係好抵！