丼丼屋 (荷里活廣場)

营业中

休息中

平時都見到好多人喺門口排隊等位, 發現可以用"THE GULU"app攞定號碼, 預先用app攞籌唔駛去到先攞籌, 仲可以用app睇住叫到幾多號都幾方便。 等咗十幾張枱就到, 入到去店員會先提醒90分鐘用餐時間, 唔怪得唔算等好耐。見到餐牌個味噌吉列豬扒丼配溫泉玉子幾吸引, 就叫咗黎試下, 另外配咗套餐有野菜沙律, 前菜, 麵豉湯, 仲有薯餅。食物算出得好快, 10分鐘左右就上枱, 黎到望落真係好多野食, 雖然個丼碗唔係好大, 但塊吉列豬扒係大過個碗架。 吉列豬扒炸得好脆, 咬落仲有肉汁唔會乾, 我先夾起豬扒, 再將少少味噌醬, 玉子, 蔥同紫菜撈好飯先, 估唔到一隻蛋可以撈到成碗飯, 蛋味勁濃, 可以食哂成碗丼都無問題💕沙律新鮮, 平時通常前菜麻麻地, 但呢個八爪魚瓜又幾好味👍薯餅就不過不失啦~呢碗丼會令我再想黎食, 下次想試埋天婦羅丼, 呢次黎到已經售罄了。。。

其實依一間野呢可以話係打工仔嘅飯堂，因為其實鑽石山荷里活廣場係冇乜嘢食嘅。佢哋嘅咖喱幾符合香港人嘅口味，因為係比較偏甜但有少少鹹鹹地，而且佢哋嘅汁你啲比得幾多下嘅，認真講句配飯食真係一流。佢哋嘅炸豬扒都幾出色，因為佢哋嘅表皮唔會太厚唔會太薄，炸得啱啱好。同埋放喺上面嘅蛋都幾滑下❤️，依一個係其中一個出色嘅位佢地既湯方面我就覺得一般般啊同其他市面上嘅差唔多。但有時候打工仔其實唔知食啲咩嘅，一個套餐有埋沙律菜有埋湯有埋飯，六十幾蚊左右真係抵諗

-大分南蠻雞丼定食😋 （$85）（大分南蠻雞丼配沙律 🥗 和風湯，千本潰）雞胸肉炸到好酥脆，食落外脆內軟🤤，肉質都算嫩滑，唔會好鞋😊，雞胸肉厚切👍🏻，而且炸皮好薄，好吸引👍🏻再配埋秘製南蠻醬和他他醬，食落好開胃😍唔會好濟☺️味道真係不錯😎-Name🏠: 丼丼屋Location📌:鑽石山龍蟠街3號荷里活廣場3樓371號舖（港鐵鑽石山站 C2 出口，步行約十分鐘）價錢💰:大分南蠻雞丼定食 （$85）

喺呢個商場食嘢最大嘅好處就係有三個鐘免費泊車 而且 地方乾淨企理。 呢間嘢食嚟食去主要都係炸嘢 喉嚨差啲都頂佢唔順。 如果你享受食炸豬扒嘅呢間啲炸豬扒係唔錯。 價錢屬於一般 唔係好貴又唔係好平。 不過除咗炸豬扒 或者其他同炸嘢有關嘅之外 其他嘢真係冇乜特色冇乜特別。 啲烏冬係正常嘅質素啲飯都係正常嘅質素。

阿仔好鍾意係呢度食晚飯， 但次次嚟親都要排長龍， 尋晚就輪到我負責排隊，佢兩仔爺去shopping買聖誕禮物。 我哋三人座位大約等咗半小時就可以入座， 用餐時限90分鐘， 當然每次餐廳都會好配合 ，食物好快就會上枱， 所以就算食得幾慢，都有足夠時間食的。今晚阿仔 食他的最愛鰻魚丼， 他不用30分鐘就把他幹掉了。 老公就食Regular 十勝豚肉片飯， 上枱時已經聞到好香的烤豬味，好食。 而我就清清地叫咗個親子滑蛋雞丼， 將所有餸及蛋汁 撈埋一齊食 ,容易入口, 另外我加多杯巨峰提子少冰， 所有食物及飲品貫徹始終，keep到水準，值得一讚另外，如果埋單用某公司的信用卡，即送20蚊coupon， 下次可以再去。

大分南蠻雞定食🍱$85最近得知丼丼屋聯同日本九州「舷喜屋」推出人氣金賞限定丼物「大分南蠻雞丼」👍不愧為得獎丼物🥳日本雞肉，肉質鮮嫩😏配上秘製南蠻醬同他他醬，加上外脆內軟既口感😋確實滋味無窮🤤價錢合理之餘，亦可以品嚐到日本金賞認證既丼物🍱單單味道同質素，都唔能夠同平價既丼物相提並論🧐喜歡丼飯嘅朋友絕對可以一試😉

放工又係時候找野食，唔想吃太複雜，又唔想吃太多，又要有水準喎！最後選左簡單。鮮味的丼丼屋！今次去左鑽石山分店，就地鐵站C出口的荷李活廣場3樓，很好找！無來一排，個menu update左！我叫左迷你海鮮丼！一次過滿足我3個願望！加左$25變左餐加一個小食！等左一陣就有得吃啦！我最鐘意三文魚🍣親子飯，有口感，味道也最鮮甜！吞拿魚都好新鮮，而且分量好多喔！吃到最後的小帶子，我都已經好滿足啦！友人就叫左滑蛋吉列豬排丼，我覺得$88，性價比高，但我還是喜歡魚生多少少！我們另外加了玉子卷同咖啡牛肉薯餅，都唔錯！如果玉子再熱D就更好了！小食都有呢個，又幾好吃喎！

鑽石山行完街，諗唔到食乜野，就隨便揀左呢間日式食店。雞肉丼定食：估唔到咁好味，雞肉好滑好香，又足料，成碗超大碗，女仔兩個人share都夠食。定食包左既沙律，都好新鮮，汁撈得好味。海帶湯都有幾隻蜆。朋友叫既蜆湯烏冬，都好多料，味道都唔錯。

睇完戲之後係商場度搵野食，因為時間仲早，所以唔洗等位就入得啦～今次食既係醬油漬海鮮丼，食材都算新鮮，魚生份量都好足夠，不過味道好似淡左少少呢~跟定食既湯都好淡呀~諗住豐富D所以加配左小吃，加配既芝士蟹蓋同芝士豚肉薯餅有d失望，芝士味唔夠，同豚肉都唔夾，整係芝士薯餅應該會吸引我多d。其實鋪頭仲有其他餐點，好似親子餐咁有黑熊既贈品等，不過價錢都有少少貴，黑熊粉絲可以黎睇下呢！下次食既話叫定食就okay，小吃唔洗試啦～

今日和朋友相約較晏，一睇鐘已經係下午茶時間，就入左丼丼屋食個晏午餐，下午茶餐種類唔算多，但基本的刺身，牛，鰻魚，雞肉都有一款，最吸引我嘅當然係滑蛋雞肉丼，而朋友叫左個牛肉丼，另加左芝麻雞翼，滑蛋雞肉丼賣相極好，蛋唔老，雞肉明顯有烤過嘅味道，令我回想起上年係名古屋時食過嘅滑蛋雞肉丼，如果以為滑蛋雞肉飯嘅雞肉唔需要味道，真係大錯特錯，烤過嘅雞肉令丼飯倍添色彩！配答滑蛋，真係食指大動。芝麻雞翼即叫即炸，黎到熱辣辣，咬落皮脆，芝麻又香，非常惹味，下午茶黎仲唔洗等位，讚！

食過好幾次丼丼屋都是在德福商場，今次到荷里活商場突然又好想食丼丼屋，大約排咗十分鐘隊終於入到去。今次叫了兩個定食丼，十勝帶廣名物豚丼並盛$88，特上盛大蝦海鮮丼$128，兩個餐都加配玉子卷定食$25 和芝士蟹蓋$30，再加凍檸茶$10 和熱柚子茶$10。玉子卷上到枱的時候凍凍的， 同埋感覺蒸得太耐有點硬身，不太好食。十勝帶廣名物豚丼並盛， 豚肉多汁野味， 又唔太鹹，好味！ 定食包括海帶湯 (味道比較淡)， 前菜沙律 ( 蔬菜夠新鮮 )， 還有一樣小食青瓜魷魚 ( 甜甜酸酸用嚟送飯唔錯 )特上盛大蝦海鮮丼， 刺身新鮮，海蝦好大隻， 吞拿魚和三文魚啖啖肉，還有帶子夠鮮味。芝士蟹蓋， 味道普通， 雖然好多芝士但食唔到芝士的香味， 同埋蟹蓋入面多數都是蘑菇之類的餡料，不太吸引。個人感覺都幾喜歡丼丼屋這間連鎖定食餐廳， 價錢適中，食物質素有一定的水準。

丼丼屋呢兩年開到周街都係，但我平時都好少食，因為覺得少少貴。由於太耐冇食，今日心血來潮突然想試一試佢有冇咩變化，Menu我都冇認真睇就入左去啦。😂點知非常有驚喜！-我本身好鍾意食滑蛋xxx, 平時呢通常會揀滑蛋豬排，冇會揀滑蛋牛，最尾先會揀滑蛋雞（因為大部分都係超難食既雪藏雞胸肉）。望一望menu, 見佢寫到個 名古屋鳥開親子丼（$83）（滑蛋雞）咁巴閉，咪試一試囉，預左中伏！點知咁好食😍😍雞肉真係如佢所講，非常彈口，同埋雞味好濃，又冇咩雪藏味。蛋就真係好正，佢係滑蛋再加半熟既蛋，所以比就咁食滑蛋口感更滑。真係極力推薦大家唔好再食普通滑蛋雞，要食就食呢個。😊朋友叫左個十勝帶廣名物豚丼特盛（$108），再加玉子卷定食（$25）。佢話個份量岩岩好，岩岩可以一啖豬一啖飯咁食。豚肉燒得好香，咬落去油香出曬黎，熟度岩岩好唔會老！難怪menu又咁極力推薦～玉子卷我就試左舊，裡面有少少黑應該整左好耐，所以就差少少啦。但丼丼屋丼飯好味就夠啦，係咪？😜😜總體而言，雖然價錢唔太平，但佢有貴既道理。佢真係比真才實料你，唔係食垃圾😜😜😜😜可以一試！我都會再黎食名古屋鳥開親子丼🤤

是日早收工，5:30到鑽石山，見人流少無人爭位，就入左丼丼屋食久違了的吉列豬扒飯，對上一次喺一年前樂富分店度食記憶中舊豬扒又大塊又淋。今次價錢都冇睇就直接要咗，滿懷希望等左10幾分鐘，上到來有少少失望，因為賣相真係一般。前菜同個湯冇咩好講，味道正常一般貨色，吉列豬厚切，味道吾錯，但慘在質地硬，厚加硬，真係食果個都有d難度🤦🏻‍♂️到滑蛋飯，味道正常，但一路食一路出水🤦🏻‍♂️。到刺身賣相幾好，睇落新鮮食落都好味，但係條蝦腸仲有舊吏，吏呀！喂！🤦🏻‍♂️各位食果時自己小心。

難得今日放假 就同咗朋友入左西貢行吓 趁未天黑 就出返巿區喇 廢事夜啲太多人 等唔到小巴🤧 出到鑽石山 因為唔熟呢頭 所以就淨係諗到荷里活廣場有野食😅 望住商場指南 幾乎全部都係連鎖店 一時間都唔知食咩好 行下行下就入咗丼丼屋🤔餐牌食物種類唔算多 有魚生飯 十勝名物丼 滑蛋丼等 最後我地叫左個滑蛋豬扒丼 同十勝帶廣名物豚丼🥢 我地都好肚餓 所以十勝帶廣名物豚丼嘅份量大小 我地嗌咗特盛 同普通只係相差$20 到上菜嘅時候 呢個十勝帶廣名物豚丼份量比想像中細好多 不過佢嘅豚肉真係好好食😻 醬料味道好特別 而肉質幾林 肥瘦適中 可惜份量較小 有啲失望🙍🏻‍♂️ 而滑蛋豬扒丼份量都幾足 豬扒食落口香脆 而滑蛋半生熟咁 餸飯一流呀👍🏻 感覺上呢個飯大份過豚丼整體黎講 丼丼屋嘅食物質素幾好 可惜份量小咗啲 而食夠$200再用恒生enjoy卡埋單 會送一張$20 coupon 可惜我地冇啦😭

今晚同朋友來到丼丼屋，我們好幸運不用等位。我本來想要點一份兒童餐，但店員說12歲以下才能點，頓時覺得很好笑，店員也很風趣說我看上去也像但可惜不是，很好笑🤣🤣後來我們點了滑蛋吉列豬扒丼和三色海鮮丼，朋友的是滑蛋吉列豬扒丼，而我的是三色海鮮丼。三色海鮮丼包括有三文魚、吞拿魚和油甘魚。上面有一塊紫蘇葉跟少量薑片和即磨wasabi。魚生入口就知道很新鮮，調好豉油wasabi醬汁，淋入魚生飯裏面，一口飯一口魚生一口薑片，很美味呀🤤因為我是非常喜歡吃紫蘇葉的😅，所以特意嘗試問問店員可以多要幾塊嗎？她說幫我問問，隨即走進㕑房幫我問師傅。過了不久就見到她端著一個小碟，裝住我最愛的紫蘇葉😍，真的有呀，謝謝師傅👍🏻