串Grill 自助燒烤專門店 (廣華街) (已結業)

BBQ restaurant with Automatic grilling machines@MKMy friend and I went to a restaurant called “串 Grill‘’（串Grill 自助燒烤專門店） located in Shop 10, G/F, Tsui Yuen Mansion Phase 2, 2-20 Dundas Street, Mong Kok旺角廣華街2-20號翠苑大廈2二期10號舖. The selling point of this restaurant is definitely the automatic skewer grilling machines which constantly rotating the skewers!!!The skewers are cooked evenly and ready for you with minimal effort with this machine!!! Genius!!!The buffet costs HKD$198-HKD$268 per adult(depen

上星期係附近食糖水，經過見到間自動串燒店。見到環境都幾舒服，乾乾淨淨咁，咁裝下d野食啦，幾好樣咁喎，環境都企理兩百幾蚊就試試佢啦。咁就book位今個星期食. ....期待一坐低就嗌左幾款肉啦，而醬汁方面有3款，個梨汁同沙爹汁好正，仲有辣粉同孜然粉。另外 汽水都好多選擇。首先講下食物 佢主打既牛肋肉同豬頸肉好正，牛肥瘦均勻 而個豬係爽既，唔會覺得柴皮同好肥膩，好多肉汁，超正台灣腸同墨魚腸都好好味呀青魚係肥嘟嘟，咬落啖啖肉最重要係唔腥 幾新鮮。仲有雞皮同豬大腸 好少地方有得食，唔理爆quota 我地每人食左各兩串! 我地3個大人1個小朋友食左150串左右。小朋友都勁食，話d牛同雞翼好好味。講定下次再黎燒綿花糖最後食埋個haagen dazs🍦簡直就係完美的一天值得再黎！

朋友生日，諗住試下新店。打左一日電話冇人聽。專登行去店裡問下啦，因為網上又冇寫可定位，諗住早兩日去問，點知....店內啲人串到！係呀我哋好忙呀，電話接電話唔停。你可以WhatsApp 定位好，咁我可以現在定位嗎？之後，第三個男員工出嚟問定幾時？我話星期五...啊喲，星期五晚上滿晒啦。係呀我哋電話好忙，你哋WhatsApp 定，之後9秒9試啦⋯⋯頂...呢啲咩態度下次宣傳廣告請清楚提供預定資料雖然香港唔係大

經過廣華街, 除咗睇模型, 睇軍事用品之外, 食嘢都係一個非常之好嘅選擇, 今日我享受咗個早鳥優惠, 佢喺happy hour嘅時間七點半前離座, 228蚊特價, 比peak hour平咗40蚊,  非常之抵!好彩早去,  否則就滿座, 入到去非常的貼心, 提供一個圍裙, 以免我哋整污糟件衫食品方面, 非常之多元化, 大概有50款 差不多每款都叫左, 有牛,有丸,有海鮮,有菜,又有腸,我最鍾意佢哋嘅醬汁,調教得非常之好,韓式梨汁燒烤醬同埋沙嗲醬, 最正就係可以混埋一齊, 層次非常之豐富, 佢嘅燒烤用自助嘅模式, 用鐵支插上食物, 放在機上面自己慢慢轉, 大概一round用15分鐘左右就熟成啦!, 有都算幾方面, 仲有任飲, 呢個價錢,  性價比都算幾高

一行四人一起到餐廳食自助串燒。開始時有店員會教導如何燒，再簡單介紹醬汁，有沙爹醬，燒汁，梨醬，泰式香辣醬，孜然粉........之後就開始點喜歡的串燒，款式非看似不多，牛都分不到边款還边款，但爆起來都夠食，有些串燒點了都無，原因不明，但再點就有架啦！可能漏左姐。飲品方面就都係自由取的，有冬瓜茶，汽水，豆漿，lemon tea ......想飲幾多都得，但，餐廳可以提供一些涼茶比較好，因為食串燒都咪話唔熱氣，餐廳有涼茶會再加分！最後食完仲有哈根達斯送，一人一杯！都夠滿足！

經過廣華街, 除咗睇模型, 睇軍事用品之外, 食嘢都係一個非常之好嘅選擇, 今日我享受咗個早鳥優惠, 佢喺happy hour嘅時間七點半前離座, 228蚊特價, 比peak hour平咗40蚊,  非常之抵!好彩早去,  否則就滿座, 入到去非常的貼心, 提供一個圍裙, 以免我哋整污糟件衫食品方面, 非常之多元化, 大概有50款 差不多每款都叫左, 有牛,有丸,有海鮮,有菜,又有腸,我最鍾意佢哋嘅醬汁,調教得非常之好,韓式梨汁燒烤醬同埋沙嗲醬, 最正就係可以混埋一齊, 層次非常之豐富, 佢嘅燒烤用自助嘅模式, 用鐵支插上食物, 放在機上面自己慢慢轉, 大概一round用15分鐘左右就熟成啦!, 有都算幾方面, 仲有任飲, 呢個價錢,  性價比都算幾高

客觀地說，雖然食物選擇不太多，但食物質素不錯，而且形式很特別、很有新鮮感，店員細心有禮！不過有件事我想反映返～事前我留意到OpenRice有一個九折宵夜優惠，於是在職員confirm booking 時便順道詢問那個優惠可否即日買當晚用，那個職員說要問經理。那好，但等了一段時間，還未見有人回覆，於是我再打電話跟進，而另一位職員便回應優惠只適用於星期一至四。當下我不以為然，以為自己沒機會用到。但後來我再細心睇OpenRice 條款，明確寫了星期一至日宵夜時段適用，為什麼突然改了星期一至四？再者，如果只適用於星期一至四，那麼優惠價錢（$214）還貴過原價（$208）（未加一的價錢），合理嗎？當我再打電話詢問又沒有人接，而且message 問他們也沒有回覆。最後我也不理照買照用。我想講，既然搞得個優惠預左有人用、有人問，如果係其他合理理由reject，我可以理解；但唔好當人傻仔隨便找個藉口推塘而唔想人用個優惠，而且的確是該店在OpenRice 提供優惠而又不是那種故意刁難突然在鋪頭R折扣那種。如果真係覺得蝕便不要搞優惠吧！

本身諗住去另外一間，但見到原來旺角都有就近近地，what’s app佢book位。間野都幾乾淨，服務態度也唔錯，又有新意，本身食到一半已經同我另一個friend一班人再黎多次。但當妳好滿意既時後，點到第三輪野食時佢先同我講冇牛舌貨（之前點左兩轉牛舌佢都冇同我講冇貨），咁我點左幾款腸仔，問個侍應邊款係漢堡扒🍔腸，佢都同我講冇貨，我最期望食佢個漢堡扒腸仔☹️食到尾聲 最期待既Haagen dazs 雪糕🍦佢竟然講 冇貨！！！但亦都冇其他甜品🍮其實如果我入座時或當日打俾我confirm booking既時候同我講明牛舌，漢堡扒腸 同 Häagen-Dazs雪糕暫時冇貨條氣都順啲。咁我都可以選擇第二日去有貨先食，唔係我食到差唔多最後嘅時候先同我講無貨。咁冇理由我俾同一個價錢但係冇得食，我後面嗰台投訴跟住俾咗個discount佢哋。我哋埋單嘅時候就問咗佢一句點解後面嗰台有得折，之後去做返同一個價錢俾我哋本身係$435兩位，之後折左$413。如果我會再去多次的話我會問清楚有邊啲係缺貨。Overall其實都幾好，係如果佢入座前同客人講今日乜乜乜冇貨可以再encore!P.S: 嘢飲嘅選擇都幾多

今天看到了飲食頻道的一段影片推介，旺角開了一間創意的燒烤店😍已不記得串燒係由幾時興起同邊度傳嚟了，反正就係我的最愛美食之一，傳統的串燒店係從餐牌上點選自己喜歡的串燒然後廚師燒給你吃的，而呢間串Grill就由自己將串燒放在枱上的燒烤架燒，非常🈶️特色今日專登book咗早段即係歡樂時光，食完仲夠時間去睇返場戲、最緊要係比正常時段平左$40，我哋兩個人咁就慳咗$80啦將唔同嘅食材名堆砌在牆壁上突顯店主的創意🥰這𥚃是120分鐘任飲任食的，食材種類分為七大類別～牛🐂、丸🍡、豬🐷、雞🐔、魚🐟、腸🥖、菜🥬食串燒當然唔小得調味粉同燒烤醬汁啦、呢度提供各式各樣的配料～孜然粉、辣粉、燒烤醬、蒜鹽、海鹽好溫馨喔餐廳提供了鬼馬的紙圍裙，唔使驚啲汁彈落件衫度，咁就食都食得放心d啦每逢食放題order了的食物總係嚟唔齊同埋好耐！但今日我總共交咗6次點菜紙，每次都準確無誤、而平均二至三分鐘食物便到了，扺讚👍🏻店主話所有肉類都係外國進口，唔用內地及巴西貨色，唔怪得食材賣相新鮮又有光澤最佩服係呢個旋轉燒烤的機關只需要將串燒放喺凹位度就會自動旋轉🥰，令食物平均受熱地烹調，而且食物的生熟程度完全由自己控制，特別係燒牛柳、我個

今日去旺角行完街就搵野食醫肚啦，見到有間新開既串燒放題，見佢門面幾舒適就入去試下啦！真心講放題期望期望真係唔會太大既，入到去梗係飲野先啦，同出面放題一樣出去雪櫃揀既。一般正常有既汽水佢都有，烏龍茶果d. 好喇，坐低嗌野食先，見到個menu都好貼心，比哂最佳燒烤時間你，驚喜發現完來係轉轉燒烤爐🍡🍢啱哂我地d懶人。😌而食物方面有M5和牛，牛肋腩，黑毛豬。我地兩個牛魔皇當然每樣都試下啦。等野食期間 發現店舖既濕紙巾造型係相當攪笑，例如‘你條腸好黑’haha)))) 好快一盤盤既野食到喇，當然放哂d貴野和牛落去先啦，同埋快熟麻，經店員推介試下點佢地自家出品既燒烤醬，話點肉好正。另有辣粉同孜然粉。好，先試下個主打和牛😱 確實有驚喜.....好有牛味，肥瘦分布得好平均，有肉汁。讚👍🏼 再試牛肋腩，好冧同埋唔會有陣so味，因為好多時都會有so味，到個美國豬肋柳，好爽同埋一d都唔會鞋颯颯，最重要係唔膩，另外有台灣腸，墨魚腸，雞皮，菠蘿，豬大腸等等......都好食，至少唔會一陣雪味。兩條女大戰兩小時一共食左3x幾串啦⋯⋯最後店員話有甜品架，我以為係布丁🍮果類啦，原來係攞你命既haagen dazs雪糕

好耐無出手寫食評既我，今次忍唔住要出手啦因為竟然比我發現呢間新開既極具創意自轉燒烤啱晒懶燒嘢食但係又好鍾意BBQ美食既我，只要將一串串既燒物放落個爐度，個爐自動就幫你燒，我地幾個朋友一邊吹水一邊就不停食，估唔到BBQ都可以變得咁舒服簡單最重要係有好多非一般既燒物重點推介和牛，牛脷，黑毛豬頸肉，豬肋柳，豬柳漢寶腸，雞軟骨，鯖魚同燒雞皮點配埋特製辣粉非常惹味，不過我認為如果可以加埋街邊果種傳統沙嗲醬就更Perfect喇，呢道係120分鐘任飲任食，好多呢類店舖都有甜品點的，希望將來串Grill都可以加小小甜品咁就更加完美喇

聽講旺角開左間新野,有部串燒機係中間,自己轉下轉下好似幾得意就約埋D朋友去7:00去到因為BOOK左位,所以可以即刻入去,去到都FULL FULL 地,地方唔算大大約40個位左右我地坐4-6人枱,都幾大張 唔會好迫,之後好快有位女職員問我地用過未,教左我地用同埋比左條圍巾我地超細心!野食方面,牛有5種,有和牛, 推介和牛同牛利超好食豬店舖話係美國貨所以都放心食,味道都幾好唔會好干,肉質不錯另外墨魚腸同豬柳漢寶腸係勁勁勁好食! 我地RE左好多次 ! 食唔停口!可惜沒有羊,菜類叫唔係特別多,算正常最後仲有哈跟大師雪榚食,呢個價錢講真真心平既!同埋聽佢地講現在係試業中,黎緊會有更多食材加入 , 遲下可以再去試下既