串Grill 自助燒烤專門店 (廣華街) (已結業)

近排聽同事介紹左近期最Hit嘅自助串串燒，呢間串串燒店舖同其他串串燒店舖嘅分別就係佢哋係不需要經人手去不斷反轉又反轉甘去燒，佢地部燒烤機係全自動化幫你燒埋，簡直懶人恩物😬從油麻地地鐵站行過去，先經過家樂坊再經過廣華醫院就會見到廣華街架啦，大約行七至8分鐘到啦！店面可以見到佢地擺放出黎既宣傳海報，列出不同放題時段有不同嘅收費，今晚我哋就幫襯頭輪時段，每位盛惠$198。提提大家佢地只收現金一坐低，先上一盤什菜，等你除左食大量肉之外，可以食D菜平衡下跟住侍應生會即時幫你上一盤什錦串燒俾你準備拎去燒，唔夠可以再叫醬料架，有泰式酸甜醬，韓式燒肉醬同沙爹醬，其它有辣粉，鹽等等自動烤爐，放上魚，雞，牛，豬，羊，菇類烤醬，類似蜜糖甘，燒到一半熟搽上再燒就juice D有味D濕紙巾

//任食2小時// 自助燒烤// 飲品任飲呢間懶人BBQ店所用既燒烤機係會自己轉動, 只要將食物放上鐵爐上, 佢就會360度不停咁打圈轉, 等到食物熟既時候, 你就可以搽醬汁同拎上碟串燒食物款式多, 多達43種, 有澳洲M6和牛牛柳、雞軟骨、墨魚腸、羊肉卷、日本甜薯、棉花糖等等。供應既醬汁亦幾有特色, 有韓式梨汁燒烤醬、泰式甜酸醬、沙嗲醬必試牛舌、綿花糖、雞蛋仔！✤牛舌好爽嫩, 充滿油香✤烤至外微脆既棉花糖好有口感, 內裡帶點軟綿綿的, 一入口就溶化, 食完即刻再encore!✤一口雞蛋仔有蛋香, 外層微脆, 好特別, 可以當飯後甜點

Facebook見到廣告，見大家都話正，試完真心伏到一個點。店舖好迫、坐位好少直身一排靠牆既枱，最多坐到6人，另一牆身係通道，2人一個爐，4人又係一個爐，6人都係一個爐，感覺好差。6人一張枱好迫，放個袋都無位放。6人一張枱，枱面完全無乜位。款式好少Facebook廣告張相佢有蝦，但實際係無。食物質素全部食物都無醃製過，只提供孜然粉，鹽，胡椒，辣粉。肉質一般。烤煮過程烤煮過程好慢，烤丸要6至8分鐘，烤肉要10-12分鐘。限時120分鐘，基本上唔會食得飽。總結，二百幾蚊去食其他仲好。

想食到BBQ又唔想自己燒？平時自己一次最多2串🙈但呢度可以15串自轉串燒爐加上有40多款肉類和蔬菜可選，如有M5和牛、黑毛豬、雞翼、丸類海鮮和蔬果，野飲方面有10款飲品自助形式～店員會放在五層架再送上枱，非常整齊再遞上圍裙，以免衣服沾上醬汁好貼心～💕唔同味道的醬汁：韓式梨汁、泰式甜酸醬和沙嗲醬我最鍾意係梨汁～因為係廚師每日新鮮製成仲可以見到雪梨粒調味料都有特別的Grill辣粉～好惹味店員會在燒烤過程中觀察每枱的狀態，作出提醒🙈例如我就好需要人提，唔係好容易忘記😂推薦必食串燒：牛類： 1. 牛舌：超級厚切。厚實彈牙2.多汁的澳洲M5和牛肩肉眼3: 新西蘭牛西冷、美國牛肋腩牛肉味濃，香味誘人豬肉類：1.豬頸肉都係厚切好香脆新西蘭五花肉：豬味濃郁，油脂分佈平均雞肉類：1.雞軟骨：脆脆爽口又好鮮味，記得灑上幼鹽～2. 雞翼：單骨好方便咬開，又保持到形象可在燒烤過程中塗上燒汁，味道更香甜腸類：1.台灣腸：香甜爆汁，十分Juicy！蔬菜類：1.秋葵：爽脆的口感，同平時炒出黎既完全唔同2.菠蘿：新鮮菠蘿味道清甜又開胃～解膩啊！最後！ 拉絲的棉花糖不得不食，軟綿綿的內在加上焦脆的外表，這獨特的口感每人

今晚同朋友聚會，貪得意貪新鮮就預約左呢一間餐廳晚膳。餐廳既檯數量很少，檯面既燒烤爐串與串之間既位置太狹窄，燒大件一點的食物（如雞翼、冬菇、翠肉生瓜）的時候，你要預3個串燒位去燒。2小時根本不夠時間，因為燒烤爐的問題，我跟朋友已經密住手燒，但都燒唔切，職員還三留四次來告知我們時間夠鐘了，趕客。所以沒有下次吧！

-依間串燒店幾特別，最適合懶人食串燒😆店員會介紹和示範點樣用串燒爐，係限時之內可以任點食物和任飲🍹，店員會提供一張每款食物的串燒時間！所以，食物一到，就要即刻燒野食啦😋～-只要將串燒放上串燒架上的齒輪⚙️，食物就會自轉，好方便，等一陣就食得☺️，仲有不同調味粉同醬汁（日式照燒汁，沙茶醬同韓式梨汁燒烤醬）加到串燒上！-餐廳提供蕃茄仔椰菜沙律作為前菜🥗，食物款式都幾多，有豬肉🐷，牛肉🐮，丸類，蔬菜同海鮮🐟食串燒要配凍飲就岩曬啦👍🏻-在食物方面，牛柳🍖，西冷和牛舌都好好食🐮牛味好濃郁，牛舌肉質嫩滑，好有口感😍而鯖魚肉質鮮嫩，而墨魚咀，雞腎，墨魚丸，雞中翼，雞軟骨，菠蘿🍍，魚肉年糕🤗，魚肉豆腐，魚蛋，蝦丸，冬陰公魚塊，冬菇，日本甜薯🍠，秋葵，台灣腸，豬柳漢堡腸，墨魚腸等等⋯⋯款款食物都不錯，雞中翼好入味，2個人最後都食左40幾串 串燒☺️-最後仲可以食埋燒雞蛋仔和綿花糖😆燒綿花糖真係好好味，甜甜的，外面燒得脆脆的，正🤤-PS 只要Like 串Grill 的Facebook就有Häagen-Dazs雪糕食🍦！食埋雪糕就好滿足啦❤️-

前排朋友生日，我地捻住同佢慶祝就問佢有咩想食，點知佢話好耐無食過串燒，我地捻住揾間近排好hit嘅自助串燒餐廳試一試佢。餐廳串燒食物方面都叫足夠，有豬，牛，雞，羊，海鮮等。特別啲嘅重有棉花糖，雞蛋仔。大家可以到任食後段試一試。由於餐廳係採用120分鐘放題式，所以會有飲品櫃比大家自己去拎野飲，飲品都係任飲的。餐廳都會貼心提供埋濕紙巾，大家食串燒唔怕整到污糟邋遢。落單5分鐘後，店員已經將我地order嘅野用鐵串串起擺曬上架，所以肉類都無另加調味，大家可以係燒嘅時候自行調味。望落肉類等各方面新鮮，肉質都相當唔錯！餐廳嘅燒烤架會自動旋轉，大家自需要將鐵串卡係爐上，食物就識自動旋轉。擺左上去等5至10分鐘就食得，好玩就唔浪費時間。餐廳有提供唔少調味醬汁，大家係燒嘅同時可以查上食物上，燒起嘅時候會更好味！

又想食串燒但又唔想自己燒，串grill幫到你haha話說好耐冇食過串燒，適逢朋友生日，又想食串燒，唔知係自己太耐冇食定我太outdated，原來而家食串燒係可以自助，唔洗自己落手去到既時候，店員好有禮貌又主動幫我地keep係個蛋糕，仲唔洗收切餅費，一坐低就有椰菜沙律做前菜，而且有好多調味同醬汁揀，有泰式辣醬，沙茶醬同韓式燒雞醬，好特別，而個人推薦韓式燒雞醬 雖然係串燒放題但味道一d都唔差，又有好多選擇，你order完之後只要將串燒擺落燒架到，佢就會自動轉，大概6-7分鐘就食得，方便快捷。 溫馨提示:唔好以為佢任食就會比唔足份量，你order幾多就會比幾多串，千奇唔好眼闊肚窄lol。 最後本人極力推薦燒雞蛋仔同棉花糖港女都係鍾意食甜野

突然好想食燒烤但又唔想熱辣辣🤔终於去咗屋企附近間 串Grill 自助燒烤專門店🍢🍡呢度冷氣充足👍一坐低店員就遞咗盤大沙律🥗比我😁睇到張menu🤤🤤串燒選擇超過40款，有肉🥩有丸、仲有蔬菜🥬同海鮮🐟。肉類串～推介澳洲 M6和牛肩肉眼🐮食落腍滑有牛味。～美國豬肉眼🐷，肉質爽，油脂香🤤灑上孜然粉、鹽同辣粉👍👍仲有牛舌、墨魚咀、墨魚丸、豬大腸、雞中翼、雞腎、菠蘿⋯⋯⋯⋯全部都係必食之選，一定要試呀！呢個自動轉嘅串燒爐操作好簡單，只要將一串串燒放入爐上面鋼架嘅凹位，佢就會自己轉下轉下，幾分鐘就有得食。一串串放好然後去攞返支冰凍飲品，嘆住冷氣等食👍👍👍大家記得留肚食甜品，佢地嘅燒雞蛋仔，好好味，香脆得黎又帶點咸咸甜甜嘅味道，十分過癮🤤最後最後，Like佢哋嘅FB每人仲會有杯Häagen-Dazs雪糕送㗎！食品飲品種類選舉多，仲有不同調味粉同醬汁比你任意發揮，調教出自己喜愛的味道😋 絕對值得約埋朋友一齊去chuangrill聚一聚👏🏻👏🏻

琴晚星期日去左呢間串燒放題，d野食真係唔錯！一個人計埋加一$295一個人。地方環境唔算大，不過我地2個人食就算食得比較快，因為一個燒只可同時燒13串，肉類要更加多既時間去燒。我最鍾意食佢個甜薯、雞軟骨、豬頸肉同雞腎。其他食物都唔錯，我地2個男仔食都食左有一百串以上，每人like佢個facebook 就送雪糕。佢d醬汁有日式燒汁、沙嗲醬同泰式醬。粉都有4種，都好多選擇，雪櫃仲有好多野飲任拎，另外佢仲有件圍裙比你用，都幾貼心，都唔錯。個人覺得如果鍾意食串燒既人，都值得一試。

我已經好耐冇食過燒烤，所以朋友就介紹左我去 串Grill 自助燒烤專門店🍢一埋位店員就俾左一大盤沙律🥗而串燒選擇超過40款，有肉類🥩丸類、菜類🥬同海鮮🐟肉類我就推介澳洲 M5 牛肩肉眼🐮同美國豬肉眼🐷食落軟腍，而且口腔會充斥住和牛嘅油脂香🤤調味品都有好幾款，包括孜然粉、鹽、椒鹽、辣粉、燒烤醬，可以跟自己喜好加，識食嘅一定會燒埋綿花糖🙈燒到金黃色之後放入口，外脆內軟，而仼飲飲品有汽水、茶類飲品同果汁🍹自動轉轉串燒機操作簡單，只要將串燒放入燒爐嘅凹位，佢就會自己轉下轉下，所以我呢啲懶人喺到嘆住冷氣等食就得 na

我一向懶唔多仲意燒野食，淨係仲意食但唔仲意燒😂所以去bbq鐵板燒既機會真係一年都無一次咁滯😴但係我最近發現左一間啱曬好似我依種懶人既新bbq食法，真係可以食野唔做野la🤣我講緊既就係係旺角既串grill自助燒烤專門店😎依間店舖係做120分鐘任飲任食ga，大胃王就啱曬la🤤入到去一坐低就有一碗沙律送上，俾客人開開胃口🤤之後填完選菜紙交俾侍應，話咁快就有一盆盆既串燒送上，一d都唔浪費時間，非常有效率👍上串燒時仲有專人好細心咁解釋串燒點放上個自助串燒機，服務一流😁一放上去d串燒就自動轉，唔洗人手轉，超方便😁串燒種類都有好多，而我覺得牛類串燒絕對一定要叫，肉質口感一流，各位牛魔王係時候到此一遊la🐮而每張枱都放有唔同既醬料供選擇，好match到唔同串燒既品道🤩食得辣既朋友一定要試下個串grill辣粉，好惹味🤤另外仲有一塊餐牌係列明各項串燒建議燒烤既時間，咁就算唔識燒野食只要跟住說明書都絕對唔怕燒燶野食la😍食到口渴雪櫃仲有大把野飲選擇添👍食到就完既時候記得like串grill facebook專頁ar，有杯haagen-dazs雪糕食ga😋120分鐘任飲任食串燒放題選擇左星期一至四既Happy

懶人恩物之自動燒烤放題😍 話說香港已經熱到一個唔尋常嘅狀態，想燒嘢食分分鐘可能熱到中暑，唯有涼住冷氣食下燒肉咁，但始終板燒同網燒都係以片狀為主，想好似真正燒嘢食咁一串串咁即燒即食呢？呢度可以幫到你✨呢度每枱都會有一部燒烤機，只要將串串放上齒輪，就會慢慢開始自轉，而爐邊嘅發熱管就會慢慢將食物烤熟，能夠完美模擬出燒嘢食嘅效果，而且火候仲控制得更容易，冇咁易燒燶啲嘢食，最正係唔使自己轉支棒之餘，連食物都唔使自己串，一落order店員就會幫你成串完整咁出嚟，簡直係殘廢燒烤餐😂食物方面首推牛脷，以粒狀而唔係片狀形式出菜，烤至七八成熟可以食得，其嫩中帶彈牙之感真心不得了，當晚每人食咗三四串😍 另外仲有啲刁鑽小小嘅款式例如雞皮雞軟骨墨魚咀墨魚腸豬大腸等等都帶提供✨ 仲有嚟呢度一定要燒多春魚同鯖魚，魚類通常係最容易撻Q嘅款式，但因為佢係機械式自轉，所以就算呢啲容易出事嘅魚類都可以燒到好完美咁🤤燒到一半店家私人醒咗三串即將上場嘅新產品，分別係羊柳/羊西冷/牛肩肉，當中兩款羊肉好有驚喜，羊柳夠嫩滑，羊西冷就肉香帶咬口，而兩款都帶有羊騷香，幾特別✨當然同平時燒嘢食一樣，去到最尾實會燒啲甜野，必備嘅棉花糖，另

朋友介紹去試，話因為好爆場，一定要打電話去book位先。book左5點，準時去到入去坐底，終於明白點解一定要book位，因餐廳空間唔大，只有6,7張table。職員會隨後送上一set食物及一大碗沙律。以依種方法食串燒我都係第一次，好特別，等食物燒熟時又可以享用。食物以原味呈上，餐廳亦有提供足夠的調味醬料及各味粉比客人自行按口味調味。如果食完果set想加單，可以「寫紙仔」，串燒黎計，食物種類都算唔少。至於飲品任飲，可以自己出去拎。最後職員同我地講like埋Facebook有一杯Häagen-Dazs雪糕送。一次可以烤十多串，兩個人係剛剛好的，密密燒都食得飽。滿足!

openrice內找了幾間串燒店，原本這店不是我的第一選擇，但地區方便於是選擇這裹了。說真的，食物種類不多，質素不高，醬料選擇很小，牛舌又細又乾、還要一坐下就有一set食物給你，當中不乏丸和腸，如果兩個人來不用多點其他也很快會飽。我們坐最入的那張枱，冷氣不夠，越燒越熱，好彩我不大汗，但都熱到塊面紅晒。雖然是任食任飲，我們都另外叫了幾杯啤酒，但職員不停催促時間快到，我們7點左右入坐，8點職員已經說時間快到😡，快到9點時我們還淨3-4串未吃完，這時通知我們每人有一杯雪糕，但要我們拿著到外面吃🤬，行到出門看一看錶也只是9:07，眼看門口不是很多人排隊，這種服務態度真是令人不舒服，朋友說一句不會再幫襯，絕對認同。