串Grill 自助燒烤專門店 (廣華街) (已結業)

串grill @ MK
BBQ呢件事真係令人又愛又狠, Outdoor燒經常都好熱, 又好難燒得好靚仔wor. 所以今次就嚟到呢間自動BBQ店啦! 佢係以放題形式收錢的, weekday平DD, 2百幾都食到, 仲可以燒2個鍾, 大食仔不可錯過啦~ 
.
Salad first ~ 餐廳主打食牛, 所以先食一round牛是必須的!! 牛都有M6和牛牛柳, 西冷, 牛肋腩同牛舌~ 4款牛都好出色, 特別係牛柳&牛舌, 牛柳牛味好正, 一D都5會硬~ 而牛舌就好juicy &彈牙!! 食落係’索索’聲的^^ .另外都有好多食材, 特別推介食羊肉串, 肉仲會有小小騷味, 上面加D椒鹽粉食就真係一流了~ .雞腎都係BBQ必食, 咬落好爽口!!!! .墨魚腸同漢堡腸亦都好值得一燒, 出面比較難食到. 墨魚腸外層食落口感好正. 
.
甜品都有BBQ king 棉花糖同特色雞蛋仔! 2樣夾住食真係10分邪惡!! 
.
最後仲有 haagen Dazs 添。餐廳refill野食好快, 冇漏單, 而且店員會一路take care住, 飲品又任飲。小店真的需要support 下!!!

呢間店係任食串燒，價錢都只係2百頭，大食既朋友就岩曬啦。不過建議大家要早啲book啦，因為佢都幾full架入到去天花已經吊住好多紙鶴👍🏼一黎佢會上左啲串燒先，食完再可以無限加單。啲野食種類都多，最正係可以不停食牛！佢仲有一張紙寫明每樣野食要燒幾耐，岩曬我呢啲唔識睇野食熟未既人😂想讚一讚佢既爐，火力足，燒幾分鐘就已經食得，兩個鐘時間係好夠食！ 同埋係可以令到啲串燒自轉，可以好均勻咁燒唔怕燒焦😁 燒到7成熟可以查佢既日本燒汁😉 佢仲有好多味粉同醬可以自己調口味架！最後like佢某社交平台仲有Haagen Dazs 雪糕食😆

想BBQ，但又唔想自己動手燒，覺得又焗又熱又麻煩，所以看到這家可以自動燒烤的餐廳，覺得非常吸引。餐廳是走任食模式，很適合大胃王，不用計算著吃。7點半離席，更可以用優惠價格吃，$198+1。餐廳一開始就會給你很多不同的肉串，讓你一開始就可以燒，不用等。種類頗多，都是可以在點餐紙上找到的。餐廳很貼心地提供每種肉串的燒烤時間，雖然燒的時候其實不會這麼計算著時間，但也有個概念。肉串並沒有加以調味，是以最原始味道上桌，也因此，它們的肉串都非常的新鮮，沒有冰鮮味。若要調味，可以加餐廳秘制的梨汁燒烤醬，另外兩種調味料就不怎麼特別。這麼多種肉串，最推薦牛舌、美國牛肋腩、黑毛豬頸肉、台灣腸。質素普遍都很好，唯嫌豬大腸實在太肥。很可愛的雞蛋仔。每人一盒的Haagen Dazs 雪糕。總括而言，食物質素中上，價錢合理，值得一試。

想食串燒唔使返大陸，喺香港都有得食，而且仲係懶人串燒一次可以連續燒15串咁多，任食兩個小時飲品任飲，重點係黃店，點可以唔幫襯下呢！店員好細心咁介紹點樣用串燒爐，介紹唔同嘅調味料同醬汁！同埋有張紙教你每一種食材燒嘅時間，好貼心啊！先食左沙律打下底先（食食下先記得影相，大家將就睇）好似BBQ咁樣有埋支類似蜜糖嘅烤醬，燒到七八成熟可以搽係面，在按自己需要加辣粉胡椒粉海鹽等等嘅調味料吊味，好鬼過癮食果時仲可以點醬（照燒汁、沙茶醬、梨汁燒烤醬）味道好豐富！和牛牛柳、西冷有油香之餘牛味香濃，牛舌厚切又彈牙，五花肉又嫩又多汁，菠蘿超甜好解油膩！最特別係有雞蛋仔同埋綿花糖雞蛋仔好可愛相當有特色❤️從未試過串燒店有得自己燒甜品仲有埋Haagen Dazs一人一杯真心好抵食！ P.S. 濕紙巾都好特別XD

又黎食啦，自助串燒呢間在旺角好就腳，鐘意佢細細間，可以同朋友靜靜傾計，慢慢嘆。入到去每張台都有個轉轉燒的爐，因為都是放題形式，所以可以隨便叫喜歡的食物。選擇都有過百款，餐廳還好貼心準備一份時間表，教你每串食物燒的時間，就唔使擔心佢哋唔熟啦。哈哈，個圍裙好得意，有分男同女架，幾有心思。我食開一定要點佢地的秘製，醬汁，有自家製的沙嗲醬，梨味韓式燒烤醬，兩款都好推薦。唔可以錯過的當然係和牛，西冷，牛舌，牛腩，各個部份都有👍每次坐低都忍唔住要一大堆串燒，好彩每一串的份量不算太多，可以試到好多種類。豬肉種類推薦豬大腸啊，燒到外皮脆卜卜，里面就軟身有咬口。雞皮都好正，好小地方有，加入自己鐘意口味的調味料，不錯👍仲有呢個芝士丸，燒到里面芝士港出黎啊呢個價錢黎講，真係高質，連甜品都是Häagen-Dazs雪糕🍦最後值得一讚是店員的服務，好熱情❤️

今晚 其實都成十一點先到，但係都仲係滿哂！仲要等位，可想而知尼到係幾受歡迎呀！天花板有好多紙鸜，又有黃店logo，淨係尼兩樣野已經值得尼試喇！一坐低就有個開胃沙津食有好多野揀架建議大家燒個陣加啲海鹽，特別係啲肉上面，提一提個味，昇華好多，開頭無落到覺得有啲浪費左啲肉呀！雖然佢特別推介係嗰啲牛肉啦和牛啦雞肉，但係我就覺得其他嘅丸、海鮮同蔬菜全部呢都非常有特色，一啲都唔失禮！我自己特別特別推介係佢嘅雞翼呀！單骨，燒個陣加返少少椒鹽，燒到金黃色，正呀！另外真係十級推介，雞蛋仔燒到佢個皮脆，入面軟身，真係好正，連娘親都話要encore!至於棉花糖真係童年bbq回憶，點都要燒返串過下癮！自助串燒真係唔錯，又唔會好攰，又唔會好油，唔會食完成身油味！

難得出街食一次，見到網上有好評，一心諗住同班同事去試下，搵啲有趣野搞下。首先，員工態度好差，不停話我地呢樣唔岩果樣唔岩，又話我地唔識燒啲野，浪費晒啲食物，又話我地亂放佢啲野，但明明係佢個指示唔清晰，而且非常唔方便食客。全程不停俾佢責罵。俾錢你賺仲要受你氣。痴線。再者，食物質素真係好一般，啲肉啖而無味，牛肉韌到好似咬緊舊膠咁，啲丸呀腸呀，一陣怪味，好似不停重複解凍再雪凍好多次之後變壞果種味。最後，環境非常迫，坐得好唔舒服。一句講晒食物質素員工質素都唔掂！仲要成$300咁貴，絕對有好多其他選擇！呢一間絕對無下次！

喂💛香港人，唔係唔支持嘛💯💯💯店舖會將每人$10嘅收益捐俾有需要嘅香港人食物質素唔洗講，肯定有保證啦首先會preorder 一盤先，有需要再二小時內無限追加牛肉類🐮🐮十分高質，肉嫩，色澤又新鮮又靚，自己想燒至幾熟就幾熟，肥肉部分唔算多個人最鍾意食m6和牛牛柳，肉質比較冧，容易咬燒至7成熟左右就可以加佢地自家製燒汁，甜甜地好match🤩仲可以配搭唔同嘅醬食，個人最鍾意沙嗲醬❤️枱面仲有幾種調味粉例如咖哩、辣粉等等飲品可以自己岀去攞，同樣係任飲所有食材都好新鮮同乾淨👍🏼有別於傳統燒烤，佢最大好處係自動轉，令熱度平均和熟透，岩曬我呢d懶人🤦🏻‍♀️自己燒實燒到黑曬都幾多選擇同多元化，食完先再叫唔好浪費‼️佢竟然有港式風味雞蛋仔🤣唔錯仲有沙律🥗營養均衡飲食另一餐廳特色🤣🤣🍴包證回本甜品🍮like fb有雪糕🍦

店舖位置相當方便,係廣華醫院後面既街道 一望就會見到係門口已經貼有 米豬連小店既認證貼紙價錢明碼實價貼左係門口 不同時段不同收費 價錢包飲任同飲食由於店舖座位有限 建議打黎BOOK左位先首先 最吸引眼球既一定係懶人串燒機店員會好親切地講解機器既運作 同介紹不同調味料 只需要放串燒係運輸鏈上就會自動轉 熟唔熟就要靠個人感覺 開頭因為未掌握到時間燒得過熟但燒多幾次就越燒越好食一坐底店員會提供基本串燒款想再加就要自行填order紙飲品都係自行出去拎 好多種類簡 酒需額外收費調味料都幾多選擇有串燒必落 孜然粉 仲有自家燒汁 店員建議最好係7成熟時間塗係表面燒 野食會分開不同類別擺位 唔怕不同類放埋一齊肉類平均都不錯 想要濃味D就自行加多D調味料個人鍾意食美國牛肋腩同豬五花肉,肉質彈牙新鮮此外, 仲有一D好少見既材料 例如 墨魚咀 雞蛋仔 秋葵 有樣野好驚喜既係竟然有棉花糖 不過燒個時記住睇火 太熟會溶其他食材都不錯,上菜速度都好快 最後仲有雪糕送 今次係好特別既體驗, 可以唔洗咁辛苦又體驗到燒烤既感覺

已經好耐冇食過bbq， 聽人講過呢間串grill自助燒烤專門店相當唔錯 ！於是就想試下啦！咁啱又有個朋友， 都想試下呢一間，我哋就約埋前去！一入去，揀好位坐，店員就開始幫我哋開著個火爐，然後呢就解釋下話我哋聽嗰爐係點樣用，點樣運作！好方便！ 個爐呢係自動360度旋轉嘅！ 只要將嗰一串串嘅串燒嘅齒輪卡喺適當嘅位， 佢就可以自動幫我哋燒熟， 有一張餐牌係可以剔選自己鍾意食嘅嘢，有牛呀！羊呀！雞呀！豬呀！分好哂類別各種唔同嘅小食同埋蔬菜 ！嘢飲都係任飲任食嘅 ！我哋揀咗好多嘢食，有牛柳啦， 牛西冷 ，牛肋腩，牛舌，墨魚咀 ，多春魚， 雞軟骨， 雞中翼 ，墨魚丸， 墨魚腸， 魚肉年糕，台灣腸等等食物好快就送上啦， 足足好幾層， 我哋將串燒一串串放入爐中， 根據佢餐牌 建議嘅烤熟時間， 就開始計時，喺等待嘅過程中， 我哋就去拎嘢飲，我就拎咗支豆漿！等到啲肉差唔多熟嘅時候，就可以加燒汁啦 ！再燒多兩燒就可以上碟。食物真心唔錯 ，又新鮮，又好味配埋佢特有嘅醬汁，簡直嘅滋味無窮！ 佢有三隻醬料，可以挑選有韓式嘅梨汁，泰式辣椒醬，同埋沙嗲醬！最後每位客人都會有一杯haagen-dazs雪糕

今晚心情大靚，所以同知心好友去食潮流大熱的自助串燒。近年自助串燒好受歡迎，我相信係打邊爐之外另一好選擇。食店環境舒適，每枱都有串燒爐，裝潢設計合時。店員服務非常殷勤有禮貌，做事快手，令我感覺舒服。食物方面，有很多選擇，而且質素高，好好味。五花腩層次分明，牛肉肉質嫩滑，肉類質素絕不欺場。好開心！有我最鍾意的羊肉串，多春魚，台灣腸和豆卜。豆卜係重中之重，真心推介，超級好味，燒後記住落海鹽，這配合天衣無縫。豬大腸美味香口，燒時陣陣香味，攪到我流哂口水。雞皮又係一絕，好好食，我食左好多。食店滿有心思，送上沙律讓食客邊食邊燒。醬汁有很多款，中間日式燒汁搽在串燒上面燒，好好味。當中沙爹醬好得，係泰國餐館的沙爹醬，好厚身又美味。飲品我選擇菊花蜜，夠潤又清熱。每款食物都有建議燒烤時間，好體貼。今次食得好開心，加上任飲任食，食到好飽。

冬天唔係打邊爐就係燒嘢食所以今日揀咗呢間自助燒烤專門店佢係任食模式，限時兩個鐘夜晚9:30後同星期一至四會平啲地方唔算太大但係麻雀雖小五臟俱全飲品櫃同埋個燒烤爐都好清潔同整齊店員一開始仲會好清楚詳細咁講解一次落單嘅方法同埋度爐嘅使用，感覺照得好周全，仲會送上圍裙等燒嘅時候唔會整污糟啲衫一開始會上咗個沙律先沙律口味較為清淡，但配返之後嘅串燒就相對解膩枱面上亦都有唔同嘅調味粉同埋醬汁而日式照燒醬，沙嗲醬同韓式梨式燒烤醬更加係鋪頭親自調配佢嘅食物會用特製嘅鐵棒預先穿好然後放喺木盤上面由於枱面嘅鐵架只有六層，所以每次店員建議最多只係叫60串我哋兩個人黎食食兩盤已經食咗九個字所以唔需要擔心叫得太少呢個問題將食物放咗喺自助燒烤爐上面之後燒烤爐會幫食物自動轉動啱晒懶人上網亦都睇到唔少評論話燒得會比較慢但我就覺得還可以，到最後都係飽到捧住個肚走嘅😂第一輪都係每種叫少少嚟試吓第二輪就主要叫啲覺得好味嘅嘢食推介佢嘅牛類串燒，每一樣都好好食尤其係牛舌同埋M6和牛牛柳另外豬嘅串燒都唔錯燒完之後肉質仲保持多汁除咗肉類之外我仲好鍾意叫佢哋嘅車厘茄翠玉瓜同埋菠蘿燒完之後仲可以將燒完嘅食物放喺碟上面一啖一啖咁食其實成

天氣涼咗就特別想燒野食 今日嚟咗呢問自助燒烤專門店👻 佢嘅特點係放入個爐度就會自動轉動 完全係為我呢啲懶人而設🐷 呢間仲做任飲任食 真係可以大刷一餐喺開始之前 店員有好細心咁講解枱上調味粉以及爐嘅使用方法 將串燒放喺齒輪上 食物就可以自轉 燒嘅時間可以參考返塊牌🍖 食物七成熟就可以搽日本燒汁去代替BBQ 會搽嘅蜜糖🍯一坐低佢就俾咗一盤串燒 可以俾我地樣樣都試咗先 食物種類雖然唔算太多 不過都夠食嘅 另外佢仲有俾到一碗沙律 咁就唔駛咁滯啦😚美國牛肋腩 半肥瘦咁 見到有明顯嘅雪花 食落都幾好食🐮牛舌 👅 切粒咁燒 呢個幾爽口 唔會過韌 油香味好濃👍🏻雞中翼 🐥 燒烤必備 平時BBQ要叉雞翼真係好高難度 呢度幫我吉好埋 就唔怕燒得唔均勻啦😛豆卜 同打邊爐一樣都係好正 打邊爐就會吸晒啲汁 而燒烤呢就脆卜卜 好正🙊豬肉漢堡腸 其實同豬肉漢堡一樣味 不過腸仔咁嘅形狀就好方便燒啦🙂不過略嫌佢嘅雞皮同豬大腸一串嘅份量實在太多 燒得比較耐都未脆棉花糖 又係BBQ必備嘅 呢到個爐可以自轉 咁就令到佢個外皮均勻地燒到金黃色 真係名副其實嘅外脆內軟😻臨走之前店員問我地食唔食雪糕 like咗facebook就會

今個星期同朋友去左旺角嘅串grill食燒烤，係好景商場附近，都幾就腳。選擇方面都幾多野食，有唔同嘅肉類可以揀，牛、豬、雞都各有幾款，重有棉花糖同雞蛋仔燒，幾特別，不過要小心燒棉花糖個時唔好太大意，燒得太耐，太脹粒棉花糖好易就掉左。嗚嗚ˊ_>ˋ另外呢，想講下個雞皮，佢未燒個樣真係好易搞錯係豬大腸，成個外表都十足內臟咁款，不過好彩燒完d皮會縮，變返靚仔，入口唔太脆口，可能我燒得唔夠耐，所以會有d唔同。牛就有幾款嘅，不過個人就覺得牛柳比較瘦，燒完可能有d乾，食豬多d脂肪，大火一烤，就比較過癮啦，加埋餐廳比嘅調味粉，好似食緊自己整嘅叉燒咁。食完正餐，重會有雪糕做甜品，幾細心嘅係，除左普通乾紙巾之外，重會有濕紙巾比你抹手，幾好！

如果你有返過大陸，食過個到嘅串燒，黎到旺角嘅串grill，應該都會有種熟悉嘅感覺。呢到食嘅串燒好比到以前係街邊食串燒嘅感覺，不過好彩呢到d爐好先進，撻着個爐，放d串燒上去，佢自己會轉，十分鐘到，就已經可以食，同朋友傾住計食，都唔怕會燒燶。先講下d肉，大路嘅牛呀雞呀豬呀都有，不過個人中意食豬多d，因為多d油脂，食落無咁乾身。另外芝士腸雖然係普通野，不過唔洗望住燒，反而岀奇地好正，唔洗落咩調味，就已經好好食，其他野要自己落d鹽呀支然粉就比較麻煩。另外野飲選擇都幾多，有汽水豆醬菊花茶等等，不過美中不足，無啤酒，所以硬係差緊少少，如果遲d可以提供埋就最好不過啦。總體黎講，都幾唔錯，環境就腳，又唔洗露天食到串燒，幾好。