串Grill 自助燒烤專門店 (廣華街) (已結業)

想燒野食好耐, 但奈何又唔可以一大班人出去燒然後就發現係旺角有間好特別既串燒店!絕對係食肉"瘦"既懶人恩物,因為佢係一間識得自動燒既串燒放題店!好特別嘅燒烤模式，一串串插喺度咁燒，之前真係未試過。侍應姐姐先拎一盤頭盤，有幾款Hot Item，一盤盤好整齊咁擺晒係個架到．然後就細心介紹同解釋點燒，同介紹枱面上幾款調味料同醬汁。食物種類夠多，講得出既都有。飲品自助形式係雪櫃自己拎，汽水，豆漿同茶都有齊。試哂咁多款肉之後，我地比較鍾意豬五花腩，牛舌同埋牛肋腩。貪佢地油花夠多，燒嗰時已經好香，而且肉質淋但有咬口另外特別啲同好小見嘅有豬大腸同墨魚咀。另外仲有必食推介就係菠蘿，真係冇得彈。酸酸甜甜，超Juicy！中和返肉類既油膩感，Awesome!連小朋友都食得好開心，因為有佢地最愛既雞蛋仔同棉花糖。而且肉類都係Bite Size好適合有小朋友嘅你，小朋友嚟到會瘋狂食雞蛋仔。燒棉花糖好刺激，因為轉眼下一秒就變大，要好留心。最後每人都仲有一杯雪糕，真係飽到上心口。仲有說明書提供，寫咗每款食物燒既時間。不過如果有計時器提供會更開心。最驚喜既係, 無論頭髮/衫/身都唔會有任何燒烤/野食既味道，絕對值得再

一直都好鍾意食串燒 但出面串燒鋪逐串叫價錢真係好貴 成日都要就住食好唔暢快☹️今之就同朋友嚟串grill 想試下串燒放題食到飽估唔到雖然係任食 但質素都好唔錯 真係好滿足😚呢度係自助串燒形式 每張枱都有個串燒爐一開始都擔心會好麻煩 但店員教左我地之後就發現好簡單 只要開左個爐 跟著將串燒放入爐邊嘅齒輪入面 佢就會自己轉動 幫我地燒埋 完全唔使郁🤪呢度有三款醬 左邊：韓式梨汁燒烤醬中間：日式燒汁右邊：泰式魚露店員教我地 當個串燒燒到6、7成熟時 就塗上日式燒汁 之後燒完就可以加另外兩款醬 仲有鹽、椒鹽、孜然粉各種調味料可以加。我自己覺得好多時個日式燒汁已經好夠味 如果食牛嘅話基本上再加是但一個調味粉已經好好食😋每款食物餐廳都有建議燒幾耐佢呢度串燒種類好夠 基本上一d大路野都齊出面仲有各種飲品可以攞我自己私心特別鍾意：牛：和牛、西冷都好正 牛味夠 唔會有雪藏味仲有極推薦牛舌 好爽口🤩其他肉類：台灣腸好夠味 好有夜市feel🌭雞軟骨好爽口魚/丸：燒靖魚好鮮味香口🐟墨魚丸係黑色墨汁丸 幾特別 可以試下魚腐、魚片年糕都好彈牙 但要注意個邊唔好燒燶蔬菜🥬個日本甜薯幾香甜🍠最後仲有Haagen-daz

廣華街，一條War Game迷、玩具爱好者、名錶發燒友不絕嘅集中地。但今次到訪嘅原因卻係為咗食「串Grill自助燒烤專門店」。120分鐘任飲任食放題，晚餐分Happy Hour 時段、晚市時段、八點半後入座時段 3個時段，價錢分別$198、$238、$208。(星期五、六、日假期及假期前夕需要加30蚊)。店員先簡單介紹燒烤爐使用方法，點餐則使用劃過膠order紙形式，另外附有一頁建議燒烤時間，方便我哋呢d地獄廚神作參考😈😈 Menu清晰分類開豬、牛、羊、雞、海鮮、蔬菜等，每個類別內嘅選擇都唔少，例如雞都分開6個唔同部位。話明係燒烤，又點會無燒烤用嘅醬汁提供，餐廳分別提供日式惹肉燒肉醬、泰式魚露、韓式梨汁燒烤酱供各位選擇。一盤盤串燒陸續放到層架，何其壯觀。自己親手將串續放上轉盤，塗上燒肉醬，再慢慢睇住串燒烤好即時拎上手就食得，整個過程非常安全，而且好玩又過癮，絕對適合一家大細齊齊體驗。若果你係肉食愛好者，個人推介M6和牛牛柳、紐西蘭牛西冷、荷蘭豬五花，羊卷肉、烤雞皮；以肉味最濃厚嘅和牛牛柳為例，燒至七成熟，肉嘅外層都燒至焦香，將肉汁鎖住喺入面，當咬落去嘅時候肉汁就會標出嚟😝非常Juic

廣華街呢邊真係有唔少黃店💛今日就同朋友嚟到呢間串燒放題好好懲罰一下！我地係happy hour 5:30左右就入咗，雖然咁早鋪頭已經有唔少人係度。入座嘅時候店員好細心咁教我地用呢間串燒機，同埋拎咗一盤串燒俾我地一路燒一路諗食乜嘢。呢個串燒機真係好正，係識得自己轉，唔洗自己反，平時食串燒會掛住整嘢食都顧唔到要傾計，而家咁樣懶人式食串燒就可以專心傾計啦🙆🏻‍♀️呢度串燒嘅選擇都唔少，有牛豬唔同部位仲有海鮮呀丸類呢啲，餐廳亦都好貼心有張menu介紹啲食物各自要燒幾耐，唔洗驚唔識時間燒到又乾又柴。每張格嘅側面亦都有啲燒烤醬同調味粉俾我地用。咁多樣嘢食入面最鍾意牛柳同豬肉眼，兩個食落都好有肉味，仲有年糕魚蛋，入面啲年糕燒完好煙韌，同平時淥呢隻丸個口感完全唔同！出面仲有個雪櫃俾客人自己拎嘢飲，各類汽水呀茶飲都好齊全。燒到尾聲，就開始燒啲甜嘢，有棉花糖同雞蛋仔xd燒棉花糖雖然邪惡但真係必叫，外脆內軟嘅口感真係每次食都驚艷！雞蛋仔就都幾特別，似係一口pancake個種，貪得意都可以叫。最尾店員問我地想食咩雪糕，有士多啤梨、朱古力、曲奇同哈密瓜味揀，嚟到完來係哈根大師嚟，完全有驚喜！估唔到呢個價錢嘅放題都

今日去到一間好鬼過癮嘅黃店串燒，佢地嘅濕紙巾係咁樣🤔呢度食串燒好方便，唔洗人手拎住啲串燒！就咁放上個爐度，就會自動轉下轉下，夠鐘就食得好方便🦦咁樣將成排肉一次過燒真係好爽🤓呢度嘅食物選擇都幾多元化😬有齊晒正路嘅豬牛羊啦，亦都有各種唔同嘅疏菜🫑🥦🍠唔洗齋食內咁膩🤰🏻而且疏菜就算一個唔覺意燒耐左，咬開都仍然有汁，唔會完全乾晒👍🏻燒棉花糖推介大家食🤓 放落去燒一陣入面已經變流心，好快食得又好味🤣如果重口味人士嫌齋燒唔夠味，呢度仲有唔同嘅調味🤩不過我自己覺得本身食物質素幾好，就咁燒已經好夠味🤪如果中意飲酒嘅話，係度嗌生啤價錢都幾抵，配串燒好爽！🦦最後每人都會有一盒雪糕。個人覺得餐廳性價比高，推介大家一試😃

我好鍾意食bbq, 但係平時燒烤要自己落手落腳去燒，成日都會燒焦左一邊，搞到成舊唔食得，好無引。今次就比我發掘到旺角有一間超抵食嘅燒烤店。最勁係咩？係佢可以自己轉住來燒，我地唔使郁佢！慳水慳力，我呢d懶人嘅最愛🤤😍佢有好多唔同肉類選擇，亦都有一d蔬菜。我最鍾意食燒秋葵，燒冬菇同埋燒多春魚！每台都會有燒烤汁比我地搽上d食材上面。燒烤汁配埋肉，可以帶出肉嘅焦香味最勁係佢每人都有一杯Haagen Dazs 雪糕真係又抵食又好食又高質。

串燒店食得多啦～自動串燒機真係第一次見😚好方便 食飯都可以做freerider👍🏻.MENU種類好多元化🙂照顧到唔同人既需要仲好貼心有張紙 比客人參考返燒既時間有唔同既調味粉 燒完再按個人喜好落粉🤤仲有魚露 蜜糖汁 同韓式梨汁野飲自助形式～好多選擇我揀左烏龍茶 感覺可以解油膩😂店員建議 溫度25度就岩岩好😚一坐低店員就安排好肉類既串燒 每款兩串～唔洗再等我地落單再送黎 慳返啲時間☺️好細心👍🏻部機好得意架～擺左串燒落去就keep住轉～燒得均勻又方便😳🔥🔥🔥🔥🔥以下係我既推介🔥🔥🔥🔥🔥1. 牛舌粒- 唔好以為咁厚就佢好韌～佢係勁爽口又有牛味😍燒完加少少鹽真係perfect池2. 牛腩- 超重牛味～脂肪位都有少少唔好怕肥～一定要食埋！！成口充滿牛既油脂好似吞左成隻牛落肚咁😛好正3. 雞翼- 好細心既處理～係細細隻既單骨雞翼🤪食落好方便！！一定要燒到個皮脆身～再加少少鹽～好好食💓4. 雞卷- 如果有食過台灣夜市既雞腿卷～一定唔好錯過佢😚係同一樣野黎！！！燒到雞皮脆身再加調味粉～真係好似去左台灣咁😋5. 雞軟骨- 唔需要多介紹～～真係必嗌之一🤣6. 鯖魚- 絕對有驚喜😍燒到個皮卜卜脆～好似食緊出

好耐無食放題啦 想搵下啲任食既餐廳 上網見到尼間懶人燒烤即刻想試下🤭餐廳所有串燒都係任食，而且提供不同醬汁比客人選擇。飲品方面有烏龍茶，豆漿，樽裝凍檸茶等全部都任飲的，啤酒就要加錢唔係任飲❗️留意返呀😎✨五花腩 非常香口 外皮燒到脆卜卜✨牛肋條 好入味 濃厚既牛味✨牛舌好軟淋 唔蘇✨羊肉無咩羊味，孜然粉落左好少但都蓋過左✨豬大腸咬唔到 吞唔到😥✨ 雞軟骨好好食！好脆✨墨魚咀爽口彈牙，配上日本燒汁一流👍🏻✨青魚大大舊，燒到個皮好脆，唔洗加醬汁已經好足夠，好juice👅食咗咁多肉，當然要嗌啲菜黎食下✨翠玉瓜表面燒到好乾身，以為食落會無汁好乾，點知咬落啲汁就'咇'咗出黎，有驚喜！！ 緊係要嗌多幾串食啦🤪✨雞比菇太乾身 無乜水份😢✨車里茄一定要嗌😂雖然係普通食材，但依個時間食可以幫你清除肉既濃味，過一過冷河，唔太酸結尾 緊係燒一串棉花糖食啦😍原來 真正既結尾係雪糕🤤

今次去嘅喺旺角廣華街店，店裏面得近十張枱，很快就滿座，中間都見其他客人來訪，員工好有禮貌，耐心指導些人步行去譽發廣場店，又幫客在該店留座，好貼心，店鋪位置不多，去之前記得先訂座，以免碰門釘。入座後，員工有指引應該在邊到攞飲品，點樣落單，點樣用燒烤爐，每款食物烤幾耐，燒烤爐喺自動旋轉嘅，只要將食物放上去，看好時間，就快熟嘅時候上些蜜糖燒烤醬，就可以吃啦，成個過程都幾方便，而且食物方面，種類多，豬，羊，牛，雞，海鮮，丸子，香腸，瓜菜，每種都有幾款可供客戶選用，或有棉花糖和雞蛋仔，肉類燒完juicy又唔騷；丸子，香腸，瓜菜脆又不唔膩，重點推M6和牛牛柳，美國牛肋腩，雞軟骨，魚肉年糕，台灣腸，棉花糖，燒完可以用枱旁的調味料，海鹽，孜然粉，胡椒，燒汁等調味，120分鐘內仼飲仼食，最後仲有一杯Haagen Dazs冰淇淋為大餐畫上一個完美的句號。

<<旺角 – 和你串Grill>>呢間串燒店串Grill自助燒烤專門店位於旺角廣華街，最特別的係有自動旋轉的燒烤裝置，只需放d串燒係燒烤爐嘅齒輪上，串燒就會自動旋轉，完全唔洗自己出手，真係超級方便呀!餐廳座位唔算好多，大家如果想去記得要預先打電話卜位，因為我地7:30pm走果陣個場都已經full曬，仲有好多人係出面排隊。一入到餐廳，店員已經勁熱情招呼我地，介紹檯面有咩醬同調味料，講解燒野食個時間可以參考綠色標籤嘅menu，飲品可以係出面雪櫃自取，然後就送上一盤頭盤俾我地享用。頭盤有:和牛、西冷、牛肋條、牛舌、豬肉眼、豬五花、豬肩胛。如果食完覺得唔夠可以再係點餐紙度再點，超過40款的食物，真係好豐富，盡情勁食，食到你飽!牛肉方面🐄我最鍾意食美國牛肋腩同和牛牛柳粒，美國牛肋腩夠肥美，燒過嘅牛脂，食落真係香到不得了，而且牛肉味好重，超好食😋海鮮方面🦞燒多春魚一定係必食，咬落去勁多魚春爆出黎，very yummy🤩雞肉方面一定要食雞翼同埋雞軟骨，燒好嘅雞肉再加上孜然粉，真係好食到不得了😍😍😍食肉食到咁上下，就可以點甜品，例如係燒棉花糖😊最後ending有Häag

食串燒想自己燒，但又唔想轉到手軟😅串grill就最啱喇。依度每枱都有自動串燒機，只要將已串好的食物放上去自動轉，但要留意就係有啲食物太大舊就會阻住自轉，只要自己調節下就冇問題。由於係自動轉，受熱均勻，唔使掛住睇火，一次過燒十串都冇難度。每張枱之間都好闊落，坐得舒服，燒完個身都唔會有陣味。枱上有各種調味料和醬汁，可自行調味。一坐低，店完就送來一盤串燒，好有耐心解釋個爐點用和時間👍🏼食物和飲品都係任點任飲，食物有牛豬羊雞，腸類，丸，蔬菜。🍡M6和牛牛柳：俾少少海鹽已經可以帶出香濃嘅牛肉味，想食幾成熟完全可以自己話事。🍡燒鯖魚：燒完外皮脆，肉質好實，好厚肉。🍡魚肉豆腐：魚仔造型好得意，燒完裡面都唔會好乾，唔使落調味料都好夠味。🍡日本甜番薯：好甜好香。🍡燒菠蘿🍍甜中帶點酸，勁開胃。仲有多春魚，秋葵，雞髀菇等等食物都好新鮮。我哋食到過咗last order都唔知😬如果店員可以提一提會更加好😊最後仲有每人一杯Häagen-Dazs雪糕，正！

係旺角睇完戲搵野食 行到廣華街俾連豬同Pepe既任飲任食招牌吸引左我地既目光入到去發現烤爐好特別 原來係會自轉既串燒烤爐懶人專用 岩哂我地~一坐低店員會簡單介紹成個流程 有咩醬汁調味粉同飲品等等係你未落單既時候 店員已經會率先上一盤肉 稱為'前菜'基本上有齊豬牛半雞各種肉類佢仲有一個時間表比你參考 燒每種食材大約幾多分鐘M6和牛牛柳 - 我地跟佢個時間表燒到7成熟 咬落好JUICY美國牛肋腩 - 有少少筋但牛味好濃！呢款我地ENCORE得最多牛舌 - 大大粒厚切牛舌 都係燒到7成熟 爽口唔UN~豬五花同雞肉都唔錯 半肉唔騷豬大腸/雞軟骨/墨魚咀 - 加椒鹽慢慢燒到乾身 食落脆口好正另外燒蔬菜類都唔錯豆卜 - 又係加少少鹽慢慢燒到脆口 好熱氣但好正 點埋泰式魚露辣辣地又另一番風味翠玉瓜 好JUICY，少少鹽調味已經OK我最鍾意燒菠蘿 又甜又多汁 ENCORE左幾次~無酒精飲品都係任飲 有各款汽水同豆漿等 都好多款 夠做~最後埋單前仲有HAAGENDAZS雪糕 劃上一個完美句號成晚最欣賞係佢上菜超級快 唔會浪費你時間 食足120分鐘不過平日7點出面都有人等位喇 唔想等就最好BOOK定位~

突然想食串燒但去居酒屋食串燒又唔太抵食，決定同男友試試懶人版串燒放題！訂咗傍晚五點嘅枱，打算黎嗰early dinner! 😋坐低之後啲店員好熱情咁同我哋介紹烤串燒嘅方法、品種同各種調味料。仲俾咗個餐牌上面寫着各種串燒烹調嘅時間，等我哋唔使驚食咗啲未熟嘅嘢食，非常之貼心！串燒嘅種類非常多，包括雞牛豬羊、海鮮、蔬菜、各種丸類、連甜品都有！雞牛豬方面：推薦牛舌、雞軟骨（must try!)、豬五花。海鮮方面：推薦墨魚咀同蜆肉。蔬菜方面：推薦菠蘿（燒完特別甜，建議燒5分鐘）、甜薯、車厘茄。丸類：可試試貢丸同墨魚丸，同平時打邊爐食落嘅口感唔一樣。甜品方面：可以試吓烤棉花糖，好似小朋友嘅甜品🤤醬料方面：店家特別調製嘅醬料取代蜜糖，冇蜜糖咁甜，但都好好味！飲品方面有各種茶類同汽水，任飲！

大家都知呢間餐廳幾難book，終於比我食到啦！果然人氣背後係有原因，好味又好玩（懶）～餐廳分時段預約，每時段120分鐘準時交台，所以記得準時嚟同埋一定要book 位。價錢都相對唔同，730 前離座最平，平日$198 加一咋。但真係要準時交台！！！懶人串燒名副其實，串燒爐有2條好似單車鏈咁嘅鐵鏈keep 住慢慢轉動，每枝串燒棍底部有個小齒輪，將齒輪⚙️卡係鐵鏈上放平串燒物，佢就會自動轉，可以等食啦。要注意翻每串燒物肥瘦不一，所以點樣排位都係一門學問，如果兩串比較寬身嘅燒物擺隔離，有機會互相「kick」住就轉唔郁😂menu 上有各種肉類同蔬菜類，食起身選擇都唔少，另外有張貓紙清楚咁羅列每串燒物嘅燒烤時間（以火力2500計算），好細心～不過可以好懶咁燒烤會掛住傾計，小心燒燶嘢🤣仲有各種味粉、燒烤醬！個人最鍾意羊肉、牛肉配孜然，牛肉、牛舌配海鹽，海鮮加辣粉或者椒鹽，豬肉雞肉就好百搭，點雪梨醬、撒孜然、椒鹽、辣粉都好味！Ps：個蜜糖醬罐成個設計都好方便衛生！抵讚！特別提醒🔔蔬菜邊燒邊塗抹佢地秘制蜜糖醬會更好味，因為邊燒邊搽水/醬汁先夠水分煮熟透瓜同菇，就咁燒會好乾好易表面燶左入面都唔熟。個人嚟講最

超抵食高質串燒放題🤫同Fd夾埋兩個女仔👭🏼係Happy Hour(5:00pm-7:30pm)時段黎食，兩個埋單都只係$500左右。最緊要係任食又唔洗自己燒，真係好jeng🤤大家如果想去可以預先打電話訂座，小店座位唔特別多，7:30走嗰陣個場都已經full曬。一黎到店員就預先一次過上左一盤肉上黎介紹，順次序係和牛、西冷、牛肋條、牛舌、豬肉眼、豬五花、豬肩胛。仲講解檯面有咩醬、調味料同燒野食個時間，指導我地有個綠色標籤嘅menu可以睇。嘢飲就出面雪櫃自取。呢四款係調味，可以燒嗰陣落，我落得最多係椒鹽，無論係燒雞翼定牛舌都好好食😋自轉串燒最正當然係可以一次過燒曬咁多種肉，而且又唔洗一直渣住串燒叉，可以邊督手機同fd傾下計慢慢食，啱曬我呢個懶人🙈餐牌除左肉仲有菜、丸同海鮮，好多選擇。當中我同朋友仔一致認證超超超好食有牛舌，好似食緊日本和牛，爽口唔韌仲有油脂咁🤤雞翼都超超超好食，嫩口爆汁單骨，好食又方便，但記得燒嗰陣落調味料，例如椒鹽，我第一次燒嗰陣無落，雖然都仲係好食好嫩但感覺上唔調味差啲。仲有墨魚咀落椒鹽超好食，有濃郁墨魚味又唔腥😌最最最最重要一定要點棉花糖😍😍😍😍😍😍😍非常好食，我呢個本