串Grill 自助燒烤專門店 (廣華街) (已結業)

第一次寫食評，平時唔係幾好食都唔會寫...今次真係零容忍...我懷疑d好評都係槍手完全唔值呢個價錢，可能最值錢係杯雪糕.d野食完全食唔出豬牛雞😂又無標籤係咩來...係條多春魚同d腸仔仲有蔬菜係知道咩來架之外，其他真係唔知...d燒烤醬根本無味，我地落勁多味粉先食到少少🤏味...d肉細舊過一口牛果d...個爐又細，每次只可以俾13串，如果蔬菜果d就要隔一隔先得，燒得又耐...120分鐘根本食唔到幾多...我地係四個人去...個個食完出去仲要搵d野食😂（四個人都唔係大食既人）總體來講，200幾加一既價錢，寧願去食放題咯...我朋友話自己攞氣炸鍋整都好食過佢😂

燒烤好麻煩，因為要喺個熱辣辣嘅燒烤爐面前不過呢個懶人自己轉既燒烤，方便到不得了！呢個燒烤只需要將嘢食擺上去，就會自己熟㗎啦野飲隨便飲食物款式選擇多，同埋都有貼心嘅提示要燒幾耐韓式梨汁有雪梨粒，酸甜好滋味Grill辣粉，同埋孜然粉都可以用早啲入咗嘅話就比較少人唔洗排隊，如果坐得近燒烤爐，都會有啲熱，不過可接受的菠蘿係我嘅最愛，好juicy!牛類好推介牛舌，厚切又彈牙澳洲M5和牛肩肉眼香濃牛味，千祈唔好燒太耐啦台灣腸我會燒到脹卜卜，香甜爆漿，真係好惹味甜品仲會有Häagen-Dazs雪糕雲呢嗱、哈密瓜、士多啤梨、曲奇我就要咗士多啤梨🍓座位較少，成日都排隊滿座，如果要約朋友過嚟最好都係book下比較好！

今日約左好耐冇見既朋友食飯 上網見到呢間自助串燒放題幾有新意 又冇試過就試下佢啦一入到去服務員已經幫我地set好哂d野 仲會詳細同我地講解成個流程係點 對於我地呢d第一次食既客人黎講真係細心既服務食物種類都有好多 牛肉 豬肉 雞肉 丸類 蔬菜類都有 牛肉都有幾樣選擇 而當中我覺得牛脷係非試不可 燒出黎超級軟滑而當佢個燒法真係十分方便 純粹將想食既串燒送好位置 再跟佢建議既時間去燒就得 佢仲會轉轉下 防止d食物燒燶飲品都係大路野飲都有 而我亦試飲左黑豆槳 唔算太甜 鐘意健康既朋友可試試

☺️☺️前排係ig見到有好多人去食呢間，大家都話既好食，價錢又合理，所以今日係旺角附近做檢查時特登去廣華街到食燒串。呢間鋪頭雖然唔係話好大，但設備齊全，應有盡有。之前食過嘅串燒都係要手動既，但好在呢度既燒爐係全自動，自己識轉著黎燒，而且又有時間建議表。對我呢啲成個燒燶嘢人完全係福音，唔會因爲掛住同朋友傾計而冇得食。🥳🥳🤩呢度可以揀既串燒都既齊全，有牛肉、豬肉、雞肉、海鮮同埋小食，我個人覺得呢度既肉類既唔錯，食落去既juicy同惹味。另外棉花糖同雞蛋仔燒起上嚟都好正，其他都好值得識架！🥰不得不提呢度仲有唔同調味料，例如係BBQ醬、孜然粉丶椒鹽粉，而燒完之後亦可以點韓式梨汁燒烤醬、泰式魚露之類，味道同樣唔錯，大力推薦！

前排朋友發現呢間新奇既串燒店，而且任食，我地就下午時間去左試試。入到去餐廳唔算大，牆上既字係一個打卡位當日係平日Happy Hour，大人一位$198 任飲任食餐牌自助飲品區，仲有豆漿第1轉，簡單點左D肉試試佢旁邊要唔同醬汁可以自己配搭只要我地乖乖幾個籤放岩位置，佢就會自己慢慢 慢慢咁轉住燒。 初初會覺得好似燒一轉要啲時間，好怕未食飽就夠鐘，不過最後証實係食夠時間食到飽。仲有好好味既棉花糖燒完之後仲可以將啲熟咗嘅食物放住上面，爭取時間將啲新嘅食物放下面燒睇住D肉好Juice，口水流哂。仲有必食既台灣腸，好好味😍🤗其實一串一串不知不覺就會食咗好多串，而且真係好夠飽，2個鐘就係岩岩好。

今晚來到串Grill自助串燒專門店，估唔到原來串燒都可以自己燒。餐牌都幾全面，肉類，菜類，丸類等等，應有盡有，而且係任食，可以食到飽！食物好新鮮，有和牛，仲好貼心，切到細細粒，容易熟之餘，仲可以唔洗轉圈時撞到隔離嗰串。而且舖頭亦都好貼心，列出左每樣食物需要燒幾多分鐘，可以做一個參考。雞皮係我最鍾意嘅，要能夠燒到脆而唔燶，的確好考功夫。自助串燒就可以自己控制火候，燒到剛剛好。仲有和牛，一邊燒已經有香濃嘅牛油油脂味道，非常吸引！餐牌亦都好環保，過膠後寫上去，可以抹得甩，唔似傳統直接寫落紙上，造成浪費。戲肉來了，原來每一枝燒烤串都有一個齒輪，將佢放係燒烤爐旁邊的坑，裏面有單車鏈結構，可以令到燒烤串自己轉，非常方便！再加上舖頭特製的韓式燒肉汁，代替蜜糖，一邊燒一邊搽上食物，香氣撲鼻！醬汁的確幾特別，可以中和肉類油膩感覺，食幾多都得。估唔到原來串燒都可以配合科技，好玩之餘又好食！值得一讚！

120分鐘任飲任食 和你燒 $238人懶真係冇藥醫，當你放左工好攰既時候想食串燒但又唔想人手轉，咁就可以去呢間食喇！所有串燒都係自助轉，只要擺啱個荀位啲串燒就會轉。食物方面亦都係好多選擇，除左豬牛羊之外仲有海鮮！然後我就特別鍾意燒棉花糖既，呢度亦可以做到！而且店員既服務質素好好，會介紹番點樣操作部機同埋有咩好推介！

❤搵食地圖❤串Grill 自助燒烤專門店 (廣華街) 今日在附近開工，就同朋友去睇下附近有咩好食 見到有120分鐘任飲任食燒烤，時間啱啱好，就諗都唔諗即刻去訂位，訂位嘅時候好好彩，啱啱好有位 提醒大家，食完之後見佢等位等到人山人海，大家去之前記得要訂位呀我們5:30入場，時間啱啱可以食到最抵價，正正佢裝修設計幾有現代工業風嘅感覺，坐位都闊落，但是枱數就唔多，所以記得訂位呀。去到嘅時候店員已經為我們準備左一個tea set架，上面已經放好咗唔同嘅肉類，因為我哋未食過，所以店員很細心咁為我哋介紹烤肉嘅方法 唔同種類嘅肉類放埋一齊，個樣真係好吸引。第一件事就梗係將烤肉放曬上個燒烤架上面先 每個食物都有建議嘅燒烤時間，大家可以做個參考。基本上對於平時唔煮開野食嘅我嚟講，如果唔跟住，我就真係變咗燒牛乾一面燒，一面睇下有咩醬汁先。佢嘅醬料都好齊全有孜然粉同味椒鹽仲有海鹽，海鹽肉類真係一絕，另外仲有自家制辣粉韓式梨汁燒烤醬，呢個醬汁味道帶少少甜味，又有梨嘅清甜味道，可以中和燒烤肉類嘅油膩感，我個人幾鍾意泰式魚露 佢連濕紙巾都設計得好有心思，令人會心一笑燒烤嘅種類都算多，有丸類同腸類，肉類，有蔬菜類，

燒嘢食吾識起爐、叉雞翼、多春魚……完全冇問題呀,嚟串grill啦,只係一個超簡單嘅動作,將食物放上爐上,跟住你就繞埋雙手一個字"等"……食！串Grill 自助燒烤專門店有两間店鋪。我同朋友就食咗廣華街呢間,好在朋友醒目一早book咗位。推門而入,感覺乾淨企理,完全冇燒烤嘅油煙味。仲見到雪櫃有多款不同嘅樽裝同罐裝飲品,隨便飲吧入坐後店員細心介紹啲醬汁、食物同點用個燒烤爐,仲拎咗啲串燒俾我哋一邊燒一邊劃食物。個食物牌仲有教埋每種食物要燒幾耐！喂！燒咩好呢?🤔🐂☑️ M6和牛牛柳、紐西蘭牛西冷、牛舌🐟☑️ 鯖魚、墨魚咀、蜆肉、多春魚🐖☑️ 美國豬肉眼、荷蘭五花腩、美國豬肩胛🐔☑️ 雞中翼、雞皮、烤雞粒🍢☑️魚片頭、墨魚丸、魚肉年糕、芝士腸🥙☑️翠肉瓜、冬菇、秋葵、日本甜蕃薯、菠蘿點止咁多款呀……我哋最鍾意肉質鮮嫩有口感,油脂分佈平均,一串幾粒易嚼嘅M6和牛牛肉粒。Omega 3豐富,油脂豐富甘香嘅鯖魚。平時自己燒多春魚一定散晒,今次原條燒得金黃乾身,魚春脆卜卜。燒到咁上下嘅魚肉年糕,外層魚肉彈牙中間年糕融融哋好似芝士, encore又再encore。第一次食燒雞皮,估吾到脆脆哋幾特別。除咗雞皮,墨魚咀同

今日約咗朋友去旺角一間餐廳去食燒烤放題。見到依家非常之唔錯，地方環境舒適同埋都幾大下。雖然係有熱烤爐，但係冷氣夠足！店員服務非常之好，幫我哋準備晒啲嘢，幫我哋整好晒燒烤爐同餐具。好有禮貌。個放題呢可以食兩個鐘嘅，嘢飲任飲！事不宜遲，我地非常之肚餓，睇一睇個餐單先！個餐單食物種類都多！有牛肉，有海鮮，有豬肉，有雞肉，有甜品，有蔬菜，有羊肉，有腸，有蔬菜！總之好多嘢可以燒！嘢飲方面亦都好多，有汽水啦，有茶啦，有健康嘅飲品啦！我哋嗌咗好多串，牛肉真係要必叫，全部肉類都係新鮮現成！非常之好！油脂分布平均！啲串燒好快就烤熟晒，餐廳再提供燒烤食物所需時間嘅餐單。因為啲肉非常之新鮮，所以餐廳盡量唔加任何醃料，但佢哋為我哋提供唔少嘅調味料，有海鹽啦，辣粉啦，有孜然粉，仲有一啲醬汁，差唔多熟嘅時候可以抹上去。睇到都流晒口水，鮮嫩多汁，真係非常之好食！我哋叫肉類之後都有嗌其他嘅菜式，特別燒菠蘿，真係非常之好食，鮮甜香口！同埋嘅日本甜薯，亦都燒到非常之香甜！值得大家推介一下！最後仲有甜品食！總之應有盡有！大家食到有幾飽得咁飽！

郊野公園嘅燒烤爐封咗咁耐，想去bbq都難，今次搵到個另類bbq方法，仲非常乾淨🤣🤣🤣今次嚟到呢間燒烤放題店，個爐嘅設計都幾新奇🤣只要擺啲鐵枝喺部機上面，爐上面條齒輪就會帶動啲食物轉轉吓，完全係懶人燒烤🤣🤣🤣食物方面都幾多選擇，牛、豬、雞都有幾款，海鮮就比較少同普通，都有幾款蔬菜、丸，同埋有棉花糖🤣 始終因為個爐嘅限制，呢度冇金菇啊，粟米啊，雞全翼啊，呢啲平時燒嘢食都會食嘅嘢🥲牛肉推介牛舌，豬肉推介五花肉，夠肥夠香，雞腎都好吸引，間場燒啲菇啊、菠蘿、車厘茄咁，中和吓又可以再食多round 🤣🤣🤣呢度燒烤冇蜜糖，不過有燒烤汁，由於唔係明火，比較難燒出好香脆嘅表面，所以燒烤汁應該會比蜜糖夾嘅🤔 除咗燒烤汁，呢度仲有好多調味粉可以燒完加落啲食物度，都幾搶味🤣呢度仲好貼心咁有建議燒烤時間，但係我地試過跟住時間燒，唔知係咪比較大火，啲肉會太熟🤣都係相信自己好了🤣🤣🤣飲品方面都幾多選擇👍🏻食完就會上埋雪糕🍦係Haagen Dazs😍

第一次嘗試懶人串燒放題😍重點1: 食物質素高有肉類，菜類，丸類，海鮮類慢慢揀每類都有至少4款選擇！最推介 牛舌 ！ 豬五花！ 燒菠蘿！車厘茄！牛舌 ，牛味重 豬五花，肥瘦恰當 菠蘿，鮮甜多汁車厘茄，爆汁tips：一邊食要一邊睇吓燒緊嘅食物熟未～再加調味料！餐廳都好好俾埋一張時間紙講返每樣嘢食要燒幾耐～重點2: 上菜速度快靚正鋪頭唔算大， 店員人數足夠關顧全部客人加單好快就有食物，唔洗等，仲唔會漏單！仲有一個四層木架足夠擺放食物～又有一個筒回收食完嘅籤，非常方便！重點3: 飯後甜品🍮 雖然食到好飽，最後要留返甜品肚食雪糕！HaggenDaz雪糕 仲有兩款味道揀～ 可以好滿足地食飽離開！不過因為有燒爐室內溫度就岩岩好，一食完熄咗個爐就會覺得冷氣太大。怕凍嘅記得帶返件外套

自從疫情之後好耐都冇食過串燒，幾難得有朋友同我去食串燒任食放題，食完又唔會有油煙味而且價錢合理食物質素又好，當然放盡一開始店員完會先上一盤肉，有M6和牛牛柳、紐西蘭西冷、牛舌、美國豬肉眼、荷蘭豬五花平時喺街食串燒10幾蚊一串，今次係任食仲要質素比喺街上面高調味粉又多選擇，我本人最鍾意就係孜然粉同椒鹽粉，呢兩隻粉最惹味燒賣、豆腐卜、甜薯呢幾類普通嘢當然有，估唔到佢供應埋台灣腸我就好鍾意食台灣腸佢哋個爐設計係用發熱器輸出熱力，所以食完冇燒烤味開頭我諗住會唔會唔夠火力，燒落其實火力好足，係兩邊可能要調一調位，同埋佢係用鏈去自轉勁方便M6和牛可以任食燒大腸燒到皮脆內軟，電熱爐都做到呢個效果魚肉年糕勁正，年糕燒到咁上下會溶食落口感非常好燒賣又係外皮燒到脆卜卜，加孜然粉、辣椒粉勁野未啊燒棉花糖都係必食，平時要燒嘢食先可以食得到最後嘅甜品雪糕都好有誠意，呢個價錢可以任食串燒我覺得真係值得再去

平時燒烤就食得多，但燒烤好易燒得唔均勻，所以今次黎到依間燒烤專門店。佢除左可以任食，仲有自動旋轉嘅燒烤裝置，餐廳仲提供一張燒烤時間建議表，好適合懶人去食，又唔驚燒得唔熟。佢有好多種肉類可以揀，常見嘅豬牛羊雞都有，佢仲提供醬同調味品，有幾種食材值得推介。紐西蘭牛西冷同美國牛肋腩都唔錯，牛西冷肉質好，滲着油花，而牛肋腩食落鬆軟，瘦肥均勻，拍得上平時煎嘅牛扒。五花肉都好值得一揀，因為佢係豬肉裡面最嫩同多汁嘅肉，但食落唔會有過多油脂積聚嘅感覺。佢都有唔同嘅選擇可以揀，烤墨魚丸同魚肉年糕都唔錯，墨魚丸粉感唔會重，中間有墨魚粒，而魚肉年糕係韓國嘅魚糕，味道都唔錯。烤甜薯同菠蘿係每次燒烤都會點，因為蕃薯嘅香甜係好正，而烤菠蘿更加食到菠蘿嘅甜味。而甜品方面，佢可以燒棉花糖同雞蛋仔，佢嘅自動旋轉燒烤裝置令人好滿意，唔會擔心棉花糖燒燶左，燒棉花糖係一定要點。雞蛋仔嘅形狀好似豆沙包，食落都唔錯。佢每人都送一杯Haagen Dazs雪糕，真係好開心。而飲品大部份都係鴻福堂嘅，感覺上好健康。

同朋友book咗位食串grill🍢我哋揀咗星期一至四：7:30前離座，價錢係最優惠的🤩 每人$198 加一，任飲任食兩小時🕖座位好闊～坐得都舒服。店員好詳盡咁解釋俾我哋聽，個燒烤機係點樣運作～而且會有一張燒烤時間建議俾你參考。野食方面我哋都非常滿意🤤我自己就偏愛蔬果類同海鮮類～⭐️⭐️⭐️必試推介：墨魚咀！口感非常好，完全唔乾，而且好Juicy～我自己一個人食咗10串😆另外，蔬菜類既野都要讚😍例如翠玉瓜，秋葵等等，我跟住參考時間去燒，所以食落去完全唔乾，保留到水份👍🏻仲有棉花糖，雞蛋仔都好正🤤野飲方面都絕對高質，有好多鴻福堂既飲品🧃平時任飲任食既放題/打邊爐，最怕係上菜嘅速度好慢🙈但係串grill係絕對冇呢個問題😇👍🏻上菜速度非常之快，所以我哋可以把握時間食都好多串串燒😆最後仲會每人送一杯Haagen Dazs雪糕🍦如果想係室內舒舒服服燒烤，可以試下呢間🥰